benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

De gran desfarënzies tles ghiranzes
Politica

 

La Lista LADINS se damana deplü rajuns - An ne capësc nia a ci moda che la SVP à dit de no

de Lois Trebo

Dan val'edema à la Lista LADINS publiché tl foliet ladin na lista de sües ghiranzes por la sconanza dai Ladins y metü a per chëres dla SVP. An á podü lí avisa, ći ghiranzes ladines che la SVP â refudé, mo an n’á nia cis capì a ći moda. Vignun à odü tler che la Lista LADINS damana cotan deplü rajuns por i Ladins co la SVP.  Söl retrat a manciampa: Pepi Dejaco, vize-SVP y a mandërta Lois Trebo, dî alalungia ativist dla SVP.


metù ite da noeles ai 09 December 2002 da les 16:12:30 (1106 liet)
(liej inant... | 4391 letres | 4 comentars | ponc: )


SPELL: dai 12 ai 14 de dezëmber Convëgn a Urtijëi
Ladin Standard

 

Punt culminënt la presentaziun dl DIZIONAR DI LADIN STANDARD O LADIN DOLOMITAN - Le model é sté le Rumantsch Grischun

In le proscim fin d'edema ai 12 ai 14 de dezëmber  gnaràl tignì a Urtijëi sön iniziativa dl proiet SPELL en convëgn de planisaziun linguistica che à por i Ladins sciöche punt culminënt la presentaziun dl "Dizionar dl Ladin Standard", dit ince Ladin Dolomitan. Le tru por rovè a chësc resultat é sté lunch y al ne à nia mancé de vigni sort de spedrades politiches, l'ultima de setëmber dl 2002. Mo le proiet y danfora le diretur nü dl proiet dr. Erwin Valentini ne s'à nia lascé inscialtrì, cun rajun.


metù ite da noeles ai 07 December 2002 da les 19:04:26 (1016 liet)
(liej inant... | 5000 letres | comentars? | ponc: )


Fostüs di tëmps passés
Cultura

 

Tres indô ürton te toponims prelatins - La storia dötaurela ascognüda dla colonisaziun dles vals ladines

de Umbert Cians

Na relaziun dër interessanta y iluminënta chëra dl dr. Lois Craffonara tignida in sëra (06.12.2002) tl Kolpingshaus a Balsan porsura le tema: Toponomastica y protostoria. Pian ia dala desfarënzia danter preistoria y protostoria, la prüma che à so suport tla archeologia y la secunda che ciafa en aiüt tla archeologia, él gnü a baié dla linguistica che dëida sides la preistoria co la protostoria tres le stüde dla toponomastica. I spezialisc' de toponomastica ne po nia plü se basé sön le sonn, la usc dles parores o piec ciamò sön l'invenziun, mo al va debojëgn de conësce afunz la linguistica dl post. Danter nüsc besauns messunse ince arcumpedè i Celtesc. Söl retrat en per celt dan süa ütia. Cun "Artesena" él atestè che Celtesc à messü vire danter la Val Badia y Fodom.


metù ite da noeles ai 07 December 2002 da les 13:48:30 (945 liet)
(liej inant... | 3714 letres | comentars? | ponc: )


Provinzia da Balsan y Ampëz
Desvalives

 

Ampëz se aoda na colauraziun cun la Provinzia da Balsan y inzescü

Na colauraziun por ti dè na soluziun ai problems che reverda trames les provinzies, la cultura y i ladins ampezans: chisc é stês i tems metüs sön mësa intratan l´incuntada tignida inier (04.12.2002) inanter le presidënt dla Junta provinziala de Balsan Luis Durnwalder y l'ombolt nü de Cortina d´Ampëz, lité chëst ann, Giacomo Giacobbi.


metù ite da noeles ai 05 December 2002 da les 18:30:10 (816 liet)
(liej inant... | 2020 letres | comentars? | ponc: )


Legia litala y cherdada dl assessur
Politica

 

Willeit: "Na touta de posizion plena de fauzités"

Le renuzia al recurs contra la cherdeda de n assessour ne se à nia paié fora

Les tutes de posiziun dl vize-SVP Pepi Dejaco in l'ultima edema à fat lovè sö bindebò de reaziuns indignades, nia ma da pert di esponënc dla Lista LADINS. Dan da n'edema à tut posiziun le presidënt Dr. Giovanni Mischì, valutan la posiziun de Dejaco "de en livel bas".  Le vize-presidënt dl Consëi  y rapresentant ladin tl consëi dr. Willeit Carlo valutëia cinamai la poscibilité de na plöra por defamaziun, deache la tuta de posiziun é "plëna de falsitês" y ma finalisada a "descredité". Willeit ti tira ince les orëdles ai responsabli dla USC di Ladins che à lascè passé tres na te' lëtra, aladô de ël na desmostraziun dla "deblëza" di media ladins.


metù ite da noeles ai 03 December 2002 da les 20:42:56 (1048 liet)
(liej inant... | 2454 letres | 3 comentars | ponc: )


I pavei d'arjent
Manifestazions

 

