benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Zeche ne và nia tla Generela
Politica

Olà é pa la Generela? 

AI 21 DE MESSEL DÒVEL ESTER NA SENTEDA DLA GENERELA: AN NE À PODÙ FÉ NIA, AJACHE AL NE FOVA FETER DEGUGN PRO SENTEDA  , UNIONS DI LADINS DE BADIA, GHERDEINA Y FASCIA SPARIDES

Al é tres vegnù dit che l fin dla Union Generela di Ladins dla Dolomites fova chel de tegnì adum les valedes ladines dl raion dles Dolomites altamo dal cianton cultural y folcloristich, ajache ales é politicamenter y giuridicamenter separedes. N laour dassen rie, plen de festidesc, n laour da tegnì en pé con gran diplomazia, ova dit plu iadesc y scrit te na letra la ex-presidenta dla Generela Hilda Pizzinini. L liam anter les valedes garatova tres les Unions de valeda y che deberieda formova l’Union Generela. Ti slogans, ti discursc, tles cianties podòven tresfora audì l envit a resté unis, a formé altamo culturalmanter la "gran Ladinia".


metù ite da noeles ai 25 September 2007 da les 18:48:01 (971 liet)
(liej inant... | 3763 letres | 5 comentars | ponc: )


Referendum a souramont: manifestazions
Ampez

Referendum: informazion y discuscions 

VIGNI JUEBIA SEIRA DA LES 20.30 VÉGNEL TEGNÚ CONFERENZES-DEBATES DE INFORMAZION TL PALAZ DLES POSTES A CORTINA - TRASMISCIONS SUN RADIO-CORTINA  

Defata ésen a n meis dant al referendum a Anpezo, Fodom y Col. La sajon da d'isté é do les sciables y al é gran ora da pié via con na informazion y discuscion entourn al referendum. La  comité referendar per la reunificazion dla Ladinia a Cortina d'Anpezo, con a cef Siro Bigontina, lascia al savei n valgunes iniziatives che vegn metudes a jì te chest temp dant al referendum di 28/29 de otober dl 2007. Con placac, seires de informazions y jolantins deventaràl n auton ciaut y storich per i comuns ladins da souramont y per duta la Ladinia.  Ence ta Fodom végnel metù a jì conferenzes y seires de informazion.


metù ite da noeles ai 19 September 2007 da les 18:31:56 (794 liet)
(liej inant... | 12923 letres | 1 comentars | ponc: )


Prospetives linguistiches dl do-referendum
Politica

Referendum y unificazion linguistica 

N TEMP DE TRANSIZION MESSESSA VEGNÍ ADORÉ PER ARJONJE NA SOLUZION DEBERIEDA 

La discuscion sun l referendum di ladins da Souramont se à conzentré fina sen dantaldut sun i vantajes/desvantajes politics, economics y materiai che la scomenciadiva podessa ti porté a la popolazion enteresseda y indiretamenter ence ai comuns ladins (atuai) de Sudtirol. Na sort de analisa profit/dann o cost/benefize, n cont donca che i promotours dl referendum se aspeta samben che al garate positif. Sceben che al é vegnù sotrissé tresfora che la motivazion di ampezans y fodoms ne é nia demé economica ma ence storica-culturala, àn lascé n puech sun na pert les implicazions che l spostament di confins provinziai y regionai podessa avei a livel linguistich. Conscidran l'emportanza dl lingaz tl cheder politich-istituzional de Sudtirol rati che al paie la mueia de ti dé na  odleda a chest aspet dl referendum.

Dr. Erwin Valentini é monitor de "strategies and policies in the fields of linguistics and multilingualism" pro la Direzion Generala dla Sozieté dl'Informazion y di Media dla Comiscion Europeica.  Al á condut a termen desche coordinadour i laours pro la gramatica dl Ladin Standard y l Dizionar dl Ladin Standard.


metù ite da noeles ai 18 September 2007 da les 19:18:32 (810 liet)
(liej inant... | 10542 letres | 1 comentars | ponc: )


Referendum a souramont: ultims svilups
Politica

"Sasto che".....

