LADINS: plen sostegn a n referendum a souramont

Dutes les forzes politiches, dutes les istituzions y les unions publiches y privates dess sostegní chesta scomenciadiva

L Moviment Politich Ladins veid de bon uedl la domanda dles unions di ladins de Ampez, de Col y de Fodom ai comuns de fé n referendum che deura la poscibelté de se unì a la Provinzia Autonoma da Bulsan/region Trentin-Sudtirol, ciuldì che chest é n vare emportant per renforzé l’unité storica y l’ identité di ladins y per crié condizions per podei laoré miec per l ben dla Ladinia y de sia popolazion.

Lia di comuns Ladins: n vare emportant 

Sen màncel demé plu Badia a dé pro l statut - I LADINS se damana che i conseis de comun vegne informés

Ence Selva à dé pro entratant l statut dla lia di comuns ladins, zenza de gran discuscions te consei. Demé doprò àn audí che la gauja dl entardivament fova l test ladin, for demé enjonté al talian y al todesch; ladin scrit unifiché, idiom de valeda o duc doi? Selva à volú demé tó l'idiom de valeda. Che la dreta forma de n statut de duc i comuns ladins é l ladin scrit unifiché nes dij la logica plu scempla y demé l lingaz scrit unifiché pò avei la dreta funzion y ciamò dant l dret significat tles scritures ofiziales dla lia.

Encuei végnel recordé la mort de André Hofer a Mantua dl 1810. Al mancia trei agn ai 200 agn da sia mort y sia recordanza é tant lujia ch’al fossa feter miec l scuté via. I ti on damané a deplù persones de scrive valch sun sia personalité, ma dutes à desdit. Chest vuel dì che sie ejempl de patriotism, de unité anter i grups etnics dl Tirol é ju perdù.

Enfin a encuei ne él ciamò garaté tla Talia degun passaje de n comun a na autra provinzia o na autra region aladò dl articul 132 dla costituzion. Les condizions fova massa ries da ademplì. Ma dal 2001 ésen n vare plu inant. L ridl dl art. 132 à dé do y se deur plu saurí. L troi viadedò é terac nuef con plures y sentenzes. 

Durnwalder, president dla jonta de Bulsan, é pragmatich: la union y comunion storica con Bulsan esisteia, ma el ne pò nia sburlé y nience arferé, la cossa depen da la popolazion enstessa tres n referendum. L iter sarà plutost lonch, davia che an messarà denant mudé l statut d'autonomia y chest vuel dì avei l'autorisazion da Roma.

Luigi Chiocchetti, assesour regional ladin: La UAL (Union Autonomista Ladina) paleseia dut sie sostegn tl caje de na domanda de agregazion che reverda demé chisc comuns ladins che encuei é tl Venet (Fodom, Col de Santa Lizia y Cortina d’Ampez);  ala se aoda ence che chisc paisc posse endò fé pert de nosta region per abiné endò a una y renforzé la comunanza dl’area ladina dolomitana entourn ai Creps dl Sela.

Lorenzo Dellai, president dla jonta de Trent: "Nos son ence enjignés a dé ju na pert de sovranité provinziala per na majera unité di ladins y tl medem temp ti damanonse ai ladins de fé n sforz y de tegnì adum."

Florian Mussner, assessour ladin a Bulsan: i son contra na mudazion di confins. Sce valch scolé de Reba vuel vegnì a scola a Corvara, spo cialaràn dessegur de l lascé ite te scola.

I mudamenc economics y soziai te Fascia à valgamia straout les relazions soziales y les ocajions de sozialisazion dles persones. Un di problems entres plu maiours é te Fascia chel de ti dé respostes a la jent de eté sie per cie che reverda la ciasa de paussa sie per autri momenc de sozialisazion. Zacan se tolòven cotant deplù dlaorela per fé vila.

Les cater maioures istituzions culturales ladines, Majon di Fascegn, Uniun Generela, Micurà de Rü y Istitut Pedagogich, à dadie laoré fora na proposta de n lingaz ladin unifiché (tl 2002, dant da 5 agn bele). Ales à dé fora l dizionar y la gramatica dl ladin standard con soponta finanziara dla Cassa Raiffeisen da Corvara y de Selva. Chest lingaz dess porté pro a na maiour unité ladina y daidé crié na identité interladina.

Deplù publicazions testemonieia encuei l'utl dl standard scrit ladin.

La "Gesellschaft für bedrohte Völker" (Lia per i popui manacés) trata te sie ultim numer dla revista Pogrom te deplù articui la situazion dles mendranzes ladines: chela rumancia ti Grijons, chela ladina tles Dolomites y al our ence chela furlana. Redadour dla revista é da n valgugn agn l jornalist y critich Mateo Taibon. Al ne ti va nia permez con les maneces de veluch a les chestions, ma con na pena bendebot aguda. Degun rejoné da entort che an liej autró, ma frases curtes y cleres.

Cuertl dla revista che é dret deslarieda ti raions todesc.

La mendranza taliana tla Slovenia y tla Croazia ne pò nia se baudié, al contrar ala pò se paré valch caprizes. I governs de Roma, de Lubiana y de Zagabria à tout la dezijion de arcresce valgamia les alogazions finanziares a ben di 33 mile talians che viv viadelà dal confin, olàche al oresc soredl. Tres n emendament a la lege finanziara, dé pro puech dant Nadel, ti à l govern Prodi asseguré a la mendranza taliana 4 milions y 650 mile euro vigni ann dal 2007 al 2009. Tl medem temp à Prodi depierpul scurté les alogazions a les mendranzes nazionales tres la lege 482/99 damprovia dl 50% enfin al 2009. 

Die Weltwoche, ein umstrittenes Blatt, leistete sich in ihrer Ausgabe Nr. 37/06 (14. September) einen Abstecher in ein faschistoides Weltbild. Rätoromanen, so das Titelthema; und wie die Rätoromanen seien, wird gleich im Untertitel zusammengefasst: „Anachronistisch, kryptisch, erpresserisch, exotisch, fanatisch, neurotisch, räuberisch“.  Eine gesamte Minderheit wird also kollektiv kriminalisiert. Der gesamte Artikel strotzt nicht nur vor sachlichen Fehlern, sondern ist ausnahmslos gehässig, rüpelhaft, primitiv - und rassistisch. Mit dem Hinweis auf die „Berufsromanen“ knüpft die Weltwoche direkt an jene Publikationen an, die von „Berufsjuden“ sprechen oder aber, in der benachbarten Alpenrepublik, von „Berufsslowenen“ (oder in Südtirol von „Berufsladinern“): Es ist die Anwendung eines rechtsradikalen Jargons.

Titul: Jäger, Räuber, Rätoromane. Die freche Minderheit der Schweiz. (Ciaciadours, ladrons, retoromans. La mendranza splueta dla Svizra).