benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

N vare inant con l organism de coordinament di ombolc ladins
Politica

 

Paolo Frena: al sarà n statut scempl che lascia truepes portes davertes

L grup de laour: "Entourn Nadel podéssen avei enjigné ca l statut" - Ai 9 de otober assemblea generala

Lorenzo Soratroi

L statut dl organism de coordinament nuef inanter i dejedot comuns ladins entourn l Sela podessa vedei la lum per les festes da Nadel. Al é chest l’obietif che al se à tout dant l comité de laour formé dai capicomuns  Franz Complojer (Val Badia), Gino Fontana (Fascia ), Paolo Frena (Col, Fodom y Ampez ) y Bruno Senoner (Gherdeina y frazions ladines de Ciastel). Al se à abiné ben 4 outes  en les ultimes edemes.

L ombolt de Col Santa Lizia, president dl grup de laour.

 


metù ite da noeles ai 25 September 2006 da les 06:34:02 (736 liet)
(liej inant... | 20711 letres | 1 comentars | ponc: )


Moviment Politich Ladins: Di de formazion politica
Politica

 

"Cie podonse y messonse pa fé per ti dé plu forza y plu convinzion a na politica ladina autonoma"

A chesta domanda cialarà da ti dé na resposta i reladours entant l Di de formazion politica, ai 30 de setember 2006, a Colfosch

L Moviment Politich Ladins (MPL) met a jì en sabeda, ai 30 de setember 2006, n "Di de formazion politica" a Colfosch tla Ciasa Tita Alton, da les 09.00 a les 13.00, con n program de relazions bendebot ampl y  con doprò na meisa torona con l titul sourascrit. L fin é chel de esploré la valuta de n partí politich organisé y de se enjigné ca per tó pert a les lites provinziales dl 2008. Tl aier él bele endò n projet dla SVP de mudé ju les regoles litales. Ma sen él ence na sentenza dla Court Costituzionala, la n. 356/1998 che ti à dé rejon al Moviment Politich Ladins che na lege sun les lites provinziales te Sudtirol ne pò nia contegnì n lim lital per i ladins. Chest pòn fé avalei sun troi giudiziar, sce ala mess ester.


metù ite da noeles ai 24 September 2006 da les 08:51:04 (712 liet)
(liej inant... | 3282 letres | comentars? | ponc: )


Fascia: la UAL cherda a l'unité
Fascia

 

La UAL peia endò via con Bepe Detomas

Al é gnù partì su chisc dis les enciaries de partí - Emportant ester unis per arjonje deplù

En mercui da denant (20 de setember) se à enduné l diretif nuef dla UAL (Union Autonomista Ladina) per sourandé les enciaries de partí. Bepe Detomas é gnù reconfermé secreter do che al ova giaté gran creta y plena fidenza dal congres straordinar en chesta aisciuda. Detomas envieia la UAL a fé sies reflescions. Al à trat ca damprovia duc i temesc che ti sta a cuer a la UAL y en general a la comunité de Fascia.

metù ite da noeles ai 22 September 2006 da les 22:55:00 (869 liet)
(liej inant... | 4321 letres | 1 comentars | ponc: )


L senn dla SVP al ladin te scola dal 1945 a encuei
Scola

 

Empede encorajé na "scola ladina" à la SVP tresfora laoré decontra

La proposta de ombolc y di plovans dl 1945 a Picolin, na scola paritetica ladina-taliana-todescia - La SVP volova sciuré fora deplen l ladin da la scola

Degugn ne à valch da rebate che per l mantegniment de sia cultura y per se svilupé inant adora les mendranzes linguistiches n sie sistem scolasich. La storia dl sistem scolastich dla mendra mendranza tla provinzia de Bulsan, chela ladina, vegn descrita  sen te na publicazion nueva. L liber dè fora dal ofize per la cultura y scola Ladina gnirà prejenté en venders, 29. de setember 2006, a La Pli de Mareo.
Atira do l fascism él gnù prové ciamò n iade de assimilé la mendranza ladina tres na scola te n lingaz forest. An à prové a ries de introduje tles valedes ladines de Sudtirol na scola todescia y enfin a encuei él dutaorela valch tentatifs. Do l temp fascist, dl 1945, vedòven finalmenter na bona poscibelté de mete man da nuef ence per cie che reverda la scola. Ai 23 de agost dl 1945 se àl abiné a Picolin i ombolc y i plovans de duta la valeda per rejoné dla scola da mete a jì da d'auton dl medem ann. 


