benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Fascia: does listes ladines en concorenza
Fascia

La UAL sun www.movimentual.it

Chest iade mess la UAL se mesuré te Fascia con na lista ladina concorenta "Lista Fassa"

Ence te Fascia végnel metù a jì chisc dis n grum de manifestazions politiches sibe da pert dla UAL (Union Autonomista Ladina) lieda al zenter-ciancia con Lorenzo Dellai che da pert dla lista "Fassa" (con Gino Fontana a cef) lieda al zenter mandreta de Sergio Divina. Sen à la UAL ence sia prejenza te internet a la miscion www.movimentual.it olàche al vegn splighé tl detai program y prejenté duc i candidac.

 


metù ite da noeles ai 14 October 2008 da les 18:37:14 (623 liet)
(liej inant... | 1958 letres | comentars? | ponc: )


Consei de comun de Urtijei: no a la mozion sun la doura dl lingaz ladin
Scola

Les comunicazions de scola: a Urtijei se féjen ert da reconesce l ladin

La direzion didatica de Urtijei ne se tegn nia al trilinguism, ma met dantaldut l todesch dantcà - Mozion di Ladins te consei

Denant che pié via a scola à la direzion scolastica de Urtijei mané fora deplù comunicazions, ma dagnora demé bilinghes, per todesch y talian, condut che al se trata de na scola "dles valedes ladines" che é perauter - sciche istituzion publica - ence tegnuda al trilinguism desche vedù dantfora da la lege n. 574/88, art. 32 y dal statut de autonomia che à istituì la "scola di luesc ladins". A Urtijei ne él nia la pruma outa che chest suzed. I conseiers dla lista Ladins te comun à perchel porté ite te consei na mozion per spenje ofizialmenter la direzion didatica da adoré y respeté dlongia l todesch y l talian ence l ladin. La mozion é vegnuda trateda te consei de comun ai 24 de setember. Ma ciala medré: la maioranza dl consei se à destanzié da la mozion, ence l diretour dl Istitut ladin Micurà de Ru y assessour comunal Leander Moroder con de vigni sort de vertoles. L consei de comun y la Intendenza ladina se lava les mans.

 


metù ite da noeles ai 08 October 2008 da les 17:27:47 (664 liet)
(liej inant... | 8471 letres | comentars? | ponc: )


Lites provinziales 2008: LADINS DOLOMITES
Politica


"Tegnon adum! per mané n raprejentant a Bulsan

I Ladins ne dess nia dagnora messei petlé, ma con LADINS DOLOMITES podei ghiré tla politica

"TEGNON ADUM", chest l slogan de LADINS DOLOMITES per chestes lites provinziales 2008. Enseira él vegnù tegnù a Bulsan la seconda enconteda publica fora dles valedes ladines. Trueps é stés i temesc portés tant y debatus. Ala ne sarà nia saurida, ma al và debujegn che i ladins mete dut sie peis tla politica per ne resté nia petleri eterns sciche Pepi Dejaco à dit y chi pò pa rejoné con na majera autorité che el che à vedù les pratiches politiches dla Svp dal daitefora.

COMENTAR

Dassen bona la imprescion sun la lista dl moviment „Ladins Dolomites” che se à prejenté enseira a Bulsan tla Ciasa Kolping. Propi n bel grup de joegn y de chisc à la maiour pert n titul universitar, ma souraldut n spirit de militanza per la mendranza ladina. Propi degun fanatism, ma idees y cotant de volonté de dé sie contribut a daidé mudé l “status” di ladins.



metù ite da noeles ai 01 October 2008 da les 20:51:28 (664 liet)
(liej inant... | 8806 letres | 1 comentars | ponc: )


LADINS DOLOMITES damana do l consens
Politica

LADINS DOLOMITES, met man fora de "ciasa"

Les reunions politiches publiches à metù man a Vahrn/Persenon en juebia passeda - Te vigni paisc tles valedes una na reunion tl meis de otober

En juebia passeda à LADINS DOLOMITES metù man a Vahrn dlongia Persenon con na lignola de encontedes publiches che à metù man fora dla Ladinia y che jirà inant endoman a Bulsan, da les 20.30 tl salf Kolping, a Cluses y a Maran ti proscims dis y spo de en gre via te vigni paisc dla Val Badia y de Gherdeina con does de gran manifestazions conclusives a Badia y a Urtijei puec dis dant les lites. La cumpeida de oujes de consens che LADINS DOLOMITES pò cueie adum fora dles valedes ne é nia da sotsciazé per n suzes lital. Per arjonje n mandat de rest vàl debujegn de abiné adum almanco cheles 5.000 oujes. Vigni centené de oujes abinedes tles zités de Sudtirol, Bulsan, Persenon, Bornech y Maran, olàche al viv tradizionalmenter valch cenc de ladins, é perchel dassen emportant. Tles valedes ladines de Badia y Gherdeina él aladò dles ultimes lites entourn a 12.000 litadours.

