benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Analisi ed interpretazione della leggenda dei Fanes
Desvalives

La saga dei Fanes in Wolff, De Rossi e Staudacher

IL Regno di Fanes - mito, storia e fantasia nelle leggende: il possibile innesco storico

di Adriano Vanin

La saga dei Fanes ci è stata tramandata soprattutto attraverso l’opera di Karl Felix Wolff. Senza di lui, è probabile che il nome “Fanes” sarebbe oggi soltanto un sibilo nel buio, una lontana eco dimenticata senza dimensioni né contorni.Wolff entrò certamente in contatto con la leggenda dei Fanes attraverso il lavoro di De Rossi, che raccolse molto materiale in val di Fassa: materiale tuttavia che è ben lungi dal fornire il quadro completo della saga, ed è per di più artificiosamente collegato al grande ciclo epico fassano degli “Arimanni”, di fatto un ciclo leggendario del tutto indipendente. Wolff raccolse più tardi molte altre informazioni sui Fanes in Ampezzo e persino nel Livinallongo, ma venne a conoscenza della cruciale parte “antropologica” solo attraverso Karl Staudacher. Questi, figlio di un albergatore di Brunico, aveva sentito raccontare la leggenda ancora bambino, da alcune lavoranti ladine della bassa Badia o del Marebbe, al servizio del padre.


Il “guerriero di Codevigo” (Museo Nazionale Atesino – Este)

 


metù ite da noeles ai 12 November 2007 da les 19:01:43 (2449 liet)
(liej inant... | 37337 letres | comentars? | ponc: )


Bulsan: Ladiniamujiga
Cultura

Ladiniamujiga a Bulsan con "Play", "Acajo", "The Zanzis"y Rut Bernardi, Modern Times Trio

Na manifestazion plajoula vegn metuda a jì da la Consulta Ladina dl comun de Bulsan - auton musical

La Consulta Ladina dl comun de Bulsan met a jì de november na lignola de encontedes con grups musicai y oujes poetiches tla Carambolage, str. Arjentiers/str. Argentieri a Bulsan sot al titul "Ladiniamujiga". A la pert l grup "Play" en mercui ai 14 de november, l grup "Acajo" en mercui ai 21 de novemer y en mercui 28 de november la poetessa Rut Bernardi, tres da les 20.30 inant. Entreda debant.

 











metù ite da noeles ai 06 November 2007 da les 19:15:39 (928 liet)
(liej inant... | 6239 letres | comentars? | ponc: )


Referendum a souramont: Chiocchetti y Demetz congratuleia
Politica

Luigi Chiocchetti y l MPL Ladins se congratuleia per l resultat arjont

Chiocchetti: "Sen méssen tegnì cont dl "Scì" gaiert di ladins da souramont" - Demetz: "Datrai deventa n some realté"

Sun l resultat dl referendum de Col, Fodom y Ampez à tout enier ence posizion l assessour a les mendranzes, Luigi Chiocchetti (Union Autonomista Ladina - Fascia) y l president dl MPL Ladins. Chiocchetti: "I vue palesé mia sodesfazion per l resultat dl referendum di 28 y 29 de otober. La jent de Col, Fodom y Cortina ti à dé ousc a na volonté dassen gaierda y segura: la vueia di Ladins de ester endò duc adum, de troé endò na unité che é vegnuda “fermeda” contra la volonté de cheles comunités che encuei, do n mudl de agn, à desmostré de avei mantegnù san enton l sentiment de identité y de partegnuda che deguna azion de govern a livel statal, regional y provinzial à ciafié da sfrié demez.

 


metù ite da noeles ai 02 November 2007 da les 22:39:03 (735 liet)
(liej inant... | 4229 letres | 2 comentars | ponc: )


Referendum a souramont: l comentar plu entort
Politica

A Luis Mahlknecht ti pléjel da partì fora sclafs

N comentar che adora l referendum per ti dé "da les oredles via" y partì fora etichetes da volei creve

L comentar plu entort che an à podù lieje chisc dis do l resultat referendar fonomenal da souramont é dessegur l comentar de Luis Mahlknecht sun l sfuei Dolomiten di 31 de otober 2007. Da bon maester "a la vedla" mienel de podei partì fora sclafs. Al interpreteia l "Scì a Sudtirol" sciche n sclaf a chi che aussa critiché aspec negatifs tla politica de Bulsan envers i ladins. Al miena che chest "scì" ti ae trat sotfora l fonz a chi "stufousc y sajioui" o "Dauerplaerrer" sciche el dij. An sà che sies vijions se cuer con cheles dla famousa "Regula Ladina" de Gherdeina che ne se stancia nia da definì l ladin standard na "Kunstsprache", ence sce duc i luminars linguistics de ladinistica, dij dut l contrar: che l ladin standard é na "conditio sine qua non". Mahlknecht ne ti va permez a degun argoment con argomenc, ma con etichetes, con "sclafs".

