benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Joufs dolomitans sarés: capitulazion mentala
Politica

 

La capitolazion dant a la tripartizion y dant al capital

Anter chi che se damana che i joufs dolomitans vegne sarés ence l president dla Consulta Ladina, Helmuth Moroder y l president dla Generela Costa Michil - Na coieneda de duc i ladins

Al é unfat cie vertoles che an tire ca, cie sort de mesures che an tire fora: al en é che laora dassen per che la tripartizion ladina vegne ciamò n iade renforzeda. Saré i joufs dij n valgugn, mete n daz dij i autri. Al é unfat: a entrami i grups ne ti basta la tripartizion dla Ladinia nia. An à stredes, ma cheles dess vegnì saredes.

Helmuth Moroder é anter i promotours de na scluta di joufs entant i meisc da d´isté da les 10.00 a les 16.00.



metù ite da noeles ai 13 June 2006 da les 21:19:47 (901 liet)
(liej inant... | 6082 letres | 4 comentars | ponc: )


Scizeri de Sudtirol: ai semena toponims todesc dlonch
Politica

 

La vertola de Kollman: "i ne ove nia dlaorela"

La cherta di scizeri fej con i ladins avisa chel che ai ti tira dant ai talians: sterne encerch inoms todesc 

La cherta é vegnuda prejenteda con n grum de publizité mediala sciche an essa inventé da nuef l’ega ciauda, enscí fova la cherta vegnuda laudeda da chi che l’ova fata. Fata zenza contribut di ladins – valch todesc anter ei à fat fora na cherta toponomastica che dess vegnì – chest se aódei – la toponomastica ofiziala. La cherta é n laour da valgrata che palajeia l’ideologia nazionalista de chi che l’á fata. Nia demé che i todesc che à fat la cherta vuel comané sun i toponims dla provinzia entiera – y enscí ence sun i autri grups etnics. Che chest spirit de egemonia etnica é nazionalista é tla definizion enstessa de nazionalism.
C. Kollmann, l toponomast di scizeri. Al é n'intenzion viadedò: sterne fora per les valedes ladines tant che an é bogn toponims todesc. N'operazion tolomeica da pert todescia.


metù ite da noeles ai 13 June 2006 da les 20:54:20 (1167 liet)
(liej inant... | 11053 letres | 2 comentars | ponc: )


Grup de Folclor de Cianacei (LIAM NUEF)
Liams y desçiaries
Liam nuef te nost regoi: Grup de Folclor de Cianacei
Descrizion: L Grup de Folclor Cianacei é vegnù metù su per se tré ite, doré y mostré con gust y orgolie l guant, i bai y les mujighes de Fascia de chisc agn passés. Fascia é chela val dles Dolomites tl Trentin che se encogneia anter les provinzies de Bulsan y de Belun, sçiavazeda fora da les eghes de La Veisc. Cianacei, ja pé dl Saslonch y dla Marmoleda. Al é l paisc plu aut dla val. Sia jent é ladina, ala viv da anorum te chestes valedes entournvia l grup dl Sela y ala rejona n lingaz vedlor che vegn dal latin.
Autour dla plata internet: Grup de Folclor de Cianacei



metù ite da AutoStory ai 12 June 2006 da les 21:59:20 (867 liet)
(comentars? | ponc: )


La cherta di toponims storics vedus dai todesc
Desvalives

 

N laour da Valgrata

Les majeres unions todesces: Schützenbund, Heimatpflegeverband, Alpenverein y e.i. se ghira dlonch toponims todesc, ence tles valedes ladines - Furcia deventa "Furkelsattel"

Dant da n valgunes edemes à na "comiscion per la toponomastica" componunda da raprejentanc dl "Schützenbund", dl "Bauernbund", dla "Bauernjugend", dl "Heimatpflegeverband", dl "Alpenverein" y d'autres prejenté con gran resson mediatich na cherta con i "toponims storics" de Südtirol. La comiscion se ghira che les traduzions de Tolomei vegne toutes ju y che demé i toponims "storics", ence chi talians, dess avei valuta ofiziala.  La comiscion dij de no a la proposta de Durnwalder. Aladò de chela dess entourn 550 macro-toponims resté ence per talian (en pratica dutes les majeres localités y i majeri creps). La cherta enstessa é vegnuda elaboreda da Cristian Kollmann, linguist  y "espert de toponomastica". Aladò de chesta proposta metuda sun cherta dess demé 200 toponims talians valei ofizialmenter.  N laour da Valgrata.


