benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Promozion ti mass-media: l ejempl dl basch
Cultura

 

L davegnì de n lingaz depen dal gré de adoranza ti mass-media

Chisc dis él ju en ona la pruma stazion radio-tv te internet tl lingaz basch - Ence i rumanc tla Svizra sun l medem troi - Les trasmiscions tres internet á l gran vantaje che i spetadours y i ascutadours ne é nia plu liés a n orar, ma ei pò les ascuté canche ei á plu dlaorela - Net nia pro la RAI ciamò - L assessour Mussner y la Consulta Ladina taia depierpul contribuc a sostegn di mass-media a dann di Ladins

Sun scomenciadiva dl "Grupo Proyeccion" de Bilbao él ju on-line chisc dis la pruma stazion radio-tv basca sun internet. Duc i programs vegn trasmetus tl lingaz basch, clamé euskara, con l fin de l promueve amplamenter te internet. N sit scempl, saurì da navighé y informatif. Al é cler che l davegnì de n lingaz depen - dlongia n bon ensegnament te scola - dal gré de adoranza ti mass-media, enscí i promotours. La televijion y l radio rumanc tla Svizra fej da n pez l medem, feter dutes les trasmiscions radiofoniches pò vegnì ascutedes su ence tres internet da vigni ora, zenza ester liés a n orar.  Da vedei él tamben l teletext. Plu che al n'é da garat, plu d'utl él. En gran contrast sta la politica dla SVP te Südtirol devers i Ladins dles Dolomites.  L assessour provinzial a la cultura ladina y a les mendranzes Florian Mussner adum a la Consulta à chest ann enfinamai taié de cotant i contribuc a chestes iniziatives desche an pò lieje tla ultima USC di Ladins te na intervista al president dla Jonta, Luis Durnwalder, che dij depierpul sun na domanda: i ne sé net nia. Cie strategia stal pa viadedò? se damana la redazion. L melcontent cresc do l mote. A mandreta: l emblem dl radio y dla televijion rumancia.


metù ite da noeles ai 24 August 2004 da les 10:26:49 (1028 liet)
(liej inant... | 3471 letres | 1 comentars | ponc: )


Dizionar talian-furlan sen entier tla rei
Friul

 

Zuan Nazzi à sclut ju n laour epocal

Sen vuelel ester na adoranza viva tla vita da vigni dì, dantfora ti mass-media

L dizionar nuef talian/furlan - furlan/talian de Zuan Nazzi Matalon, dé fora da la Clape Cultural Aquilee y stampé da la Designgraf dl 2003, é da en valgunes edemes tla rei con azes lede a duc. L dizionar, che an pò zenzauter definì n laour epocal, contegn passa 57 mile vocabui con laprò na ampla fraseologia. Al ne contegn nia demé l vocabular tradizional, ma al é atualisé per i temps d'aldidancuei, sclujan ite ence termins aministratifs y scientifics.  Al é l majer dizionar talian/furlan y enzescul realisé enfin a sen y chel da blot persones privates, zenza n aiut da les istituzions. L internet arjonj de gre en gre n majer rai de comunicazion y l avei da garat ence massaries linguistiches on-line é na ghiranza di temps.

Zuan Nazzi Matalon, autour dl dizionar Nuef. La Clape Cultural Aquilee à dé fora ti ultims agn centenes de publicazions y à dassen critiché les istanzes ofiziales che fova do sia minonga massa peigres desche l "Osservatori de lenghe furlane" (OLF) che dova dé fora  n dizionar bilingh talian-furlan che ne é endere mai ruvé a termen.


metù ite da noeles ai 22 August 2004 da les 09:31:46 (1519 liet)
(liej inant... | 9398 letres | comentars? | ponc: )


Litabelté dl President Durnwalder
Politica

 

Durnwalder fova litabel

L recurs prejenté da n valgugn zitadins é vegnú traté encuei - L Procuratour Tarfusser volova mané inant l recurs a la Court Costituzionala

Encuei juebia, ai 19 de aost, á l colege de 3 vicars presiedú da Edoardo Mori dezidú sun l recurs prejenté da en valgugn zitadins - anter chisc ence 2 gherdeines  y con l sostegn politich dl partí di Verc - sun la litabelté o manco dl President dla Jonta provinziala dr. Luis Durnwalder en gaujion dles ultimes lites  provinziales de november dl 2003. Al fova tl medem temp component dl Consei dla sozieté Sadobre de chela che la provinzia é patrona a maioranza.  L colege á desbuté l recurs y deponará anter 10 dis la sentenza con la motivazion revardenta.


metù ite da noeles ai 17 August 2004 da les 08:47:06 (728 liet)
(liej inant... | 2408 letres | comentars? | ponc: )


