benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

La lege 482/99: les esperienzes tl Friul
Friul

Lege 482/99: ala deida, ma al é massa puech

A la lege cheder nazionala n. 482/99 fej ence referiment la Lia di comuns ladins per finanzié projec culturai-linguistics



La lege 482/99, a chela che ence la Lia di comuns ladins fej referiment per podei mete a jì projec soura les seides provinziales fora, vegn bele aplicheda dal 2001 tl Friul. Al é la pruma lege nazionala che reconesc espressamenter l lingaz furlan, ma ence chel ladin, almanco per cie che reverda l raion Beluneis. Ala à a poura nia porté pro a na majera visibelté dl lingaz furlan, p.ej. sun tofles, tles scoles y tles istituzions, ma al é dutaorela "visibeltés" pontuales, nia ponudes ite te n cheder general de promozion dl lingaz furlan. Valch podéssel se mudé en miec tres la lege regionala nueva sun l lingaz furlan deda pro ai 21 de november 2007 che preveid l prum iade l ensegnament dl furlan te scola per almanco una na ora a l'edema. A soglot va depierpul inant la doura dl lingaz furlan pro la RAI, tamben preveduda da la lege 482/99. Dal ann che vegn déssel finalmenter vegnì metù en ona les prumes trasmiscions curtes, ma te orars bendebot enchenc. La lege 482/99 patesc l fat che i projec é dagnora limités temporalmenter, ence les porteles linguistiches, cie che ne contribuesc nia a promueve la profescionalité y na projetualité a termen lonch. Sun chesta chestion n valgunes domandes a Carli Pup (foto) dl Comité furlan 482/99. Tofles de direzion bilinghes tla planura furlana


metù ite da noeles ai 03 December 2007 da les 18:56:22 (648 liet)
(liej inant... | 7986 letres | comentars? | ponc: )


La touta de posizion dla Svp de Gherdeina: deguna fondamenta logica
Politica

Ivan Lezuo: les afermazions dla Svp de Gherdeina ne à deguna fondamenta logica

Ampez, Fodom y Col se ova bele damané de resté pro Sudtirol denant che al fossa la Svp - Afermé che l destach de Gherdeina y Badia da Sudtirol fossa fatal y tl medem temp dí che la colaborazion soura i confins é assé ne à deguna fondamenta logica

Sun l comunicat stampa dla Svp de Gherdeina entervégnel l storich y ex-president dla Comunanza Ladina a Bulsan, Ivan Lezuo, a chel che al ne ti à nia plajù cerc referimenc storics che straouj do sia minonga l significat dl referendum. Fora de uega él da tré ca "la provinzia ladina" y contraditor tamben l sostegn a la politica de Mussner che rejona demeztroi de "colaborazion", ma che defat deida daven con sia politica, l ejempl plu eclatant é l boicotaje al ladin scrit unifiché.


metù ite da noeles ai 30 November 2007 da les 19:22:26 (665 liet)
(liej inant... | 3834 letres | 3 comentars | ponc: )


Referendum: lege ordinara o lege costituzionala
Politica

Passaje da region a region: deguna lege costituzionala, ma ordinara

Carlo Willeit rata che al ne va nia debujegn de na lege costituzionala, ajache no tla costituzion no tl statut de autnomia ne él de tel clausoles

Vuelel ester na lege costituzionala o na lege ordinara per l passaje de comuns da na region a statut ordinar a na region a statut spezial, tl caje concret chela dl Trentin-Sudtirol? La desferenza é bendebot grana. Depierpul che per na lege ordinara val debujegn demé de na maioranza scempla (50% di parlamentars +1) jìssel debujegn pro leges costituzionales de na maioranza dret ampla de 2/3 (ciamena y senat con letura dopla). Carlo Willeit, giurist de dert publich, rata che al ne va nia debujegn de na lege costituzionala, ma che al cleca na lege ordinara. Al en é endere, sciche l parlamentar di Verc Marco Boato, che rata depierpul de scì.


metù ite da noeles ai 30 November 2007 da les 19:52:05 (553 liet)
(liej inant... | 6294 letres | comentars? | ponc: )


