benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La Quotidiana, l sfuei da vignidì ti Grijons
Grijon

 

La "Quotidiana" complesc 10 agn

N sfuei che met adum idioms y raions rumanc

GLION. L’intuizion y l coraje dla Lia Rumantscha é vegnus premiés. Agn a la longia àla debatù la chestion dl debujegn de n sfuei da vigni dì rumanc, ma a trueps ti paròvel n projet imposcibel per n grumon de gaujes souraldut dal cianton finanziar. De november dl 1996 la gran enconda: l’editour Hanspeter Lebrument dij: ai 6 de jené dl 1997 gniràl a la lum l prum numer dl sfuei “La Quotidiana”.

A man ciancia l capo-redadour dla "Quotidiana", Martin Cabalzar.

 

 


metù ite da noeles ai 30 May 2006 da les 18:54:53 (872 liet)
(liej inant... | 4518 letres | comentars? | ponc: )


Cianacei: La Lia da Mont met endò a jì truepes ativités
Fascia

 

La Lia da Mont de Cianacei y l program 2006

Ai 25 de jugn enduneda dles Lies da Mont dla Ladinia su da la utia de Croda da Lago-Palmieri

Anter les Lies da Mont plu feruscoles de Fascia él dessegur chela dl'Auta Fascia la plu ricia de programs y de ativités, chest dit samben zenza volei ti tò zeche a les autres lies da mont dl zenter Fascia y de Moena. An pò dì che la sezion dl'Auta Fascia à da passa 30 agn dagnora cialé de porté dant n calender plen de scomenciadives a na vida de tò ite  tres deplù sozes che arjonj encueicondì la bela cumpeida de 250.

La utia Croda da Lago Palmieri é logheda nia dalonc dal lech plajoul de Federa sot ai pareis dla Croda da Lech y dl Bech de Mesdì tles Dolomites Ampezanes.


metù ite da noeles ai 27 May 2006 da les 20:29:50 (981 liet)
(liej inant... | 6690 letres | comentars? | ponc: )


Lamon vuel vegnì con Trent, ma encuei apeina Souramont y Fascia con Bulsan
Politica

 

Ladins da souramont pro Südtirol?

L Comun de Lamon vuel passé a la provinzia de Trent - da souramont ne auden plu nia de chest vers

N articul tl foliet ZiS (l foliet de partí SVP) n. 5/6 titoleia: Lamon gibt nicht auf! (Lamon ne zed nia!). Ala se trata de chel comun de Belun, con si 3800 abitanc, che à dant da puech te n referendum dit a gran maioranza de volei mudé ju provinzia y jì pro chela de Trent con la speranza de gní a se sté miour (zenza n'éssei nia bria da l damané). Sen é chest sone ciaut arsì sun meisa di conseis regionai dl Venet y dl Trentin-Südtirol.

Propi rie da se imaginé encuei che Belun/Venet se lascé sciampé la "perla dles Dolomites" o che Trent lasce jì sie majer raion turistich "Fascia" te na autra provinzia enfin a che al ne é nia massaries giuridiches a sostegn di comuns.


metù ite da noeles ai 27 May 2006 da les 19:03:33 (932 liet)
(liej inant... | 6602 letres | comentars? | ponc: )


L Pledari Grond da puec dis te internet
Grijon

 

L Pledari Grond sen ence on-line

L standard ladin-rumanc dla Svizra sen te internet con passa 200.000 paroles y terminologia spezifica - L standard ladin svizer é ofizial

Chisc dis él vegnù ciarié sun internet l Pledari Grond dl Rumantsch Grischun, l standard scrit ladin dla Svizra. Chest é gnù prejenté a la HIGA, sezion media dla "Tera Rumancia". L Pledari Grond fova vegnù dé  fora te na pruma edizion dl 1983, dal 2003 fòvel a la leta l CD-Rom y sen à la Lia Rumancia fat n auter vare inant l metan te internet a desposizion de duc y chel con bendebot de atualisazions y ampliamenc lessicografics.  Al dess sostegní y enfortí la prejenza dl standard scrit ti Grijons.


