benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Université de Bulsan/Persenon, sezion ladina
Cultura


L ensegnament dl ladin a l'université

Enier á doi studenc sclut ju  l ejam de laurea con 110 y lauda: Bruno Senoner con n laour sun "l'alfabetisazion tles scoles de Gherdeina" y Edith Senoner con "l ensegnament dla storia locala tles scoles elementares"

Hans Goebl dl'université da Salzburg (con n volum dl ALD tles mans)

Al articul sun les lezions dl prof. Paul Videsott pro la Université de Persenon publiché sibe sun Noeles.net (13.03.2005) che tl foliet  ”Alto Adige” él da enjonté che al ne é samben nia les soules ativités a ben dl lingaz ladin dla sezion ladina, desche l diretour de repartizion dr. Theodor Rifesser nes spliga.  Dlongia l prof. Videsott ensegna tl secont semester ence l prof. Hans Goebl dl'université da Salzburg (con n volum dl ALD/Atlant linguistich Ladin tles mans) che ti sporj a chi dl prum y secont ann na panoramica ampla sun l svilup dla rejoneda ladina pian via dai Romans y ruvan enchin a nosc temps. Enier él sté dí de ejam a l'université, doi candidac, Bruno Senoner y Edith Senoner de Santa Cristina, á sclut ju con 110 y lauda.

 


metù ite da noeles ai 22 March 2005 da les 15:22:21 (970 liet)
(liej inant... | 3204 letres | comentars? | ponc: )


Comentar a les lites comunales y la lege 482/99
Cultura

 

I ombolc dess declaré sies intenzions sun la lege 482/99, zenza ne ései nia legitimés

Aladò dla Svp é demé i ombolc lités democraticamenter i raprejentanc autorisés da crié n comité interladin aldò dles desposizions dla lege nazionala 482/99 - I candidac da ombolt aud perchel sen dant les lites de declaré sia posizion ofizialmenter

Al é i ultims dis per prejenté les listes di candidac da ombolt y di aconsiadours. Ala se trata de chirì fora i miours aministradours di dinés publics y con la majera sensibelté per i problems soziai dla comunité. La jent se aoda aministradours a chi che an pò ti jì permez te vigni moment zenza poura y con la speranza de giaté n aiut, n consei senzier y nia de pert. La politica à sia importanza, ma la "polis" (comunité) é valch soura la democrazia. La democrazia é souradut frut dl juech di partis, entratant che la "polis" defen i confins dla comunité, sia strutura legala, si derc zivics, sia autonomia, sia etnia. De chest vers fálela ciamò sterch pro i ladins: unis da la natura ("polis"), ma despartis da la politica.

La lege 482/99 veid dantfora la poscibelté de mete su organisms de coordinament reconescius istituzionalmenter, sce mendranzes é spedicedes sun deplù provinzies o regions. La lege alogheia ence finanziamenc per projec.


metù ite da noeles ai 22 March 2005 da les 13:11:05 (976 liet)
(liej inant... | 7503 letres | 3 comentars | ponc: )


Seminar da Pasca dla FUEN/YEN sun l Renon
Desvalives


Les oujes dles mendranzes

Marevueia tant sclet che l'Austria trata sies mendranzes: slovens y croats - Mateo Taibon: la situazion di Ladins tla provinzia de Bulsan ne é nia chela dla propaganda de partí

"Partezipazion", l ester alapert pro i prozesc democratics dles comunités de mendranza, stova al zenter dla discuscion enseira en gaujion dla enconteda da Pasca dla FUEN/sezion joegn YEN che va inant per duta l'edema enfin ai 25 de merz con passa 100 joegn y joenes de 27 comunités de mendranza dl'Europa tla Ciasa Lichtenstern sun l Renon: ladins, rumanc, ozitans, frisons, todesc da la Russia, Danimarca y Slovachia, ungareisc da la Romania y d'autri. Raprejentanta ladina é Anita Huber da Tintal/Val Badia.


metù ite da noeles ai 21 March 2005 da les 11:22:05 (1057 liet)
(liej inant... | 5325 letres | 3 comentars | ponc: )


Seminar da Pasca dla FUEV/sezion YEN
Desvalives


Ester alapert y nia al our

Endoman domenia, ai 20 de merz, végnel daurí la Enconteda da Pasca di joegn tla FUEN tla Ciasa Lichtenstern sun l Renon - Discuscion al podium da seira anter l auter con Mateo Taibon

