benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Luigi Chiocchetti: develpai litadoures y litadours
Politica

Luigi Chiocchetti: ston adum per avei plu peis!

La deventa dla UAL pro les lites provinziales de Trent y la proscima legislatura 

Image Hosting by PictureTrail.comI svilups politics te Fascia, la deventa dla UAL (Union Autonomista Ladina) pro les lites provinziales 2008, la creazion dl Comun General de Fascia, l certl lital rejona cler: te Fascia ésen politicamenter n vare plu inant che tla provinzia de Bulsan. I ladins de Fascia pò se raprejenté autonomamenter tres n sie partì y i fascians podova enfinamai lité sie raprejentant dret democraticamenter anter does listes con passa 70 candidac. L conseier provinzial Luigi Chiocchetti tol posizion do l suzes lital dla UAL y met dant sies vijions per i agn che vegn.

 


metù ite da noeles ai 28 November 2008 da les 18:17:08 (795 liet)
(liej inant... | 6381 letres | 1 comentars | ponc: )


Union Generela: Elsa Zardini presidenta per i proscims 4 agn
Cultura

Elsa Zardini meina sen l ciar dla Generela

Tres l resultat dassen positif dl referendum da souramont raprejenteiela na "Ladinia renforzeda" da souramont 


Image Hosting by PictureTrail.comElsa Zardini, presidenta dla Union di Ladìs de Anpezo, é la presidenta nueva dla Union Generela di Ladins dles Dolomites. Chest é l resultat dla reunion generala tegnuda dantenier a Urtijei. Ala coriva la enciaria da vize-presidenta y fova bele presidenta ad interim ti ultims meisc do les demiscions de Michil Costa. Do Igi Menardi (1981-1983) él la seconda outa che Ampez sourantol la presidenza tla Union Generela. Al ne fova degun contracandidat.


metù ite da noeles ai 24 November 2008 da les 21:02:12 (1722 liet)
(liej inant... | 2465 letres | 26 comentars | ponc: )


Referedars da suramont enconta raprejentanc europeics
Politica

I comuns referendars chier aiut ence a livel europeich

I Ladins rejona dant l Intergrup per les mendranzes tradizionales dl Parlament Europeich 


Image Hosting by PictureTrail.comNa delegazion de Ladins dl Südtirol y de Souramont (Fodom, Col y Anpezo) à vijité ai 20 de november 2008 l Grup interfrazional per les mendranzes tradizionales dl Parlament Europeich per ti prejenté y splighé les aspirazions de reunificazion con l Südtirol che i trei comuns ladins dla provinzia de Belun à. A la fin d’otober 2007 à i trei comuns de Anpezo, Col S. Luzia y Fodom, che é dl 1923 vegnus destachés dal Südtirol y sourandés a la region Venet, declaré te na maniera clera tres n referendum davagné con prest 80 % dles oujes de volei endò vegnì reunifichés con la provinzia autonoma de Bulsan/Südtirol. Foto, da man ciancia: Nani Pellegrini, Sepp Kusstatscher (euro-parlamentar di Verc), Paul Videsott, Siro Bigontina, Csaba Tabajdi (President dl Intercomité per les mendranzes tradizionales dl Parlament Euroepich / Ungheria / Sozialdemoctrac), Michl Ebner (member dl Parlament Euroepich dl Südtirol / Co- President dl Intercomité per les mendranzes tradizionales dl Parlament Europeich / Partit Popolar)m Christoph Pan (diretour dl Südtiroler Volksgruppeninstitut), Sógor Csaba (member dl Parlament Euroepich / Ungareisc tla Romania / Partit Popolar), Daniela Templari y Elsa Zardini.


metù ite da noeles ai 21 November 2008 da les 15:13:07 (697 liet)
(liej inant... | 3310 letres | 1 comentars | ponc: )


