benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Daniela Templari sen enfinamai assessoura
Politica

Daniela Templari, assessoura a la cultura, mendranzes y oportunités valives

La constelazion politica nueva a Belun con la Lega Nord a cef ti dà na sburla sterscia ence a la mendranza ladina 

Image Hosting by PictureTrail.comDaniela Templari, la neoassessoura a la cultura, mendranzes y oportunités valives dla provinzia de Belun à tout pert la pruma senteda dl consei provinzial con l guant da zacan ladin da Fodom. Ai jornalisc' che ti à fat valch domandes do la senteda ti àla dit che ela volova y volarà desmostré te sie laour politich che ela raprejenteia la mendranza ladina che per duc chis agn é vegnuda tralasceda dai politics beluneisc.


Daniela Templari, dant al consei provinzial a Belun amesa l president nuef Gianpaolo Bottacin (Lega Nord), Siro Bigontina (comité referendarde Cortina d'Ampez) y Paola Agostini (Col Santa Lùzia).

metù ite da noeles ai 15 July 2009 da les 19:23:11 (496 liet)
(liej inant... | 1809 letres | 1 comentars | ponc: )


Ladins Dolomites: pro meisa con l minister Maroni
Politica

LADINS DOLOMITES ence pro meisa de Maroni

Albert Pizzinini à rejoné pro la meisa torona, cherdeda ite dal minister ai Interns Roberto Maroni, de chestions ladines 

Image Hosting by PictureTrail.com Anter i enviés a la meisa torona per la convivenza te Sudtirol cherdeda ite dal minister ai Interns Roberto Maroni, ai 30 de jugn a Bulsan, fòvel ence n raprejentant de Ladins Dolomites tla persona de sie president, Albert Pizzinini. Ladins Dolomites vuel mescedé empera y ne ti lascé nia dut a la Svp che veid ti ladins na componenta da tralascé, sciche al é vegnù desmostré entratant l'enconteda. Maroni ova fat la proposta de na meisa torona do les tenjions etniches te Sudtirol en chesta aisciuda per gauja dl monument ai alpins a Bornech.
L assessour Florian Mussner fova pro la "meisa torona", ma sun i ladins ne àl abù nia de particolar da mete dant.


metù ite da noeles ai 07 July 2009 da les 19:29:20 (529 liet)
(liej inant... | 3314 letres | 4 comentars | ponc: )


Andreas Hofer: na delegazion dla Generela te sia ciasa nadel
Cultura

Dl 1809: canche i ladins fova ciamò unis y combatova adum

En gaujion dl bi-centené da la mort de Andreas Hofer à na delegazion dla Union Generela y di scizeri fat na vijita a la ciasa nadel ta Passeier 

Image Hosting by PictureTrail.comAi 26 de jugn é na delegazion ladina é juda ta Passeier, ite dal Sandwirt, ciasa nadel de Andreas Hofer. La vijita é vegnuda organiseda da la UGLD y al à tout pert jent de dutes les valedes ladines adum a la presidenta Elsa Zardini, l vizepresident Marco Pizzinini, l prof. Paul Videsott, l intendent dles scoles ladines dr. Roland Verra, dr. Lois Trebo, Siro Bigontina, na delegazion de scizeri da la Pli de Mareo y de Ampez.


La delegazion ladina dant la ciasa nadel de Andreas Hofer a San Linert de Passeier

metù ite da noeles ai 29 June 2009 da les 19:01:09 (576 liet)
(liej inant... | 5545 letres | 1 comentars | ponc: )


Albert Pizzinini: la Svp anter PD y PDL
Politica

LADINS DOLOMITES: la Svp ladina ne à deguna lingia politica

Albert Pizzinini é sodesfat che l Tribunal Aministratif à refudé l recurs dla Bioc Bau per i laours de restruturament dla Ciasa de Paussa a San Martin 

