benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La fabula dla SVP y dla provinzia de Bulsan
Politica

 

De beles paroles, ma i fac desmostra l despet devers i ladins

De gran encundes per na cossa che messessa ester daldut naturala

Gran dafé, truepes paroles capazies encer na cossa che messessa ester la plu naturala: sun les tofles n benvedú per ladin ai confins dla provinzia. L president dla provinzia á encundé che chestes tofles ne sarà nia demé plu da colours, ma ence per ladin. Ence per ladin: al messessa perdret ester natural che l terz grup etnich dla provinzia vegne reconesciù. Enscí féjen de chesta cossa na gran chestion de propaganda.



metù ite da noeles ai 03 September 2006 da les 19:59:58 (751 liet)
(liej inant... | 3374 letres | comentars? | ponc: )


Al basta che al sie nazionalism todesch, chel vegn esalté
Politica

 

Canche l nazionalism todesch é arconcé ite ti cefs

Dret atual é endò n capitul dla storia de Südtirol, la politica damana la "grazia" per chi che à fat atentac teroristics, ma i clama "ativisc´" o "Freiheitskämpfer"  

de Mateo Taibon

Les terminologies dij gonot deplú co che l’argumentazion enstessa ne vuel l dì. Les paroles ch’an tol per denominé valch dij deplú che chi che les adora ne l dije diretamenter, ence deplú co chi che les adora ne s’en lasce ite. Dret atual é endò chel capitul dla storia de Südtirol, olache al é gnú fat certes ativités. Chestes ativités fova mete bombes. Chi che á metú bombes, vegn enscí nominés „ativisc'" - da na gran pert dla politica de Südtirol y ence dai media che n’ejamineia nience n pue sia terminologia. Mete bombes é n’ativité, dessegur, chi che metova bombes é „ativisc'". Cie che al vegn dit con chestes paroles é che adoré la violenza sciche meso dla politica é legitim: la terminologia „ativist" legitimeia les bombes. Al ne vegn nience nia fat desvalivanzes. „Ativisc'" ti végnel dit a duc, ence a chi che á copé y daidé copé persones. Ma al sarà ben che sc’al vegn copé n talian vel chest demanco per certa jent - la parola „ativist" tol enscí ence ite na bona porzion de razism. Na testimonianza cruedia de chest é ence steda n’intervista sun la chestion de n talian copé. „Al ne dova nia jì dailò", chesta la posizion che ti dà la colpa a la vitima.

L "Freiheitskämpfer", Siegfried Steger. Da Tirol On-line http://www.tirol.com/politik/suedtirol/44076/index.do


metù ite da noeles ai 26 August 2006 da les 20:25:41 (1217 liet)
(liej inant... | 5935 letres | 1 comentars | ponc: )


Letra a la jent ladina
Politica ghest scriv "

 

Avei enstesc n cef da pensé

En ocajion dl di dla unité ladina me éi pensé de scrive na letra a la jent ladina. Un di plu gragn problems di ladins encer l Sela é sia despartizion, la mancianza de na sterscia unité, y chest a vigni livel: sozial, cultural, economich y dant daldut politich.  Y con chest fat taca adum na posizion de debleza, na mentalité da fanc, da dependenc, de frunt a les popolazions vejines y sies forzes politiches. Ma tl temp che i vivon aldidancuei é truep mudé:
1) La jent se sta ben, ala ne à nia de gran problems de se tré l vive.
2) Les poscibeltés de se enconté é majeres y mioures; al é ence plu saurì a comuniché tres i mesi moderns di mass media, tres internet.
3) L livel de istruzion dla jent é truep plu aut che dant da 50 agn.

"

metù ite da noeles ai 20 August 2006 da les 19:31:31 (927 liet)
(liej inant... | 2866 letres | comentars? | ponc: )


Val Badia:
Cultura

"MISSION M.A.X." – n musical te deplù lingac per mutons y joegn

Do da meisc de preparazion y entratant edemes de laour con mutons y joegn éla finalmenter tant inant de prejenté l projet musical che l Servisc ai Joegn à metù a jì adum con la direzion raionala de scola ladina Al Plan de Mareo, con l Südtiroler Sängerbund y en colaborazion con l Istitut Cultural Ladin "Micurà de Rü".

