benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Dal Pordoi a Katzenau: recordanzes de Maria Piaz
Fascia

"Dal Pordoi a Katzenau", recordanzes

de Maria Pavarin che conta n trat de storia dl Nuefcent te na publicazion nueva dl Istitut Cultural Ladin "Majon di Fascegn"

En juebia, ai 25 de otober, tl Palaz Trentini a Trent, con a la pert la vizepresidenta dla Jonta provinziala y assessoura a la cultura dla Provinzia Autonoma de Trent Margherita Cogo, y en vender, ai 26  tl Museo Ladin de Fascia a Sen Jan vegniràl prejenté la publicazion nueva dl Istitut Cultural Ladin “majon di fascegn” dal titul “Dal Pordoi a Katzenau. Una vita in Val di Fassa nel primo Novecento”. Al se trata dl’edizion, sun papier y sun CD audio, de n document de bendebot de enteres per la conescenza dla storia del Nuefcent dla comunité fasciana.

Maria Piaz de Pavarin.

 


metù ite da noeles ai 22 October 2007 da les 18:46:46 (814 liet)
(liej inant... | 3380 letres | comentars? | ponc: )


Referendum a souramont: ultima edema
Ampez

I prums desplajeis pro l referendum a n'Ampez

N valgunes personalités, a mete man da la presidenta de Ra Regoles, ne à nia ciamò tout posizion sun la chestion dl referendum

Al plu tert en juebia passeda, ai 18 de otober, en gaujion dla enconteda con i personajes dl referendum a Cortina: Siro Bigontina (president dl comité pro-referendum ampezan), Bruno Dimai (assessour a la cultura ladina tl comun de Ampez) y l ex-ombolt Roberto Gaspari, él ence vegnù a lum publicamenter les prumes sfentes tla comunité ampezana. Desplajei ajache nia dutes les personalités clef tla comunité tira tla medema soia. N valgugn sta a cialé pro y ne ciugna no de scì, no de no. N fat che fej festide: la presidenta de Ra Regoles, Cinzia Ghedina, y n valgunes autres personalités a cef de n valgunes istituzions vedlores ampezanes, desche la Cooperativa de Cortina y la Cassa Rurala ne à enscì nia ciamò tout posizion publicamenter, desche i promotours dl referendum se aodassa. L medem vel per i presidenc dles unions di ostiers y di boteghiers. Nience l ombolt, Andrea Franceschi y duta sia jonta ne se à enfin a encuei nia ciamò destadiré per l "scì", enceben che redont da chesta pert jìssel debujegn de n segnal cler. L medem vel ta Fodom, olàche l ombolt Gianni Pezzei rata dutaorela che al sie miec de sté soura les pertes, depierpul che l ombolt de Col, Paolo Frena, à dit clermenter de scì. Temes, mancianza de "leadership" te chest moment storich. Ales podessa costé cer pro chest referendum.

metù ite da noeles ai 20 October 2007 da les 18:50:21 (804 liet)
(liej inant... | 4517 letres | 1 comentars | ponc: )


Referendum a souramont: la minonga de n joen
Ampez

Co la pensa pa i joegn a Ampez?  

Iacopo Sottsass ne fej degugn pronostics, ma al spera che l 100% lite de "Scí"

I son dant a na situazion referendara dret particolara. Da una na pert onse Ampez, olàche an dij che i ladins-ampezans ne sie nia plu la maioranza y che al en sie valgamia trueps da foradecà con secondes ciases che à l dert de lita y da l'autrra pert i comuns de Fodom y Col olàche an rata che i ladins sie dutaorela damprò dal 90%. Ampez à ence na storia y na identité "ladina" particolara, desche Marina Verocai scriv te n sfuei che é ence vegnù partì fora dal comité pro-referendum de Ampez.  Ampez é da l'autra pert l comun olàche an registreia la maiour convinzion referendara. Perauter él ence sté l prum comun che à dé pro la delibera te comun ai 4 de auril 2007, dant Fodom y Col. Truep peis végnel metù sun la "unificazion ladina". Ti dìjela endere valch ai ampezans de encuei? Co la pensa pa i joegn via n'Ampez? Nicol Alberti de Al Plan à intervisté n joen ampezan, Iacopo Sottsass, 28 agn, cie che el en pensa soura l referendum. D'invern féjel l maester de schi y d'isté l fever. An pò demé se fé demarevueia dla convinzion viadedò y se aodé che chesta sibe raprejentativa.