Image Hosting by PictureTrail.com "La SVP cuei adum a livel provinzial da les 120.000 a les 140.000 oujes che raprejenteia za. l 33% de chi che à l dert da lité, ma ales cleca per mantegnì l podei. Chest numer vegnirà endere tres mender per gauja dles melsegurtés y dla confujion de idees al intern dl partì. Les declarazions nueves dl president dl consei provinzial Dieter Steger sun la daurida al PDL (Polo delle libertà) o les posizions al intern dl partì sun la scola plurilinguistica–paritetica lascia vedei clermenter les despartizions al intern dl partì. L senatour Peterlini à avertì plu iadesc dl pericul dl spidiciament dl partì." Con chestes constatazions se damana Albert Pizzinini cie posizionament che la politica tol ite y ciun che sarà l davegnì.
Pizzinini: la Svp ladina ne fej deguna politica, ma và demé do.


metù ite da noeles ai 28 June 2009 da les 20:35:04 (548 liet)
(liej inant... | 3339 letres | comentars? | ponc: )


Dolomites sot a sconanza UNESCO
Natura

DOLOMITES sen reconesciudes desche arpejon naturala dla umanité

Da encuei ence l Regn de Fanes anter la "Arpejon universala dla umanité" - 9 raions dolomitans sot a sconanza UNESCO 

Image Hosting by PictureTrail.com L comité dla UNESCO "World Heritage Committee" à tout su ofizialmenter encuei a Sevilla tla Spagna les Dolomites tla lista dles "Arpejons naturales dla umanité". La candidatura dles Dolomites fova vegnuda maneda inant dal stat y da les provinzies de Trent, Belun, Bulsan, Udin y Pordenon con tratatives duredes plu agn. Nuef é i raions dolomitics che é vegnus amarscés sciche raions de gran beleza naturala che se delada sun na desteisa de apresciapuech 132 mile etars, plu entourn a 85 mile etars de raions a plumac entournvia, ruvan enscì a endut 231 mile etars, partis su sun les provinzies de Trent, Bulsan y Belun, Pordenon y Udin.


metù ite da noeles ai 26 June 2009 da les 18:45:38 (421 liet)
(liej inant... | 4166 letres | 1 comentars | ponc: )


Cultura da munt: seires de aorela curta sot Pütia
Val Badia

Al vegn scur y tant nuet: les stries bala encerch

Manifestazions dai 24 de messel ai 8 de aost, metudes jì en colaborazion con l EPL - Pruma raprejentazion dl teater "La Strega" de Iaco Rigo - Triparies per mutons 

Image Hosting by PictureTrail.comAl se trata dla pruma gran manifestazion metuda a jì da la lia "Cultura da munt", con sia presidenta Gaby Irsara, metuda su en chesta outa. Ala se à tout dant de mete a jì na lignola de seires de entrategniment te un di scenars plu biei dles Dolomites, sun Börz y i pres plajoui de Sotpütia, lian ite l "bal dles stries", metù a jì bele da n zacotant de agn, con n valgunes d'autres novités per entrategnì i sciors y la jent dl post n valgugn dis amesa l isté. Mujiga, bal, teater y aorela curta se barata ju a rodul.
Gaby Irsara, presidenta dla manifestazion. Chesta outa con na preja de ert y teater.
 
Image Hosting by PictureTrail.com
 
 

metù ite da noeles ai 25 June 2009 da les 19:57:52 (561 liet)
(liej inant... | 5229 letres | comentars? | ponc: )


Vito Palabazzer ne é nia plu
Persones

 

Vito Pallabazzer é vegnù mancia

L prum president dl Istitut Cultural Ladin «Cesa de Jan», dot. Vito Pallabazzer, nasciù a Col Santa Lùzia, é vegnù a mancé ai 22 de jugn dl 2009. Vito Pallabazzer fova n gran studious, tant da en savei truep sun la storia, sun l lingaz, sun i costums y sun les tradizions de sie paisc de Col Santa Lùzia y contourns, olàche al é nasciù y olàche al paussarà saurì. L sant rosare vegn dit su tla gliejia ploanala da Col en lunesc ai 29 de jugn da les 8 da seira. La sepoltura sarà en mertesc, ai 30 de jugn da mesa les trei domesdì, tres tla gliejia ploanala de Col.