Mission M.A.X.L musical dal titul "Mission M.A.X." vegnirà raprejenté en sabeda, ai 19 d’agost da les 19.00 y en domenia, ai 20 d’agost da les 15.00 y da les 19.00 tl salf manifestazions a San Martin de Tor. Protagonisc’ sarà mutons y joegn dla Val Badia.

Foto entratant les proes.


metù ite da noeles ai 10 August 2006 da les 14:01:30 (1054 liet)
(liej inant... | 4145 letres | comentars? | ponc: )


Enconteda di ombolc ladins a Corvara: grup de laour en pe
Politica

 

Fum blanch a la conclava di ombolc ladins

L organism de coordinament giata bel plan forma - Paolo Frena, ombolt de Col Santa Lizia, meina dassen do

de Lorenzo Soratroi

Fum blanch pro la seconda conclava di 18 ombolc dles valedes ladines a Corvara en juebia seira (27.07.06). Al é vegnù fora i inoms di 4 "savesc" che messarà elaboré y mete adum n statut y n regolament per mete en pe l organism souraprovinzial de coordinament anter les 5 valedes ladines prevedù da la lege 482/99. De chest grup de laour restrent fej pert i ombolc Franz Complojer (La Val), Gino Fontana (Vich), Paolo Frena (en raprejentanza di comuns de Col, de Ampez y de Fodom), plu un n raprejentant de Gherdeina che gnirà nominé empermò te valch dis, ajache al ne fova nia gnù envié l ombolt de Ciastel.

Foto de grup di ombolc.


metù ite da noeles ai 30 July 2006 da les 18:30:08 (751 liet)
(liej inant... | 19285 letres | comentars? | ponc: )


Tarifes comunales: priesc di comuns n pue truep desvalifs
Aministrazion

 

Coutes comunales: olà pàien pa demanco, olà deplù?

I comuns calcoleia enscì i cosc' per i servisc sciche ega da beive, eghes pazes, scolina, refudam y d'auter

de Monica Deiaco-Graefe

Aladò de n stude publiché a la fin de jugn dal Istitut per la promozion dl laour „AFI-IPL" arata l comun de Badia l import plu bas per cie che reverda la soma dles tarifes per l’ega da beive, les eghes pazes y l refudam. L’import plu aut ghira l comun de San Martin de Tor en confront ai autri comuns dles valedes ladines Val Badia y Gherdeina y chesta soma é enfinamai plu auta dl valour mesan provinzial. Les families paia endere per na muta o n mut che frecuenteia na scolina l manco tl comun de San Martin y l plu a St. Cristina. La couta "ICI" plu auta paia i proprietars de bens imobiliars tl comun de Corvara y l manco chi dl comun de La Val.


metù ite da noeles ai 22 July 2006 da les 20:23:03 (1025 liet)
(liej inant... | 32347 letres | comentars? | ponc: )


La Ila: premiazion de Boscele
Cultura

 

Boscele: n juech per fé conesce l ladin dolomitan

Nadia Chiocchetti, Daria Valentin y Karin Pizzinini podarà pié do en doman n pest particolar

En doman, venders ai 14 de messel 2006, podarà i realisadours o miec les realisadesses dl juech a chertes "Boscele" pié do n reconesciment spezial: l pest "Alta Qualità per l'infanzia Il Grillo". Al se trata de Nadia Chiocchetti, Daria Valentin y Karin Pizzinini. La festa de premiazion vegn metuda a jì adum con l Consorz turistich Alta Badia en convenzion con RAI Tre y RAI Sat Ragazzi y con l patrozine dl Departiment de Scienzes dla Educazion dla Université de Bologna, dl'Unicef y dl Antoniano de Bologna. Ai cartadours ti pléjel propi l juech!


metù ite da noeles ai 13 July 2006 da les 08:03:21 (895 liet)
(liej inant... | 2263 letres | comentars? | ponc: )