La renunzia a la vize-presidenza ladina tl consei provinzial de Bulsan
Politica

Degun ladin desche vize-president dl consei

Ajache al ne é nia 2 raprejentanc ladins - Les conseguenzes dassen negatives dl resultat lital tles valedes ladines de Badia y Gherdeina 


Image Hosting by PictureTrail.comEncuei onse abù la pruma desmostrazion dles conseguenzes dassen negatives dles litazions tles valedes ladines. Florian Mussner à renunzié a la enciaria de vize-presidenza dl consei che ti speta a n ladin. N secont raprejentant ladin tl consei ne él nia, sceben che n ladin essa l dert de corì chesta enciaria. A Mussner ti vegniràl plu dessegur endò sourandé l assessorat ai laours publics y scola y cultura ladina. Sciche president él vegnù lité, con apeina 20 oujes sun 35, Dieter Steger (Svp) y provisoriamenter Barbara Repetto (PD) con la maioranza minima de 18 oujes desche vize-presidenta taliana. Bele al scomenciament dla legislatura, pro la pruma senteda dl consei, veiden enscì che la vela de n secont raprejentant (de Ladins Dolomites) essa podù jié na funzion zentrala de aodla pro la stadiera politica, ti dan gran visibelté a la mendranza ladina, eventualmenter ence stan da la pert dla Svp che essa abù demé 17 scagns tl consei, empede 18 da sen che ti assegureia na maioranza dret angosta de 1 n scagn.


metù ite da noeles ai 18 November 2008 da les 17:51:58 (692 liet)
(liej inant... | 2979 letres | 2 comentars | ponc: )


Lites provinziales 2008: n comentar de Carlo Willeit
Politica

Ladins segurs de sé enstesc o arbandonés da sé enstesc

Al se prospeteia n davegnì melsegur - Na odleda a Fascia nes dij cler olàche ala fala tla provinzia de Bulsan 


de Carlo Willeit

Image Hosting by PictureTrail.comChiet, do les lites. Temp da pensé do ai fai, a les gaujes dla perduda de LADINS DOLOMITES. Lista nia plajoula, propaganda massa debla, destacheda dai meric y dai fai di temps passés, Souramont nia tant benvedù, contribuc, stredes, gares…, chestes y de autres gaujes vegn analisedes. Dutes arà valch de veir, ma la unica plu segura y plu emportanta é la mancianza de creta di ladins te sies forzes politiches, te sé enstesc; enscì ài renunzié a n secont sie raprejentant te Consei Provinzial. Na odleda a les lites te Fascia nes dij cler, te cie posizion che i son a Bulsan: 8000 ladins fascians pò se empermete does listes ladines con n raprejentant lité da ei, 20.000 ladins a Bulsan ne se en chier fora y ne se en liteia enstesc nience un.


metù ite da noeles ai 14 November 2008 da les 18:18:26 (664 liet)
(liej inant... | 4065 letres | comentars? | ponc: )


Lites provinziales 2008: l troi tla dependenza
Politica

Auter che contradizions!

Do l program de Jent Ladins Dolomites fòvel de gran vijions - Baudi à i litadours chirì fora endò l troi tla dependenza 


de Ivan Lezuo

Image Hosting by PictureTrail.comAl ti vegn sen trat dant ai Amisc dla Ladinia contradizions y mancianza de vijions (da pert dl assessour Florian Mussner te na intervista tla Usc di Ladins, ndr). Sce an se essa tout n puech plu dlaorela per se dé ju con l program y con l laour di Amisc, éssen evité de fé critiches tant superfiziales.


metù ite da noeles ai 12 November 2008 da les 17:53:08 (893 liet)
(liej inant... | 3439 letres | comentars? | ponc: )


Lites provinziales tl Trentin: Luigi Chiocchetti é reconfermé
Politica

La UAL bat "Fassa"

Luigi Chiocchetti raprejentarà ence ti proscims agn i ladins de Fascia tl consei provinzial a Trent 