metù ite da noeles ai 24 June 2009 da les 16:43:36 (498 liet)
(liej inant... | 1954 letres | comentars? | ponc: )


Museo Ladin de Fascia: chedri de Damiano Magugliani
Cultura

Arpejon desmentieda: Fascia desche ala fova zacan

Inaugurazion dla mostra de Damiano Magugliani tl museo ladin de Fascia, ai 6 de messel, da les 17.00 

Image Hosting by PictureTrail.com L Museo Ladin de Fascia à l plajei de podei mete fora chest isté na cerna de laours artistics de Damiano Magugliani donés dal artist al Istitut Cultural Ladin y abinés adum tla Mostra “Arpejon desmentieda”. I dessegns, realisés souraldut anter la fin di agn setanta y i agn otanta, tol ite duta la val de Fascia y mostra i detais architetonics particolars conservés tles costruzions tradizionales: tablés, majons, ciantons puech conescius di paisc y momenc dla vita da paur y di artejans lieda al passé. Segns y testimonianzes de na arpejon comuna che bele te chi agn fova do a vegnì desmentieda, destrabonida tl inom dl progres y da la busia de frabiché, ma architeda da la man dl artist ti chedri a penarel che à conservé enfin a encuei n vivour y na frescura che slumina anterfora.
Damiano Magugliani


metù ite da noeles ai 22 June 2009 da les 17:31:39 (520 liet)
(liej inant... | 2841 letres | comentars? | ponc: )


Impreises y arpejon
Economia

LADINS DOLOMITES se damana sostegns finanziars

La grandeza dles impreises é gonot mesana-picera y gonot él rie da paié fora i arpadours zenza dann per l'azienda 

Image Hosting by PictureTrail.com La arpejon é una dles fases plu emportantes y critiches tla vita de na impreisa. Per chesta màncel endere i mesi per la planifiché endertura. Canche an ruva te na situazion olà che i arpadours ne vuel nia duc jì inant con l’ativité impresara él l problem de sciazé l’azienda y de definì l paiament ai suzessours che ne vuel nia plu jì inant. Sce l paié fora và a d'aziché l partimone dla impreisa él l gran pericul che l’ativité ne posse nia plu jì inant. LADINS DOLOMITES se damana da pert dla provinzia sostegns finanziars pro suzescions per alesiré chest passaje critich.
Arpejon, sovenz na gauja per stritaries.


metù ite da noeles ai 18 June 2009 da les 21:38:03 (379 liet)
(liej inant... | 1881 letres | comentars? | ponc: )


Daz sun i joufs dolomitics
Politica

Daz sun i joufs: Mussner ne dà nia trieva

Dl 2010 vuelen mete man con Frera y Sela, l daz podessa ruvé a 13 euro - Degugn ne rejona che i joufs lieia ence la jent ladina 

Image Hosting by PictureTrail.com Dal isté 2010 inant déssel, aladò dl plan dl assessour Florian Mussner, definitivamenter vegnì metù su les stanges sun i joufs de Frera y dl Sela. Demé chi che paia n daz podarà passé. Al vegn rejoné de enfin a 13 euro sciche sun la streda dl "Timmelsjoch", scodus sun la pert austriaca, ma na pert regor spo inant tles casses dla provinzia de Bulsan. Nia cler ne él ciamò sce al vegn fat na ezezion per la jent dl post y coche chesta ciala fora. I pendolars messessa te vigni caje podei passé debant. Contra chest "plan Mussner" se para dassen bele da n valgugn agn l comité per l stravardament di joufs dolomitics con a cef Osvaldo Finazzer, ostier sun l jouf Pordoi, ma ence da pert dla politica de Belun y de Trent végnel segnai de contraposizion contra chesta mesura unilaterala da pert dla provinzia de Bulsan, enceben che la situazion podessa se ouje snel, sce al vegn arjont valch acordanza sun co se partì les entredes.
Osvaldo Finazzer, ostier sun Pordoi, a cef dl comité contra la scluta a daz di joufs dolomitics.