Jadinadoures ladines sun glacia te Fascia

 "I pavei d’arjent" l’é il titol del spetacol, prum bal ladin su la giacia, che la Associazion "Val di Fassa artistico ghiaccio" met a jir per in sabeda ai 7 de dezember da le 20.30 tel palaz de la giacia "Janmario Scola" de Dèlba. Te chesta particolara manifestazion sarà da veder e aprijier noscia atletes e cheles de etres gropes de la valèda ladines. Vegnirà portà dant n lurier de grop, prum bal ladin su la giacia , metù a jir da l’alenadora Nora Echeverria co la colaborazion de la professora Claudio Dorigotti e col ostegn finaziare de la Cassa Rurala Val de Fascia-Agordin. (c.g.)


metù ite da noeles ai 03 December 2002 da les 19:32:34 (914 liet)
(liej inant... | 1093 letres | comentars? | ponc: )


Comunanza a Bulsan: Scomenciadia
Desvalives

 

I ponjins, genitours ladins vuel fé matié si mutons

La iniziativa é pieda via da la Comunanza ladina: mutons ladins jia deberieda

Na iniziativa aprijoula peia via chisc dis a Bulsan per interessament dla Comunanza Ladina clameda "I Punjins". Genitours ladins che vuel se encunté cun d'autri y che si mutons ae ence la poscibilté de rajoné  ladin se anconta per l prum iade en sabeda, ai 7 de dezember, da les 10.00 a les 12.00 tl Elki Eltern-Kind-Zentrum tla streda Rauschertorgasse, 10 tl zenter a Bulsan. Al vegn lascé jughé i mutons deberieda. I gragn po ciacolé, beive cafè o te y datrai vegniràl cianté duc deberieda, genitours, mutons y tosates. La seconda encunteda é oduda dantfora ai 21 de dezember y spo regolarmenter da jené inant. I enteressés dessa tò su contat pro Mathias Stuflesser 0471 971005 o pro la Comunanza 0471 286103.


metù ite da noeles ai 03 December 2002 da les 09:33:05 (752 liet)
(liej inant... | 1768 letres | comentars? | ponc: )


Lista
Politica

 

Vigni scagn sot l control dla politica

LADINS: la majera pert di enc publics é true massa influenzés da la politica

La lista Ladins tol posiziun sön i ultims svilups tla chestiun dl'université da Balsan y in general söl degré de "direziun y presciun politica" a chël che les istituziuns provinziales é sotmetüdes, dal scëmpl contribut, ai comuns y ales inciaries plü altes. "Che la politica é inće rovada tl’ Université Lëdia da Balsan ê na cossa tlera da impröma insö" - vëgnel dit tl comunichê.


metù ite da noeles ai 02 December 2002 da les 16:35:39 (744 liet)
(liej inant... | 2355 letres | comentars? | ponc: )


Pseudo-ladins de Belum vignus a lum per i scioldi
Politica

 

Fata la lege, ciapé l engian

L burt vive adum ai neo-Ladins da Belun

de Lorenzo Soratroi

Dinés, dinés, dinés. Vigni ocajion é bona per i neo-ladins tla provinzia de Belun de se sciaudé decontra ai ladins di trei comuns per via di finanziamenc regionai a les mendranzes.  N burt vive adum y per chi autri l’ocajion de vegnì sun chest mond de gré ai finanziamenc regionai. Ai fej tres de dut per ti i tó ai Ladins di trei comuns.

Sul retrat: la vila da Pescosta/Ornela ta Fodom.


metù ite da noeles ai 02 December 2002 da les 14:49:44 (856 liet)
(liej inant... | 3522 letres | 1 comentars | ponc: )


Implanc portamunt nüs tl'Alta Badia
Economia

 

Gares de Copa dl Monn te Gherdeina y Alta Badia

Super-G sun la Ciampei y Slalom Gigant sun la Gran Risa

La sajun da d'invern mët defata man. Sce les condiziuns dla nëi le conzed in le proscim fin de edema, ai 6 de dezëmber, le conesciü punt de Sant Ambroje di talians. D'isté él gnü lauré sciöche les furmies por realisé desvalis mioramënc dla infrastrotöra di implanc portamunt da mëte man a Colfosch devers dl ju de Frara. Por rové söl ju messân baraté jö 4 iadesc lift. Sëgn àn realisé na cabinovia nöia da 8 posc' a d'acoplamënt automatich che condüj 2200 porsones al'ora y cun staziun intermesana. An ne arà nia plü bria de se temëi da se jeré da jì söpert. Atualmënter ne él baldi nia tröpa nëi ciamò.


metù ite da noeles ai 01 December 2002 da les 10:38:23 (831 liet)
(liej inant... | 1981 letres | comentars? | ponc: )


Concurs por Vicars - Al vëgn respeté le proporz
Aministrazion

 