metù ite da noeles ai 22 September 2006 da les 19:26:00 (925 liet)
(liej inant... | 10538 letres | comentars? | ponc: )


Comunanza Ladina a Bulsan: viade da d'auton
Cultura

 

Viade a Tischlbong y Zahre tl Friul

"Co se sté saurí te scola" fova l tema

La Comunanza Ladina de Bulsan organiseia endò n viade cultural da d'auton de doi dis, sabeda 30 de setember y domenia 1 de otober, chest iade per jì a vijité les does ijoles linguistiches germanofones de Tischlbong/Timau (situé damprò al jouf de Monte Croce Carnico/Mont Cros Cjargnel/Plöckenpass) y de Zahre/Sauris (situé tla Val Lumiei soura l paisc de Dimpec/Ampezzo dl Friul). En sabeda, marena a Timau y dedò vijiteien l museum storich-etnich dla pruma vera mondiala che é damprò al restaurant.

L paisc de Zahre tla Val Lumiei.


metù ite da noeles ai 21 September 2006 da les 18:20:46 (792 liet)
(liej inant... | 2978 letres | comentars? | ponc: )


60 agn dal Contrat Degasperi-Gruber
Storia

 

A Roma ti fòvel unfat, sce i ladins giatova valch dert, ma a Bulsan nia

Degasperi-Gruber: dret comot da ti dé la colpa ai "talians" - Do l 1946 éssela podù cialé fora miec

En gaujion dl dì dla recordanza di 60 agn dl Contrat de Paris àn podù audì tl salf dl Consei de Bulsan la minonga de n valgugn esponenc, anter chisc ence Hugo Valentin, ex-aconsiadour ladin. Chilò n valgugn toc de sie intervent: "L contrat de Paris, la fondamenta internazionala dla autonomia de Sudtirol é gnù sotescrit a Paris ai 5 de setember dl 1946 da Alcide Degasperi y da Karl Gruber. Degasperi fova en chel moment a cef dl govern y dla diplomazia dl stat talian, Gruber manajova la diplomazia dl'Austria che fova dutaorela sot a ghirau de forzes forestes.
Al é dassen demarevueia coche cerc esponenc dla SVP fej da ti dé la colpa dagnora ai "talians", dret comot. Cie fajessa pa la SVP zenza i riei talians. La colpa ti dàn samben tres  ai talians. Ma che al é sté la SVP y i ladins tla SVP la gran pert a ne lascé nia pro rejons per i ladins, é n fat, fosch sun blanch.  


metù ite da noeles ai 18 September 2006 da les 17:25:15 (1023 liet)
(liej inant... | 10506 letres | comentars? | ponc: )


Survey Ladins: convegn a Trent-Vich
Ladin Standard

 

Les valedes ladines sot ai rais X

dl "Survey Ladins" - Sen àn fosch sun blanch dac per valuté miec la situazion linguistica - La politica y les istituzions dess tó les dretes dezijions

de Domenico Volcan

Al é sté trei dis de debatiment, de aprofondiment,  ma tamben y dantadut saràl n pont da pié via tl davegní di ladins dolomitans per vardé inant sia cultura y  sie lingaz. I trei dis dl convegn "Survey Ladins - la situazion linguistica di ladins dles Dolomites" à scomencé en mercui da denant tl palaz dla Provinzia a Trent y é ju inant en vender y en sabeda tla gran sala dl Museo Ladin te Fascia. Trei dis de gran emportanza sibe per la cualité dles relazions portedes dant che per l nonze di reladours che à tout pert.