metù ite da noeles ai 12 June 2006 da les 17:41:18 (1207 liet)
(liej inant... | 8760 letres | 2 comentars | ponc: )


Fodom à endò na mujiga
Fodom

 

Fodom é capaze de sia mujiga nueva

Conzert enaudal en sabeda ai 10 de jugn 2006 tl Salf di Congresc a Reba

La mujiga da Fodom é entratant na bela realté. Al é sté bendebot de suzes la "cercia" metuda a jì per la fin dl secont ann dl curs de mujiga, che é vegnuda tegnuda en sabeda passeda tl Salf di Congresc a Reba.

La joena mujiga de Fodom.


metù ite da noeles ai 12 June 2006 da les 10:36:28 (1057 liet)
(liej inant... | 3021 letres | 1 comentars | ponc: )


Renzenjion dl liber dl dr. Lois Craffonara sun la prozescion de Jevun
Storia

 

Prozescion de Jevun: storia y mit

L liber dl dr. Lois Craffonara sarà dret d'utl per derzé certes ipoteses faledes - La prozescion mantegn inant sia valuta desche esprescion de religiosité vivuda emozionalmenter 

En juebia adora ései endò piés via da les 12 plovanies dla Val Badia i pelegrins che và vigni trei agn per trei dis dlon prian y dlon ciantan soura i joufs, tres Funés enfin a sun Jevun tla gliejia dla Santa Crousc. En juebia seira ései ruvés a San Piere de Funés, en venders dantmesdì sarài sun Jevun y do marena darài endò outa devers ciasa. Chesta prozescion vegn rateda particolamenter de valuta, ence i Funesseri y chi da Cluses tol dagnora su i pelegrins decuermenter. Ti ultims agn giata l pelegrinaje ence tres plu ressonanza ti media che ne sà endere nia dagnora co ti jì permez y splighé chesta manifestazion de pietism y de devozion popolara.
 
L autour, dr. Lois Craffonara.
 


metù ite da noeles ai 08 June 2006 da les 21:46:44 (1110 liet)
(liej inant... | 10070 letres | 2 comentars | ponc: )


La Tageszeitung: n livel da daudé
Politica

 

La stampa todescia adora nia d'inrer terms anti-ladins

L titul dla Tageszeitung dla ultima sabeda "Bittgang der Krautwalschen" se arbasseia a n livel de desrespet razist

de Mateo Taibon

L'ultima sabeda (03.06.2006) à la Tageszeitung abù n titul de pruma plata de n livel dret bas, de n livel che arenta tl razism, che mostra a vigni moda l desrespet per n grup etnich intier. “Bittgang der Krautwalschen” végnel scrit, l tema chel dla prozescion de Jevun. Nience na tradizion desche chesta prozescion ne é bona da ti destó chesta burta parola che é ofensiva. La denominazion "Krautwalsche" é segn de n plajei malign envers i ladins, de livel razist.  Cie dijessa pa i todesc sce n foliet talian metessa sun la pruma plata per ejempl “le tradizioni dei crucchi”? Al sautassa su n scandal, un endò l auter s’endignàssei per l nazionalism talian. Ma can che l nazionalism vegn da pert todescia, scouta duc. Deguna parola samben nience da la SVP, che é zenza atira dant man. Ma demé can che ala va di todesc: di ladins ti en él bel unfat, i ladins ne conta nia.


metù ite da noeles ai 07 June 2006 da les 21:57:14 (1280 liet)
(liej inant... | 5474 letres | 5 comentars | ponc: )


La SVP ladina: si funzionars claceneia ence a mans vuetes
Politica

 

I funzionars "ladins" dla SVP claceneia ence per nia

N ladin pò deventé "assessour provinzial" desche Mussner, ma demé sce la SVP vuel: chesta é na situazion dassen umilienta

Canche la SVP sciacareia fora valch normes con Roma per Südtirol, ciàlela scialdi demé de si todesc y chest é da capì; nia da glotì n'él che funzionars ladins dla SVP, metus per ti fé avei ai ladins deplù rejons, scouta chiec y claceneia ciamò con les mans vuetes.

Tant "ladina" é pa perdret la SVP "ladina"?


metù ite da noeles ai 06 June 2006 da les 15:43:02 (723 liet)
(liej inant... | 3933 letres | comentars? | ponc: )


Jevun: valch sun la storia
Storia

 

... O vedli trois y semenes doiouses ....