 


metù ite da noeles ai 02 November 2007 da les 19:07:51 (844 liet)
(liej inant... | 5428 letres | 1 comentars | ponc: )


Referendum da souramont: la bandiera ladina ressoresc endò
Ampez

Te chel moment savòven: "chisc é i colours dés dant al popul ladin"

La bandiera ladina, nasciuda ai 5 de mei dl 1920 sun jouf de Frera, ruva endò a onours - Na moda nueva che vegn ence deslarieda da www.ladinstyle.com

Na bela novité de chest referendum é ence cie che i ampezans se à dut lascé tomé ite per viventé de colours ladins la campagna pre- y do-referedara: cazines o ciuries che an dij fates a ciauza con fii di colours ladins, cocardes da mete sun l piet y vetes/pintes a trecia da mete entourn al col. N grum de bandieres ladines fova ence tachedes fora sun truepes ciases. Duc é restés con la bocia daverta a vedei chest mer de colours en la festa de rengraziament dantenier a Cortina. Na moda plajoula che fajarà scola. L simbol dla bandiera fova ence da vedei sun duc i placac referandars tachés fora. Te Fascia vegn la bandiera ladina promovuda dal stilist Alessandro Anesi tres n grum de aplicazions sun l guant al sit www.ladinstyle.com (ciala reclam a man dreta). La bandiera ladina é nasciuda dl 1920 te n temp de gran pericul per dut l popul ladin canche ladins de dutes les valedes, badioc, maroi, ampezans, fodoms, gherdeines y fascians se à abiné sun jouf de Frera a reclamé sie dert de esistenza. Ala é veramenter na esprescion de volei souravive. La nié, desche valch fej encuei, vuel dì nié l popul ladin.

 


metù ite da noeles ai 02 November 2007 da les 18:12:14 (768 liet)
(liej inant... | 2812 letres | 1 comentars | ponc: )


Fabio Chiocchetti: n contribut a la discuscion sun l referendum
Politica

La stessa convinzione del 1946 al passo Sella

Allo Stato Italiano: "Blindare la regione", ma DOPO il ripristino dei vecchi confini e non portare a compimento il progetto fascista dell'assimilazione

Il popolo ha parlato: i cittadini di Col, Fodom e Ampezzo hanno espresso chiaramente la loro volontà di essere riaggregati alla compagine ladina, all’interno di quella Regione dalla quale 70 anni fa erano stati separati d’imperio, mediante un decreto fascista che – secondo la nota espressione di Ettore Tolomei – doveva “grattar via la macchia grigia dei ladini dolomitici”.
Il popolo ha parlato, con la stessa convinzione dei 3000 ladini radunati al Passo Sella il 14 luglio 1946. Ora, accanto alla misurata soddisfazione dei promotori, come si conviene alle genti di montagna, si registra un continuo susseguirsi di commenti da parte di politici di ogni estrazione, in uno spettro di posizioni che va dalla pura irrazionalità ai sottili sofismi di convenienza. Certo Cortina non è Lamon.

Siro Bigontina e Fabio Chiocchetti.


metù ite da noeles ai 02 November 2007 da les 18:00:17 (682 liet)
(liej inant... | 9665 letres | comentars? | ponc: )


Referendum a souramont: gran festa enseira a Cortina
Ampez

La Ladinia Unida pro la provinzia de Bulsan

Chesta é la volonté dl referendum de Ampez, Col y Fodom - Na gran prova de ladinité, sen bàstel con pregiudizes - Eddy Demenego y l ombolt Andrea Franceschi enseira sun La 7 a la trasmiscion de Giuliano Ferrara

Na venta dl "no" pro l referendum da souramont essa volù dì n endebliment sostanzial dla Ladinia, na deligitimazion dla nascenta Lia di comuns ladins dal meteman y n spidiciament fatal, no na Ladinia Unida, ma na Ladinia en spidic. Encandenò l'à l "scì" davagneda autafora con l 80% dles oujes dedes ju. La gran ligreza fova da sentì enseira a la festa de rengraziament metuda a jì dai comités de souramont, enceben che an sà che i varesc dantfora é dut auter che sauris. Al jirà sen debujegn de convence ben 216 parlamentars a Roma a dé pro la lege de mudazion di confins aministratifs. An é bele pro l laour.