Fascia: mostra d'ert dla lia Kultura
Fascia

 

"Varder inant", esposizion a Cianacei

Enaudazion en doman da seira da les 21.00 - Al vegnirà prejenté entourn 40 chedri con catalogh

Urteda con l'ert y la cultura en doman a Cianacei tla sala grana de Comun a pié via da les 21 da seira. Al vegnirà prejenté la lia culturala nueva "Kultura" con a cef Martino Lorenz da Penia che abina adum n clap de artisc' fascians. Al sarà ence la gaujion per l'enaudazion dla mostra d'ert coletiva de artisc' fascians clameda "Varder inant " che resta daverta enfin ai 21 de messel.


metù ite da noeles ai 11 July 2006 da les 15:29:16 (936 liet)
(liej inant... | 3174 letres | comentars? | ponc: )


Fascia: Moncion, la plu bela vila fasciana
Fascia

 

Moncion festejeia la Segra de Sant'Ana

La gliejioula dla vila fasciana porta l medieje 1603 - Da 12 agn encà végnel fat segra - 22 y 23 de messel 2006

Moncion é una dles plu beles viles de Fascia: sia posizion desche sun n balcon ti dà ciamò plu fascinazion y l dret liam a la storia y a la cultura ladina de Fascia. N pice paisc de Fascia che ne vuel nia desmentié sia storia y sies tradizions y belavisa per chest végnel endrezé via da 12 agn encà la Segra de Sant'Ana, patrona de Moncion. Samben che sun Moncion él dagnora vegnù festejé Sant'Ana ma da 12 agn encà, per endrez de n grup de sentadins, végnel endrezé na segra con n rich program che vuel ester ence n moment de fradaia anter ghesc' y jent dl post.


metù ite da noeles ai 11 July 2006 da les 19:14:42 (935 liet)
(liej inant... | 3922 letres | comentars? | ponc: )


Ladinia: enconteda di ombolc ai 27 de messel 206
Politica

 

Paolo Frena cherda ite i ombolc

La enconteda gnirà tegnuda ai 27 de messel tla Ciasa de Comun de Corvara, degun orden dl dì particolar

de Lorenzo Soratroi

Do diesc meisc da chela pruma enconteda anter i 18 capicomuns dles valedes ladines y di presidenc dles trei provinzies a Bulsan, tournarà i prums  zitadins a se enconté entourn na taula per envié via la costituzion de n organism de coordinament souraprovinzial, desche prevedù da la lege 482/99 sun les mendranzes. La senteda é vegnuda clameda ite dal Capocomun de Col Paolo Frena per en juebia, ai 27 de messel a Corvara, tl salf dla Ciasa de Comun.


metù ite da noeles ai 10 July 2006 da les 18:46:40 (827 liet)
(liej inant... | 19853 letres | comentars? | ponc: )


Fascia: manifestazions per daidé n projet de na scola tl Nepal
Fascia

 

Encontedes con i alpinisc' temerars: Pederiva, Valeruz y Martini

Lignola de manifestazions per sostegnì n projet per na scola tl Nepal

L comité dles manifestazions de Vich y l mond dl alpinism sostegn deberieda na bela scomenciadiva de carater umanitar a ben dla popolazion dl Nepal y plu avisa per la realisazion de na scola per mutons.  Al se trata de n projet che vegn porté inant en pruma persona da n gran conescidour dl Himalaya, enstes om dles montes, Fausto de Stefani da la Lombardia, da trueps agn particolarmenter interessé a la cultura y a la souravivenza di popui che viv tl Nepal.


metù ite da noeles ai 09 July 2006 da les 19:19:39 (934 liet)
(liej inant... | 3971 letres | comentars? | ponc: )


Union di Ladins de Gherdeina
Gherdeina

 

La majer festide resta: l davegnì dla Cesa di Ladins

Herwig Prinoth y Marie Theres Thaler raprejentanc tl Museum de Gherdeina - Enconteda con raprejentanc dla lista LADINS - Ladinia-Tour podessa garaté interladina Grijon-Dolomites-Friul