Istitut Ladin
Fascia

Majon di Fascegn: duta la jent é envieda

A la reunion generala en domenia, ai 2 de dezember, da les 15.00 inant - Al vegnirà prejenté n valgugn strumenc informatics, l Calender Ladin 2008 y les ultimes publicazions dl istitut

Desche vigni ann végnel ence  chesta outa endrezé via aldò dl articul 10 dl statut dl istitut cultural ladin “majon di fascegn” la radunanza generala che sarà en domenia, ai 2 de dezember da les  5.00 domesdì tla sala multimediala “L. Heilmann” dl museo ladin de Fascia a Sen Jan. Al vegnirà prejenté les ativités desfiledes, i resultac arjonc y i projec vedus dantfora. Te chesta ocajion vegniràl ence trat n bilanz dl ann de laour. L Istitut se à dé ju con empegn tl realisazion de produc inovatifs sibe tla leteratura che tl ciamp dl lingaz.

 


metù ite da noeles ai 27 November 2007 da les 18:30:08 (533 liet)
(liej inant... | 4524 letres | comentars? | ponc: )


MPL - Enduneda generala a Urtijei ai 24 de november 2007
Politica

Adi Demetz: al é dret emportant tò pert a les lites provinziales 2008

An ne sà nia ciamò cie modus lital che vegnirà apliché - Critiches sun co che la Svp de Gherdeina se à astilé pro l referendum da souramont

Image Hosting by PictureTrail.comL MP Ladins sta scemplamenter per na raprejentanza autonoma di ladins, fora di schems politics di autri partis. Al é davert a vigni colaborazion, ma vuel sté sun sies giames. "Tles valedes ladines y te Sudtirol val debujegn de chesta alternativa democratica", enscì la convinzion. Chest él ence vegnù reconfermé enier domesdì, ai 24 de november 2007, a Urtijei pro la assemblea generala. Al manciova una dles seves plu emportantes dl moviment, Carlo Willeit, che é puere te ospedal y ne à nia podù tò pert. Gran mueia pro l MP Ladins che da les lites dl 2003 él ju mancia la raprejentanza a livel provinzial, enlaouta con la gambarela dl assessour cherdé F. Mussner. A chesta maniera ti él ence ju mancia al moviment visibelté y mesi finanziars. Te chisc ultims agn se àn conzentré sun l'ativité ti comuns, olàche formalmenter é l MP Ladins demé raprejenté ti comuns de Gherdeina, ma informalmenter ence tles listes de paisc tla Val Badia. Truepes é stedes les iniziatives a livel comunal y souracomunal, p.ej. seires de informazion, toutes de posizion y ence de orela curta per i amisc dl partì. Iregolarmenter él ence vegnù dé fora plu edizions dl sfuei "Ladins". Passa 200 persones à tout la cherta.

 


metù ite da noeles ai 25 November 2007 da les 17:53:34 (676 liet)
(liej inant... | 9815 letres | comentars? | ponc: )


Friul: lege sun l lingaz scialdi dobliousa
Friul

Lege sun l lingaz furlan: miec che l piec

L comité 482/99, promotour dla lege, dij che an se à arjumé via na ocajion storica, ma l piec à podù vegnì evité

Encuei à l Consei regional dl Friul-Venezia-Giulia dé pro la lege nueva sun l lingaz furlan. L comité furlan 482/99 (inom aladò dla lege cheder nazionala sun les mendranzes, n.d.r.) ti é sté do duc chisc meisc a la chestion con critiches y propostes ai politics. L grup fova ence prejent enier con n preside dant dal palaz dl Consei a Triest. Na gran mueia pro l comité 482 che la rata massa dobliousa. Al à declaré che la Region à arjumé via na ocajion storica per dé pro na lege inovativa al vare con i temps, ma che vedan tresfora tentatifs de mudé ju l test al arbas de sconanza, ésen empò stés bogn da evité l piec. Daite publiconse l test integral dla touta de posizion dl comité 482 y valch scliguc dla discuscion tl Consei Regional.


metù ite da noeles ai 23 November 2007 da les 20:16:23 (788 liet)
(liej inant... | 18257 letres | comentars? | ponc: )