L "STUDIOUS" Y SCIZER OTHMAR MORODER DE URTIJEI É VIADÒ L JOLANTIN ANTI-REFERENDAR PARTÍ FORA VIA EN AMPEZ

La "Regula Ladina" é n fenomen che degugn ne é bogn da se splighé, auter, poester, che te  Gherdeina. Sie spirit ne é nia limité a valch esponent isolé ma al comana  encuei la politica ladina te Sudtirol. Ciunes les motivazions che sta viadedò? Rie da dì avisa, ma les fusties meina  dutes dl medem vers: l senn a l’unité di ladins.  Redont pro l referendum da souramont àn endò vedù che an ne scona nience con fauzités, sciche tla chestion dl ladin standard. Propi te chest ciamp pòn vedei coche la Regula condizioneia la politica ladina te Sudtirol: medemes idees y enfinamai medema terminologia. L’oposizion a la koiné interladina, chela “Kunstsprache massa taliana”, unesc  la Regula, l assessour Mussner  y i ombolc de Gherdeina. Per defene la “rujeneda dl’ava”, alias sia  “Muttersprache”, ne pesimeien nience a juté ju per chegadoi l bon sens  tolan l talian sciche lingaz ofizial dla Lia di comuns ladins. Na contradizion che degugn ne capesc fora de Gherdeina, no a Bulsan no a Roma.

La bela fopa ampezana te soredl da d'auton. L comité contra-referendum fej na campagna de bas livel. 

 


metù ite da noeles ai 15 September 2007 da les 23:42:55 (702 liet)
(liej inant... | 6912 letres | comentars? | ponc: )


UAL: lignola de encontedes de informazion
Fascia

L zitadin y les istituzions: se entene miec 

LIGNOLA DE ENCONTEDES DE INFORMAZION METUDA A JÍ DA LA UNION AUTONOMISTA LADINA TI PROSCIMS MEISC TE FASCIA

L raport con la aministrazion publica é gonot caraterisé da la puecia conescenza dles istituzions da pert di zitadins. Chestes loces de informazion vegnudes fora ence da la enrescida sun l Comun General de Fascia fata da puech anter la popolazion di comuns ladins tla provinzia de Trent, é bendebot de empediment nia demé per n dialogh frutoul y che dae sodesfazion anter zitadin y ofizes publics, ma ence per na partezipazion d'utl y enredenta da pert dla comunanza a la vita soziala y aministrativa.

 


metù ite da noeles ai 14 September 2007 da les 21:23:36 (714 liet)
(liej inant... | 5449 letres | comentars? | ponc: )


Storia: percie che Fodom y Ampez auda pro nos
Storia

La forza dla union: n moment storich per i ladins

TEST STORICH DL COMITE PER NA LADINIA UNIDA SUN LES GRAN POSCIBELTES DE NA REUNIFICAZION LADINA

I Ladins dles Dolomites viv n moment storich. Per l prum iade te sia storia ciàfei la chance da arjonje na unité tres na dezijion democratica. L referendum di 28 d'otober 2007 é l prum vare de n troi lonch y sfadious, ma con de bones prospetives.


metù ite da noeles ai 07 September 2007 da les 21:00:00 (893 liet)
(liej inant... | 10753 letres | comentars? | ponc: )


Referendum da souramont: oujes dla jent
Fodom

La jent dij ence la sia sun www.amiscdlaladinia.info

BRUNA GRONES DA FODOM: PER RESPET DE CHI CHE NES É JUS DANTFORA Y PER AMOUR DE CHI CHE VEGN DO - PRUM FIRMATAR DI 19 OMBOLC LADINS, PEPI DEJACO DA SAN MARTIN DE TOR

