benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Université de Dispruch: 100 agn Istitut de Romanistica
Manifestazions

 

100 agn Istitut de Romanistica a Dispruch

Gran cumpeida de manifestazions a recordanza dl aniversar - Truep peis ti végnel ence dé al ensegnament dl ladin - 2 professours universitars ladins laora laprò - Relazion dl prof. univ. dr. Paul Videsott

L Istitut de Romanistica dla Université Leopold-Franzens de Dispruch complesc chesta outa i 100 agn de vita. Per recordé chest aniversar toron él vegnù envié via na schira de scomenciadives che dess valorisé l'emportanza dl stude romanistich. L Istitut de Romanistica é vegnù fondé ofizialmenter ai 02 de aost dl 1904 desche „Seminar de filologia romanza” do che al fova bele vegnú istituí la catedra de filologia romanza ai 02 de setember dl 1899. Chesta catedra fova enlaouta touta ite dal professour Theodor Gartner. Sie interes de archirida scientifica abinova dantdaldut ite l Retoroman (ladin grijon, ladin dles Dolomites y ladin furlan) y l Rumen.


metù ite da noeles ai 14 September 2004 da les 08:28:21 (2541 liet)
(liej inant... | 47792 letres | comentars? | ponc: )


Intervista al ombolt da Corvara, Heinz Kostner
Politica

 

Al fossa falé scluje fora la Generela

Intervista a HEINZ KOSTNER: De bones relazions con i ladins da Souramont, ma ei mess volei gní pro nos

Les minonghes sun la cherdeda ite di ombolc y la funzion, finalité dla istituzion de n tel comité: al respon Heinz Kostner, ombolt da Corvara che nes recorda naouta che i ombolc é bele vegnus cherdés ite plu iadesc y che la cossa s'á spo archité via. Sen vuelen endò mete man da se abiné ence sce la istituzion é n pue zitia, per les desvalivanzes: a en valgugn ombolc ti vála ben, a d'autri manco.
Se enconté magari doi iadesc al ann podessa ester na bona idea, miena Kostner: "I son pu damprò y i on pu feter duc les medemes problematiches. Che al sie Durnwalder o n auter a i cherdé ite á puecia emportanza, al conta s'audí, scuté su les propostes y plu che al nen vegn fat miec che al é. I vedaron cie che al sauta fora." Cie vegnirál pa fat de concret? I vedon naouta cie sort de impostazion che al ti vegn dé al convegn. Les poscibeltés fossa dessegur cotantes.


metù ite da noeles ai 13 September 2004 da les 19:35:43 (965 liet)
(liej inant... | 5430 letres | comentars? | ponc: )


Abineda di ombolc ladins d'otober 2004
Politica

 

"I me dejidreie che l publich vegne informé dantfora"

I ombolc mess fé clareza dantaldut sun la chestion dl lingaz scrit unifiché y sun les poscibeltés concretes de coliament

La proposta de mete a jì na discuscion publica y ledia soura les enciaries y i fins dl consei di ombolc ladins é do mia minonga na basa utla per n confront publich de idees politiches. Sce les rueses florirà depénel dantaldut da la forza dles raijes y da sia volonté de porté fruc. Ivan Lezuo.


metù ite da noeles ai 13 September 2004 da les 08:44:49 (933 liet)
(liej inant... | 2330 letres | comentars? | ponc: )


Comité di ombolc: de otober déssei vegní cherdés ite
Politica

 

N valgunes domandes a duc i ombolc

La proposta de Durnwalder: n dret comité interladin aladò dla lege 482/99

Plu iadesc àn audì dal assessour Florian Mussner che Luis Durnwalder cherdarà ite tl meis de otober duc i 18 ombolc dla Ladinia. L fin pèr de ester chel de mete su n comité che tegne spo i contac anter dutes les valedes. Plu avisa: davia che la lege 482/99 conscidreia per les mendranzes la legalité de n organism interprovinzial y interregional podessa chest comité avei la funzion de coliament. Sce al é rueses, les vedaràn florì. Abinedes di ombolc nen él bele vegnú  tegnù cotantes y zenza fruc: no poms no pers. Na bona marena o ceina y nia deplù: sentedes simboliches che ne à porté a nia. Sce i ombolc de Gherdeina y dla val Badia resta valgamia ferms, muda plu saurì chi dles autres valedes y perchel àn gonot da nen fé con persones nueves con minonghes desvalives. La creazion de n comité dess perchel garantí plu continuité altamo tla formulazion dles propostes, na frecuenza plu regolara di contac y perchel tres na maioura conescenza dles problematiches de val y de provinzia.