metù ite da noeles ai 14 June 2009 da les 10:06:27 (518 liet)
(liej inant... | 3585 letres | 2 comentars | ponc: )


La Svp: a Bulsan dezideien cie fé con i ladins
Politica

Albert Pizzinini: Mussner confermeia, vigni dezijion vegn touta a Bulsan

La SVP ladina ne à net nia da dì - I conc tles valedes ladines ne stimenia nia -  

Image Hosting by PictureTrail.com Chesta é na letra de resposta dl president de LADINS DOLOMITES, Albert Pizzinini, a la letra dl assessour Florina Mussner tres chela che al ova tout posizion sun l comunicat stampa de Ladins Dolomites publiché sun la Usc di 6 de jugn y ence sun noeles.net. Pizzinini dijova che la Svp ne raprejenteia nia endertura i ladins, ajache l raprejentant ladin Svp mess se tegnì a la maioranza, chela todescia, pro vigni sia dezijion. Florian Mussner ne é nia ju ite tl particolar te sia resposta, ma aladò de Pizzinini é sia resposta empò clera: "la SVP é aladò de Mussner la ousc dla popolazion de Sudtirol y enscì scòel emplizitamenter demez la SVP Ladina, ajache la posizion dl partì pò demé ester una soula, chela dla maioranza al intern dl partì enstes. La maioranza é chela todescia". Pizzinini: "Chest vuel dì che i ladins perdarà dagnora, sciche al vegn desmostré da trueps ejempli." Dl auter vers fej capì l assessour che canche al vegn fora conflic de enteresc anter todesc y ladins sostegniràl dagnora la posizion dl partì, ence a dann dla mendranza ladina.
Les valedes ladines é na fontana de coutes bendebot enredoula. Pizzinini: an paia ite entourn al 20%, ma demé n 4% ruva endò zeruch.


metù ite da noeles ai 13 June 2009 da les 18:20:42 (425 liet)
(liej inant... | 3460 letres | comentars? | ponc: )


Lites provinziales a Belun: Daniela Templari ti la fej
Politica

Daniela Templari ruva te consei tla provinzia de Belun

Ala portarà inant la chestion dl referendum - Chesta domenia, 21 de jugn, balotaje per la presidenza anter Sergio Reolon (PD) y Gianpaolo Bottacin (Lega Nord) 

Image Hosting by PictureTrail.com Daniela Templari, candidata sun la lista zivica LDP (Lista Locale Ldp Bottacin Federalismo Dolomiti che à abiné adum 5.672 oujes, 624 o l 16,99% de chestes tl coleje lital de Ampez-Fodom y Col), lieda a la Lega Nord pro les lites provinziales di 6-7 de jugn a Belun, jirà te consei y raprejentarà dantaldut i ladins di trei comuns da souramont y sia gauja referendara. Chesta domenia, 21 de jugn, végnel lité a Belun na seconda outa l president, do che pro la pruma roda ne ova degun candidat arjont la maioranza assoluta. Al balotaje é ruvés l president en ciaria, Sergio Reolon dla lianza de manciancia, con l 41,2% dles oujes y Gianpaolo Bottacin (Lega Nord), candidat dla lianza de mandreta con l 47,1%. L zenter-dreta davagna autafora a Ampez-Fodom-Col con l 69% dles oujes.
Daniela Templari, da Fodom, fova ativista en pruma lingia pro l referendum dl 2007


metù ite da noeles ai 12 June 2009 da les 18:21:46 (528 liet)
(liej inant... | 2530 letres | 2 comentars | ponc: )


La Svp ne raprejenteia nia ben i ladins
Politica

La Svp ne dess nia avei n monopol de raprejentanza di ladins

N raprejentant de LADINS DOLOMITES tolarà pert a la meisa torona per Sudtirol dl minister Roberto Maroni 

