benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Friul: truepa delujion per l sboz dl statut nuef
Friul


Furlans ence tl statut nuef tla mesa-ombria
 

L Comité 482/99 ti á ortié na letra de protesta a duc i conseiers regionai 

Tl Friul cuejel l senn y la delujion dles Unions unides tl Comité 482/99 do l'aproazion dl sboz dl statut nuef da pert dl Consei dla Region Friul-Venezia-Giulia en chest meis de fauré. A l'elaborazion dl statut ova les unions lié empruma truepes aodanzes y speranzes y ova fat n grum de propostes dantfora. Dut parova da se ouje al miour dl 2003, encandenò resta dantaldut i furlans inant tla mesa-ombria legala. Ma zeche se muevel empò per merit dla lege statala. 

metù ite da noeles ai 03 March 2005 da les 16:47:30 (960 liet)
(liej inant... | 11030 letres | comentars? | ponc: )


Letra daverta al assessour Mussner: massa dinés al ert
Cultura

 

"Ert moderna ladina" o cultura dal aut

I fruc dl concurs dal aut crieia plulere delujions ti vijitadours - la soula ousc che lauda é l Ofize stampa dla provinzia 

de Umbert Cians

Stimé assessour Mussner, se mené picé di artisc’ é n bon sentiment, ma pertene che vigni novité sie ert, y ert da mostré publicamenter con i scioldi dl “Lond”, chest va n puech soura la compascion normala fora. Da tres él gnù dit che na bona pert de cie che an miena ert é n “nescio quid”, y tl caje dla mostra tla galaria Prisma de Bulsan se tratova propi, aldò di vijitadours, de na cossa nia da capì. “Flus d’aisciuda”, les operes d’ert di artisc’ ladins joegn pér propi seces, menedes entourn dal vent. Chesta l’imprescion ch’an à abù vijitan la mostra “videodigital” tla galaria d’ert Prisma de Bulsan. La mostra dess raprejenté l prum pest de promozion di joegn artisc’ ladins organisé dal assessorat a la cultura ladina. Cater, cinch fotos animedes, metudes en moviment da aparac eletronics.


metù ite da noeles ai 02 March 2005 da les 17:18:53 (1004 liet)
(liej inant... | 4222 letres | 6 comentars | ponc: )


Prelites a San Ciascian
Politica

 

La jent da San Ciascian cherda Thomas Pescollderungg 

Les prelites encunda a Badia en valgunes novités 

Tl comun de Badia á la frazion de San Ciascian metú a jí desche pruma frazion prelites enier domenia. Tradizionalmenter vá chi da San Ciascian deberieda sun na lista de paisc y nia de partí. I resultac veid dantfora Thomas Pescollderungg de Costadedoi, atif te truepes unions dl paisc y bele assessour tla jonta da sen. Dovia atira i aconsiadours da sen da San Ciascian tl consei Raffaele Declara, Salvester Vittur y l vize-ombolt Paul Rudiferia.


metù ite da noeles ai 28 February 2005 da les 19:24:10 (1391 liet)
(liej inant... | 2167 letres | comentars? | ponc: )


Prelites a Lungiarü
Politica

 

Giovanni Mischí giata la majera creta da les prelites 

Ence a Lungiarü se enjígnen ca a les lites comunales 2005  

Enier domenia (27.02.05) él ence vegnú tegní tl paisc da Lungiarü, 592 abitanc, tl comun de San Martin de Tor les prelites. An á volú enrescí la volenté di litadours, vedan dantfora bonamenter la costituzion de na lista de paisc che abine adum les persones che á giaté la majera creta, jian soura les seides de partí fora. Dantfora veiden n inom bele scialdi conesciú a livel comunal y ence provinzial, Giovanni Mischi. Per el él a poura nia na sburla per se dé ju inant con la politica y chela comunala en particolar, do che pro les lites provinziales dl 2003 sun la lista “Ladins” òvel messú glotí na antia desfata litala. Lungiarü mana 5-6 raprejentanc tl Consei de comun de San Martin de Tor.