Les adejions sun l sit www.amiscdlaladinia.info despassarà tost via les 800 firmes, ma l travert per l comité é cotant, cotant plu aut. An rejona de 5.000-10.000 adejions. Dlongia la adejion él ence la poscibelté de lascé valch aodanza, valch comentar o valch consei. Trueps à tout la ocajion de se fé valch pensier y de scrive ite zeche, paroles de encorajament y de aodanza, dret sentudes dantaldut da Anpezo, Fodom y Col, datrai ence scomoventes. Valch unes lascia entravedei les motivazions plu sotes che à sies raijes tla storia, tl enchersciadum, tla desperazion y tla apatia do ester vegnus metus permez aministrativamenter y de gliejia pro la provinzia de Belun che an sent dutaorela dassen foresta y dalonc. Pierina de Jan da Fodom dij: "I volesse finalmenter che nosc antenac posse paussé saurì".

metù ite da noeles ai 31 August 2007 da les 18:51:39 (1330 liet)
(liej inant... | 5932 letres | 2 comentars | ponc: )


Ernesto Majoni fej propaganda per l no ta Ampez
Politica

"Sasto che" al me plej de fé dejinformazion

ERNESTO MAJONI, DIRETOUR DL ISTITUT DI NEO-LADINS DE BOURCIA DE CIADOURA A CEF DE N GRUP DE INFORMAZION PER L NO'

Dì dìjel de ester n grup de informazion, chel de Ernesto Majoni. Bele dant n valgugn agn àl mudé ju "plovania", jian demez da la union di ladins de Anpezo y se metan adum con i neo-ladins de Belun. Sen él diretour dl Istitut Ladin de Bourcia de Ciadoura. L prum jolantin de does plates de "informazion" per talian-ampezan é vegnù partì fora dantenier sot al titul  "Lo sai che/sasto che?". Grup de informazion végnel dit, ma en verité él clermenter conzepì sciche strument de dejinformazion o de na informazion che peisa dassen devers l "no" al referendum y con l'intenzion clera de semené melsegurtés. L jolantin met bele man con na monzenaria. Sunsom a la lista met Majoni la chestion dles "Regoles Ampezanes", chela che ti sta plu a cuer ai ampezans: "Sasto che l no n à Regoles?" (te Sudtirol).  La scomenciadiva de Ernesto Majoni vegn samben laudeda a ciel dal president dl Venet, Giancarlo Galan.


metù ite da noeles ai 30 August 2007 da les 19:08:33 (851 liet)
(liej inant... | 7925 letres | comentars? | ponc: )


Les letres da Gherdeina
Cultura

Les saites da tuesse de Othmar Moroder

OTHMAR MORODER NE SE MERITA NIA DA SE CLAMÉ "TIROLER". TI FOLIEC RÚVEL ULTIMAMENTER LETRES DA GHERDEINA JU CON DE VIGNI SORT STRAMBARIES STORICHES  

Othmar Moroder auza i tons y ti fej ciamò n iade fé na burta figura a duc i ladins con sia letra di 29.08.2007 tl Dolomiten (ciala dlongia). Al ne desmostra nia demé de ester dassen slocé tles conescenzes storiches, ma ence de volei ofene la recordanza storica di ladins. An se aspetova da chel cianton  saitedes polemiches, ma nia che ales ruvassa tant albas.


metù ite da noeles ai 30 August 2007 da les 19:28:40 (1389 liet)
(liej inant... | 7571 letres | 2 comentars | ponc: )


