benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Trent y i ladins
Politica

Dellai y Trent orientés a dì de no a la agregazion di 3 comuns ladins  

Enfin a sen se ova Trent tres tegnì ite, chisc dis él vegnú fora sun la stampa l orientament plutost envers al "no" - Poura de na nueva "chestion fasciana"?

Image Hosting by PictureTrail.comLa novela, da lieje chisc dis sun la stampa beluneisa, che la provinzia de Trent dijarà de no a la agregazion di trei comuns ladins da souramont à sperdù dassen nia demé i comités pro-referendars. An savova che l president dla jonta trentina, Lorenzo Dellai, fova da empruma encà bendebot tiebe per ne dì nia desplajù dl referendum di trei comuns ladins da souramont. L no de Trent ne é nia ciamò cleriscim y fosch sun blanch, ma n grum de segns mostra de chest vers. Trent vuel dì per prinzip de no a duc i mudamenc di confins dla region Trentin-Sudtirol garantis da n statut spezial. Les motivazions storich-linguistiches metudes dant dai trei comuns ne é per Trent nia automaticamenter na cherta de entreda. Dellai sà samben che a Bulsan él l assessour gherdeina, Florian Mussner y sie entouraje, dret a una de tegní en pe i confins metus su dal fascism per crazé demez chela "tacia grijia di ladins" sciche Tolomei dijova.

Lorenzo Dellai. Ti ultims agn à la provinzia de Trent valorisé cotant les mendranzes sun sie teritore, metan su ence n ofize provinzial aposta "Servisc per les mendranzes". Ala sostegn dassen la Generela y la Usc di Ladins.

.


metù ite da noeles ai 21 December 2007 da les 20:37:33 (596 liet)
(liej inant... | 6043 letres | comentars? | ponc: )


Enconteda dl comité y dla jonta di comuns ladins
Politica

Dellai ne à nia dit de "scì"  

Al conesc dret ben la situazion ladina, ma al ne ti à nia dit a la delegazion ciun che sarà l orientament dla provinzia de Trent canche ala messarà dé ju sie bensté per la anescion

“Nos volon la reunificazion dla Ladinia sot a na soula Region”. Chest é cie che ala ti à damané en lunesc, 17 de dezember, al president dla provinzia de Trent Lorenzo Dellai la delegazion formeda dai capicomuns de Col, Fodom y Ampez, dai presidenc dles trei unions ladines y dal coordinadour dl comité referendar Siro Bigontina.


metù ite da noeles ai 19 December 2007 da les 18:15:31 (600 liet)
(liej inant... | 2979 letres | 2 comentars | ponc: )


Ciampedel: 50 agn da la recostituzion a comun
Fascia

Ciampedel à festejé i 50 agn de recostituzion dl comun

En juebia seira él vegnù prejenté 2 libri scric da Rasom Sabrina, un sun l paisc da Ciampedel y l auter sun i studafuech, entrami ti vegnirà partis fora a dutes les families

Al é vegnù tegnù en juebia, ai 13 de dezember 2007, a Ciampedel l'ultima sereda de na programazion longia de abinedes piedes via tl 2006 y sclutes ju ai 13 de dezember y che à abù desche motivazion i festejamenc per i 50 agn da canche Ciampedel à remetù su sie Comun autonom da Cianacei. Defat do l'enstaurazion dl rejim fascist de Benito Mussolini vegniva Ciampedel desche Comun lié permez a Cianacei y perdova sia ciasa de Comun y sie consei. Na situazion juda inant per passa 50 agn enfin a canche dl 1957 Ciampedel à endò podù avei sie Comun y Consei de Comun, despartis da Cianacei. L'aministrazion comunala videda dal capocomun Leonardo Bernard à  dezidù per chest de porté dant n rich program de manifestazions che à duré doi agn y che se à sclut ju l'autra seira con n rich program tla sala dles adunanzes de Comun.


metù ite da noeles ai 16 December 2007 da les 22:04:06 (741 liet)
(liej inant... | 3169 letres | comentars? | ponc: )


Intervista a Marco Pizzinini sourantouta da www.amiscdlaladinia.info
Politica

Nos messon sen sensibilisé la opinion publica

Intervista al coordinadour dl comité "Amisc dla Ladinia Unida", Marco Pizzinini, sourantouta dal sit www.amiscdlaladinia.info