 


metù ite da noeles ai 18 October 2007 da les 17:53:59 (812 liet)
(liej inant... | 4399 letres | 1 comentars | ponc: )


12 dis enfin al referendum
Ampez

Anter i sostegnidours dl referendum ence Reinhold Messner  

Luis Durnwalder ti à asseguré ence en vender, ai 12 de otober, a Bulsan sostegn politich do n referendum positif - La storia ampezana: ciarpededa sot y scuteda via agn alalongia - Entervent pro l sfuei diozejan "Amico del Popolo" contra sia informazion tendenziousa

Pro i ultims firmatars sun la lista dles adejions al referendum da souramont pòn sen ence lieje chel de Reinhold Messner, enstes de descendenza ladina, desche al sotligneia dagnora con na certa "capazité". Sie neine, Franz, vegniva da Col Santa Lùzia. Les adejions ruva chisc ultims dis dant l referendum a jops. Ence doi capo-frazions di partis-spidic todesc, Eva Klotz (Suedtiroler Freiheit) y Andreas Pöder (Union für Südtirol), se à scrit ite desche sostegnidours dl referendum, avisa chi partis todesc, che ti ova dit, adum a la Svp, de nò a la domanda de Asiago/Sleghe tla comiscion provinziala, ma che ti à asseguré n scí a Ampez, Fodom y Col. Chest ti à Durnwalder ence asseguré en vender, ai 12 de otober, canche n valgugn esponenc ampezans, anter chisc la presidenta dla union di ladins, Elsa Zardini y Siro Bigontina, é vegnus a Bulsan a rejoné empera. Durnwalder ti à ciamò n iade dé sia parola y se à aodé con ei che l resultat referendar sie positif.

Siro Bigontina

Bruno Dimai

 


metù ite da noeles ai 15 October 2007 da les 19:15:37 (769 liet)
(liej inant... | 11379 letres | comentars? | ponc: )


Referendum da souramont: mancianza de sostegn di media
Politica

Al vuel ester n saut de cualité: ma la unfataria sprigoleia 

A livel publich ne végnel fat y dit nia: no te scola, no ti istituc publics culturai y autri, no tl radio y tla televijion - Degun ladin ne lita la Svp, sce nia per rejons economiches

A cialé pro desche ai se comporteia la gran pert di Ladins da Bulsan y de Trent ti confronc dl referendum di trei comuns da Souramont ciàfen propi la mueia. N comportament de unfataria che sprigoleia y che fej pensé a la vueia de lascé morì fora la Ladinia desche mendranza unida. Deguna coscienza politica y an veid demé la tema de messei zede valch toch de contribut finanziar da pert dles provinzies. A livel publich ne végnel fat y dit nia: no te scola, no ti istituc publics  culturai y autri,  no tl radio y  tla televijion sce no valch picera intervista desche resposta a valch articul vegnù fora sun valch foliet; souraldut màncel la prejenza di jornalisc' Rai pro les manifestazions, per ejempl pro les abinedes di ombolc dla Val Badia a Fodom y Ampez.

 


metù ite da noeles ai 12 October 2007 da les 19:07:44 (715 liet)
(liej inant... | 5743 letres | 3 comentars | ponc: )


Referendum da souramont: ester o nia ester ladins
Politica

L contest politich ti deura na porta nueva ai ladins

N no a la reunificazion dla Ladinia fossa n dejaster - la storia ne pitarà nia plu tant atira na tel ocajion - Plures per coche la Usc y la RAI ladina trata la chestion

Comentar

N SCI al referendum, n messaje cler ai vejins che i volon resté ladins 

L referendum é per  i ladins, per duc i ladins, na ocajion storica. La storia di ladins é dagnora vegnuda scrita dai autri, demé te pueces ocajions ài abù la poscibelté de lascé audì sia ousc, plu avisa en gaujion de de gran rosedamenc politics, sciche do les does gran veres.
Pro n referendum sàn normalmenter ciun che é l resultat, sce an dij de "scí" o de "no" y sce l "scí" la davagna o la perd. L referendum à n valour legal. Pro l referendum teritorial da souramont sàn endere demé che al se trata de na desmostrazion de "volei", ajache l iter che vegn do, sce l referendum resulteia positif, é bendebot raidous y ne depen nia plu demé da la volonté dla popolazion locala. La lege de destach messarà passé tl parlament talian (Ciamena y Senat)  y al se prejentarà problematiches nueves, desche ence l parlamentar dla SVP Karl Zeller à anunzié enier (10.10) te na intervista al Alto Adige. Ma redont chest "volei" dla popolazion di trei comuns ladins da souramont é sen dassen emportant y pont da pié via.