 


metù ite da noeles ai 29 September 2008 da les 17:25:40 (466 liet)
(liej inant... | 6378 letres | comentars? | ponc: )


Prejentazion de LADINS DOLOMITES a Santa Cristina encuei
Politica

LADINS DOLOMITES: prejentazion amez i colours ladins

I ladins é sotraprejentés tl consei da Bulsan, i numeri ne ment nia y an ne i pò nia loghené

Image Hosting by PictureTrail.com
En sabeda ai 6 de setember s’à i candidac dla lista Ladins Dolomites prejenté ufizialmenter sun Mont de Pana a Santa Cristina/Gherdeina. La natura con si colours, l vert di pres, l blanch dles Dolomites y l brum dl ciel, à fat da culissa a n moment che i podon zenzauter definì storich. I candidac de piza Ica Goller y Pepi Dejaco à rejoné di ponc plu emportanc dl program y à sotrissé les rejons dl liam dles listes Jent Ladina Dolomites y Ladins. Al é n liam che simboliseia la volonté de unité y de laoré deberieda per l ben di ladins y de Südtirol. Ladins Dolomites é na lista interladina con reprejentanc da dutes les valedes entourn al Sela, na lista ladina tl cuer y tl'anima.

 


metù ite da noeles ai 07 September 2008 da les 10:20:41 (1194 liet)
(liej inant... | 9384 letres | comentars? | ponc: )


Lites 2008: volonté de unité di ladins
Politica

Pro les lites, dijon cler: nos volon la unificazion per ester n popul

Nos son dant a n gran aveniment - Les lites: na ocajion che i ne podon nia nes enjomé via!

Al é massa chiet. Al mancia puech plu de n meis a les lites regionales dl 26 de otober. An ne conesc nia ciamò la lista de duc i candidac, ence sce al é bele vegnù comuniché da pert de LADINS Dolomites n program de diesc ponc. N vare bendebot gran él empò suzedù: la Lista Ladins é steda bona de se mete a una con autri ladins per renforzé sia posizion y garatan na lista nueva: Ladins Dolomites. L inom nuef dij cler che an va tl vers de na Ladinia unida, cis do l bel resultat dl referendum de i Souramont. La speranza é chela che al tome demez la distinzion anter ladins todesc y ladins talians y che an feje n bon iade tré dant la unité di ladins. Pro chestes lites de otober ne conta nia tant l program economich, ma dantaldut la volonté, l messaje politich.

 


metù ite da noeles ai 03 September 2008 da les 19:11:29 (588 liet)
(liej inant... | 4128 letres | comentars? | ponc: )


UAL-JLD - enconteda a Cianacei
Politica

En mercui a Cianacei: programs y idees per unì i ladins

Chest mercui da les 18.00 enconteda moviment "Jent Ladina Dolomites" con la UAL

En chest mercui, ai 3 de setember, da les sies da seira, te Ciasa de Comun da Cianacei, vegniràl tegnù na reunion de "Jent Ladina Dolomites", organism politich pan-ladin refondé a Corvara ai 28 de auril en chesta outa, sun les pedies dl moviment  metù su do la seconda Vera mondiala da Sisto Ghedina, Sisto de Bigontina y Guido Jori Rocia, protagonist dla manifestazion storica che ai 14 de messel dl 1946 à abiné adum 3000 ladins sun l Jouf de Sela per revendiché unité y destin comun per duc i Ladins dles Dolomites.

 


metù ite da noeles ai 01 September 2008 da les 21:57:34 (576 liet)
(liej inant... | 3025 letres | comentars? | ponc: )


Les aspirazions de Zent Ladina Dolomites: unité di ladins pro Sudtirol
Politica

Zent Ladina Dolomites: y Jent Ladina Dolomites encuei

Al é da se aodé che l destin dl terz tentatif, „Jent Ladina Dolomites / Ladins Dolomites“, vegne demé influenzé da la volonté di Ladins enstesc 

de Paul Videsott


L'université de Bulsan
Repartizion Ladina 
chier
1 COLABORADOUR/ESSA SCIENTIFICH/A
per n projet de corpus y de vocabolar ladin. L post é da atira per un n ann y pò vegnì arlongé. Al vegn damané na bona conescenza dl ladin y souraldut la pazienza y la volonté da laoré con material bibliografich y de archif. Al vegn pité n laour interessant te n ambient academich. Les domandes con n curriculum vitae é da dé ju per i 19 de setember 2008 a:
Prof. Paul Videsott - Repartizion Ladina - Facolté de Scienzes dla Formazion / Fakultät für
Bildungswissenschaften
Bahnhofsstraße 16
 39042 BRIXEN/Persenon
Informazions plu avisa él da ciafé pro l prof. Paul Videsott, mail:
paul.videsott@unibz.it; tel.: 0472 014801