Image Hosting by PictureTrail.comFree Image Hosting at www.picturetrail.comDefata él 2 meisc ca dal referendum da souramont di 28-29 de otober 2007. An aspeta dutaorela la convalida dl resultat lital da pert dl ofize di referendums pro la Court de Cassazion, na formalité envers a la chestion politica, chela dl bensté dles provinzies de Trent y de Bulsan y chel dla Region Trentin-Sudtirol. N rem ciamò majer raprejenteia spo la lege de destach da ti mete dant al Parlament talian. Al podessa passé via valch ann. Entratant ciàlen de se mueve tl ciamp dla informazion y studia plu avisa cie soluzions che podessa conduje plu debota (lege ordinara) al obietif: l destach da la region Venet y la agregazion a la region Trentin-Sudtirol. Cie che i comités se tol dant é perchel dantaldut informazion sun "tripartizion ladina". Doestrei domandes al coordinadour Marco Pizzinini.Foto a mandreta, zedola referendara: cliché lassoura per la engrandì.


metù ite da noeles ai 14 December 2007 da les 18:43:44 (966 liet)
(liej inant... | 5272 letres | comentars? | ponc: )


Dellai enconta na delegazion di comuns referendars
Politica

Dellai enconta na delegazion da souramont

Chest lunesc ai 17 de dezember a Trent - An vuel ti damané dantaldut plen sostegn di Trentins tl consei regional per la domanda de agregazion

La Consulta Ladina dei trei comuns de Fodom Col y Ampez y l coordinadour dl comité referendar Siro Bigontina se encontarà en lunesc 17 de dezember a Trent con l president dla provinzia de Trent y dla Region Trentin–Sudtirol Lorenzo Dellai. Argoment de discuscion l resultat del referendum. La delegazion ladina damanarà en particolar n plen sostegn da pert dla provinzia de Trent daite dal consei regional a la domanda de anescion a la Region Trentin-Sudtirol di trei comuns ladins.


metù ite da noeles ai 14 December 2007 da les 18:24:27 (559 liet)
(liej inant... | 1794 letres | comentars? | ponc: )


Projet Sottsass - restaur dla ciasa de comun d eCianacei
Fascia

Splendour nuef a la ciasa de comun de Cianacei

Trueps laours é vegnus fac dai studenc dla scola d'ert de Poza sot a la souraverda de si professours y de tecnics

Abineda de gran enteres chela de enseira (12 de dezember) a Cianacei tla sala dles adunanzes de comun. L'ocajion fova la prejentazion dl liber dal titul "Progetto Sottsass" che porta dant les esperienzes de restaur dles tafladures y dl mobiliar de legn tla ciasa de comun de Cianacei. Desche trueps sà, à la ciasa comunala na storia longia y cis che ala é vegnuda dessegneda dal famous architet y designer Ettore Sottass, descendent da la Val Badia, nasciù dl 1892 y mort a Torin dl 1953. Na figura dutaorela bendebot emportanta tl mond dla architetura taliana da do la pruma vera. Ettore Sottsass senior à dessegné sibe la ciasa che l mobiliar, lascian n rich antare che é vegnù derturé de gre en gre ti agn passés canche an à metù man da laoré pro l projet nuef dla ciasa de comun de Cianacei.


metù ite da noeles ai 13 December 2007 da les 20:02:44 (746 liet)
(liej inant... | 3180 letres | comentars? | ponc: )


Calender de Gherdeina: prejentazion en vender, ai 14 de dezember 2008
Gherdeina

L Calender de Gherdeina 2008 enjigné da ruvé tles stues gherdeines

Vigni meis ti é vegnù dediché chesta outa a n mesc da paur - Les truepes bries viadò la publicazion

Free Image Hosting at www.picturetrail.comPer la Union di Ladins de Gherdeina él dagnora n gran laour ma tamben na bela sodesfazion a coordiné l Calender de Gherdeina. La publicazion é deventeda storica. Per trueps pascionés él for endò n onour podei publiché n articul tl calender che ruva te dutes les ciasedes de Gherdeina. L Calender à l fin de slarié fora tles ciases ligreza, informazion ma dantaldut recordanzes y cronica dla valeda.

L cuertl dl liber y l comité de redazion dl Calender de Gherdeina 2008 (cliché sun les fotos per vedei n format majer)

metù ite da noeles ai 12 December 2007 da les 20:23:18 (709 liet)
(liej inant... | 3409 letres | comentars? | ponc: )


Ciunes é pa per vos la
Desvalives

Al vegn chirì la parola y la parolata dl 2007

Na iniziativa metuda a jì dal Sudtiroler Kulturinstitut, da la EURAC y da la repartizion ladina dla université de Bulsan

Image Hosting by PictureTrail.comCie é pa la “parola” y la “parolata” dl ann? La parola dl ann é na parola che à fat rejoné la jent, che à gaujé discuscions, che é steda tl zenter dl’atenzion tratant l ann 2007. La vela dla parola dl ann à na gran tradizion ti paisc de lingaz todesch. Chest ann él vegnù lité tla Svizera “Sterbetourismus” (davia che chest paisc à na legislazion sun l’eutanasia dret liberala) y tla Germania “Klimakatastrophe” (pervia dl resson che tematiches ambientales à al moment tla discuscion publica). Te Südtirol rùven sen a la terza edizion de chesta manifestazion. La parola ladina dl ann 2006 é steda “université” (a gauja dl’istituzion dla pruma professura de ladinistica al mond).