Touta de posizion de dr. Ivan Lezuo
Politica

Erich Demetz, seine abstrusen Aussagen

EINE ABSTRUSE ZUSAMMENFÜGUNG VON BEGFRIFFEN ZWECKS UNTERMAUERUNG EINER VORGEFERTIGTEN MEINUNG

Die eigenwillige Interpretation der Geschichte Ladiniens und die Argumentationsweise des Herrn Erich Demetz sprechen in letzter Konsequenz auch der historischen Tiroler Landeseinheit jede Berechtigung ab. Auf mehrere Diözesen aufgeteilt, unterstanden die einzelnen Landesteile verschiedenen Verwaltungsbezirken, die Territorien der Fürstbischöfe von Brixen und Trient kamen erst 1803 durch die Säkularisierung zu Tirol und in Südtirol selbst gab es bis 1964 zwei Diözesen. Zudem erfolgte die Gebietserweiterung Tirols nicht immer friedlich. Wer daher die historische Einheit Tirols oder sogar eine Wiedervereinigung, etwa in Form der Europaregion Tirol, propagiert, den dürfte Herr Demetz Lügen strafen.

Ivan Lezuo.


 


metù ite da noeles ai 29 August 2007 da les 18:57:34 (1465 liet)
(liej inant... | 8195 letres | 4 comentars | ponc: )


N scizer de Gherdeina, Othmar Moroder
Politica

N scizer de Gherdeina sclopeta contra i scizeri maroi, fodoms y ampezans

... CHE SOSTEGN L REFERENDUM DA SOURAMONT - LA REALTÉ, I DOCUMENC Y I FAC STORICS, ZENZA DAGNORA TEGNUS ALAUTA, NE CONTA TE N IADE PLU NIA PRO CERTA JENT  

Anter les oujes contrares al referendum da souramont se lascia audì encuei (28.08.07) Othmar Moroder, scizer-fondadour dla compagnia de Urtijei/Gherdeina, sot a la rubrica "Meine Meinung" tl foliet Dolomiten. Bonamenter él na minonga deslarieda te Gherdeina. Al miena de savei che i "Freunde Ladiniens" é per na region "Ladinia" y che sie travert sie "da vedlamenter" encà chel de destaché Gherdeina y Badia da Sudtirol per realisé na "region Ladinia". "Chest ne é nia nost some", dij l scizer.


metù ite da noeles ai 28 August 2007 da les 20:57:02 (1275 liet)
(liej inant... | 10937 letres | 2 comentars | ponc: )


Museum Ladin Ciastel de Tor: II. Trienala y pest Richard Argreiter
Cultura

II. Trienala ladina: con I. pest "Richard Agreiter"

I ARTISC' CERNUS: GIANCARLO LAMONACA, IVAN LARDSCHNEIDER, ISABELL PITSCHEIDER, ROLAND SENONER Y WILLY VERGINER

En vender, ai 31 de aost, végnel daurì tl Museum Ladin Ciastel de Tor a San Martin la II. Trienala Ladina, na esposizion d’ert de artisc' ladins che vegn metuda a jì vigni trei agn sun n tema dé dant. Enviés de onour é danterauter l Minister ai Interns dl'Austria dr. Günther Platter, l president dl govern provinzial dr. Luis Durnwalder, l assessour a la cultura ladina dr. Florian Mussner y l’assessoura a la cultura todescia dr. Kasslatter Mur. La introduzion y la spligazion dl pest artistich "Richard Agreiter" dal cianton de veduda storich-artistich, vegn fata dai conescius critics d’ert dr. Guido Molinari y da mag. Günther Moschig. A la pert él tamben l president y l vize-president di museums provinziai dr. Bruno Hosp y dr. Heinrich Huber y samben l’artist Richard Agreiter enstes.

Richard Agreiter pro l laour.


metù ite da noeles ai 25 August 2007 da les 17:49:05 (756 liet)
(liej inant... | 5354 letres | comentars? | ponc: )


Les ultimes da la stampa
Cultura

Les "trifes" de Erich Demetz

LA AUTRA DRAJEDA VEGN DA LA USC, NA ENJONTA DE 8 PLATES SPONSORISEDA DAL ASSESSORAT LADIN Y DEDA PRO DA LA REDAZION DLA USC 