50 agn Cesa di Ladins a Urtijei - valch fora dla storia
Cultura

 

La Cesa di Ladins dal 1954 al 2004

Dl 1978 y dl 1983 él bele vegnú fat ampliamenc, sen fóssel endò debujegn - Dutaorela nia sclarida la chestion dl finanziament

Pernanche la seconda Vera Mondiala fova fineda y les does ditatures, che ova per agn alalongia comané te nosc luesc, fova desmetudes, podova la liberté y la democrazia endò pié pé. Les raijes dl ladin ne fova ciamò nia secedes, ma ales podova endò revive y se lascé vedei. N valgugn ladins se à abiné y à defata metù su la Union di Ladins de Gherdeina. L Consei messova tl prum se abiné privatamenter o te valch ostaria. Al fova scialdi debujegn de avei na senta per podei laoré inant. Enscì àn scomencé a se cruzié, ma co fé zenza mesi finanziars? N valgunes persones de gran ardiment y de gran scomenciadiva con a cef l president da enlaouta bera Franz Prugger con l aiut finanziar de bera Giuvani Stuflesser de Petlin y dla Union Generela di Ladins, á brancé ite la chestion. 

 


metù ite da noeles ai 16 August 2004 da les 15:33:53 (901 liet)
(liej inant... | 5374 letres | comentars? | ponc: )


Université de Bulsan
Cultura

 

Raprejentant ladin tla Jonta dla Université de Bulsan

Carlo Willeit: I Ladins á bele dl 2002 mené do la chestion y al ne é nia dret che chest ne vegne nia dit

Al ne é nia n caje soul: nia die ca él che an á copié ju l statut de autonomia per ladin y metù fora  "l statut de autonomia finalmenter ence per ladin gherdeina y badiot", desche al fossa sté na "arjonta". Da agn fòvel bele dantman does de bones traduzions te n ladin standardisé y fates en colaborazion con giurisc', nia demé enscí do ceina, ma do n grum de encontedes oláche vigni parola é vegnuda peseda. Chisc dis él gnú dé tres la notizia che i ladins á finalmenter na raprejentanza tla jonta dla Université de Bulsan (biblioteca) tla persona de Theodor Riffeser, diretour dl IPL, ma inió ne végnel dit che la scomenciadiva y la ghiranza é pieda via dl 2002 dai LADINS. An ne vuel nia dé pro chi che á metú a jí chestes cosses, dij Carlo Willeit.


metù ite da noeles ai 16 August 2004 da les 11:48:10 (753 liet)
(liej inant... | 3155 letres | comentars? | ponc: )


La Cesa á debujegn de vegní restrutureda
Cultura

 

Festa per i 50 agn dla Cesa di Ladins

Senta dla Union di Ladins de Gherdeina, dla Union Generela, dl Museum de Gherdeina, dla Usc di Ladins - na ciasa plena de ativités a ben de cultura y lingaz

Al é saurì da se imaginé la truepa storia, les truepes recordanzes con de vigni sort de emozions positives, ma ence les truepes persones che à laoré de volontariat o che é ence demé passedes tres un o l auter salament dla Cesa. Da auzé fora él ence la gran cumpeida de  ativités culturales de vigni vers y les manifestazions popolares desferentes che é vegnudes metudes a jì sot a chest tet.


metù ite da noeles ai 12 August 2004 da les 11:40:17 (1082 liet)
(liej inant... | 6093 letres | comentars? | ponc: )


Union Generala di Ladins dles Dolomites
Cultura

 

Nani Pellegrini si dice seriamente preoccupato 

Seduta del direttivo della "Union Generela" - prove durissime, anche se non le manca il pieno appoggio dei delegati di tutte le valli e quello della maggioranza dei 18 sindaci - L'assessore alle minoranze Florian Mussner (Svp) taglia intanto i contributi e boicotta - Articul sourantout dal Alto Adige

de Berto Videsott

L’Unione generale dei Ladini che abbraccia tutte e cinque le valli ladine delle Dolomiti: Val Badia, Gardena,  Fassa, Livinallongo con Colle Santa Lucia ed Ampezzo, compie il prossimo anno i cento anni, ma è costretta a subire prove durissime, anche se non le manca il pieno appoggio dei delegati di tutte le valli e quello della maggioranza dei 18 sindaci. Cento anni di lavoro, d'intrecci al fine di mantenere i legami culturali tra tutte codeste valli sembrano destinati ad essere misconosciuti dal partito della SVP. Non solo non si accetta di parlare di riconoscimento ufficiale della Union Generela di Ladins dla Dolomites da parte della provincia di Bolzano, ma le si dichiara apertamente guerra. Da sinistra: il presidente della Generela Nani Pellegrini, Fabio Chiocchetti e il vice-presidente Egon Vinatzer.