Svp de Gherdeina: se oujela sen?
Politica

La Svp de Gherdeina: les contradizions

Ultimamenter sona la ciampana dla Svp de Gherdeina n pue manco sfoleda

Da chest referendum de souramont àn podù lieje toutes de posizion y comunicac stampa de feter vigni colour. L plu ti uedli ai ladins ti é dessegur juda la posizion che i ladins dla Svp de Urtijei à tout; ai se mostrova contra la sourantouta de souramunt pro Bulsan; tl medem corn à soflé nia demé un n iade l raprejentant ladin, Florian Mussner: "Chi da souramont podéssen ben ence daidé, sce chi ladins romagnessa olache ai é". Spo me damani ie: ne éssen nia podù i daidé enfin a sen bele cotant? An sà pu tant debujegn che ai essa per sia cultura, per erje deplù sie lingaz, per emponté sie Istitut Ladin “Cesa de Jan?” Al é veir, chesta posizion freida defront a souramont ne vegn daldut nia capida no dai autri ladins no dai todesc! Chi scì se à desmostré amisc di Ladins con ester atira PER Souramont, duc i partis todesc a una adum con i scizeri.


metù ite da noeles ai 23 November 2007 da les 19:41:06 (718 liet)
(liej inant... | 2568 letres | 1 comentars | ponc: )


Lia di comuns ladins: enduneda a Cianacei
Politica

La Lia di comuns ladins peia via con sies ativités

Sen n iade demé 3 projec sun meisa - Plen sostegn ai comuns referendars sun sie troi devers la region Trentin-Sudtirol - Tost na enconteda con Lorenzo Dellai


 
A Cianacei/Fascia él vegnù tegnù enier la pruma senteda de laour dla Lia di comuns ladins do l reconesciment ofizial da pert dles trei provinzies de Trent, de Bulsan y de Belun. Al fova ence vegnù encondé la partezipazion dl president dla jonta de Trent, Lorenzo Dellai, che à tl ultim moment desdit per empegns prioritars a Trent. Te sia luegia él vegnù adalerch l assessour Luigi Dellai. Mancé manciòvel l ombolt de Badia, Ugo Dorigo, chel de Ciastel, Hartmann Reichhalter y chel de Ciampedel, Leonardo Bernard. "Con Dellai", enscì l vizepresident dla Lia Paolo Frena, "nes encontaronse plu inant pro na abineda dla jonta (metuda adum dai ombolc Bruno Senoner, Gino Fontana, Paolo Frena y Franz Complojer, n.d.r.). I ti é clermenter damané n sie aiut finanziar y sun chest rejonaronse".


metù ite da noeles ai 22 November 2007 da les 18:48:28 (695 liet)
(liej inant... | 4567 letres | comentars? | ponc: )


Amisc dla Ladinia Unida: touta de posizion
Politica

Amisc dla Ladinia: "Los von Belluno!"

L comité contradij la Svp de Gherdeina: nience la colaborazion di comuns ladins tla "Lia di comuns ladins" ne pò sostituì l obietif de na Ladinia sot a Bulsan

Sun la touta de posizion dla Svp de Gherdeina y dantaldut sun sia polemica dla "provinzia ladina" tol sen posizion l comité "Amisc dla Ladinia Unida". L comité rata ence che la "Lia di comuns ladins" y la "colaborazion" tant decianteda ne pò nia sostituì l obietif de na Ladinia unida aministrativamenter sot a la provinzia de Bulsan. "L comité", enscì sia comunicazion, "constateia con plajei che sen él ence la SVP de Gherdeina che definesc l confin sun i joufs de Ciaulonch y de Valparola cie che al é veramenter: n confin fascist ingiust che é vegnù trat dl 1923 y spo danuef dl 1945 contra la volonté di Ladins per podei i assimilé plu debota. L "Scì" cler per Südtirol (78,87% de "scì") fossa tl passé tomé fora ciamò plu gran, ma a la ghiranza porteda dant plu outes ti agn 1945-48 de tegnì n referendum a Anpezo, Col y Fodom ti à les autorités talianes responù con la proibizion de manifestazions publiches y con l saré via i promotours. Chest ne à endere nia sprigolé i conseis de comun de Anpezo y de Fodom de deliberé plu outes (dl 1947, 1964, 1973, 1974 y 1991) de volei ruvé endò pro Südtirol.