Bele i vedli "Isarcs" apriejova la posizion de Jevun

Jevun é un di luesc plu vedli y vedlors tl raion de Sudtirol: sies origines se confon anter la liejenda y la storia. Sia posizion strategica alauta fova bele gnuda apriejeda dai "Isarcs", vedla popolazion pre-romana dla valeda, desche fortificazion. Da ei vegn bonamenter ence l inom "Sebona". Tl ann 220 dant Crist pèrel che l re Arostago essa fortifié la crepa de Jevun per se paré dai Romans. En l ann 14-15 dant Crist, do la deventa dl raion da pert di Romans, fòvel na stazion romana per defene l streda che passova dessot (Cluses).

La prozescion de Jevun
En juebia, ai 8 de jugn, piarà endò via da les 12 plovanies dla Val Badia les prozescions de Jevun, cheles dla Bassa Val Badia se abina tradizionalmenter a d'Antermeia per jí deberieda soura Börz via, depierpul che cheles dl'Auta Valada y Lungiarü và per Munt d'Adagn. Les prozescions se enconta dutes cantes domesdí via a Santa Madalena te Funés per jí deberieda y sté souranuet a San Piere de Funés. L dì do, ai 9 de jugn, jiràn bonorifs devers Cluses y sun Jevun olàche al gnirà tegnù la messa conzelebreda dal vescul W. Egger. Arciasan stàn ciamò n iade souranuet a San Piere per dé outa devers ciasa l di do adora.


metù ite da noeles ai 05 June 2006 da les 22:26:09 (1004 liet)
(liej inant... | 6936 letres | comentars? | ponc: )


La SVP tres enjigneda a critiché Roma, miec scoé dant sia porta
Politica

 

Ence la gliejia protesteia contra "les usanzes politiches" dla SVP

Riccardo Dello Sbarba ne se à nia enjenedlé dant a la SVP per deventé president dl Consei Provinzial

Che la politica n'à nia les mans massa netes savonse duc, an dij pu che ala é valch de paz. Bele perchel él tant puec che se interesseia de politica. Chest rati ie dret falé, davia che spo fej la politica cie che ala vuel. Per fortuna che al en é ciamò de chi che à l coraje da ti cialé sun i deic a les persones politiches; pro chisc auda ence valch foliet de gliejia sciche l "Katolisches Sonntagsblatt" (KS) da Bulsan.


metù ite da noeles ai 05 June 2006 da les 19:39:31 (815 liet)
(liej inant... | 3393 letres | 1 comentars | ponc: )


Fascia: Te Anter i Tobiè y Festa da d'Isté
Fascia

 

Empruma "Te anter i Tobiè", dedò Gran Festa da d'isté

Does manifestazions folcloristiches che cherda adalerch vigni ann truepa jent

Does les gran manifestazions via per l'isté tl'auta Val de Fascia. La pruma sarà la "Festa Te Anter i Tobiè" a Cianacei che vegnirà tegnuda dai 13 ai 16 de messel y dedò la Gran Festa da d'isté dai 31 de aost enfin a en domenia, ai 3 de setember 2006. Al se trata de does de gran manifestazions liedes a les tradizions, a la cultura materiala y al folclor de Fascia y de duta la Tera Ladina: manifestazions che vuel ester na ocajion per ti fé conesce ai ghesc' nosta storia y nosta arpejon da mont.

La mascotte "Forgian".


metù ite da noeles ai 04 June 2006 da les 21:46:20 (701 liet)
(liej inant... | 2884 letres | comentars? | ponc: )


Enconteda di ombolc de messel o da d'auton
Politica

 

Enconteda di ombolc, ma ingert

Demarevueia: Mussner cherdarà ence ite l ombolt de Lusern y chel dla Val dei Mocheni 

Canche an fej valch ingert, spo ne jòvel nia, ala à duré die, ma nience l assessour Mussner ne pò se tré sotfora per tres. La "enconteda di ombolc" ti stà sun l magon, ma ala é endò tl aier. Sburles da la tegnì finalmenter é ence vegnudes da souramont, ma an ne sà nia ciamò can (de messel o da d'auton), ciuldì y con ciun orden dl dí. La ultima de setember dl 2005 fova juda fora con de beles empromiscions, ma essenzialmenter a vuet.  Una na cossa pèr endere segura, la Generela ne vegn nia touta ite, n nò dezidù de Durnwalder. El tegn les avisenes tles mans te chesta chestion.  Nience i doi cuers de arjila che ti é vegnus scinchés a inom dla Generela dal diretour David Lardschneider te na enconteda de chisc dis  a Bulsan ne à smonejelé les posizions.