 


metù ite da noeles ai 25 May 2006 da les 21:00:56 (1030 liet)
(liej inant... | 3337 letres | 1 comentars | ponc: )


Poza de Fascia: sfuei nuef de comun
Fascia

 

"La Roda dal Molin" 

L comun de Poza vuel informé con chest strument nuef miec la popolazion sun i projec y la vita dla comunanza

N strument  nuef de informazion é vegnù fora te Fascia per endrez dl Comun de Poza y de sia aministrazion comunala con a cef la ombolta Alessandra Cloch, la pruma ela te Fascia a ruvé sun l scialin plu aut de na aministrazion comunala fasciana. L  sfuei nuef vuel samben ester n strument de informazion per i zitadins de Poza che a chesta vida pò vegnì informés plu dalvers desche ai va inant i projec y i laours de sie comun.

L paisc de Poza.


metù ite da noeles ai 24 May 2006 da les 22:01:11 (858 liet)
(liej inant... | 2625 letres | comentars? | ponc: )


Nuovo Atlante Ladino: nia dut ne plej
Cultura

 

Tesc'  aboc interessanc, ma de scletes fotografies

... truepes fotografies dà n cheder folcloristich dla Ladinia - al mancia na cherta dla Ladinia - chestions atuales desche toponomastica y d'auter nia da afustié

En general tesc' interessanc, ma te deplù capitui de scletes fotografies: l Atlant Ladin, dé fora da la Region Trentino-Südtirol y prejenté chisc dis é metù ju per talian dess ence gní dé fora defata ence na verscion todescia. Sot a n atlant ladin s'éssen endere perdret aspeté dlongia les truepes informazions che vegn dedes ence n valgugn dac concrec sun la populazion, sourasperses, splighés tres grafics. Al mancia ence na scempla cherta teritoriala dla "Ladinia" con toponims che  ti fossa dassen d'utl al letour. 

 

metù ite da noeles ai 24 May 2006 da les 21:14:04 (932 liet)
(liej inant... | 3296 letres | 1 comentars | ponc: )


Transiament soura i joufs dolomitans: no a n daz
Politica

 

Degun daz sun i joufs dolomitans n iade

... empruma déssel vegní mioré les stredes te na colaborazion soura i confins fora

La "coltrina de fer" anter les valedes ladines (i joufs a paiament) ne gnirà nia a se l dé sciche l assessour Florian Mussner (SVP) volova realisé con slum: n stude de fatibelté òvel bele tles mans, tamben n plan y votazions de sostegn ti conseis de comun de Selva y de Corvara. Ence la data fova tl aier, a scomencé con l ann 2007 y saré dòvel gní duc i joufs devers souramont (Frera, Fauzares, Ciaulonch y Sela) con stanges y stazions dl daz. Sen ti àn aridlé l troi, chest l resultat de na enconteda de chisc dis anter i presidenc dles provinzies y regions confinantes: Sergio Reolon (Belun), Lorenzo Dellai (Trent) y Luis Durnwalder (Bulsan) con si assessours al trafich y l president dla comiscion europeica dl trafich Paolo Costa. 
 
Mussner contra deplù union anter i ladins: al ne é nia demé contra l ladin standard; al se à ence prové de mete su stanges sun i joufs.
 

metù ite da noeles ai 24 May 2006 da les 17:13:27 (881 liet)
(liej inant... | 5897 letres | comentars? | ponc: )


Fascia: senteda dla Union Autonomista Ladina (UAL)
Fascia

 