metù ite da noeles ai 12 September 2004 da les 09:41:21 (719 liet)
(liej inant... | 4705 letres | comentars? | ponc: )


Comunanza Ladina a Bulsan: viade da d'auton
Manifestazions


Viade tla Val di Mocheni/Bernstol tl Trentin

Da oláche i crameri vegniva zacan adalerch - An peia via en domenia ai 26 de setember 2004 - Prenotazions pro l president Ivan Lezuo

Jean Daniel Granruaz da La IlaDo la vijita fata ai raions zimbresc de Giazza y de Luserna dl 2002 à chest auton la Comunanza Ladina pensé de vijité la Val di Mocheni soura Pergine tla Valsugana, olache al viv da plu de 700 agn na mendranza todescia vegnuda ju zacan da l’auta Baviera. La popolazion mochena, endut 2180 abitanc, é enciaseda da la pert a manciancia dl ruf Fersina/Bersnpoch ti 4 paisc de Frassilongo/Garait, Roveda/Oechlait, Fierozzo/Vlarötz y Palù/Palae anter n’auteza che va da 870 a 1330 metri soura l livel dl mer.

L Filzerhof a Vlarötz/Fierozzo, na vedla ciasa da paur, con solé y tet corí de scianoles y lassoura lignores de peres.


metù ite da noeles ai 03 September 2004 da les 13:53:07 (1006 liet)
(liej inant... | 4990 letres | comentars? | ponc: )


Museum Ladin Ciastel: esposizion
Cultura

 

"L chiet tla scultura"

Artisc’ de Gherdeina tl Museum Ladin: Franz Canins, Hubert Mussner, Otto Piazza y Vinzenz Senoner

En chest vender, ai 3 de setember, végnel daurì tl Museum Ladin na esposizion de cater artisc' de Gherdeina, duc canc con esperienzes de mostres y scric ite pro l’UNIKA.  Ai esponarà si laours ti salamenc dedichés a les mostres temporanes. Al se trata de: Franz Canins, Hubert Mussner, Otto Piazza y Vinzenz Senoner. Foto: Les rondules, n laour de Franz Canins.


metù ite da noeles ai 02 September 2004 da les 14:52:02 (947 liet)
(liej inant... | 2817 letres | comentars? | ponc: )


Intervista a Benni Valentin
Cultura

 

"Pazienza adóren pa ben cotanta!"

Intervista al tecnich Benni Valentin de Badia che á tout su les 15 cianties dl CD nuef "TeraDoloMitica" tl studio de registrazion Davide-Records a Badia - Intervista sourantouta da la USC

Jean Daniel Granruaz da La IlaEl enstes à tout su n CD dant  da doi agn dal titul “Lavabo oculos in montes”, n CD che é ju via tla Val Badia desche panins fresc. I rejonon de Benni Valentin (foto). En chi agn àl ence realisé n sie some: chel de laoré profescionalmenter con la mujiga. Al tol su cianties te sie studio de registrazion che à da mez ann encà na senta nueva a Pedraces. Benni Valentin s'à dagnora tout dlaorela dal auton dl ann passé encà a na moda che l CD dla Union Ciantautours Ladins (UCL) posse vegnì realisé endertura y a n bon livel. Sen ál sclut ju la registrazion y te chesta intervista nes dál n valgunes imprescions sun l laour de registrazion y sun la cualité dla produzion.


metù ite da noeles ai 31 August 2004 da les 17:41:11 (1143 liet)
(liej inant... | 3830 letres | comentars? | ponc: )


Prejentazion dl CD “Tera DoloMitica”
Cultura

 

Cianteme i sons de tia tera!

Chisc dis végnel fora l CD “Tera DoloMitica” con dejenuef grups y ciantautours con cianties originales ladines da cater valedes entourn l Sela. Grana la sodesfazion di produtours

Georg Mussner y Iaco RigoTe na spana de temp de n ann à dejenuef grups musicai da la Ladinia tout su tl studio de registrazions Davide-Records a Badia y SISI-Records a Urtijei la seconda plata coletiva de mujiga moderna ladina. L projet é garaté sun iniziativa dla Union Ciantautours Ladins (UCL) sot a la presidenza de Romano Obwegs y la coordinazion de Iaco Rigo.