Image Hosting by PictureTrail.comLes lites tla provinzia de Trent de enier (09.11.2008) é stedes n suzes per la UAL (Union Autonomista Ladina) che à abiné adum l 54,03% dles oujes te Fascia. Tamben n suzes per la lianza de zenter-manciancia de Dellai che per Dellai personalmenter, davagnan con l 59,99% dl consens per sté inant tla enciaria da president a livel provinzial. Pro les preferenzes sun la lista dla UAL ti l'à sticheda l assessour Luigi Chiocchetti con 1.519 oujes, de pueces oujes, dant da Bepe Detomas con 1.456 oujes. Na bela desmostrazion de democrazia interna a la lista dla UAL. Al 26,63% dles oujes se à depierpul archité l consens dla lista de zenter mandreta "Fassa" tl certl fascian, perdan enscì la endesfida contra la UAL. Perdù à l zenter mandreta, abiné entourn al candidat da president Sergio Divina, ence a livel provinzial, ruvan sun encer l 36% dl consens. La deventa dla UAL y la lita de Luigi Chiocchetti é na garanzia che la chestion de na majera unité ladina y l lingaz scrit unifiché romagnarà ence ti proscims agn, almanco tla provinzia de Trent y a livel regional, sun la ajenda politica.

 


metù ite da noeles ai 10 November 2008 da les 16:30:41 (703 liet)
(liej inant... | 3191 letres | 2 comentars | ponc: )


LADINS DOLOMITES: na pruma analisa dl resultat
Politica

Na ousc critica vuelel ester inant

Dantenier se à LADINS DOLOMITES abiné per fé na analisa dles lites - Degun sostegn publich per la lista tla campagna litala 

Les ultimes lites à desmostré che al é demé plu ca. 20 % di Ladins che crei te ideai y no demé tla boursa di scioldi, sceben che la boursa di scioldi ne foss dessegur nia vegnuda penaliseda sce LADINS DOLOMITES essa arjont n mandat. Un n ejempl soul: I Ladins à ciafé ti ultims 10 agn demé l 2 % di scioldi per l frabiché che la provinzia à paié fora, sceben che ai fej fora l 4,37 %. Sun 690 milions de Euro paiés fora (cf. Dolomiten 4/5.10.08, pl. 13) é chest n defizit de 14 milions a dann di Ladins – chestes é somes cotant plu granes di pici contribuc che é vegnus empermetus al ultim moment per tré les oujes… .

 


metù ite da noeles ai 07 November 2008 da les 18:40:27 (677 liet)
(liej inant... | 5032 letres | comentars? | ponc: )


Na odleda inant: n comentar a les lites provinziales
Politica

La ultima legislatura da assessour de Mussner?

Chestes lites provinziales é stedes ence na desfata per la Svp, 2.000 oujes ti à salvé la maioranza tl consei - Les previjions dij che ala podessa perde inant 

An ratova che l referendum da souramont essa podù ti dé na sburla nueva al moviment politich ladin autonom, evocan ence l prum moviment Zent Ladina Dolomites. Encandenò à l resultat lital di 26 de otober tla provinzia de Bulsan desmostré l contrar. Al ne fova nia na chestion che à muet les coscienzes. Chest enceben che la costelazion politica atuala ti essa permetù a Ladins Dolomites na poscibelté de deventé na odla dla stadiera con n sie raprejentant a Bulsan. La maioranza dla Svp se à dassen restrent do avei perdù l 7,5% dles oujes, toman al 48,1% dl consens.