 


metù ite da noeles ai 01 November 2007 da les 21:12:32 (762 liet)
(liej inant... | 6359 letres | 2 comentars | ponc: )


Referendum a souramont: les gaffes
Politica

Les gaffes pro chest referendum

L president dla Generela minova de fé n scoop, ma encandenò àl fat na scleta paruda - La "colaborazion, colaborazion, colaborazion, colaborazion" aladò de Mussner - Ernesto Majoni: "Ritenete che?"

Entratant la senteda stampa sun l resultat referendar encuei dantmesdì a Bulsan à l president dla Generela, Michil Costa, volù fé n scoop, cherdan su sun l fonin l president dl govern Romano Prodi, amplifiché che duc audissa. Prodi ti à endere atira responù, descedan n vedl pregiudize che fej da tres la roda sun i ladins te nosc raions, Prodi: "Anche voi ladini andate dove ci sono i soldi". Riudes. Chest telefonat à fat la roda de duc i telejornai locai y nazionai encuei y la fajarà endoman sun duc i foliec. L'autra "gaffe" vegn dal assessour Florian Mussner che ne se stancia nia da perdiché desche n mulin de prieres tibetan, ma a paroles, che al dess vegnì colaboré, colaboré, colaboré, colaboré y rejoné, rejoné, rejoné per ascone via sie spiso al referendum. Propi en la veia dl referendum àl fat declarazions te na intervista al foliet Dolomiten sun Ampez che é vegnudes sbaujeredes a la grana dal resultat referendar a Cortina d'Ampez.

 


metù ite da noeles ai 30 October 2007 da les 23:27:54 (800 liet)
(liej inant... | 4086 letres | 4 comentars | ponc: )


Mussner dess dé les demiscions
Politica

Mussner preibel dà les demiscions!

L conseier dl comun de Mareo, Nicol Alberti se damana les demiscions de Florian Mussner do sia intervista tla Dolomiten di 27.-28.10.2007 te chela che al dij endò n iade nò al referndum

Stimé Dr. Florian Mussner, raprejentant tla Provizia de Bulsan dla mendranza ladina, empruma de dut volessi ves dì dilan per dut cie che I eis fat te chisc agn per i Ladins. Ma al me desplej tal plu sot dal cuer che i ne ves seis nia metù dla pert dal referendum de nosc fredesc d'Ampez, Col y Fodom. I seis sté contra y chest vuel dì che I ne eis nia plu l dert da raprejenté la mendranza ladina te Sudtirol. Chest vost comportament ti à tout la legitimité a vost mandat y a vosta persona. Na tel situazion é politicamenter sce nia istituzionalmenter nia sostegnibla, desche sce na oma ghirassa i derc sun n mut che ofizialmenter ne reconéscela nia!

 


metù ite da noeles ai 29 October 2007 da les 20:52:35 (886 liet)
(liej inant... | 2220 letres | comentars? | ponc: )


Referendum a souramont: n comentar
Politica

Soura les Dolomites ladines él vegnù saren

Meton man de ester manco crauttaitsch y ester plu ladins: l burt comportament dl assessour Florian Mussner y di trei ombolc de Gherdeina

Sen bàstel con les paroles, con les tricoles y con i pregiudizes. I on sen dant man l resultat storich, na realté clera che n’à debujegn de degun comentar. Souramont é plu ladin de nos, dessegur altamo te sia coscienza politica, te sia vueia de creie tla mendranza ladina desche grup etnich, te sia volonté de unité, de sté adum y colaboré deberieda. Ei ne à mai rejoné de confins, ei ne i à mai azeté, al fova i ladins de Bulsan a tegnì cont di confins y a mete averda ch’al ne sciampassa mine valch scioldi soura i confins via. Nost assessour Florian Mussner à rejoné y rejona dutaorela de confins che ne dess assolutamenter nia vegnì spostés.