metù ite da noeles ai 12 August 2004 da les 10:47:00 (1005 liet)
(liej inant... | 5725 letres | 1 comentars | ponc: )


Union Europeica y mendranzes
Politica

 

Eblul y Eurolang scluj

N pont de referiment a Bruxelles va enscì a perde

L Ofize Europeich di lingac manco deslargés (Bureau for lesser used languages -EBLUL) con senta a Bruxelles vegnirà sclut. L medem destin ti tocaràl ence a l'agenzia informativa Eurolang. La debata entourn la Costituzion Europeica y la Cherta di derc basics dova perauter adentene n tel svilup. Fondamentalmenter se tràtel de n'amiscion che al mancia l interes de tegní en pé de tel strutures a livel de Comiscion Europeica. La Cherta per i lingac regionai y minoritars y la Convenzion cheder per la sconanza dles mendranzes nazionales ne à nia out  l orientament tla Comiscion.


metù ite da noeles ai 09 August 2004 da les 23:57:35 (789 liet)
(liej inant... | 2285 letres | comentars? | ponc: )


Université Ledia de Bulsan
Aministrazion


Theodor Rifesser reprejentant ladin tla Jonta dl’Université

Do che al é jù en doura les mudazions dl statut universitar

Ajache deguna dles does enciaries da vizepresident tl consei de aministrazion dla Université Ledia de Bulsan ne é corida da n Ladin, se à l assessour ladin Mussner fat inant che n reprejentant dl grup de rejoneda ladina ruve te jonta. Ence l president dl consei de aministrazion dl’Université Friedrich Schmidl, fova dla minonga de abiné na soluzion che respete l grup de rejoneda ladina y à enscì porté inant la proposta de fé na mudazion al statut. Chesta adorova endere l bensté da Roma.


metù ite da noeles ai 02 August 2004 da les 19:51:10 (843 liet)
(liej inant... | 1772 letres | comentars? | ponc: )


Documentazion storica: Antone Pizzinini
Persones

 

Siour Antone Pizzinini

Dl 1833 ova Micurá de Rü metù adum na gramatica, dl 1870 ova l degan Janmatie Declara dè fora l "prum liber ladin"  te n temp che al ne fova deguna politica, ma truep idealism y entusiasm 

A conservé y coltivé cultura y lingaz ladin tles Dolomites á porté pro truepes personalités che auda de vegnì recordedes con reconescenza y desche ejempli ence tl davegnì, anter chestes siour Antone Pizzinini che á metú adum un di prums vocabulars dl ladin dla Val Badia.  Al se enchedra tla tradizion de na schira de prevesc dant da el:  dl 1833, gran sensazion, proa Micurà de Rü de enjigné n lingaz scrit unifiché per duc i Ladins dles Dolomites.  Dl 1864 scriv Josef Anton Vian, plovan a Urtijei, nasciù te Fascia na gramatica dl ladin de Gherdeina. Dl 1870 dà fora l degan Janmatie Declara l "prum liber ladin". Con Angelo Trebo (1862-1888) fej la leteratura ladina l vare tla poesìa lirica. L poet, storich y filologh Tita Alton (1845-1900) à coiù adum liejendes y tradizions. Hugo de Rossi (1875-1940) à scrit n vocabolar fascian.  Vignun à giaté na sburla y é jus inant con cie che al fova vegnù conservé y coltivé da les persones dant da ei, desche Arcangiul Lardschneider de Ciampac che à dè fora n vocabular dl ladin de Gherdeina dl 1933, Salvester Erlacher che à publiché dl 1949 l foliet "Nos Ladins"  y d'autri.


metù ite da noeles ai 07 August 2004 da les 23:28:09 (1018 liet)
(liej inant... | 9216 letres | comentars? | ponc: )


Sun la striara dla lege 482/99
Friul

 

Na agenzia aposta sourantol la politica linguistica

La Agjenzie regjonal pe lenghe furlane (ARLeF) tegnuda a batum enier a Triest - Ala á la funzion de promueve l furlan y de garantí sia unité soura dut l teritore dla Region

La Jonta Regionala dl Friul-Venezia-Giulia à aproé enier a Triest sun proposta dl assessour a la cultura y a les identités linguistiches Roberto Antonaz l statut dla ARLeF, la Agjenzie regjional pe lenghe furlane (Agenzia regionale per la lingua friulana) che arà sia senta a Udin. Sie fin primar é chel de porté inant azions de politica linguistica unitares te duta la region, garantian na unité dla comunité furlana. Chesta arjonta nueva di furlans se enchedra tla striara de revendicazions do la lege regionala dl 1996 y dantaldut la lege nazionala 482/99. Ala ne messessa nience plu doré die che la RAI taliana mete man con trasmiscions tla televijion y tl radio. Chesta Agenzia fova una dles ghiranzes dl Comité furlan 482/99.

