benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Co assimlié i folestiers ti raions ladins?
Sozieté

 

Tres deplù folestiers ence ti paisc turistics ladins

Demé con la jent ladina ne ciafia la economia turistica nia plu da la tré inant - milesc de laoranc vegn da foradecà

Encuei vìvel dlonch tla Ladinia do rata truepa jent da foradecà che é vegnuda caprò da d'autri stac. Chisc folestiers rejona lingac desvalifs y aboc ài ence na autra religion y d'autres usanzes. Demé con nosta jent ne ésen nia plu bogn da la tré inant tl mond economich. Y al vuel ester cotant de jent folestiera a laoré te nosc paisc turistics.

Dlonch: ti hotiei, tles boteighes, tles ciasesdafuech, pro i implanc portamont àn debujegn de jent da foradecà entratant les sajons. Valch vegn ence a sté.


metù ite da noeles ai 04 February 2007 da les 23:39:20 (778 liet)
(liej inant... | 2912 letres | comentars? | ponc: )


Reforma dl statut de autonomia: ladins
Politica

 

Mudazion dl statut: na meisa torona empruma anter i ladins

Supereda é la vedla strategia dla SVP de traté les chestions de fondamenta con l "Verbindungsausschuß" y cherdan a la jonta i ombolc, sce la cossa é zitia y al é da renunzié

N comentar de Carlo Willeit

Na meisa torona per la reforma dl statut de autonomia él vegnù a enaodé l president Prodi a Bulsan; pro chesta meisa él enfin a sen si aliés, la SVP y i partis talians de man ciancia. Y i ladins? Chi ne sarà endò n iade nia laprò, condut che al é i soui che à veramenter debujegn de na mudazion dl statut de autonomia. La ocajion fossa bona per mete adum les forzes di ladins, ma denant méssen desferenzié i enteresc dla popolazion ladina dai plajeis di partis che comana.

 Utilisadours regisgtrés pò ence se lascé lieje dant chest articul.


metù ite da noeles ai 04 February 2007 da les 22:11:12 (663 liet)
(liej inant... | 3923 letres | comentars? | ponc: )


Prodi a Bulsan: terz statut de autonomia
Politica

 

Na ocajion storica: la mudazion dl statut de autonomia

Cie podessa pa fé la "Lia di comuns Ladins"?  A la Svp ti màncel endere na vijion unitara di ladins desche an veid da sia vera al LS

La vijita dl president dl govern Romano Prodi a Bulsan à fat pié via ofizialmenter la discuscion sun la mudazion dl statut de autonomia. Prodi desceida dessegur valch speranzes tla mendranza ladina y chest iade nia demé pro i ladins de Sudtirol, ma tamben pro chi de Trent y indiretamenter ence pro chi da souramont. Entratant la senteda à Prodi plu iadesc dit che la autonomia reverda duc i zitadins. Per i ladins podéssel se traté de na ocajion storica.
Prodi: endana si entrategns sun Ciaulonch, jouf de confin, àl dessegur emparé a conesce i problems ladins.

metù ite da noeles ai 04 February 2007 da les 18:53:46 (1407 liet)
(liej inant... | 6562 letres | comentars? | ponc: )


Descriminazion de mendranzes
Grijon

 

N articul sun la "Weltwoche" dessena su i rumanc ti Grijons

La enrescida anter i letours ti dà endere tort al articulist: l 82,2 rata dret promueve l rumanc

N articul te n sfuei prestijous y autoritoul svizer, la "Weltwoche", à fat levé su bendebot de stuep y de indignazion ti Grijons. L jornalist Urs Engeler scriv: "anacronistics, criptics, recatadours, esotics, fanatics, neurotics, ladrons: chestes é paroles che al nes toma ite, pensan ai rumances. Y ence "enjignoui". N clap de persones che rejona chest lingaz é dret enjignoul canche ala se trata de brinché ca sovenzions, sovenzions enormes". Da pert de unions rumances él sen vegnù sport plura aldò dla lege sun l razism tla Svizra, che punesc con na straufonga de perjon da 1 enfin a 3 agn chi che tiza publicamenter senn o descriminazion contra na persona o n grup de persones per gauja de sia raza, de sia sclata, de sia etnia o de sia religion.