 


metù ite da noeles ai 29 October 2007 da les 19:54:58 (648 liet)
(liej inant... | 3373 letres | comentars? | ponc: )


Souramont: resultat storich
Politica

N SCI che arjonj l 80% di litadours jus a lité

Al sclopa la ligreza per l resultat arjont y ence leghermes, ma dovia oréscel ence bele i festidesc coche la chestion se brodola inant

I resultac ne lascia degunes lercs de spligazion. La volonté de unité di ladins resulteia plu che clera, n iade fosch sun blanch, con procentuales che degugn ne pò plu strité ju. A Fodom à dit de scì 834 litadaours/litadesses sun 965, vuel dì l 87,51%, a Col sun 270 litadours/litadesses à dit 225 de scì, vuel dì 84,59%, a n'Ampez à dit 2788 litadours/litadess sun 3.617 dit de scì, vuel dì l 77% dles oujes dedes ju. L resultat é fenomenal, na desmostrazion de massa contra l'aministrazion venet-beluneisa y la aodanza de volei endò se reunì a la Ladinia storica, chela tla provinzia de Bulsan. La gran sorpreisa é samben Cortina d'Ampez olàche trueps minova che l resultat fossa enfin a enultima davert y melesegur y che l argoment "ladinité" essa oramai puech peis. L ombolt de Fodom, Gianni Pezzei, rejonova bele de refé l referendum, sce ala fossa juda mel a Cortina.  Al é sté contrar. Ciamò enseira él vegnù arjont l prum quorum dant da Col.

I colours "vert-blanch-brum" dla bandiera ladina dominova via n'Ampez chisc dis.

 


metù ite da noeles ai 29 October 2007 da les 18:30:34 (626 liet)
(liej inant... | 13526 letres | comentars? | ponc: )


Referendum a souramont: prums resultac sun la afluenza da mesdì
Politica

La bona novela de encuei: l prum quorum é vegnù arjont

L quorum é vegnù arjont ensnuet da les 19.00: la maioranza di litadours ta Fodom, l 57% y l 51% a n'Ampez à lité - a Col l 44% - L quorum dopl é de: 3.415

La pruma gran tricola: arjonje l lim dl quorum, vuel dì la maioranza di litadours, à podù vegnì desfanteda via ensnuet. Enfin a mesdì fova jus a lité 1.370 litadours a n'Ampez sun 5.191 litadours, 100 a Col sun 403 litadours y 263 ta Fodom sun 1.234 litadours. Na bona afluenza ence domesdì. L resultat intermediar da les 17.00 fova de entourn l 40%, vuel dì entourn 2.750 litadours à lité. Aladò dles ultimes nueves ova lité da les 19.00 l 57% di litadours da Fodom (711 litadours), l 44% a Col (178 litadours) y l 51% a Cortina (2.644 litadours), endut 3.533 litadours, l 51,54%. L quorum de 3.415 zetoles dedes ju é enscì arjont y bonamenter superé te chestes ultimes ores. Arsalf zetoles nia-valoules che mess vegnì trates ju, é l referendum da souramont enscì valoul. Al ne vegn nia raté comun per comun, ma duc trei i comuns deberieda. Les sentes litales scluj da les 22.00 y deura endoman da les 07.00 y resta davertes enfin a les 15.00. La seconda tricola: vegniràl pa ence arjont na maioranza per l "scì", l secont quorum de 3.415 oujes per n eventual destach di trei comuns dal Venet anter la popolazion?

 


metù ite da noeles ai 28 October 2007 da les 19:24:23 (965 liet)
(liej inant... | 3094 letres | comentars? | ponc: )


Veia dl referendum a souramont: n comentar
Politica

Ti cuers busieiel n grumon de speranzes

Sce al gareta l scì, sarà l comité da souramont, i "Amisc" y les presidentes Elsa Zardini, Cristina Lezuo y Paola Agostini i "peresc" y les "omes" dla nueva patria ladina - Trueps à daidé, ma trueps à ence cialé demez

3.415 litadours fej fora l quorum y la maioranza
 
I litadours a Ampez, Fodom y Col é dut adum 6.828 (3.213 ei y 3.615 eles) partis su sun endut 8 sezions. A Cortina ései de 5.191, partis su sun 6 sezions; a Fodom 1.234 te 1 na sezion y a Col  403 te 1 na sezion. En domenia pòn lité da les 8 a les 22 y en lunesc da les 7 a les 15. A na moda che l referendum sie valoul méssel vegnì arjont l quorum dl 50% plu 1 di litadours scric ite a les listes litales, vuel dì 3.415.
Ciamò doi dis y spo la reflescion. Oramai cie che é fat é fat. Tl calender dles manifestazions él ciamò prevedù valch conferenza chilò y dailò. Ma al é cler che l gran laour é ruvé y che an ciala sen souraldut a les persones, a sia bona volonté y coscienza ladina. Francamenter speronse che les does condizions per la validité y la positivité dl referendum vegne realisedes: l “quorum” y la maioranza di “sci”. Penson bele a podei tó demez valch tofla, per ejempl chela de Ciaulonch con la scrita “Provincia di Belluno - Regione Veneto” y chela do Toblach. La provinzia de Bulsan se desleria fora y ala met nos ladins plu damprò.