metù ite da noeles ai 28 February 2005 da les 08:43:43 (928 liet)
(liej inant... | 2769 letres | comentars? | ponc: )


Union Generela: Lardschneider prum diretour
Cultura

 

David Lardschneider é l prum diretour dla Generela 

Chisc dis s'á abiné l Consei diretif dla Generela per sourandé les enciaries - Concurs dla Union Generela y dla Maratona dles Dolomites

David Lardschneider é l prum diretour dla Generela, na enciaria veduda dantfora aldò dl statut nuef. Lardschneider ne é nia n mus nuef, ma bele da agn emplié dla Generela desche redadour tl ofize dla Usc di Ladins de Gherdeina. Te sia pruma senteda á l Consei Diretif dla Generela ence nominé i doi vize-presidenc: ala se trata dl fascian Riccardo Zanoner y dl'ampezana Elsa Zardini, che formeia adum al president l Ofize de Presidenza. Lardschneider sourantol na enciaria zitia: al diretour ti tóchel de elaboré n plan de laour y les strategies de politica culturala dla Generela. I temps ne é nia sauris.

metù ite da noeles ai 27 February 2005 da les 11:41:42 (920 liet)
(liej inant... | 1591 letres | comentars? | ponc: )


Sic ladins sun internet
Cultura

 

I Ladins met man da colonisé l "planet internet"

Tres la rei végnel pité informazions, servisc y aorela curta - Aluesc ence forums - Sic istituzionai desche la Comunité de val y l ospedal sbaufeia l ladin

I ladins met man da colonisé l "planet" internet. Tres deplú unions, mo ence impreises sent l debujegn de se prejenté y de ester interatifs sun internet, mostran sies ativités tres test y fotos. I sitesc da la Val Badia é metus ju naturalmenter tl lingaz ladin canche l rai de interes é dantaldut local. Te Gherdeina se múdela. Chilò é les plates internet scialdi bilinghes o trilinghes, datrai demé per todesch, ma ales deventa plu "ladines" envers a denant. A pert en valgunes ezezions pòn vedei che i privac vá dantfora, depierpul che les istituzions zotoreia do.


metù ite da noeles ai 25 February 2005 da les 17:00:53 (1037 liet)
(liej inant... | 5853 letres | comentars? | ponc: )


Selva: lites comunales 2005
Politica

 

Roland Demetz vuel jí tla terza legislatura 

Selva é un di puec comuns te Südtirol che ne á nia n ombolt declaré Svp

Tl comun de Selva giata les listes de comun contures cleres. Al sará does listes y doi candidac da ombolt: na lista de paisc y na lista Svp. Dant en valgugn dis á l grup Svp nominé Diego Bernardi, 42 agn, impresar y manejadour dla scola de schi dl luech sciche candidat-ombolt. El dess bate Roland Demetz tla "garejeda" per la enciaria da ombolt.  Roland Demetz ultim vuel endere arjonje la enciaria con na lista de paisc y nia plu con na lista "Ladins" coche da les ultimes lites comunales. La Svp é tl enjigné na lista con trueps candidac, ma nience l ombolt en ciaria ne é sté chiet. Roland Demetz é sté bon de tré da sia pert valch esponent Svp de jonta, enscí l assessour Heinrich Senoner. L obmann Christoph Perathoner ti á manacé la esclujion dal partí, sce chest essa da suzede. Selva, l paisc sot Meisules, é un di gragn comuns dla Ladinia con passa 2.500 abitanc y gran potenzial economich-turistich.


metù ite da noeles ai 25 February 2005 da les 08:25:03 (750 liet)
(liej inant... | 2144 letres | comentars? | ponc: )


Bulsan: tofles che spliga l monument dla Vitoria
Cultura

 

Na tofla spliga l monument a la "Vitoria" 

Enier él vegnú destopé ofizialmenter les tofles che dess storizisé l monument dla "Vitoria" a Bulsan, ence per ladin (standard) 