L'articulist Urs Engeler.

 


metù ite da noeles ai 03 February 2007 da les 14:57:02 (1220 liet)
(liej inant... | 24944 letres | comentars? | ponc: )


Istitut Cesa de Jan: i dinés se ruva
Fodom

 

L'Istitut Ladin "Cesa de Jan" manacia de messei saré

L Govern Prodi scurteia i mesums aloghés tres la lege 482/99 dl 50% ti agn che vegn - Istitut a les stremes

Empliés dl Istitut Ladin Cesa de Jan - Col Santa LiziaL’edema passeda é Luigi Chiocchetti ence stort pro tl Istitut cultural “Cesa de Jan”.Te chesta ocajion él vegnù informé dla strentura finanziara manaciousa dl Istitut. Ala se trata de renové l contrat  de laour dl diretour y di doi empliés y de seguré ju sie laour tl Istitut. Al n’é nia dinés.

Al ti vegn ertsoura da ti cialé a la situazion finanziara. La direzion dl Istitut con empliés, l'assessour Chiocchetti y l'ombolt Paolo Frena


metù ite da noeles ai 30 January 2007 da les 15:12:33 (968 liet)
(liej inant... | 7904 letres | 1 comentars | ponc: )


Luigi Chiocchetti enconta i ladins da Souramont
Politica

 

Promueve dut cie che lieia adum i ladins dolomitans

Chesta é la poltica che l'assessour a les mendranzes dla Region Trentin-Sudtirol vuel porté inant entratant sia legislatura

La jent de Col, de Ampez y de Fodom se sent dassen lieda a la comunité ladina entourn al Sela desche i ladins de Fascia, de Badia y de Gherdeina. Chesta audianza é endò vegnuda sotligneda dai raprejentanc de chestes comunités en gaujion de na enconteda abuda chisc dis con l'assessour regional a les mendranzes, Luigi Chiocchetti. Al vuel sen esploré cie an podessa envié via deberieda tl cheder dles competenzes dla Region Trentin-Sudtirol per valorisé miec la mendranza ladina y sia merscia prinzipala, l lingaz. Chiocchetti se à enconté dantmesdì con la direzion dl’Istitut Cultural Ladin Cesa de Jan a Col y con l'ombolt Paolo Frena y domesdì dapò via n'Amepz con la Consulta Ladina, l’ent consultif che abina adum i raprejentanc dles trei amministrazions comunales y dles trei unions di ladins.

La Consulta Ladina pro meisa con l'assessour Luigi Chioccheti.


metù ite da noeles ai 29 January 2007 da les 18:29:15 (777 liet)
(liej inant... | 6200 letres | comentars? | ponc: )


Urtijei: la chestion dla ICI sun l vert
Fodom

 

Raté la ICI sun l vert entourn ciasa é fauz

Chest dij i conseiers di "LADINS" y se damana che ala vegne touta demez - Gran pert dles families ne à nia l muet de paié cenc o milesc de euro de ICI per avei n toch de vert entourn a ciasa via

Georg Moroder - conseier di LadinsTla Val Badia ne él nience una na comun che rata la couta ICI sun i teraces entourn a la ciasa via. Al é ben logich, zenza ne éssen te 30-50 agn nience plu una na ciasa con n pice verzon entournvia. L consei de comun pò deliberé de ne raté nia  la couta ICI sun chi teraces che é bele en pert sourafabrichés (pertes pertinentes). Urtijei é endere un di puec comuns che fej paié la ICI te chisc caji. Al vegn for dit che chest é vedú dantfora da la lege sun la ICI, ma sce ala fossa enscila, pona nes damanonse, ciuldì él pa la majera pert di comuns de Sudtirol che ne scod nia chesta couta sun la cubatura ciamò "vueta"?