Encuei sabeda rúvel adalerch tla Ciasa Lichtenstern sun l Renon joegn y joenes de 27 organisazions de comunités de mendranza dl'Europa a la "Enconteda da Pasca" dla FUEN (Union federala dles nazionalités de mendranza dl'Europa), sezion joegn organisedes tla YEN (Youth of European nationalities). L tema dla enconteda de eniann é l aspet dla "partezipazion/dl ester alapert" dles mendranzes. Endoman, domenia, vegn l'enconteda enaudeda ofizialmenter en prejenza de deplù autorités politiches, anter chestes l president dla provinzia Luis Durnwalder, Romedi Arquint (president  dla FUEN y deputé rumanc tl Cianton Grijon), Martha Stocker (vizepresidenta dla FUEN) y dl assessour ladin Florian Mussner. Raprejentanta di ladins tla Yen é Anita Huber dla Val Badia. En doman da seira, da les 20.00, végnel metú a jí na discuscion al podium daverta a duc con alapert desvalifs esponenc de mendranzes, anter chisc Mateo Taibon, cef-redadour dla revista "Pogrom" dla Lia per i popui manacés.


metù ite da noeles ai 19 March 2005 da les 12:59:29 (766 liet)
(liej inant... | 2302 letres | comentars? | ponc: )


Consulta Ladina dl Comun de Bulsan
Cultura


Na lingia de manifestazions enfin a la fin dl ann

De mei conzert con Sabina Willeit, de otober esposizion "Vejin", de november teater

Willeit SabinaLa Consulta Ladina dl Comun de Bulsan organiseia vigni ann na lignora de manifestazions per i Ladins aciasés tla zité y ence de sensibilisazion envers i convejins talians y todesc. Chest ann á sies ativités culturales bele metù man con n conzert de mujiga moderna con i grups "Acajo" y Jean Daniel Granruaz tl salf dla Carambolage ai 9 de merz (ciala fotos tla galeria), dant a n salf toch y plen de jent. Ala jirà defata inant con na seira de leteratura ladina che veid alapert Brunamaria Dal Lago Veneri, Ingrid Runggaldier, Maria Pedevilla y Marta Rungger ai 13 de auril, da les 20.30 tl "Circolo Cittadino" tla Streda Grappoli/Weintraubengasse, 2. De mei conzert classich con la ciantarina Sabine Willeit.


metù ite da noeles ai 17 March 2005 da les 15:16:37 (805 liet)
(liej inant... | 2332 letres | comentars? | ponc: )


Scola y didatica
Scola


La confrontazion linguistica pò ester na massaria d'utl

I prums resultac de na gramatica contrastiva é sun meisa - Autours i professours dr. Heidi Siller Runggaldier, dr. Horst Sitta y dr. Peter Gallmann

de dr. Giovanni Mischí

Olache scolés y studenc vegn tla realté da vigni dì confrontés con deplù lingac, él da osservé ch'ai é dassen tentés da emparé l lingaz forest (chilò da nos dantaldut l todesch y l talian) sun la basa dles regoles dl lingaz dla oma, dl ladin. Te chest prozes végnel per gauja de desvalivanzes struturales sovenz a se crié interferenzes, da cheles ch'al resulteia spo les tipologies de fai plu desvalives.

I trei autours dla gramatica contrastiva, prof. Heidi Siller-Runggaldier (Université da Dispruch), prof. Horst Sitta (Université de Turic/Zurich) y prof. Peter Gallmann (Université de Jena) en ocajion dla prejentazion di prums elaborac.


metù ite da noeles ai 16 March 2005 da les 13:00:15 (1100 liet)
(liej inant... | 4325 letres | 1 comentars | ponc: )


Dolomites: Monument natural Mondial dla UNESCO
Natura


Dolomites sot a sconanza UNESCO, miec o piec?

Per l'economia conta demé la cumpeida di patins che passa tres i implanc portamont

de Umbert Cians

I dis y les edemes passedes él vegnú rejoné truep dla proposta de fé domanda a l'UNESCO che les Dolomites vegne reconesciudes desche patrimone natural mondial. L argoment é vegnù traté con tematiches y azentuazions desvalives ti convegns de Luserna, Vich de Fascia y a Palù. Dlonch gran entusiasm per la cossa, sceben che al sie ti ultims dis vegnú a la lum ence valch tema sun les regoles. Sciche an à podù audì da na intervista a Durnwalder reverda la chestion l patrimome natural y nia chel cultural. Na prezisazion dassen importanta, davia che al vuel dì che l lingaz original-minoritar, chel dla oma, deventa secondar. Ladins a fé da cheder con l guant da zacan a paiament.