"Chest monument é vegnú metú su entratant l regim fascist per zelebré la vitoria dla Talia tla Pruma Vera Mondiala. Ala á amarscé l destacament dl Tirol y la separazion dla populazion de chesta tera da sia patria austriaca. La zité de Bulsan, ledia y democratica, condaneia les despartizions y les descriminazions dl passé y vigni forma de nazionalism, se tolan dant de promueve con spirit europeich la cultura dla pesc y dla fradaia. 1926-1928 / 2004".  Per cie che reverda l ladin, él da noté che l test é te ladin standard.


metù ite da noeles ai 23 February 2005 da les 18:01:59 (941 liet)
(liej inant... | 3938 letres | 2 comentars | ponc: )


Ladinia brixino-tiroleisa: n valgugn sclarimenc
Storia


L ciuldí dla definizion "Ladinia brixino-tiroleisa"

Hans Goebl y Paul Videsott: La denominazion é nasciuda ti agn '90 per gauja dl debujegn tres plu gran de tegní endalauter la Ladinia dl Sela da autri raions che á metú man de se clamé ence "ladins" 

Con chest articul volessa i sotescric respone a n valgunes interpretazions faledes che an à podù lieje ultimamenter sun la "Plata Ladina" y sun "Noeles.net" y che reverda la denominazion scientifica "Ladinia brixino-tiroleisa" (che é ence l titul dla cherta geografica publicheda tla ultima "Ladinia"):


metù ite da noeles ai 22 February 2005 da les 14:51:25 (1461 liet)
(liej inant... | 6596 letres | 8 comentars | ponc: )


Col de Santa Lizia: Istitut Ladin Cesa de Jan
Fodom

 

Durnwalder: n luech per mete projec concrec sun meisa

Durwalder: gran laut per i Ladins da Souramont - Al fej la proposta de mete a jí encontedes anuales ta Col per mete projec concrec sun meisa - Reolon: i Ladins di 18 comuns selans con Ampez dess se mete adum y formé n consorz

Per un n dì, Col de Santa Lizia é deventé l embracion politich y cultural dla Ladinia storica dl Sela. En domenia él ruvé, sot al Poure, duc trei i presidenc dles provinzies de Belun, de Trent y de Bulsan (foto: Reolon, Durnwalder y Dellai) per enaudé o miec batié, i locai nuefs dla Cesa de Jan olàche l Istitut Cultural Ladin di trei comuns de Fodom, Col y Ampez giatará alberch. En dì da segné a grassin sun l calender storich de chestes trei comunités, che do agn de laour, de discuscions y de dezijions nia saurides, é ruvedes a porté a termen n projet per la conservazion y la valorisazion dla cultura ladina. Y chest en plena autonomia y sun na streda desferenta da duta la neo–ladinité tla provinzia de Belun, che essa depierpul volù omogeneisé y deleghé secui de storia y de tradizion. A Col á ence lerch la bandiera ladina te ocajions ofiziales.


metù ite da noeles ai 21 February 2005 da les 15:55:51 (956 liet)
(liej inant... | 4896 letres | 2 comentars | ponc: )


Enaudazion dl Istitut Ladin Cesa de Jan a Col Santa Lizia
Cultura


"I Ladins dl Sela mess se costituí istituzionalmenter"

Enier, 20 de fauré 2005, él vegnú daurí ofizialmenter a Col de Santa Lizia l Istitut Ladin "Cesa de Jan" - Les paroles dl ombolt Paolo Frena 

Na gaujion de festa per les trei comunités ladines ex-asburgiches tla provinzia de Belun per cheles che al se concretiseia encuei finalmenter n some,  n some che é deventé realté per merit dla generosité y dla desponibelté di comuns de Ampez y de Fodom, che á sostegnú zenza pesimé la picera comunité de Col a na vida che ala deventassa senta de chest  Istitut Ladin dret important.


metù ite da noeles ai 21 February 2005 da les 13:55:55 (959 liet)
(liej inant... | 8794 letres | 2 comentars | ponc: )


Lites comunales 2005: Mareo
Politica

 

L resultat dles prelites ne scusa nia cis 

Al ti mancia a la Svp si raprejentanc dantcá, an ne vuel perchel nia plu se tegní al resultat  