 


metù ite da noeles ai 02 November 2008 da les 17:00:43 (733 liet)
(liej inant... | 5653 letres | 1 comentars | ponc: )


N comentar a les lites provinziales 2008 de Davide Bondoni
Politica

Identità e politica

Queste elezioni non dimostrano le carenze del partito ladino, ma la disomogeineità delle genti ladine che non si sentono ancora una 

de Davide Bondoni

Chiedo scusa se mi permetto di intervenire in una questione in cui sono stato per lo più estraneo, ma volevo provare a fornire una possibile chiave interpretativa del risultato sconfortante ottenuto dal partito ladino nelle recenti elezioni bolzanine. Io non vedo la cosa in tinte così fosche. Queste elezioni, certo, ci dicono che non solo i sud-tirolesi in genere non sentono come loro la questione ladina, ma che gli stessi ladini non hanno sufficiente convinzione in loro stessi. L’unità ladina, prima che essere amministrativa, formale, deve essere materiale[1]. Deve sgorgare dal tessuto vitale delle valli sellane, deve essere una loro intima necessità.

 


metù ite da noeles ai 30 October 2008 da les 14:45:18 (556 liet)
(liej inant... | 4593 letres | comentars? | ponc: )


Lites provinziales 2008
Politica

Puech sostegn publich a LADINS DOLOMITES

Dr. Marco Pizzinini tol posizion sun l resultat lital scialdi delujionent de chestes lites

 Nost travert fova chel da mete ite n secont ladin tl consei provinzial, nos savovan duc che ala ne fova nia saurida con deplù candidac ladins sun listes desvalives. Al pò ester che nos ne sonse nia stés bogn da ti fé capí nost program  a la jent y spo sonse ence piés via n pue tert con truepes cosses nia cleres y ciamò nia fates fora endretura. An mess ence dì che la propaganda y la prescion dl partì de maioranza é stedes, cis en chest iade tles valedes ladines, de na proporzion mai veduda denant. Vigni manifestazion publica o dles assoziazions desvalives é vegnuda trasformeda te na enduneda de propaganda de partí. Te chest contest messonse ence dì che degun raprejentant dla aministrazion publica locala, dles assoziazions economiches, soziales  y culturales ladines se en à enfidé da tò publicamenter posizion per l moviment LADINS DOLOMITES. L medem él suzedù con les manifestazions de nost moviment, olà che trueps, cis tla Val Badia,  ova bonamenter na gran tema da se lascé vedei.

metù ite da noeles ai 29 October 2008 da les 15:00:19 (646 liet)
(liej inant... | 5597 letres | 2 comentars | ponc: )


Lites provinziales 2008: na desfata che fej mel
Politica

Na desfata che fej dassen mel

Mussner à amplié sies preferenzes pro i todesc, perdù pro i ladins - Paradossalmenter é ence sia enciaria da assessour na arpejon politica dl MP Ladins -  Ciunes é pa stedes les rejons che à spent litadours di Ladins a arbandoné l partì endò de cenc? - La informazion ne à nia mancé


An savova che ala deventova strenta y ria per LADINS DOLOMITES, ma ala é vegnuda true piec che an se aspetova. Les oujes ciafedes é judes ju n pue endlonch, aluesc ence soura l 10% (Badia y Corvara, n iade seves dl moviment). Na desfata litala che amarsceia bonamenter per n iade na ensciautrida dl moviment politich ladin autonom organisé da chela che al sarà rie endò levé su. Dl auter vers à la Svp arjont tles valedes ladines un de si miours resultac a livel local depierpul che a livel provinzial àla perdù dassen ai "Freiheitlichen". La Svp é per la pruma outa sot al 50% dles oujes, a 48,1%. Mussner à amplié sie rai de preferenzes pro i todesc - cie che la dij longia sun les poscibeltés finanziares de sie assessorat - y al pò se tò a dì de ti avei salvé la maioranza a la Svp tl consei, enceben che la Svp y el enstes (-542 preferenzes) ae abù de lesiers zedimenc tles valedes ladines toutes adum. La domanda che an se fej: ciodì à pa tanc lité Svp y tant puec Ladins Dolomites? Con 3.334 oujes o l 1,1% ésen restés cotant viadò les aspetatives y les poscibeltés de arjonje n mandat de rest. Al essa volù en ester entourn a 6.000. Les rejons y les gaujes pò ester n grum.