La lista dles priorités per la Ladinia conéscen sen miec, dantfora na politica linguistica unitara per dut l raion ladin.


metù ite da noeles ai 16 September 2006 da les 17:03:59 (993 liet)
(liej inant... | 9974 letres | comentars? | ponc: )


L term scola ladina prova da ascone via l tentatif de assimilisazion
Scola

 

La "scola ladina" ne esisteia nia

y ala ne é nience n ejempl o n model - La propaganda falsificheia ence fac fosch sun blanch

"La scola ladina" àn endò podù audì te chisc dis. La scola ladina dess ester n model.  Che al é n model, vedù che l lingaz dla oma n'é tant che nia prejent, é la pruma baujia. Fossa la SVP contenta con una o does ores de todesch te scola? Mai. I talians? Mai. Dutes les mendranzes dl mond, dutes les comunités de lingaz se damana la rejon de n ensegnament adegué dl lingaz dla oma. Y una o does ores a l'edema n'é nia adegué. Chel mostra ence l fat che l ladin vegn rejoné (y scrit) dret mel da dret trueps.  Al é n fat documenté che la SVP vuel abelì. "Wegreden", díjen per todesch. Ma i fac resta, fosch sun blanch, o ence acusticamenter.

Sie inom dret inom é "scuola delle località ladine/Schule der ladinischen Ortschaften/scola dles localités ladines" o "scola paritetica taliana-todescia".


metù ite da noeles ai 15 September 2006 da les 07:02:23 (1041 liet)
(liej inant... | 5725 letres | 2 comentars | ponc: )


L Di dla scola ladina a scomencé l ann
Scola

 

Endò n auter ann de scola, fosc con n pue de trica

"Co se sté saurí te scola" fova l tema

En sabeda, ai 8 de setember, él gnú tegnú via a Selva l tradizional “Dí dla scola ladina”. Ti ultims agn fova l’interes plulere sposté sun i lingac y sun la interdisciplinarité. Tl ann de scola 2006/07 ti végnel dediché la majera atenzion al se stè saurì te scola; n sté saurì che dess revardé duc chi che auda te chest mond, ma souradut samben i scolés.


metù ite da noeles ai 14 September 2006 da les 23:48:30 (871 liet)
(liej inant... | 3547 letres | comentars? | ponc: )


Ladinia: n grum de chestions davertes, ma degugn obietifs
Politica

 

Al va debujegn de avei obietifs medems te duta la Ladinia

... cie funzion arà pa l organism de coordinament metù su dai ombolc?

de Riccardo Zanoner - vizepresident dla Union Generela

Zanoner RiccardoI volesse pié via con chest scrit da la letra dl signour Leonardo Cocciardi, ostier y maester de schi de Moena (foliet Trentino, sabeda 02.09.2006) y dal fuech simbolich di Scizers de Fascia a recordanza dl tratat De Gasperi–Gruber y dla despartizion di ladins per mete dant valch de mies conscidrazions.


metù ite da noeles ai 14 September 2006 da les 19:09:27 (1105 liet)
(liej inant... | 8210 letres | 1 comentars | ponc: )


Ladin dolomitan – ladin standard: retrospetiva y prospetives - II pert
Ladin Standard

 

L ladin dolomitan/standard: la maioranza di ladins l veid positivamenter

Aldò dla enrescida "Survey Ladins" - Lignola de articui linguistics metus adum dal prof. Dr. Vittorio Dell'Aquila (1)- va inant te deplù pertes

L conzet de "lingac polinomics" (2) , sauté fora da la reflescion teorica de Marcellesi (3) se adateia apontin, coche à ence mostré con prezijion Chiocchetti  (4), a la realté linguistica ladina, sibe dal pont de veduda dla descrizion dla situazion atuala, sibe dal pont de veduda dla politica linguistica propositiva.