Te duta la provinzia sóflel oramai n aier de lites comunales che vegnirá tegnudes ai 8 de mei. Per enrescí dantfora la minonga di litadours sun la composizion de na lista de paisc, án tegní tl comun de Mareo prelites che dá bele valch indicazion clera ciugn che podessa ester i aconsiadours nuefs te Consei. En valgugn inoms ti fej endere festide al grup Svp dl paisc. Bele dant da valch edema fòvel gnú publiché i resultac dles prelites. Endut podova la jent chirí fora 4 inoms. L 42 % di litadours á tout pert. Te Mareo ne candideia nia plu l ombolt dr. Albert Palfrader.


metù ite da noeles ai 19 February 2005 da les 15:41:35 (1068 liet)
(liej inant... | 3142 letres | comentars? | ponc: )


Lites comunales 2005: La Lista Urtijei se prejenteia
Politica

 

La "Lista Urtijei" se met a la lita

Enier ála prejenté sie program - Respet dles regoles democratiches y dl zitadin 

Enier s'á prejenté publicamenter na nueva lista zivica che candidará pro les veles comunales a Urtijei de chest ann da d'aisciuda. Si colours é l ghel y l brum dl blason de comun con n ciavalier stilisé dl patron de Urtijei, San Durich, con souravia la scrita a grassin "Lista Urtijei" y sotvia per talian y todesch "Bürgerliste - Lista Civica", a desmostrazion de dester daverta a duc i grups linguistics. L'iniziativa é pieda via da Tobias Delago, Martina Goller, Monika Kelder, Leo Moroder, Dieter Demetz y Alessandro Andriolo y d'autri nen ruvarál laprò sun lista, en gran pert persones joenes a sia pruma esperienza litala, ma con vueia de porté ite y inant sies idees te comun. 


metù ite da noeles ai 18 February 2005 da les 20:55:37 (808 liet)
(liej inant... | 1504 letres | comentars? | ponc: )


Conzert de mujiga ladina a Bulsan
Cultura


"Acajo" y "Jean Daniel Granruaz & Band"

Conzert de mujiga moderna ladina: en mercui, ai 9 de merz tl Carambolage a Bulsan, da les 21.00 inant

La Consulta per i problems ladins tl Comun de Bulsan envieia al conzert  con l grup "Acajo" y "Jean Daniel Granruaz & Band" che vegnirá tegnú tla pice teater Carambolage tla via Argentieri/Silbergasse a Bulsan, ai 9 de merz 2005 da les 21.00 inant. I "Acajo" é bele valgamia conescius per sia longia ativité musicala. Chi ne se recorda pa nia i temps dl "Ladiniatour". "Jean Daniel Granruaz & Band" da la Val Badia depierpul á abú sies prumes raprejentazions ti ultims agn. Al cianta sibe per ladin che ingleis. La seira pieta na ocajion per conesce les ativités y i talenc tl ciamp musical ladin. Te Gherdeina y tla Val Badia él truepa busia musicala con truepa vueia de sperimenté anter i joegn. Foto: Jean Daniel Granruaz.


metù ite da noeles ai 17 February 2005 da les 16:02:23 (1073 liet)
(liej inant... | 2715 letres | comentars? | ponc: )


Les enciaries nueves tla Generela
Cultura


La Generela se organiseia: Ofize de presidenza, Consei diretif y diretour
 

Tres chesta reorganisazion vuelen ester plu efetifs y organisés miec per les endesfides dl davegní - Intendenzes y Istituc Ladins pò ortié si raprejentanc tl Consei diretif

L statut nuef dé pro en sabeda, ai 12 de fauré, y paciré dant dal notar, comporta bendebot de restruturazion tla vita dla Union. N valgugn organs y enciaries nueves al intern dla Generela dess la fé plu gaierda y plu efetiva: dlongia i organs y les enciaries tradizionales, l'Assemblea, l Consei diretif, l President y i revisours di conc, veid l statuf nuef dantfora 2 vize-presidenc, n Ofize de Presidenza y l'enciaria de n diretour.

L president nuef dla Generela, Michil Costa.


metù ite da noeles ai 16 February 2005 da les 20:13:23 (818 liet)
(liej inant... | 2812 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.358 seconc