metù ite da noeles ai 11 October 2007 da les 18:45:05 (796 liet)
(liej inant... | 10875 letres | 2 comentars | ponc: )


Referendum: les edemes dezijives
Politica

Les ultimes trei edemes: per la unité ladina

Tres na gran manifestazion de duc i ladins éssen podù mostré la coscienza politica di ladins de ester unis, n segnal sterch ence al parlament de Roma

Ciamò trei edemes de temp per daidé la jent a se orienté desche al auda per l referendum, a l sostegnì y a dí samben de "scì" tl moment dla lita. Valgugn à laoré dassen, spenan ence de si dinés: l frut de sia coscienza ladina y souraldut de sia creta y de sia speranza de podei vedei n dí i ladins unis te una na soula region. N laut y n dilan de cuer ti speta al comité Amisc dla Ladinia unida. Y a d’autri privac che se à metù a desposizion per daidé mete adum les schedes de informazion, i depliants da dé fora a la jent per ti fé conesce diretamenter i vantajes dl referendum y ti dé la convinzion ch’al paia la mueia de passé confins per ester unis. N laut ence a duc i ombolc dla Val Badia che à desmostré publicamenter d’ester ladins tolan pert deberieda a la senteda tegnuda dantenier a La Plie da Fodom. Valgugn de chisc à ence dé n contribut pro la composizion dles schedes informatives. Veramenter n ejempl de ladinité. Nia de nia ne àn audí dai ombolc de Gherdeina y de Fascia. Na odleda sun Cortina dal aut. Dantaldut a Cortina vegniràl dezidù l resultat dl referendum.

metù ite da noeles ai 07 October 2007 da les 19:31:47 (730 liet)
(liej inant... | 6373 letres | 4 comentars | ponc: )


Referendum a souramont: edemes finales
Politica

N salf toch y plen enseira a Cortina:per la unité ladina

Gran aplaus per l laour di comités pro-referendum - Marco Pizzinini à liet dant na letra de Durnwalder olàche al ti assegureia che al veid de bon uedl les aspirazions di ampezans y di fodoms de ruvé endò pro Sudtirol - La fioura dl referendum à ence pié ite la Val Badia: duc i ombolc deida pera

La stampa taliana, chela beluneisa en particolar, à tout su enier con gran plajei l arat negatif dla comiscion per chestions de autonomia dla provinzia de Bulsan contra la adejion di comuns vicentins dl altiplan de Asiago a la region Trentin-Sudtirol. Determinantes les oujes contrares dla Svp todescia, ma ence i partis talians - tout fora Unitalia de Donato Seppi - à dit de no. Sen passarà la chestion inant tl consei provinzial. L medem déssel enzai ence suzede con Cortina à reporté amplamenter la stampa taliana, paroles de Durnwalder, ma zenza jì ite plu avisa. Sen sàn che al ne é nia veir. Per i trei comuns ladins de souramont sta les cosses autramenter, à responù ciamò enseira l president dla jonta Luis Durnwalder. Al ti à atira asseguré ai ampezans y fodoms, anter auter ence con na letra al Comité di "Amisc dla Ladinia Unida", che i trei comuns é benvegnus te Sudtirol, samben a condizion che l referendum resulteie positif y che dut l iter ruve a conclujion.

metù ite da noeles ai 05 October 2007 da les 18:36:35 (702 liet)
(liej inant... | 7597 letres | 1 comentars | ponc: )


Consei provinzial y raprejentanza di ladins
Politica

Sen dij ence Werner Stuflesser: i ladins é politicamenter sotraprejentés

L Moviment Politich Ladins se à ghiré da sia istituzion dl 1994 inant 2 scagns per i ladins tl Consei Provinzial y degun scialier lital pro la lege litala - Realisé ne él vegnù nia - Na lege litala con n scialier lital contra i ladins vegnirà dessegur plureda dant da la Court Costituzionala