Erich Demetz, zitadin onorar dl comun de Selva/Gherdeina, stern fora te chestes ultimes edemes de vigni sort de rams de rejia sun dutes les zaites. Sie fin é cler: descredité y se prejenté enstes sciche puera "ana inozenta" contra i pseudo-filosofs, i "malei" y semené confujion. La ultima ficeda é vegnuda publicheda dantenier sot a letres tl Alto Adige. Erich Demetz sostegn che la definizion "ladin" é vegnuda adoreda la pruma outa dal linguist furlan Graziadio Isaia Ascoli l ann 1873. Na autra "trifa" desche sies "ipoteses" sun la storia! Erich Demetz,  conesciù sciche co-organisadour dla Copa dl Mond de Gherdeina, ova metù su dl 1992, adum con Edmund Dellago, la Regola de Gherdeina, na scomenciadiva per defene la Muttersprache gherdeina contra la "Kunstsprache" ladin dolomitan.
 


metù ite da noeles ai 23 August 2007 da les 20:48:05 (1040 liet)
(liej inant... | 8921 letres | 3 comentars | ponc: )


Reunificazion ladina: per Mussner valch de forest
Politica

Fodoms y ampezans: segurs de sia dezijion

REUNIFICAZION LADINA SOT A UNA NA AMINISTRAZION, PER MUSSNER DUTAORELA VALCH DA STORJE L NES - ANTER I FIRMATARS ENCE L INDUSTRIAL DA BULSAN GIOVANNI PODINI

 L assessour Florian Mussner met sen n pue plu averda te sies declarazions sun l referendum, ma fondamentalmenter réstel ferm. Dant a n valgugn meisc y te na intervista a la Usc, dant l'enconda de Ampez-Col-Fodom de endì l referendum, dìjovel: "I son contra na mudazion di confins. Sce valch scolé de Reba vuel vegnì a scola a Corvara, spo cialaràn dessegur de l lascé ite te scola." Te na intervista a Silvano Ploner te Trail touta su en gaujion dla festa de Santa Maria Maiou, sona sia interpretazion dl referendum n pue endeblida, enceben che al ne ascon nia via che la jent dess sté olàche ala é. La chestion de reunificazion ladina ti é dutaorela foresta a Mussner, n auter planet a desvalivanza dal assessour regional Luigi Chiocchetti.

 


metù ite da noeles ai 18 August 2007 da les 21:54:22 (978 liet)
(liej inant... | 6627 letres | 5 comentars | ponc: )


Referendum da souramont: dezijion sun l destin di ladins
Politica

Referendum a souramont: lita dl destin de duc i ladins

L COMITÉ DI AMISC PER NA LADINIA UNIDA TOL POSIZION SUN LES AFERMAZIONS DE E. DEMETZ

L referendum ti trei comuns da souramont, Anpezo, Fodom y Col, se deligneia plu y plu desche na lita de destin, nia demé per i ladins da souramont, ma tamben per duta la Ladinia. I segns che l referendum jirà fora positivamenter é per fortuna dutentourn dantman. Lamon, Sovramonte y i comuns sun l altiplan de Asiago/Sleghe ti l'à fata da arjonje l cuorum dopl ghiré dal referendum teritorial, zenza avei cheles rejons storiches  fones che Anpezo, Fodom y Col à, teritores che à audì cenc d'agn pro Tirol y che se à damané plu outes de fé pert dla region Trentin-Sudtirol. I comités pro-referendum enjigna ca con busia dut l material de informazion y sun l sit www.amiscdlaladinia.info végnel clupé su damprovia adejions da dutes les pertes. L president dla provinzia de Bulsan, Luis Durnwalder, ti à da empruma encà tres endò segnalé l benvolei dla Svp todescia. L arat dl consei provinzial/regional sarà dret emportant tla seconda fasa do-referendara.

La gliejia plovanala de La Plié de Fodom do la pruma vera mondiala. I fodoms fova vegnus evacués y é arciasés te na valeda desdruta.


metù ite da noeles ai 17 August 2007 da les 22:07:39 (932 liet)
(liej inant... | 10168 letres | 3 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.896 seconc