Foto: Georg Mussner y Iaco Rigo, da audì sun l CD sciche duo. Georg Mussner à dant da diesc agn coordiné la pruma plata de mujiga moderna ladina “The Best of Ladiniatour”, Iaco Rigo sen la seconda.


metù ite da noeles ai 31 August 2004 da les 14:26:32 (2245 liet)
(liej inant... | 6543 letres | comentars? | ponc: )


Consei de formazion Selva: program da d’auton
Sport

 

Cresce y madurí tres ativités sportives

L projet "Educazion tres l sport 2004" va inant con na lingia de scomenciadives: turnoi dl palé, seira de dias con Karl Unterkircher sun l K2 tl Himalaya, "A n vare dal ciel", film sun l jí a crep dles eles y d'auter

Karl UnterkirchnerEntant chest ultim invern ova les lies de Selva laoré fora deberieda con d’autres lies a livel de valeda l projet  "Educazion tres l sport 2004" metan adum na bela cumpeida de scomenciadives. Da d’aisciuda fòvel vegnú envié via con suzes la pruma pert dles manifestazions. Entant i meisc de setember, de otober y de november va l projet inant con n valgunes scomenciadives nueves: Karl Unterkirchner (foto: sun la piza dl K2) prejentará dias dla espedizion tl Himalaya chest ann, les eles rejonará entourn na meisa torona sun l jí a crep y al vegnirá adalerch Toni Innauer, conesciú sautadour de schi da Dispruch ti agn  '80, per rejoné sun l sport y coche an pò cresce y madurí empera.


metù ite da noeles ai 30 August 2004 da les 15:23:40 (1155 liet)
(liej inant... | 4886 letres | comentars? | ponc: )


Persones: Sergio Masarei
Persones

 

La medaia de merit al maester Sergio Masarei

La comunité ladina ti é debit truep per sies bries a ben de lingaz y cultura ladina ta Fodom

Dal 1964 encà premieia Tirol persones che s’à fat merit per sia jent sun i ciamps plu desvalifs desche la scola, la cultura, l cianté, l soné, la pauraria, l artejanat, l turism, l trafich, i studafuesc, i handicapés, jent vedla y soula, la gliejia, l ambient, l alpinism, l’ert, la leteratura, la storia, les usanzes y tradizions, i scizeri, la formazion y istruzion di cherscius y e. i.. Vigni ann en Santa Maria dal Ciof ti sourandà Dispruch a cotant de persones de dut Tirol la medaia al merit y anter chestes él ence vigni ann valch ladin. En l ann passé à Dispruch per l prum iade premié n ladin fora dles seides da sen de Südtirol, l ex-ombolt de Fodom Bruno Trebo che à sies raijes a Al Plan tla familia de Trebo. Eniann i àla toché al maester Sergio Masarei da pié do la medaia y perchel volonse audì, cie che al à fat per la comunité de sia jent ladina.


metù ite da noeles ai 30 August 2004 da les 12:09:45 (1156 liet)
(liej inant... | 8372 letres | comentars? | ponc: )


50 agn Cesa di Ladins: restruturazion
Cultura

 

Lum verda per l derturament, la provinzia empermet 1 n milion de euro 

Pensiers dl President dla Union Generela, Nani Pellegrini: "La Cesa á daidé superé la despartizion ladina" y dl President dla Comunanza Ladina Ivan Lezuo: "Les paroles de Florian Mussner se ghira n aprofondiment"

En prejenza de truepes autorités él vegnú daurí enseira les festivités a recordanza di "50 agn Cesa di Ladins". Te chesta ocajion á l assessour Florian Mussner lascé alsavei che anter region Trentino-Südtirol y provinzia de Bulsan déssel vegní metú a desposizion 1 n milion de euro per la derturazion y chel zenza che la Union di Ladins de Gherdeina (UGL), patrona dl fabricat, messe zede derc de proprieté. "Na bela scinconda che nes dará ciamò plu ardiment de laoré per la gauja ladina" á dit l president dla ULG, Egon Vinatzer. L preventif per la derturazion dla Cesa se la roda entourn a 3 milions de euro. L rest dess vegní trat su anter comuns, fondazions y eventualmenter n contribut dal Govern de Roma y da l'Union Europeica. Te chest contest él ence da recordé che Carlo Willeit ova dl 2003 tegní su l bilanz provinzial per che al vegnissa metú ite n capitul de finanziament dl derturament dla Cesa di Ladins.