Georg Moroder.


metù ite da noeles ai 27 January 2007 da les 12:50:45 (801 liet)
(liej inant... | 5068 letres | comentars? | ponc: )


Fascia: fé deplú tl davegní
Fascia

 

Empegns strategics: na miour istruzion y na miour politica de sconanza

Tl cheder dla enconteda dla jonta regionala à l'assessour a les mendranzes Luigi Chiocchetti abù does encontedes con l sourastant dles scoles y dl Istitut

Istruí endretura la joeneza, stimolé i joegn a d'ester y se sentì ladins. Chest é un di empegns strategics che les scoles y les istituzions scolastiches dess se sourantó. L'assessour Luigi Chiocchetti à rejoné chisc dis con l sourastant dles scoles elementares y secondares de Fascia, Fortunato Bernard y les somités dl Istitut Ladin, la presidenta Mirella Florian y l diretour Fabio Chiocchetti.

Da man ciancia: l'assessour Luigi Chiocchetti, la presidenta dl Istitut Ladin Mirella Florian y l diretour Fabio Chiocchetti.


metù ite da noeles ai 26 January 2007 da les 19:20:34 (693 liet)
(liej inant... | 2774 letres | comentars? | ponc: )


Soraga: scola popolara manacia de vegnì sareda
Fascia

 

UAL: contra la scluta dla scola popolara a Soraga

La jent ne é nia a una - Al vegn metù peis sun les normes a stravardament dles mendranzes

L’Union Autonomista Ladina (UAL), metuda en consavei che al manacia che la scola popolara de Soraga vegne sareda y che i scolés passe dapò a la scola de Moena, ne vuel nia azeté chesta prospetiva. Perde la scola te paisc, vuel dì perde bendebot de atrativité y grovaries per la jent. La UAL rata d'utl porté dant doestrei conscidrazions aldò che vegn reportedes chilò. Nioles scures entourn a la scola de Soraga.


metù ite da noeles ai 26 January 2007 da les 17:29:32 (860 liet)
(liej inant... | 3289 letres | comentars? | ponc: )


Enconteda dla jonta regionala te Fascia
Politica

 

La Region soponta les politiches linguistiches interladines

Durnwalder: demé i ombolc é i drec raprejentanc sibe daitepert che deforavia

"L pericul che la comunité ladina entourn al Sela devente tres plu deslissia y spidiceda su é gran, ma al é encuei ence valch enjigns per la tegnì adum y la defene". Sun chest ésen stés a una a d'aut livel de Region Trentino-Sudtirol. Dantenier é l president dla provinzia de Trent, Lorenzo Dellai, ju su te Fascia deberieda con la jonta regionala tla Ciasa dl Comprensore a Poza. An se à enconté con i ombolc y angugn sourastanc scolastics y culturai. A la pert ence l vize-president Durnwalder.


metù ite da noeles ai 26 January 2007 da les 09:24:50 (751 liet)
(liej inant... | 4378 letres | 1 comentars | ponc: )


Lege litala:
Natura

 

La SVP ladina sona inant la ciampana dla renunzia

Una dles gran desferenzies anter la SVP y i LADINS

Endò n iade laóren pro la lege litala dla provinzia de Bulsan, en chest iade y desche dagnora, per ti asseguré ai partis che comana valch venta ciamò denant che an vae a lité.  Les propostes é ciamò te stua y ti cefs dla SVP, ma entant de valch él bele vegnù a lum; an volessa destaché l'enciaria da assessour da chela da aconsiadour, lascé fé l'assessour  demé trei iadesc endolauter y proibí da dé fora demassa per la propaganda litala. Che la pert zentrala dla lege sun co che an lita y vegn lités mancia, veiden atira.

metù ite da noeles ai 22 January 2007 da les 18:14:03 (861 liet)
(liej inant... | 6194 letres | comentars? | ponc: )


Fascia: tradizions y usanzes
Fascia

 

Tiesce ite tradizions y usanzes ladines tl turism

Chesta é la strategia dl Comité dles manifestazions de Fascia - De messel dl 2007 vegniràl metù a jì l'Edema dla arpejon da mont

L comité dles manifestazions de Cianacei à lité sie president nuef tla persona de Silvano Parmesani, assessour al turism y joen bendebot enteressé a la vita soziala y culturala dla comunanza. Na enciaria emportanta. Silvano Parmesani tol su la arpejon de Mariano Cloch, agn a la longia president dl comité y tamben assessour de comun de Cianacei con enciaries desvalives.