 


metù ite da noeles ai 24 October 2007 da les 19:19:08 (717 liet)
(liej inant... | 5673 letres | 3 comentars | ponc: )


Referendum a souramont: 3 dis dal referendum
Politica

I ultims dis: previjions tourbles

Comunicat de sostegn y de encorajament di "Freiheitlichen" de Sudtirol - Cie meseria a confront chel dla Svp "ladina"!

I son a 3 dis y valch ores dal referendum. I dàs é bonamenter bele tomés tla coscienza de vignun: sce al lita de jì, sce al lita de no o sce al se astegn da la lita. Ala se trata oramai demé plu dl convenciment di ultims pesimousc. I nerfs é trac, dantaldut a Cortina d'Ampez olàche ti ultims ésen deventés plu melsegurs y irités, ajache n valgugn personajes tla vita publica ampezana che an ratova segurs pro i sostegnidours ne à dutaorela nia dé da capì  clermenter da cie pert che ai sta, enscì la presidenta de Ra Regoles, Cinzia Ghedina. Ala tol ite na posizion bendebot zitia. L'aministrazion dl parch natural "Les Dolomites Ampezanes" vegn finanzieda tres na lege regionala. Demarevueia se fej valch che a Cortina végnel rejoné, adenfora dles encontedes publiches, do rata puech dl referendum. Degun enteres o sà bele vignun avisa cie che al jirà a lité, independentamenter da la informazion?

 


metù ite da noeles ai 24 October 2007 da les 19:36:19 (666 liet)
(liej inant... | 9297 letres | comentars? | ponc: )


Referendum: paroles de encorajament dl assessour Luigi Chiocchetti
Politica

La ocajion dla unité di ladins é ruveda!

Bele la senteda costituenta dla Region Trentin-Sudtirol ova fat la empermetuda de daidé arciasé aministrativamenter ampezans, fodoms y chi da Col

Ai 13 de dezember dl 1948 tla pruma senteda dl Consei dla Region Trentin-Sudtirol dij l conseier Defant (ASAR - Associazione Studi Autonomistici Regionali) a plata 11 dl verbal:
"... ritengo sia opportuno ricordare in questa occasione che vi sono delle
popolazioni fuori della nostra Regione che desiderano rientrare. Sono Cortina d'Ampezzo, Pieve di Livinallongo, Colle Santa Lucia. Queste popolazioni hanno espresso in numerosissime riunioni il desiderio di far parte della nostra Regione. Sono convinto che l'Assemblea adotterà la procedura prevista dagli articoli 132 e 133 della Costituzione a far sì che il desiderio vivo di queste popolazioni sia più presto esaudito".
(Applausi calorosi).
L President da enlaouta dl Consei dla Region Trentin-Sudtirol dr. Luigi Menapace dij:
"Assicuro il consigliere Defant che della sua osservazione si terrà il massimo conto e che è nel pensiero di tutti che appena si presenti l'occasione si possa dare forma e sostanza a questo desiderio appoggiando moralmente le pratiche che saranno fatte in proposito, col consenso del Consiglio regionale".
La storia dl popul ladin é steda na storia de despartizions: despartizion dla comunanza ladina con l’assegnazion a Belun de Cortina, Fodom y Col y a Trent dla Val de Fascia. La scontreda di Ladins sun l jouf dl Sela dl 1946 é sté n moment de protesta contra chela despartizion y l’Union Generala à tres recordé chest moment per sotrissé la ingiustizia storica porteda dant te chi agn a dann di ladins y la gran vueia de unité dla jent ladina.
L apel che i creie de interpreté a inom de duc nos ladins, a puec dis dal referendum, é chel, ciamò na outa, de fé ceje (tomé) i confins che despartesc nostes valedes, confins che plu che geografics y fisics é tl cef, ti cruzes y tles poures che ne à nia na veira rejon, de chi che ne vuel nia l’unité dl popul ladin.


metù ite da noeles ai 23 October 2007 da les 19:01:22 (615 liet)
(liej inant... | 6519 letres | 3 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.407 seconc