Werner Stuflesser, diretour dla Academia Europeica a Bulsan, descuer l'ega ciauda: la sotraprejentazion politica di ladins tl consei provinzial de Bulsan, encuei pro n convegn a Bulsan. Finalmenter végnel sen dit ofizialmenter da un dl partì. Stuflesser fova sté dl 1998 candidat ladin dla Svp. I ladins fej fora 4,34 % dla popolazion tla provinzia de Bulsan, ma é demé raprejentés tres un n aconsiadour tl consei provinzial, desche garantì dal statut de autonomia, chest vuel dì 2,9%. Stuflesser sona la ciampanela de alarm, ajache ala dess deventé piec. Tres la lege litala nueva, che vegnirà defata touta tres tl Consei a Bulsan, volessa la SVP endò introduje n scialier lital che fova vegnù declaré anti-costituzional tres la sentenza 352/98 da la Court Costituzionala. Concretamenter vuel chest dì che l dert de lita democratica di ladins vegnissa ciamò plu restrent. Per dì la plena verité éssel endere ence messù enjonté che l Moviment Politich Ladins se à ghiré da sia costituzion, dal 1994 encà, tresfora 2 scagns tl consei provinzial per l grup etnich ladin, a na moda de ester raprejenté ence de dert tla jonta provinziala y podei corì enciaries istituzionales sciche chela de vize-president dl Consei.

metù ite da noeles ai 03 October 2007 da les 20:33:44 (678 liet)
(liej inant... | 3636 letres | 1 comentars | ponc: )


Lingaz, coscienza linguistica y etnica di ladins da souramont
Cultura

Degugn ne pò loghené la ladinité de Ampez y de Fodom/Col

La coscienza linguistica y etnica: encuei vuel Col, Fodom y Ampez dé l vare dezisif per ruvé endò - do da feter 90 agn de despartizion - pro si fredesc ladins dl Sela con chi che ai à passé secui de storia 

de dr. Lois Craffonara

É l rejoné de Fodom, Col y Ampez ladin?
„Cie domanda! Chel sà pu vignun ch’al é ladin!“, dijarà trueps letours, ma al en é ence un o l auter che la miena autramenter o dubiteia. Cie pòn pa respone a chesta domanda? Dant da n valgugn meisc éi liet chestes paroles: „Al é rie, linguisticamenter, da ciafé criters segurs che vae ben per cerne l ladin dai autri dialec dl nord dla Talia. Chest davia che an pò ciafé endlonch valch element che se someia.“ Samben, sc’an veid demé vigni element da soul, isolé, per sie cont, spo vel n element chilò da nos tant che autró, metonse tla planura aunejiana. Lascedeme splighé la cossa con l drap che vegn tesciù dal tescere y per chel che nost artejan adora fii da de plu colours: enfin a ch’i veide demé i fii singui, ne pòi nia m’imaginé cie drap che l telé me darà, ma canch’i veide i fii te sie entreciament, tla combinazion fata dal tescere, sonsi bon da desfarenzié un n drap da n auter.


metù ite da noeles ai 03 October 2007 da les 19:03:59 (1071 liet)
(liej inant... | 34979 letres | 1 comentars | ponc: )


Pelegrinaje di ladins a Peralba/Weissenstein
Cultura

A prié a Baissenston, ence per la reunificazion di ladins

Na intenzion clera a la unité di ladins da pert di presidenc dles Unions di Ladins

Despartis da la politica y da la storia à i ladins desmostré ciamò n iade na gran vueia de reunificazion pro l tradizional pelegrinaje de en domenia passeda (30.09.2007) al santuar de Peralba/Baissenston. Plu de 220 ladins da Fodom, Col y Ampez s’à abiné con chi ruvés da les autres vals dl Sela y da la Provinzia de Bulsan per la Via Crucis y la s. messa sun l plazal viadò l santuar. Na enconteda tl segn dla religiosité de chestes popolazions che fona les raijes tla tradizion y tla devozion a la Madona di 7 dolours (chest ann él vegnuda metuda a jì dal Decanat da Fodom ). Ma l clima da referendum sentìven plu che mai y i referimenc a la votazion dl 28 y 29 de otober ti trei comuns ladins sot a Belun é vegnus fora plu o manco clers ti trueps momenc dla giorneda.


metù ite da noeles ai 02 October 2007 da les 19:55:49 (825 liet)
(liej inant... | 3788 letres | comentars? | ponc: )


Reforma sanitara te Sudtirol: na seira de informazion dl MPL Ladins
Sanité

La reforma sanitara, nia dagnora a ben dl pazient

L pazient dess podei cerne te cie strutura sanitara che al vuel vegnì medié, ence fora de Sudtirol