metù ite da noeles ai 15 March 2005 da les 15:07:02 (1089 liet)
(liej inant... | 3567 letres | 1 comentars | ponc: )


Provinzia de Belun
Politica


I Ladins sot Belun essa debujegn de n sie raprejentant politich

Ma chesta chestion é ciamò tles steiles - n problem avei does sortes de ladins, chi storics y i neo-ladins

L problem de na raprejentanza ladina tles istituzions vegn  fora con puntualité vigni iade can che an dess lité i raprejentanc che se sentarà sun i scagns de Provinzia, Region o Parlament. Sot Belun o Aunejia ésen ben ciamò dalonc ence dal pensé de mete ite valch norma  tla lege litala che ti garantesce a les mendranzes n scagn de dert tl govern local. I problems dles  mendranzes ti scusa ai politics demé tla campagna litala, per se emplenì la bocia de argomentazions “nueves”. Pensé a n raprejentant ofizial di ladins decà dai joufs fossa ben l dopl plu rie. Olà l tò? Anter i neo-ladins, che ne vegnissa spo nia reconesciù dai ladins storics? O al contrar anter i trei comuns, che vegnissa spo contesté da duc chi autri? L president dla provinzia de Belun Sergio Reolon.


metù ite da noeles ai 14 March 2005 da les 10:47:59 (679 liet)
(liej inant... | 2733 letres | 1 comentars | ponc: )


Lezions de ladin a l'Université de Persenon
Cultura


Soziolinguistica dl Ladin a livel universitar

Les lezions vegn tegnides dal prof.univ. Dr. Paul Videsott, una na lezion a l'edema enfin a jugn - Ence nia-studenc pò tó pert

Tla facolté dles scienzes dla formazion dl'Université de Bulsan te sia sezion a Persenon peiel via  en venders, ai 18 de merz 2005, l curs de ladin de chest ann tl cheder dl ensegnament universitar dles scienzes dla formazion.  L professour dr. Paul Videsott dl'université da Dispruch vegn a traté te 13 lezions les chestions soziolinguistiches plu importantes dl raion retoroman (pian via da la situazion di Ladins dles Dolomites) desche l'adoranza dl lingaz te n contest privat, tl'aministrazion publica, te gliejia y e.i. Al  vegnirá ence analisé la problematica dla normazion y dla standardisazion dl ladin che é lieda diretamenter a l'adoranza dl lingaz a livel scrit. Ai cursc pò tó pert ence nia-studenc interessés.


metù ite da noeles ai 13 March 2005 da les 19:09:41 (789 liet)
(liej inant... | 3723 letres | comentars? | ponc: )


La resposta dla Region
Friul


Statut: piec ne podòvela nia jí

La Region respon a les obiezions dl Comité 482/99

Piec ne podòvela nia jí con la rescritura dl statut de autonomia dla Region Friul-Venezia-Giulia. Les normes statutares per cie che reverda la promozion de lingaz y de cultura furlana, desche te na mendra mesura per chela slovena, se tegn dassen al general, al nia-oblient y ne scriv dant degun dovei o obietifs da arjonje, tant demanco veid l statut dantfora valga sort de parité de derc y na doura dl lingaz al medem livel. Ai 9 de merz ti á la Presidenza dla Region responú al comité 482/99 che ti ova trat dant a la Region de ester con sie sboz de statut enfinamai plu endò dla Costituzion Taliana y dla lege 482/99 sun les comunités de mendranza dl stat. Ma la chestion ne se ruva nia chilò. L statut é n sboz y nia deplú enfin a ciamò. Foto: Alessandro Tesini ti á responú al Comité 482/99.
 

metù ite da noeles ai 12 March 2005 da les 21:00:16 (1154 liet)
(liej inant... | 18269 letres | comentars? | ponc: )


Consulta Ladina dl Comun de Bulsan: conzert di Acajo y Jandaniel & Band
Cultura


N salf toch y plen per i Acajo y Jean Daniel & band

N stil musical internazional pò jí dret ben a una con l lingaz ladin - Bela la prejentazion de Rut Bernardi

L resson é sté dret bon; tant gran ne se l'essa nience i organisadours aspeté: l pice teater "Carambolage" a Bulsan fova plen, toch y plen enseira (09.03.05). Truep publich ladin da Bulsan y da les valedes ju, ma ence publich nia ladin é vegnú per l conzert de mujiga moderna ladina. Empruma á soné y cianté i Acajo, grup che dret trueps conesc nia demé tla Ladinia, ma ence tla provinzia y soura fora. Dedò à soné y cianté l grup Jean Daniel Granruaz & band. Ala se tratova de does direzions desvalives. Rock-pop con valch influenza jazz i Acajo, y jazz dl plu autentich, ma con influsc musicai desvalifs, dal pop al flamenco enchin al bossa nova per ruvé al rock, mo tres con la predominanza dl jazz.