Ala bruj dassen la desfata litala, ma an ciala inant 

Senteda generala dantenier, ai 21 de mei, a Poza de Fascia - Fabio Chiocchetti: al vuel ester na aisciuda nueva per se enjigné ca a les lites dl 2008 - Diretif nuef

de Domenico Volcan

Les litazions politiches apeina passedes ne à nia demé mudé a livel nazional l govern, ma per cie che reverda la Val de Fascia ence radicalmenter l raport anter la politica porteda inant da la UAL-Union Autonomista Ladina y i litadours, l raport de tegní adum per mané n raprejentant a Roma. L projet de partí de regoeta per agn tegnù adum da Ezio Anesi enfin a Bepe Detomas encuei, à debujegn, do l resultat dassen desplajoul dles lites parlamentares 2006 te Fascia, de n moment de reflescion, de discuscion y de renovament.



 


metù ite da noeles ai 22 May 2006 da les 17:45:12 (938 liet)
(liej inant... | 4882 letres | comentars? | ponc: )


La Val: conzert dl Cor Cantus Iuvenis
Val Badia

 

Amours y dolours

... n viade fora per les epoches dla mujiga con l dirighent André Comploi y l cor Cantus Iuvenis

Sot  a la iniziativa dl "festival joeneza y mujiga la Val" végnel metù a jì en sabeda, ai 3 de jugn, da les 20.30 h, tl salf dles manifestazions "Domene Moling" a La Val, n conzert con l cor "cantus iuvenis" sot a la direzion de André Comploi d'Al Plan. L cor de studenc mescedé dles universités da Viena - anter chisc ence ladins - envieia a tò pert a n viade de aorela curta sot al moto "amours y dolours" fora per les epoches dla mujiga.


metù ite da noeles ai 22 May 2006 da les 19:33:09 (922 liet)
(liej inant... | 3972 letres | comentars? | ponc: )


Redazional: noeles.net tres rss
Desvalives

 

Yahoopool.nettres i letours rss 

La miscion da mete ite é http://www.noeles.net/backend.php, ence sun i news-reader html

RSS-News-feeder (vejoladours) pieta la poscibelté de aboné y de lieje debant noeles da n grum de foliec nazionai y internazionai. N program i abina duc adum y fej les atualisazions vigni iade che an va te internet, zenza che an messe tres endò chirí su les plates te internet.


metù ite da noeles ai 22 May 2006 da les 09:38:30 (908 liet)
(liej inant... | 2005 letres | comentars? | ponc: )


Barometer dl lingaz Ladin
Ladin Standard

 

N barometer con interpretazions desvalives 

Enrescida dl ASTAT - Florian Mussner: la provinzia de Bulsan fej assé per i ladins - Carlo Willeit: chest ne é nia veir - An veid ite la emportanza dl lingaz scrit unifiché

La Ila. En venders, ai 12 de mei 2006, él vegnù organisé da pert dl Consei de Formazion dl Comun de Badia la prejentazion dl Barometer sun la situazion linguistica ladina. Tres l domesdì à condut Lois Castlunger. La relazion dl barometer é gnuda porteda dant da Angela Giungaio dl ASTAT. Tl ann 2004 ova l'ofize dl' ASTAT dla provinzia de Bulsan fat na enrescida sun la jent ladina, sun l'adoranza y la comprenjion dl lingaz ladin.

 


metù ite da noeles ai 20 May 2006 da les 19:27:15 (1417 liet)
(liej inant... | 7078 letres | comentars? | ponc: )


Na esperienza personala dla familia Moroder
Storia

 

"I colaboratours de Hitler te Gherdeina"

Revisionism storich te Gherdeina: l prof. Edgar Moroder de Urtijei prova de mete i 5 colaboratours gherdeines dl regim nazist de Hitler y copés do la vera dai partisans de Belun al medem livel de Josef Mayr Nusser che à dit nò al nazism y é gnú copé