Chest ultim temp é sté per l consei dla ULG scialdi busient y empegnatif. Fora dles sentedes de normala aministrazion en él ence gnù laprò n grum de autres straordinares. Truepes autorités é gnudes te chestes ultimes edemes a conscidré l'ativité dla ULG, anter chisc l president dl Consei dla Provinzia Riccardo Dello Sbarba, l assessour dla Region per les mendranzes Luigi Chiocchetti, l assessour provinzial Florian Mussner, i ombolc dla valeda y l president dla Generela Michil Costa. Te deplù sentedes él gnù analisé la situazion dl Consei dl Museum.

 La Lista Ladins de valeda à abù n'enconteda con l consei dla ULG per rejoné dl davegnì dla Cesa di Ladins. 


metù ite da noeles ai 09 July 2006 da les 19:27:15 (868 liet)
(liej inant... | 3966 letres | comentars? | ponc: )


Intervista al regist ampezan Franco Vecchiato: la Pruma Vera
Cultura

 

Recordé per ne desmentié nia

Intervista al regist ampezan, Franco Vecchiato, che à metù adum n documentar sun la Pruma Vera Mondiala tl raion de Ampez

Intervista de Monica Deiaco-Graefe

Franco vecchiatoFranco Vecchiato, regist, é nasciù a Cortina d'Ampez tl ann 1949. Al à studié a l'université de Padova olache al s'à diplomé enjinier eletronich. Franco Vecchiato à metù man sia formazion profescionala sciche operadour cinematografich y s'à spo dediché a la fotografia y a la rejia. Al é dozent de cursc per la produzion de films "curc" y de fotografia. Sies fotografies é gnudes metudes fora te galaries d'ert talianes emportantes. Franco Vecchiato comunicheia tres sies operes emportantes de realtés culturales, soziales, imprenditoriales. L regist é gnù zeruch dant da puech per abité endò a Cortina do trenta agn che al é sté demez.


 


metù ite da noeles ai 04 July 2006 da les 20:56:25 (1403 liet)
(liej inant... | 6715 letres | 1 comentars | ponc: )


Di dla Unité Ladina: ciacoles é plu de dann che d'utl
Politica

 

Quo Vadis Union di Ladins?

L Dì dla Unité ladina messessa ester LA festa dla jent ladina y nia dles istituzions y dles autorités a dé ju proclamazions stereotipiches

de Erwin Valentini

Cinch menuc dant les dodesc met la Union Generala di Ladins finalmenter sun meisa n program per l Di dla Unité Ladina. Al fova gran ora, aspeté onse messù giut, massa giut! Per trueps él bele massa tert ajache ai à tout su entant d’autri engajements. Nia puec se damana cie che la UGLD fej, sce ala é ciamò en vita. Vigni tant auden, al é veira, de na enconteda anter i reprejentanc ladins y valch autorité politica, valch iade pòn lieje na minonga dl president dla Generela sun La Usc, valch outa sautel fora na polemica che se destuda dapò via te n gran fum.

 


metù ite da noeles ai 02 July 2006 da les 21:41:42 (1144 liet)
(liej inant... | 11743 letres | 1 comentars | ponc: )


Fascia: teater di buratins per entrategnì i ghesc´
Fascia

 

"A la Court dl Re Laurin"

Teater di buratins te Fascia entratant dut l isté

Anter les manifestazions da d'isté te Fascia él dessegur la scomenciadiva "Alla corte di Re Laurino" la plu apriejeda y chirida su dai bec, sibe da les families di ghesc' che da la jent de Fascia. La scomenciadiva, envieda via dant da ca. 7 agn con chela de porté dant la cultura dl teater di buratins é deventeda damprovia la maiour manifestazion nazionala de teater de buratins. N suzes chersciù tl temp per merit dla cualité y dla cuantité dles raprejentazions.


metù ite da noeles ai 02 July 2006 da les 19:17:29 (738 liet)
(liej inant... | 2793 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.529 seconc