metù ite da noeles ai 21 November 2007 da les 22:56:26 (712 liet)
(liej inant... | 4007 letres | 2 comentars | ponc: )


Referendum: touta de posizion dla Svp de Gherdeina
Politica

Svp de Gherdeina: "gran ligreza per l resultat referendar"

Ma tant senziera é pa chesta ligreza? - La polemica dla Svp de Gherdeina: "provinzia ladina"

Al é passé oramai trei edemes dal resultat referendar da souramont, ma la Svp de Gherdeina, empruma chela de Urtijei, spo chela de valeda, seghita dutaorela a vegnì fora con comunicac. La Svp dla Val Badia scouta. Na tel gran ligreza da messei partì o n tel desplajei da messei glotì? L fat contrasteia a na maniera svaienta con l chiet pre-referendar da la medema pert y con les toutes de posizion aboc "euforiches y de cuer" dla Svp todescia y de d'autri partis te Sudtirol, dant y atira do l referendum. An sà che la Svp de Gherdeina se essa perdret enconforté dassen sun n resultat referendar negatif. N valgugn fac l desmostra. N esponent de piza à fat rodé "adascousc" na letra dant l referendum che enviova i esponenc de valeda da se astegnì da de vigni sort de segns de aprovazion publica dl referendum, envit perdret n pue dessourora pro la Svp de Gherdeina. L assessour Mussner, a pert la mantra "colaborazion", à dé n vare ciamò plu inant y se à damané en la veia dl referendum te na intervista al Dolomiten (27.10.2007) che al ti vegne desreconesciù a Cortina l status de comun ladin, redont te chel comun olàche les bandieres ladines se nainova de cenc tl vent. Sen se dij la Svp de Gherdeina contenta dl resultat referendar, ma viadò él dutaorela na convinzion savaieda o debla, desche an pò lieje anter les risses.


Esponenc dla Svp de Gherdeina, l sourastant Stefan Runggaldier, Christoph Perathoner, Florian Mussner y Bruno Senoner (president en ciaria dla Lia di comuns ladins).

metù ite da noeles ai 20 November 2007 da les 20:40:55 (688 liet)
(liej inant... | 5787 letres | 2 comentars | ponc: )


Istitut ladin Cesa de Jan
Cultura

Cesa de Jan: tres manco dinés

Vignun di trei comuns a la pert se à oblié de paié ite na majera cuota anuala

L Consei de aministrazion dl Istitut Ladin "Cesa de Jan" a Col Santa Lùzia se à abiné en vender, ai 16 de november, per enjigné ca l bilanz de previjion per l ann 2008. La situazion finanziara ne ciala nia fora cis ben do che les alogazions dla lege 482/99 é vegnudes agaiedes. Pro la enconteda fòvel a la pert i sozes fondadours, i trei ombolc Paolo Frena de Col, Gianni Pezzei de Fodom y Andrea Franceschi per Cortina d'Ampez y i raprejentanc dles trei unions di ladins.


metù ite da noeles ai 19 November 2007 da les 19:29:01 (663 liet)
(liej inant... | 2278 letres | comentars? | ponc: )


Mendranzes
Politica

N colaboradour dla EURAC definesc i ladins: "Claps de talians"

Al se trata de Francesco Palermo che definesc i ladins da souramont "claps de talians" y l referendum na cossa per nia - Al é colaboradour y espert de dert de mendranza pro la Academia Europeica a Bulsan (Eurac)

Cotantes é stedes les toutes de posizion dant y do chest referendum, de positives y de negatives. Clermenter àl dominé les posizions che ti à dé n majer peis a les "gaujes economiches", sclujan fora o metan sun na pert les motivazions storich-linguistiches ladines, enceben che la campagna referendara é vegnuda porteda inant da pié via con argomenc storics-linguistics con i colours dla bandiera ladina y l slogan "Ladinia Unida sot a la provinzia de Bulsan". Una na touta de posizion à fat endere bendebot demarevueia, chela de n "espert de mendranzes" sciche Francesco Palermo, colaboradour pro la Academia Europeica (Eurac) de Bulsan y professour suplent a l'université de Trent de dert con n grum de publicazions sun temesc de mendranza.