metù ite da noeles ai 06 August 2004 da les 18:50:25 (1220 liet)
(liej inant... | 5927 letres | comentars? | ponc: )


L Parch Natural dles Dolomites Furlanes
Natura

 

Tles autres Dolomites misteriouses

Sun les pedies di dinosaurs tl Parch dles Dolomites Furlanes con sies pizes enciournentes y nia-conesciudes

Per chi che volessa jí n iade enzaul d'auter su per mont, sen che les Dolomites zentrales é souraplenes de turisc', pòl zenzauter ti vegní aconsié l parch Natural dles Dolomites Furlanes che se desten tla pert ozidentala dl Friul anter i flums dl Taiament y dl Plaf, nia tant dalonc da nos, n raion dutaorela scialdi salvar y con truepes belezes naturales.

Il Puarton dai Monfalcons.


metù ite da noeles ai 04 August 2004 da les 21:22:05 (1402 liet)
(liej inant... | 3076 letres | comentars? | ponc: )


ValBadia Jazz 2004: encuei peia via la roda de conzerc
Cultura

 

Sons de jazz y blues da encuei inant

Informazions sun i singui grups che tol pert al Valbadiajazz 2004 pò gní cherdedes su sun l sit internet dl Jazzfestival

Encuei peia via tl'Alta Badia l prum conzert dl ValBadiajazz Festival con trueps inoms conescius tl ciamp dla mujiga blues y jazz taliana y internazionala. I organisadours, Christian Pescosta (a mandreta) da Corvara y Alessandro Trebo (a manciancia) da San Martin de Tor, unis tl duo ChrisAlide, tegnirá enstesc n conzert tl cheder dl festival. I on tout la ocajion de ti fé en valgunes domandes ai doi joegn che sona bele da plu agn deberieda desche ChrisAlide, ma ence te d'autres combinazions y da soui te trueps conzerc tla provinzia y te duta l'Italia encerch. La gran pascion per la mujiga  é steda la sburla per mete a jí chestes seires. Con l mp3-player sun la manciancia podeise ence audí n valgugn toc dl duo ChrisAlide.

metù ite da noeles ai 03 August 2004 da les 15:55:30 (1595 liet)
(liej inant... | 10536 letres | comentars? | ponc: )


La Plie da Fodom: recordanza a Catarina Lanz ai 31 de messel 2004
Cultura

 

Duc chi che azeteia la despartizion ladina, aproveia la politica fascista de Mussolini 

Paroles de Lois Trebo en gaujion dla recordanza di 150 agn da la mort de "Catarina Lanz, la joena da Spinges" ai 31 de messel 2004 a La Plie de Fodom en prejenza de compagnies de scizeri da dutes les valedes ladines y dles autorités

de Lois Trebo

I recordon encuei Catarina Lanz, conesciuda con l inom de Joena da Spinges, nasciuda a Al Plan de Mareo l ann 1771. Catarina Lanz ova defenù enlaouta con la fourcia la gliejia da Spinges. La gliejia, la religion, la familia fova per nosc antenac valch tant de gran che al paiova la mueia da jì contra l nemich risian la vita. De tel festes desche chela da encuei dess nes dé la ocajion da pensé do, sce chi valours che fova al temp de Catarina Lanz ciamò sacrosanc, vel ence aldidancuei o nia. Foto: scizeri da Urtijei. Zacan defenova i scizeri i confins. Encuei puecia y net deguna vijion interladina dla chestion.


metù ite da noeles ai 02 August 2004 da les 10:11:31 (1331 liet)
(liej inant... | 8896 letres | comentars? | ponc: )


Comentar al Di dla Unité Ladina
Politica

 

Il parroco chiede, l'assessore Mussner smentisce 

N comentar al Dí dla Unité Ladina comparú sun l foliet "Alto Adige"

de Berto Videsott

"La Giornata dell'Unità ladina", celebrata 15 giorni fa a Livinallongo ai piedi del castello di Andrac, non ha avuto sulla stampa e nei mass-media in generale l'eco che le spettava. Il settimanale ladino, La Usc, le ha dedicato tre pagine con abbondanza di documentazione fotografica per quanto concerne l'aspetto folcloristico, musicale e teatrale. Una festa riuscita, viene detto. E nulla di più. Hanno preso la parola vari personaggi del mondo della cultura ma anche della politica. Cosa abbiano detto resta un mistero. Comunque, del grande significato storico della Giornata dell'Unità interladina un bel niente.


metù ite da noeles ai 30 July 2004 da les 22:43:27 (1533 liet)
(liej inant... | 4169 letres | 1 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.915 seconc