metù ite da noeles ai 10 March 2005 da les 15:10:05 (926 liet)
(liej inant... | 2490 letres | 2 comentars | ponc: )


Reforma dla scola: an peia via tl ann de scola 2005/2006
Scola


L ingleis ruva tles elementares

Les ores de ensegnament vegn partides ite te materies basiches, materies opzionales oblientes y materies opzionales

 La "scola ladina" se deura con l ann de scola 2005/2006 a la reforma scolastica. Ai 7 de merz 2005 à la Jonta provinziala deliberé desche la reforma dla scola dess vegní concretiseda. Ence tles scoles ladines vegnirál sperimenté l ensegnament individualisé con materies basiches, materies opzionales oblientes y materies opzionales, l sostegn individualisé tl emparé tres n tutour y ence l portfolio desche strument de valutazion.
 

metù ite da noeles ai 08 March 2005 da les 09:13:12 (924 liet)
(liej inant... | 2931 letres | 3 comentars | ponc: )


San Martin de Tor: prelites
Politica


Pepi Dejaco arjonj l majer consens a San Martin

Te dutes trei les frazions dl comun de San Martin án tegní prelites - Sen peiel via la formazion dles listes

Enier, domenia 6 de merz 2005, án tegní ence a San Martin de Tor y a Antermeia les prelites, do che a Lungiarü les òven tegní en domenia passeda. A Antermeia á tout pert en 40% di litadours, a San Martin é la percentuala de partezipazion steda maioritara con l 60%. A San Martin á l ombolt en ciaria, Pepi Dejaco, con 203 oujes, abiné adum la majera creta. Antermeia y San Martin metará bonamenter en pé na lista de paisc. A Lungiarü podéssel garaté does listes, ajache les desvalivanzes politiches é majeres.

metù ite da noeles ai 07 March 2005 da les 11:57:36 (2030 liet)
(liej inant... | 2581 letres | comentars? | ponc: )


ASIS: enrescida scientifica
Cultura


Les rejonedes dl'Italia dl Nord te n database on-line

Al vegn enrescí les desvalivanzes tla sintassa de duc i dialec talians dl'Italia setentrionala, dl ladin y furlan 

L projet ASIS (Atlant Sintatich dla Italia dl Nord) é n program de archirida linguistica metú en pé da l'Université de Padova con l fin de registré y de analisé les variazions sintatiches di dialec talians tla Italia dl Nord. La banca dac é on-line y daverta a duc. Desche al é usanza tla facolté de romanistica de Padova ne vegn l ladin y l furlan nia vedus desche sistems linguistics a pert dai dialec talians, ma tl tiesciú dialetal nordtalian. An i definesc "arcaics", ametan indiretamenter che al se trata empò de varietés loghedes al our y conferman enscí sia desvalivanza.

metù ite da noeles ai 06 March 2005 da les 17:49:51 (892 liet)
(liej inant... | 2185 letres | 1 comentars | ponc: )


La Rocia: Ladinia brixino-tiroleisa
Politica

 

La Rocia, la Ladinia desmentieda

La Rocia fajova pert n iade dl vescovat da Persenon - I prums colonisadours é vegnus dal nord, desche an veid saurí dal lingaz, bonamenter dant l ann 1000 

L articul "L ciuldì dla Ladinia brixino-tiroleisa" vegnù fora sun la Plata di Ladins dl Corriere delle Alpi ai prums de merz, me dà l'oportunité de descore n iade dla situazion dl Comun de La Rocia, ciapé enanterite la realté di ladins dl Sela y chela de duc chi nuefs ladins, nascius desche i foncs te chisc ultims agn tla Provinzia de Belun. La prezisazion che i autours dl articul, Hans Goebl y Paul Videsott, á fat sotentene che l inom brixino-tiroleisa é vegnú adorè demé per identifiché les realtés dl Sela da chisc neo-ladins, che te puech temp é nascius y cherscius con l intent y la vueia de arjonje l medem livel de importanza de chi che adencontra, da ben cent agn, combat na batalia per sie reconesciment.


metù ite da noeles ai 04 March 2005 da les 21:41:38 (2206 liet)
(liej inant... | 4738 letres | 23 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.398 seconc