 

 


metù ite da noeles ai 13 September 2006 da les 18:28:53 (1603 liet)
(liej inant... | 20891 letres | comentars? | ponc: )


Fascia: Convegn Survey Ladins
Ladin Standard

 

Survey ladins: la situazion linguistica di ladins dles Dolomites

Valutazion di dac statistics relevés sun 3200 persones - L davegnì de na planificazion linguistica interladina

Chest fin de edema, dai 14 ai 16 de setember, gniràl tegnù anter Trent y Vich n convegn linguistich bendebot emportant che valuteia na enrescida statistica sun 3200 persones dles valedes ladines. La enrescida é vegnuda coordineda dal Centre d'Études linguistiques pour l'Europe con la consulenza dla Forschungsstelle für Mehrsprachigkeit de Bruxelles y dl Istitut Cultural Ladin "Majon di Fascegn".

metù ite da noeles ai 13 September 2006 da les 18:23:37 (1252 liet)
(liej inant... | 4886 letres | 2 comentars | ponc: )


60 agn Contrat Degasperi: i ladins ne à net nia da festejé
Storia

 

Contrat Degasperi-Gruber dl 1946

Scialdi entorta la touta de posizion de Mussner, dut sun la lingia de Degasperi per cie che reverda la chestion ladina

I dis passés él gnù recordé i 60 agn dl Contrat de Paris. Plates speziales é gnudes publichedes per la ocajion recordan i fac storics con valch interpretazions. Dapert di ladins àn podù lieje la minonga dl assessour Florian Mussner, de Georg Mischì, de Hugo Valentin y d'autri. Les minonghes va endalauter: valch un auza fora la iniziativa de Ampez l ann 1945 (Zent Ladina Dolomites), entratant che Mussner ne la nomineia nience.

Degasperi-Gruber: acordanza soura i cefs di ladins. Bele sot a l'Austria fova i ladins talians, donca zenza rejons particolares.

60 agn contrat de Paris con i ladins manajés y adorés da strument: la sconanza internazionala y la parité de derc sun la cherta almanco à arjont i ladins empermò con la sentenza n. 356/98 dla Court Costituzionala dl 1998 contra la volenté politica de stat-region y provinzia.


metù ite da noeles ai 11 September 2006 da les 19:27:09 (1053 liet)
(liej inant... | 9656 letres | comentars? | ponc: )


Urtijei: l comun scod ICI sun l vert entourn ciasa
Gherdeina

 

L comun de Urtijei scod ICI sun "cubatura teorica"

... y deida enscì indiretamenter la speculazion edilizia che an vuel fermé

Ultimamenter  él vegnù publiché deplù articui sun l foliet Alto Adige pervia dl fenomen “Speculazion edilizia a Urtijei y te Gherdeina en general.” Da pert dl Ombolt de Urtijei y de S. Cristina él ence vegnù tout posizion sun l argoment. Jent anonima,  ma nience tant anonima de Urtijei, à metù encantourn jolantins che é  stés la gauja dles polemiches sun les zaites. L ombolt de Urtijei Moroder Ewald dij che al n’é nia saurì a fermé la speculazion, ma che el fej ben dut cie che se lascia fé.

A Urtijei végnel ence raté sun l vert entourn ciasa via la couta ICI.


metù ite da noeles ai 11 September 2006 da les 18:07:46 (810 liet)
(liej inant... | 4302 letres | comentars? | ponc: )


Ladin dolomitan – ladin standard: retrospetiva y prospetives - I. pert
Ladin Standard

L ladin dolomitan: propostes de svilup

Lignola de articui linguistics metus adum dal prof. Dr. Vittorio Dell'Aquila (1)- va inant te deplù pertes

A puech plu de 10 agn da la publicazion dles linies per la creazion de na ortografia unitara per duc i idioms ladins dles Dolomites dl Sela (Wegleitung) (2) , laour ulù y sostegnù dal Istitut Cultural Ladin "Majon di Fascegn" de Vich y dal Istitut Ladin "Micurà de Rü" de San Martin de Tor y realisé da Heinrich Schmid dla Université de Turic, ratonse de utl y de enteres, tamben per la popolazion ladina che per la comunité scientifica, de mete dant, tles curtes plates che vegn do, na valch proposta de svilup dl model ladin dolomitan dal pont de veduda dl corpus planning.


metù ite da noeles ai 05 September 2006 da les 19:35:04 (1876 liet)
(liej inant... | 20690 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.392 seconc