La campagna referendara, i colours ladins dominova via en Ampez.

 


metù ite da noeles ai 16 November 2007 da les 19:55:19 (602 liet)
(liej inant... | 6500 letres | comentars? | ponc: )


Do l referendum: n comentar
Politica

Na manifestazion: "Demez da Belun y deberieda con Bulsan!"

Al ne basta nia demé l referendum per mudé la situazion di ladins: al vuel sen ester segns clers devers Roma

Al vegn scur y chiet. La nuet vegn inant y la recordanza dl referendum tres plu debla. L entusiasm per i "sci" se tramuda en azetanza. Ence i doi sic "Noeles" y "Amisc dla ladina unida" fej paussa. L fuech se destiza. Depierpul fóssel dret animé ciamò deplù les iniziatives per ruvé inant tl iter parlamentar y nes asseguré l suzes dl passaje de Ampez, Col y Fodom pro Bulsan. Al é bele suzedù n valgugn segns negatifs da pert di ladins de Bulsan y Trent. La Generela  va inant con sie teater y folclor y souraldut con la vueia de show de sia direzion.

 

 


metù ite da noeles ai 13 November 2007 da les 18:25:21 (600 liet)
(liej inant... | 5755 letres | comentars? | ponc: )


A recordanza de Josef Rampold, vedl diretour dl Dolomiten
Persones

A recordanza de Josef Rampold


Vedl diretour dl sfuei todesch Dolomiten che ti à dé lerch sot a d'el ence a na plata "Da la Ladinia" sun scomenciadiva dla Union Scritours Ladins Agacins

La plata "Da la Ladinia" tl sfuei Dolomiten à perdù tla persona de Josef Rampold sie fondadour. Canche Rampold é deventé tl 1981 "Chefredakteur" dl sfuei Dolomiten,  do la mort  de Toni Ebner, él sté meso de pié via con la rubrica "Da la Ladinia". Na persona saurida da traté empera, inteletual davert, sciché y tl medem temp umil, dagnora enjigné a lascé vegnì permez, zenza fé aspeté. Vigni termin vegniva respeté. Ence sun streda, canche an l encontova, fòvel tres simpatich y valent. Plu iadesc onse abù l'ocajion de rejoné empera te sie ofize.


metù ite da noeles ai 13 November 2007 da les 18:55:28 (707 liet)
(liej inant... | 2128 letres | comentars? | ponc: )


Reunion generala dl MP Ladins - 24 de november a Urtijei
Politica

MP Ladins devers les lites provinziales 2008

Lites provinziales, referendum da souramont, renovament dl consei y dles enciaries dl MPL, chisc n zacotanc di tems dla reunion generala ai 24 de november a Urtijei

L Moviment Politich  Ladins tegn chest ann sia reunion generala en sabeda, ai 24 de november, da les 3 domesdì a Urtijei, tla sala Ghisela dla Cesa de paussa S. Durich con n program che tol ence ite la preparazion per les lites provinziales dl 2008. De chest vers ciala fora enfin a sen la situazion ciamò empermetoula dal pont de veduda legislatif. A la Svp ne ti él nia garaté de fé jì tres - enfin a sen - tl consei provinzial de Bulsan na lege litala nueva con scialier lital o mandat plen, per gauja dla oposizion bendebot gaierda dl conseier de Unitalia, Donato Seppi. A sostegn di ladins él perauter ence na sentenza costituzionala, la n. 356/1998 che dij clermenter che na lege litala tla provinzia de Bulsan ne pò contegnì degun lim lital, nience chel dl mandat plen che coresponessa a 2,9%. Al é na sentenza dla plu auta Court giudiziara dl Stat, la Court Costituzionala.

Heinrich Demetz (Adi), president dl MP Ladins.


metù ite da noeles ai 13 November 2007 da les 19:57:00 (604 liet)
(liej inant... | 3695 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.433 seconc