 


metù ite da noeles ai 20 January 2007 da les 20:21:39 (844 liet)
(liej inant... | 3385 letres | comentars? | ponc: )


SVP ladina y lege litala: devers les lites provinziales 2008
Politica

 

Degun lim lital y degunes restrizions, ma de gran contradizions

Na proposta bulgara chela de n sistem maioritar demé per i ladins - An tira endò fora la "Ladinerklausel" dl 2003 de Durnwalder

Sce la paruda ne engiana nia, él l prum iade che la Svp ladina nieia ofizialmenter de ester a una con n lim lital te na legia litala te Sudtirol.  Chesta é na outa una na posizion che resulteia da na enconteda de chisc dis dla Svp amplieda dles does valedes de Badia y de Gherdeina, dl enscidit "Verbindungsausschuss", presidié da Paula Bioc Gasser. Nia dret da die ova Mussner ciamò dit che n lim lital jiva debujegn. Ma al é clermenter valch contradizions tla posizion dla SVP ladina: da una na pert rejónen de sistem proporzional, da l'autra pert de sistem maioritar "demé  per i ladins".

Proposta bendebot antra per i ladins, proporzional y maioritar.

                                                                               Emportant él da dé al uedl:


metù ite da noeles ai 19 January 2007 da les 17:08:39 (728 liet)
(liej inant... | 8665 letres | 1 comentars | ponc: )


Scizeri y ideologies de man dreta
Politica

 

Scizeri: la Procura enresc

Ence i scizeri ladins aficés tl ciar dl neo-nazionalism todesch?  

Dant a n valgugn meisc fòvel vegnù prejenté sun chest sit la refondazion di scizeri da Fodom. Al fova vegnù metù dantfora n comentar de avertiment de ne se lascé nia tré ite te n neo-nazionalism todesch che se desleria encuei ti grups de scizeri de Sudtirol. Ala ne va nia demé dlonch de tradizions, de guant da zacan y de derturé su valch vedl anteriuel, ma tres deplù de  "Freiheitskampf" con spidic de ideologia de man dreta estrema. Enfinamai i scizeri de Nord-Tirol se à tla fineda sentù  obliés da se destanzié en l'ann passé.

Gerd Schultze Rhonhof, istrutour pro i scizeri. Te sie liber scrìvel che "Hitler volova perdret la pesc".


metù ite da noeles ai 17 January 2007 da les 18:38:00 (911 liet)
(liej inant... | 12926 letres | 1 comentars | ponc: )


Ladin banì dai radio-trasmetitours pro i destudafuech de Urtijei
Gherdeina

 

Leander Moroder defen Fill: ladin ne uega nia  

Redont n Vert desche Leander Moroder messessa se destanzié da n regolament che proibesc o banesc de rejoné ladin te n paisc ladin 

L conseier dl comun de Urtijei y diretour dl Istitut Ladin, Leander Moroder, ti à responù sun la USC a la letra dl conseier Georg Moroder, defenan ciamò n iade l comandant di destudafuech de Urtijei Stephan Fill, che à comané che al pò demé vegnì rejoné todesch tles radio-trasmitentes di destudafuech. Demarevueia cie sensibeltés che al vegn a lum. A Georg Moroder ti él vegnù a oredla da valch oms di destudafuech o al é ence vegnù prié da valch de ti mete dant la chestion te Consei de comun al comandant: ciuldí mess pa i destudafuech rejoné todesch tres radio-trasmetitours? A na pert ne ti scùsel do l mote nia che ai ne daussa nia rejoné ladin-gherdeina.


metù ite da noeles ai 15 January 2007 da les 22:21:46 (1416 liet)
(liej inant... | 7427 letres | 2 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.380 seconc