metù ite da noeles ai 28 August 2004 da les 22:55:42 (853 liet)
(liej inant... | 7515 letres | 1 comentars | ponc: )


Comun de Urtijei: no dla Svp
Politica

 

Bula, Runcadic y Sureghes dess ruvé pro Urtijei  

La Svp á dit no enseira a na mozion di Ladins y vuel che la iniziativa peie via empruma da la jent de chestes frazions

Na mozion dla frazion di LADINS, prejenteda enseira en gaujion dla senteda de comun a Urtijei, essa endò n iade podú porté ite moviment te na chestion che vegn tresfora a lum, plu o manco sterch vigni 10-15 agn: les frazions ladines de Sureghes, Runcadic y Bula tl comun todesch de Ciastel dess ruvé pro l comun de Urtijei de chel che ales fej pert sozialmenter y culturalmenter.  Ma l tentatif é vegnú refudé da la maioranza Svp tl comun de Urtijei che á dit "no" a la mozion dla frazion Ladins de mete en pé na comiscion de enrescida che studie les poscibeltés y la volenté dla jent. 


metù ite da noeles ai 28 August 2004 da les 12:34:07 (718 liet)
(liej inant... | 1810 letres | comentars? | ponc: )


Turism: valedes ladines al prum post
Economia

 

L 30% dl turism ruva tles valedes ladines 

L turism entourn l Sela floresc y fej da motor per l'economia entournvia - Al fossa dret che les valedes ladines vegnissa cumpededes statisticamenter deberieda

Les statistiches dl Astat rejona cler. Entourn l 30% dl turism invernal 2003/2004 dla provinzia de Bulsan se conzentreia tles valedes ladines de Badia y de Gherdeina con si gran raions de implanc portamont dl Superski Dolomiti che lieia les valedes ladines entourn l Sela. Sce an pensa che te Fascia rúven tamben apresciapuech al 30% dl turism trentin, spo pòn zenzauter rejoné de n raion a d'autiscima densité turistica che funzioneia desche motor economich per dut l raion regional entournvia sie per cie che reverda l marciadament de bens che lueges de laour. Lascion rejoné les statistiches. L turism sie da d'isté che da d'invern se la roda en gran pert entourn Meisules, vuel dí l massif dl Sela da oláche al peia via a steila les valedes ladines.

metù ite da noeles ai 26 August 2004 da les 17:08:59 (998 liet)
(liej inant... | 13684 letres | comentars? | ponc: )


Formazion profescionala
Economia

 

Da l'eletronica al setour sozial

L codejel nuef sun les ativités de formazion profescionala 2004/2005

Doi iadesc al ann végnel dé fora n codejel di cursc de formazion profescionala. Te chest végnel prejenté duc i cursc de formazion dles scoles profescionales che tol ite ence projec finanziés dal fond sozial dl’Union Europeica. I setours zentrai dl codejel é l’eletronica, la informatica, l ingleis, la segureza sun l post de laour desche ence la gastronomia, l comerz, l management, l artejanat, la industria y l fabriché, la cura dl corp y l setour sozial.


metù ite da noeles ai 26 August 2004 da les 10:24:18 (961 liet)
(liej inant... | 1761 letres | comentars? | ponc: )


50 agn Cesa di Ladins a Urtijei
Cultura

 

Durnwalder: la Cesa à na emportanza fondamentala per la mendranza ladina

Demé Luis Durnwalder dij valch de concret per cie che reverda l derturament - assessour y ombolc scouta

(u.c.)Nia demé Gherdeina, ma dutes les valedes ladines se enconforta n pue a la festa di 50 agn dla Cesa di Ladins da Urtijei. La storia dla cultura interladina peia via da chest fabricat. Al basta pensé che chilò él la senta dl sfuei dla Usc di Ladins, da chilò enfora é vegnudes enjignedes y manedes inant les prumes trasmiscions de radio ladin de Bulsan. La Cesa fej fora zenzauter l majer zenter cultural de Gherdeina, ma gran é ence l contribut che ala à dé al svilup dla coscienza interladina.

Les paroles plu cleres vegn da Durnwalder.


metù ite da noeles ai 25 August 2004 da les 10:29:46 (778 liet)
(liej inant... | 3197 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.382 seconc