I posc´ da vicars romagn resservés ai ladins

Incö (30.11.2002)  él gnü dè tres tl foliet "Dolomiten" la notizia che al é gnü scrit fora en concurs por 7 posc'  da vicars por la provinzia da Balsan, 7 de chisc por candidac todësc y 2 dê ester por candidac ladins, ma che chisc dui posc' resservà ai ladins dê ester inzai gnüs dés ia dal Consëi Superiur dla Magistratöra a Roma, zënza spligaziun, ai talians al ultim momënt impede ai ladins. Insciö parôl da lì la notizia tl foliet "Dolomiten". Chësta notizia é ince gnüda dada inant dal radio ladin che à invié  i ladins a tò posiziun. Sciöche al é resulté da inrescides ne é la noela nia vëi, i posc' é resservês a 2 candidac ladins.


metù ite da noeles ai 30 November 2002 da les 19:11:11 (859 liet)
(liej inant... | 1678 letres | comentars? | ponc: )


Les pizes magiches - le liber nü de Pescoller y Erardi
Cultura

 

Does persones, una na pascion: chela per la fotografia

Hans Pescoller y Alfred Erardi dà ca truep de sie temp lede per fé fotografies

de Mateo Taibon

Hans Pescoller y Alfred Erardi dà ca tröp de so tëmp lëde por fà fotografies. Les fadies é granes, mo granes ince les sodesfaziuns. En gran numer de fotografies é gnüdes publicades te en liber en gaujiun dl ann internazional dles munts, en liber che à bele albü en gran resonn. Dai 3.000 esemplars che l’Ert por i Ladins orô dé fora ê bele dan la presentaziun dla publicaziun 2.800 venüs ia. Y püc dis dô la presentaziun pel che le liber sides apëna ciamò da ciafé, tan grana la domanda.


metù ite da noeles ai 29 November 2002 da les 21:15:51 (1241 liet)
(liej inant... | 3039 letres | 1 comentars | ponc: )


Academia Europeica
Cultura

 

La Eurac compra la biblioteca entiera de Neustift

Tl salf dla biblioteca tl zenter nü dl'Academia Europeica a Balsan él gnü tignì incö (29.11.2002) la manifestaziun dla surandada dla gran biblioteca dl Convënt da Neustift revardënta l'ambiënt y l'ecologia y che tol ite döt adöm 9000 volums. Ara se trata dla biblioteca ecologica plü spezialisada te Südtirol. Tratan la manifestaziun ti á le rapresentant dla Fondaziun dla Cassa dl Sparagn, Roland Dellagiacoma, surandè en assëgn por paié la cumpra di libri.


metù ite da noeles ai 29 November 2002 da les 18:51:01 (923 liet)
(liej inant... | 1672 letres | 1 comentars | ponc: )


Da Ampëz: coche Cortina chërda adalerch i turisc'
Economia

 

La sajon da d'invern te Ampez 

Dai 12 enfin ai 19 de jené les gares de Copa dl Mond de schi

Co ‘l noo "pacchetto promozionale" betù aduna pa’ ra fèštes de Nadà, in Anpezo ra štajon da d’inverno ra šcomenza, par ci che fisarà ra vacanzes dai 21 ai 26 de dezènbre, con zinche dis a ‘l prezio de cuatro. El "Superski Dolomiti", ra Sozietà de i Hoteliére e ‘l Consorzio Cortina Turismo i a betù fòra loutradì un šfoéto, agnoche i moštra ra ofèrtes par d’inverno, i fèš conoše i cuarantadoi hotiéi d’Anpezo e i špiega ce che po coštà ‘na setemàna d’inverno. Inze un’ofèrta ‘l é sète dis a mèsa penšion inze ‘na camera dopia co ‘l baign, ma zenza skipass; el prèzio el va da 360 a 1890 Euro, conforme ‘l hotèl che se cura fòra.


metù ite da noeles ai 29 November 2002 da les 18:30:44 (897 liet)
(liej inant... | 2694 letres | comentars? | ponc: )


Université da Balsan
Politica

 

L Retour Steinherr fej l poch 

Touta de posizion dla Lista Ladins en cont dles demiscions

Sön la chestiun che al vëgn baraté jö gonot les inciaries te posiziuns altes tla provinzia, propi incö l'á dada sö le Retur dl'Université da Balsan, dr.  Alfred Steinherr, él ince antergnü la lista "Ladins", osservan che dlunch sides tla sanité, tl teater dla cité da Balsan, tl marketing o atualmënter pro l' unversité ne la tëgn  fora top-managers cherdés da foradecá nia dî . Les gaujes por i desmandré, vëgnel dit, va da "desvalianzes de minunga" cina a ti trá dant "incapacité ala profesciun". Tler, va inant la lista "Ladins", por jënt che ciara ala cossa da defora él ma che al ne é nia tröc "striuns" danman, no söl post, no foradecá, deache les strotöres tla provinzia é baldi sot a curatela politica y i direturs inciariés ne n'á gonot nia les conescënzes, mo ai vëgn ma metüs sön scagns da diretur por oportunité politica. Porchël n'él nia da se fá demorvëia, sce les desvalianzes de odüda danter le diretur y le top-manager vëgn defata a löm. Chi che proa da se paré cuntra la dependënza politica vëgn stlüc fora, mo ai se mirita döt le respet, stlüj le comunicat.


metù ite da noeles ai 28 November 2002 da les 19:41:39 (777 liet)
(comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.408 seconc