metù ite da noeles ai 03 June 2006 da les 23:05:27 (965 liet)
(liej inant... | 21101 letres | 3 comentars | ponc: )


Trentin: lege nueva sun la protezion zivila
Fascia

 

Reforma dla protezion zivila y di corps de studafuech

I studafuech y prum aiut sun l teritore é na vedla tradizion te nost raion, ala ova endere debujegn de vegnì regolamenteda miec 

Anter les truepes chestions debatudes tla provinzia de Trent se recordaràn dl ann 2006 dessegur per cie che reverda la reforma dl servisc de protezion zivila y di corps de studafuech volontadifs.
 
I studafuech da Vich entratant na desfileda.

metù ite da noeles ai 03 June 2006 da les 18:44:39 (735 liet)
(liej inant... | 5381 letres | comentars? | ponc: )


Seconda pert dla legislatura regionala: Trent y Bulsan
Politica

 

"L fil cuecen che me acompagneia"

Relazion dl conseier regional Luigi Chiocchetti che sourantol tla seconda pert dla legislatura l assessorat regional a les mendranzes

Chesta é la relazion dl aconsiadour dr. Luigi Chiocchetti porteda dant en gaujion dla sourantouta  de sia enciaria desche assessour regional en gaujion dla daurida dla seconda pert dla legislatura a Bulsan, ai 23 de mei.

"Chesta XIII legislatura é pieda via per cie che reverda la Region, fosc con na maniera de dì nia tant plajoula, sot a na sort de slogan: chel dla enscidita stafeta anter i Presidenc dla Jonta: mesa legislatura con a la presidenza l President dla Jonta provinziala de Bulsan y mesa con l President dla Jonta provinziala de Trent. Al é sté atira desvalifs entervenc, interpretazions y posizions ence dret critiches en cont de chesta impostazion; al é ence vegnù porté dant temes de banalisazion dl'istituzion regionala sourandeda a doi presidenc che essa podù ti dediché empegn y energies a la Region demé "tl temp lede".


metù ite da noeles ai 31 May 2006 da les 20:16:28 (778 liet)
(liej inant... | 14294 letres | comentars? | ponc: )


Cherta d'identité per ladin: SVP vuel tegní en pe la despartizion
Ladin Standard

 

La obfrau Bioc Gasser se ghira 3 verscions sun la cherta d'identité

La SVP vuel che i ladins reste despartis ence sun la cherta d'identité

La "Obfrau" dla SVP-"ladina", Paola Bioc Gasser, se dij dret contenta che al é finalmenter gnù arjont na cherta de identité scrita ence per "ladin". Ala sotrisseia endere  tl medem temp che ala dess ester metuda ju ti idioms reconescius ofizialmenter: badiot y gherdeina desche la delibera dla jonta provinziala nr. 210/2003 se l ghira (y nia l ladin standard o scrit unifiché). Fascia fajarà per sie cont y optarà per l ladin scrit unifiché.

Comentar
Endò n iade n segn dret cler te cie striara che la SVP ladina varieia per cie che reverda la Ladinia: "renforzé y potenzié la despartizion voluda dal fascism", perchel nience sun na cherta de identité duc unis y unfat. Dut cie che và soura l  livel folcloristich vegn combatù con piesc y con mans.. L'assurdité él che da Hamburg a Bulsan àn una na verscion ofiziala dl todesch, ma per i ladins végnel boicoté anter n jouf y l'auter chest strument de unité y de souravivenza tl davegnì. Na contradizion ence che la SVP "ladina" adora rodunt n lingaz stra-standardisé sciche l todesch per si comunicac (nia l ladin) y per sia propaganda contra la standardisazion dl ladin.

 Prof. univ.Walter Belardi: Comentar a la dezijion de Istitut y provinzia de scluje fora l ladin scrit unifiché "Roba da Medioevo"

 


metù ite da noeles ai 31 May 2006 da les 18:20:42 (1402 liet)
(liej inant... | 6355 letres | 2 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.481 seconc