Doi documenc d’archif nes dà informazions nueves y emportantes sun la fondazion dl moviment politich ladin „Zent Ladina Dolomites“ de jugn dl 1946 sun Jouf de Frera y sun sie raport con la SVP. Dilan al dr. Toni Sotriffer (Urtijei/Bulsan), fi de Tone Sotriffer sen. („Tone da Pedetliva“, un di fondadours de „Zent Ladina Dolomites“ dl 1946), onse ciafé tles mans doi documenc d’archif dl 1946, che descriv tl menù coche l moviment politich ladin „Zent Ladina Dolomites“ é nasciù y cal che fova sie raport con l partit de maioranza SVP. L prum document é l protocol dla senteda costitutiva de „Zent Ladina Dolomites“ ai 15 de jugn 1946 sun Jouf de Frera, l secont é na cherta dla direzion raionala dla SVP de Puster ai membri ladins dla SVP, olache al vegn descrit y valuté dal pont de veduda „sudtiroleis“ la nasciuda y l laour de „Zent Ladina Dolomites“.


metù ite da noeles ai 30 August 2008 da les 19:11:41 (678 liet)
(liej inant... | 26668 letres | comentars? | ponc: )


Roberto Maroni: Ie son con vos
Politica

Maroni a Bigontina: "le son da vosta pert"

L Minister ai Interns, Roberto Maroni (Lega Nord), à clermenter dit de ester da la pert di Ladins tla chestion dl referendum da souramont 

Dant a 2 dis se à abiné na picera delegazion ladina con a cef Siro Bigontina (comité de Anpezo) con l Minister ai Interns, Roberto Maroni. Bigontina à podù rejoné plu de 1 na ora empera. Desche Siro Bigontina à dit fova l minister dret informé sun la chestion dla tripartizion fascista di ladins y sun l referendum de otober dl 2007.

Roberto Maroni y Siro Bigontina en gaujion de sia enconteda dant doi dis.


metù ite da noeles ai 28 August 2008 da les 20:13:41 (594 liet)
(liej inant... | 2963 letres | comentars? | ponc: )


Volksliedersammlung Gartner: 4200 cianties popolares
Cultura

N tesaur: les cianties popolares coiudes adum da Gartner

Prejentazion en mertesc y mercui dla "Regoeta Gartner" a Trent y a Vich de 3 volums - Antonella Ruggiero ciantarà ai 14 de setember a Cianacei y ai 15 a Trent "Cianta Vilotis"

En mertesc, ai 9 de setember, végnel prejenté la "Regoeta Gartner": n tesaur retroé de cianties populares ladines, toutes da la abineda de cianties  "Volksliedsammlung Gartner (1904-2008)" con la partezipazion dla ciantarina Antonella Ruggiero: da les 11,  tla sala Rosa tl  palaz dla Region a Trent y l di do, en mercui, ai 10 de setember, da les 17.30, tl museo ladin de Fascia a Vich. Al se trata de na abineda de entourn a 4200 cianties popolares  (tesc' y incipit), con zirca 740 trascrizions musicales, partida su te trei volums, na arpejon de valuta y de gran enteres etnomusicologich. La "Volksliedsammlung" dova deventé na opera monumentala. Ala é vegnuda scomenceda dl 1904 da Theodor Gartner (glotologh y ladinist dla Université  de Dispruch) tl cheder dla enrescida metuda a jì dal Minister per la Cultura austriach te dutes les regions dl Imper Asburgich da enlaouta. L jì cialà dla Gran Vera dl 1914 amarsceia endere sia fin.


metù ite da noeles ai 28 August 2008 da les 19:14:25 (798 liet)
(liej inant... | 6021 letres | 1 comentars | ponc: )


Politica ladina: devers les lites 2008
Politica

Mussner: la invenzion de Durnwalder

La Svp ladina che se enconta encuei sun l jouf de Frera depenj na situazion dut bona y bela y n assessour che à fat ben sie laour - La realté é endere autramenter 

La desferenzia ne podessa nia ester plu scraienta: da una na pert onse n candidat ladin sun la lista dla Svp, un soul metù al secont post, atira do Durnwalder.  Da l'autra pert onse la lista Ladins Dolomites con entourn a 30 candidac. Al é cler che na lista ladina é na soluzion plu democratica che un n soul candidat metù dal aut ju. Sciche duc sà, él sté Durnwalder che à chirì fora enlaouta dl 2001 Florian Mussner desche assessour cherdé da foradecà, belunfat cie che la Svp ladina se empensova enlaouta. "El é mia invenzion" à dit y dij Durnwalder dagnora endò con n cert plajei de sia creazion Mussner.