metù ite da noeles ai 27 October 2008 da les 16:29:04 (602 liet)
(liej inant... | 5720 letres | comentars? | ponc: )


N comentar entourn al temp prelital
Politica

Certes temes ne à deguna fondamenta

Avei n secont raprejentant tl Consei Provinzial de Bulsan é propi l minim che i podon pretene, liton perchel "LADINS DOLOMITES"

Con dutes les oujes dedes a la SVP ne aronse mai 2 raprejentanc tl Consei provinzial. El meso che i ladins ne veide nia ite chest?
En gaujion de chestes lites él ence nasciù n partì de recoiuda ladin, no  todesch no talian, ma ladin: LADINS DOLOMITES, na sort de SVP, la "Sammelpartei". Sce la "Lista ladins" da denant recordova a zachei n pue la vedla   "DC", pòn sen dí che l moviment nuef "Ladins Dolomites" con la partezipazion ence de n setour dla Svp, raprejenté dal candidat Pepi Dejaco,  sie veramenter garaté n partì autonom y davert a duc, n partì de recoiuda. N partì che vuel ester la esprescion nueva dla coscienza politica ladina,  souraldut miran a la gran reunificazion dla Ladinia.

 


metù ite da noeles ai 21 October 2008 da les 18:30:00 (541 liet)
(liej inant... | 5739 letres | comentars? | ponc: )


Renato Brunetta y sies vueies
Politica

Tò demez l istitut ladin, chesta la proposta fora de uega dl Minister Renato Brunetta

L istitut ladin de Fascia à cherdé ite per en doman da les 16.00 a na conferenza stampa per tò ofizialmenter posizon - Chi ti à pa dit al Minister de l mete sun sia "Lista neigra"? - Toutes de posizion


Chisc dis à fat la roda na autra matada dl Minister dla Funzion Publica, Renato Brunetta. An sà che al é demeztroi encantourn con la forfesc a taié "la speisa publica". Anter les istituzions che al volessa sen tò demez, ajache al ti pèr che ales ne sie de degun utl él - ciala medré - ence l istitut cultural ladin, zenza splighé plu avisa per co y ciodì. Da lieje l articul dantcà tl "Panorama", olàche chest articul é comparù de otober tl numer 42, ne capéscen nia avisa de ciun che al se tratassa, de chel de Vich, de chel a San Martin o de chel a Col o de duc. La domanda che an se fej: Ciugn politics de mandreta dl post ti à pa fat al Minister na tel proposta fora de uega? La afermazion de Brunetta é vegnuda sourantouta dal foliet "Trentino".

 


metù ite da noeles ai 20 October 2008 da les 16:24:12 (657 liet)
(liej inant... | 6876 letres | 2 comentars | ponc: )


Lites provinziales 2008: LADINS DOLOMITES
Politica

Adum pòn nes defene, despartis no

Sce les 5 valedes ladines chier la unité, spo pòles davagné, la soula lita pò demé ester "LADINS DOLOMITES"


de Berto Videsott

Al mancia demé plu na edema a les lites di 26 de otober, sce ales ne vegn nia sburledes ai 9 de november per gauja dl recurs dl UDC a Trent. Al ti resta enscì puec dis a la propaganda per i partis, che é steda en general monejela y zenza de gran splundrons. An à l’imprescion che an ne ae nia volù se ofene un con l auter anter i partis. Chest é dessegur n valour positif, segn de na majera maturité zivila y de democrazia politica. Per cie che reverda i argomenc tratés à soné la SVP y la lista di Verc la medema ciampana mostran su sie vedl program. (I autri partis talians o todesc ne nes interesseia nia).

 


metù ite da noeles ai 18 October 2008 da les 12:34:24 (541 liet)
(liej inant... | 5372 letres | 2 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.423 seconc