Image Hosting by PictureTrail.comLadins Dolomites, tres sie president nuef, Albert Pizzinini, contesteia che la Svp ae la funzion de raprejenté da soula o ae raprejenté politicamenter i enteresc di ladins te na mesura valiva ai todesc. Pizzinini: "Ti ultims temps ti ésen ence jus permez a la chestion dla funzion dla Svp sciche partì de abineda dles mendranzes todesces y ladines. La Svp se prejenteia gen dagnora desche partì etnich davert a does mendranzes, chela todescia y chela ladina, lascian fora i talians. Tl contest politich provinzial él autri partis todesc che se afermeia tres deplù sciche ence l moviment de recoiuda di ladins Ladins Dolomites che à desche fin chel dla sconanza y dla afermazion di derc di ladins a vigni livel." Y chest te na mesura plu ampla che chela voluda da la Svp. Albert Pizzinini, president de LADINS DOLOMITES


metù ite da noeles ai 05 June 2009 da les 09:48:20 (524 liet)
(liej inant... | 3393 letres | 1 comentars | ponc: )


Endoman peia via la prozescion de Jevun
Cultura

"Fora per cheles viles dlonch la lum adora se empeia ...."

Endoman peia via da les 12 ploanies dla Val Badia l pelegrinaje tradizional de Jevun che vegn metù a jì vigni trei agn 

Image Hosting by PictureTrail.comN valgugn dis plu adora che i autri agn peia via en juebia, ai 4 de jugn, da les 12 ploanies dla Val Badia les prozescions de Jevun, cheles dla Bassa Val Badia se abina tradizionalmenter da mesdì a d'Antermeia per jí deberieda soura Börz via, depierpul che cheles dl'auta valeda y Lungiarü và per Munt d'Adagn. Aluesc podéssel ester ciamò alauta n pue de neif do les neveres de chest ann. Les prozescions se enconta dutes cantes domesdí via a Santa Madalena te Funes per jí deberieda y sté souranuet a San Piere de Funes. L dì do, vender ai 5 de jugn, jiràn bonorifs devers Cluses y sun Jevun olàche al gnirà tegnù la messa conzelebreda tradizionalmenter dal vescul, chest iade dal vescul nuef Karl Golser. Arciasan stàn ciamò n iade souranuet a San Piere per dé outa devers ciasa l di do adora. Tradizionalmenter él demé ei che và pera, enceben che al é ence sté valch outes eles che à tout pert. An se aspeta endò entourn a 1.000 pelegrins. I agn de Jevun dess ester enzaul de bogn agn.


La prozescion de Badia, enseira dantfora con l valon devers la gliejia de San Piere de Funes.

metù ite da noeles ai 03 June 2009 da les 08:54:47 (553 liet)
(liej inant... | 6876 letres | comentars? | ponc: )


Lites europeiches: candidat Svp a La Plie de Fodom
Politica

Lites europeiches: per na reunificazion di ladins pro Sudtirol

Karl Zeller y Herbert Dorfmann se dij clermenter a una de arjonje na reunificazion de Ampez, Col y Fodom pro la provinzia de Bulsan 

Image Hosting by PictureTrail.com Enseira él sté a La Plie de Fodom y via en Ampez na enconteda per les lites europeiches anter l candidat dla SVP dr. Herbert Dorfmann y l raprejentant dla SVP tla ciamena di deputés a Roma Dr. Karl Zeller con la popolazion y member dla comiscion per afars costituzionai. Per les lites europeiches é ence i comuns da Souramont tl certl lital "nord-est" che ti dà la poscibelté da lité i medems partis che nos. Da man ciancia: Siro Bigontina, l parlamentar Karl Zeller y l candidat Svp per les lites europeiches Herbert Dorfmann


metù ite da noeles ai 02 June 2009 da les 20:32:20 (399 liet)
(liej inant... | 3380 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.444 seconc