metù ite da noeles ai 27 August 2008 da les 18:50:18 (593 liet)
(liej inant... | 5820 letres | 1 comentars | ponc: )


Lites provinziales 2008: Ladins Dolomites tost enjignés
Politica

LADINS DOLOMITES: la lista dles candidates y di candidac é sen enjigneda

Prejentazion ofiziala en sabeda, ai 6 de setember, tla ostaria Cendevaves sun Mont de Pana/Santa Cristina, da les 11.00

L diretif jont de "Ladins Dolomites" laora bele da edemes per enjigné ca la lista per les lites provinziales de chest auton. Sen ésen finalmenter ruvés pro i ultims detais. Al sarà na lista plena de 34-35 persones lassoura, anter chestes 10 eles y 24-25 ei, 11 laureés de vigni sort, da primars de ospedal a enjiniers. Laprò él ence na laureeda de lingaz todesch.


metù ite da noeles ai 22 August 2008 da les 18:33:10 (566 liet)
(liej inant... | 2710 letres | comentars? | ponc: )


Wilhelm Egger: n vescul democratich, ascort y valent
Persones

 

Can pa endò n vescul tant amich di ladins?

Wilhelm Egger

Tant grana é steda la sperduda y la mueia per la mort dl vescul Wilhelm Egger che al me parova imposcibel de creie y de messei scrive valch sun sia personalité. Na persona dassen sensibla ti confronc di grups etnics prejenc tla region. N studious de Bibla che sentiva l debujegn de giustizia y dl tratament unfat de duc i zitadins. Con l vescul Egger é vegnus i ladins reconescius desche grup etnich desvalif da chel todesch y talian.

L vescul Wilhelm Egger deberieda al Papa en gaujion de sia vijita chest ann.

 


metù ite da noeles ai 19 August 2008 da les 22:25:35 (1036 liet)
(liej inant... | 5608 letres | 1 comentars | ponc: )


L vescul Wilhelm Egger ne é nia plu
Persones

 

L vescul Wilhelm Egger ne é nia plu anter nos

Wilhelm Egger

L vescul dla diozeja de Bulsan-Persenon Wilhelm Egger é mort en sabeda seira da les 19.20 per gauja de n bot al cuer. Ajache l vescul ne vegniva nia a ceina é la cuega juda a l chirì y l à ciafé da nescia te bagn. Al é atira vegnù clamé l mede de emergenza che à prové na reanimazion, ma debant. La novela dla mort, con apeina 68 agn, à desconcé dassen tla provinzia y sourafora. En domenia à les ciampanes dl dom da Persenon soné 10 menuc alalongia per dé tres la burta novela. Endoman mertesc végnel tegnù tl dom de Bulsan n requiem per l vescul y dedò vegniràl condut a Persenon tl seminar di prevesc olàche al vegnirà tegnù corones y vedlé enfin a en juebia, ai 21 de aost, da les 12.00 canche al vegnirà tegnù les funzions de sepoltura y dedò sepolì tla navada a man ciancia dl dom.

L vescul Wilhelm Egger ova tout pert a deplù cursc de ladin y à sostegnì la liturgia ladina.

 


metù ite da noeles ai 18 August 2008 da les 21:11:27 (828 liet)
(liej inant... | 5680 letres | comentars? | ponc: )


Bandiera ladina: tl Beluneis la tòlei ca desche al fossa la sia
Politica

Bandiera ladina: i neo-ladins la tol ca sciche ala fossa sia

Teresa Pezzei, conseiera de comun de Fodom y conseiera dl Istitut Cesa de Jan, fej la proposta de mudé ju la bandiera ladina

Na stritaria vedla meina endò flames ta souramont: i neo-ladins de Belun tol ca la bandiera ladina desche sia, sceben che ai ne à storicamenter nia da fé empera. Al é na blota falsificazion storica. La bandiera ladina é nasciuda ai 5 de mei dl 1920 sun jouf de Frera pro na enconteda de raprejentanc de dutes 5 les valedes ladines (Fodom, Ampez, Fascia, Badia y Gherdeina) pro chela che ai se damanova da la Talia l reconesciment desche grup etnich. L'assessoura dl comun de Fodom y conseiera dl istitut ladin Cesa de Jan a Col, Teresa Pezzei, fej sen la proposta de mete l simbol dla eguia tiroleisa deberieda con n simbol diozeja de Persenon sun la bandiera, valch che i neo-ladins tl Beluneis ne sourantolarà dessegur nia, per se tegnì ben despartis y dancialà da chisc.


metù ite da noeles ai 16 August 2008 da les 20:55:17 (647 liet)
(liej inant... | 4491 letres | 1 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.400 seconc