I nes on fat bendebot marevueia a lieje chel articul de Edgar Moroder olà che el prova belau de mete sun l medem livel Josef Mayr Nusser y chi 5 de Gherdeina che é vegnus touc pera y mazés dai partisans dla Brigata "Valcordevole" do i 15 de mei dl 1945. Fé n tel confront é bendebot fora de luegia, stona damat y ne é dut entourn nia realistisch, ajache al ne à net nia da fé l’un con l’auter.
Josef Mayr Nusser fova n joen dret atif tla "Katholische Aktion" y tla "Kolpingsfamilie" tant che al fova dret benvolú dai joegn per sie ardiment y coraje de dí sia minonga devers l terz Reich che se desmostrova de ester for plu y plu n regim de estrema man dreta y contra la gliejia Catolica y Protestanta. Al à empaieda con sia vita.


 


metù ite da noeles ai 20 May 2006 da les 18:03:17 (1452 liet)
(liej inant... | 9383 letres | 2 comentars | ponc: )


Fascia: les tradizions de fé pan te ciasa
Fascia

 

Coche an fajova pan zacan

Te 12 agn à entourn 10.000 persones tout pert a la escursion sun la tradizion de fé pan - N develpaie ai promotours y ai volontadifs

Al é sen temp de gran laour per duc i comités de manifestazion de Fascia per perduje de finì via l program y les propostes che sarà a leta souraldut per i ghesc' via per l'isté che vegn. Desche dagnora n grumon de ocajions: chest ann endere manciaràl dassen n apuntament che tl temp é sté n moment de conescenza dla storia materiala de Fascia: la storia dl "fé pan" che vegniva spligheda sun la frazion de Pian a Ciampedel. Na scomenciadiva apriejeda y che ti à fat conesce vigni ann a milesc de persones l'anima de Fascia, la storia scempla dl'arpejon de nosc vedli.


metù ite da noeles ai 19 May 2006 da les 18:10:03 (915 liet)
(liej inant... | 3586 letres | comentars? | ponc: )


Publicazion nueva sun l alpinism feminil
Fascia

 

L'arpejon dles eles tl alpinism

L liber "Pareti Rosa" porta dant l svilup dl alpinism dles eles dal scomenz enfin a encuei, anter chestes ence alpinistes ladines

Dant a puec dis é juda a piz la 54 edizion dl "filmfestival della Montagna de Trent" y ciamò na outa é la zité de Trent steda per n valgugn dis al zenter dl mond alpinistich nazional y internazional. Na bela edizion ence per merit de na bela cumpeida de vijitadours y de spetadours ai desvalifs evenc che ti à fat tré n bilanz scialdi positif ai organisadours. Anter i desvalifs apuntamenc él sté la prejentazion dl liber "Pareti Rosa - le alpiniste trentine di ieri e oggi" dé fora da la SAT y publiché sun interessament dla Provinzia de Trent.


metù ite da noeles ai 16 May 2006 da les 19:01:23 (949 liet)
(liej inant... | 3683 letres | comentars? | ponc: )


Lois Trebo: esternazions meltentopedes
Politica

 

"Chi che ne vuel nia ester talians y a chi che ala ne ti scusa nia chilò, po s'en tabaché viaifora"

Con chestes paroles scrites te na newsletter "Perlae Ladine" à l President dla Generela, Michil Costa, ficé te n vespé

Sce an damana la jent, sce ala conesc la Union Generela, spo sàla ben da dì che ala dà fora dal 1972 encà l foliet ladin - La Usc di Ladins; ma ala ne capesc nia, a cie moda che Bulsan o de chi dla SVP l'à su con la Generela; cindetant végnel envié via critiches che à puecia fondamenta. An à l'imprescion desche la SVP adora vigni mez ann na biescia rossa per podei dramé ju; con la SVP mini ie ladins dla SVP.

Da sen inant fírmel les newsletters desche Penna Libera J. MacLadimpede. 


 


metù ite da noeles ai 16 May 2006 da les 18:58:13 (1280 liet)
(liej inant... | 9085 letres | 3 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.380 seconc