I reladours dla seira é stés: l dot. Florian Zerzer, cef-departiment dl Assessorat a la Sanité dla Provinzia Autonoma da Bulsan , che à rejoné sun la tematica dl'organisazion y dl'aministrazion dla sanité te Sudtirol. La funzionalité y la cualité di servisc sanitars de ospedal é vegnuda trateda dal primar dla repartizion de reanimazion y anestesia dl ospedal da Bornech, dot. Marco Pizzinini, d' Al Plan de Mareo. N auter argoment enteressant é spo sté chel di debujegns y dles poscibeltés de svilup dl raion sanitar. Inant ésen jus con l referat de Fiung Franz che é ju ite sun l tema: l personal dla Azienda Sanitara, condizions y ghiranzes per ti  ofrì n bon servisc a la jent. A scluje  ju la seira de formazion y informazion él ciamò sté Renato Paratscha y Roland Thaler, che à porté dant sies esperienzes dal pont de veduda dl pazient.

Sanité: n argoment che enteresseia dagnora.


metù ite da noeles ai 02 October 2007 da les 18:56:45 (741 liet)
(liej inant... | 6587 letres | comentars? | ponc: )


Referendum a souramont: na tel ocajion ne saràl nia plu
Politica

Jouf dl Sela 1946 y referendum ladin 2007: outa miliara

Enfin a sen à i ladins dagnora messù petlé y se adaté, ma al fossa ora che ai emparassa enstesc a deventé politicamenter plu atifs

L messel dl 1946 volova ester tla speranza de trueps ladins y ladines l meis dla outa. La gran manifestazion sun l jouf dl Sela fova n segnal sterch dla volonté di ladins de ruvé endò adum. Na tel manifestazion ne n’án mai plu vedù, na reunion de popul, de persones de dutes les valedes, persones con coscienza ladina, persones che à volù tó pert per convinzion personala y no demé ajache iscrites ite a valch Union di Ladins. Donca na manifestazion politica clera, na declarazion clera de volei ester unis, de volei conté desche grup etnich y no demé desche mendranza te na mendranza maioura, chela todescia..


metù ite da noeles ai 30 September 2007 da les 18:48:37 (744 liet)
(liej inant... | 4561 letres | 3 comentars | ponc: )


Rumanc grijon (ladin standard) te n grum de scoles
Grijon

Rumanc grijon te n grum de scoles eniann

23 comuns à metù man con l ann de scola 2007/2008 con l ensegnament regolar tl standard ladin grijoneis

Dal ann 2001 che l rumanc grijon (ladin standard scrit ti Grijons) vegn adoré desche lingaz ofizial a livel federal y ciantonal à bele deplù comuns tout la dezijon de introduje l rumanc grijon desche lingaz de istruzion te scola. La Val Mustair che dà sun la Val Venuost te Sudtirol é steda la pruma valeda olàche duc i paisc à dé chesta outa chest vare. Te Sudtirol ne él nia da spié. An dà de chest vers enfinamai n vare enzescul.


metù ite da noeles ai 28 September 2007 da les 22:44:51 (748 liet)
(liej inant... | 1645 letres | comentars? | ponc: )


Referendum da souramont: i paladins dl no
Ampez

Majoni partesc fora sies implorazions

CON N 4. JOLANTIN DESCUER L COMITÉ SIA MENTALITÉ Y SIE FIN: MIEC TALIANISAZION 

Depierpul che i comités enjigna ca les schedes informatives con n grum de informazions detaiedes - chisc dis él vegnù fora la 4. scheda sun l fabriché alesiré - méssei ence se festidié de derzé les dejinformazions spanudes fora dal comité con a cef Majoni via en Ampez. Chisc dis él vegnù fora sie 4. jolantin dal titul "Vorremmo che ...", bonamenter l piec che l grup à zumpré adum. Sce da una na pert él sfadious da respone a "poures" impede a argomenc, à chisc jolantins ence l merit de viventé la discuscion y de descorì la mentalité dla politica di neo-ladins tl Beluneis. 

Veduda dal aut de Anpezo/Ampez. I ampezans pèr de ester i plu convencius, ma al é ence deplù che laora contra.

 


metù ite da noeles ai 26 September 2007 da les 22:23:00 (795 liet)
(liej inant... | 7241 letres | 2 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.382 seconc