 

 


metù ite da noeles ai 12 December 2007 da les 19:08:10 (707 liet)
(liej inant... | 2796 letres | comentars? | ponc: )


Conzert a recordanza di 100 agn de Luigi Canori
Fascia

"Cianties de devozion" a recordanza de Luigi Canori

Prejentazion dl ciantorin CD-DVD di 100 agn da la nasciuda dl componist moenat 1907-2007

Free Image Hosting at www.picturetrail.comN ciantorin CD-DVD y n conzert per zelebré y valorisé la gran arpejon musicala y culturala dl componist da Moena a 100 agn da sia nasciuda. L Istitut Cultural Ladin, en colaborazion con l Comun de Moena y con l sostegn dla region autonoma Trentin-Sudtirol, endrezeia na lingia de scomenciadives per zelebré i 100 agn da canche al é nasciù Ermanno Zanoner, plu conesciù desche Luigi Canori, componist y autour ladin de nonze, y per valorisé l’arpejon culturala y musicala che al ti à lascé a duta la comunanza ladina. Foto: cuertl dl cd-dvd (clicheia lassoura per engrandì la foto).

 

 


metù ite da noeles ai 12 December 2007 da les 12:38:19 (623 liet)
(liej inant... | 2941 letres | comentars? | ponc: )


La consulta nueva per les families
Fascia

La consulta per les families se dà n statut

Al vegn tresfora rejoné de economia y de turism, ma ence les families con fions enconta tres plu problems - Familia Card

Free Image Hosting at www.picturetrail.comDo na fasa longia de preparatifs y de abinedes él vegnù prejenté i dis passés a Poza de Fascia la consulta nueva dles families. Te chesta ocajion àn tamben tegnù la pruma senteda publica tla gran sala dl comun. Al fova na enconteda dassen emportanta a chela che al à tout pert truepes autorités y responsabli dla vita dl'aministrazion de Fascia y dla provinzia de Trent: anter chisc l'assessoura provinziala Marta Dalmaso, Luciano Malfer dirigent provinzial dles politiches soziales, Lucia Claus y Alessandra Viola dla portela Familia de Trent, l president del comprensore C 11 Leonardo Bernard, l'assessoura comprensoriala a les politiches soziales Alessandra Cloch, dlongia ai raprejentanc di comuns y dla lia " Famiglia Insieme" y "Movimento per la vita" y en plu l'assoziazion "Flem y Fascia adum". Familia fasciana (cliché sun la foto per la engrandì).


metù ite da noeles ai 11 December 2007 da les 21:45:02 (1064 liet)
(liej inant... | 3842 letres | comentars? | ponc: )


Touta de posizion dla Union di Ladins de Fascia en cont dl referendum
Politica

Union di Ladins de Fascia: per na Ladinia reunida

N rengraziament particolar ai comités y dantaldut a Marco Pizzinini y ai "Amisc dla Ladinia" che é stés i boreis y bordigons sot al cender

Image Hosting by PictureTrail.comTl consei diretif dla Union di Ladins de Fascia cherdé ite enstadì, l ultim dant dal renovament dles enciaries soziales prevedù chisc dis che vegn, él vegnù rejoné anter l auter dl referendum con chel che i zitadins de Col, Fodom y Anpezo à desmostré bel cler zenza ti lascé deguna lerch al dube sia volonté de ruvé endò permez ai autri ladins dles Dolomites, ite te chela Region da chela che acà entourn a setanta agn fòvei vegnus destachés a ries da la politica nazionalistica fascista che volova, tres l "divide et impera", sfrié demez la "tacia grija di ladins dles Dolomites", per adoré la esprescion de Tolomei dret conesciuda.

 


metù ite da noeles ai 10 December 2007 da les 18:13:08 (584 liet)
(liej inant... | 4431 letres | comentars? | ponc: )


Paroles dl conseier dr. Luigi Chiocchetti
Politica

Provinzia de Trent: reconesciment plen dla Lia y dla Generela

La Union Generela ne vegn dutaorela nia reconesciuda ofizialmenter da la provinzia de Belun y da la provinzia de Bulsan - Paroles dl conseier dr. Lugi Chiocchetti: "An mess sen chirì les sinergies anter istituzions-Lia-Generela"

Tres l’adozion dles deliberazions de en vender ai 19 de otober, à la jonta provinziala de Trent dé n auter vare per l sostegn y l renforzament dla unité di Ladins dles Dolomites. Tres chest provediment, defat, végnel reconesciù formalmenter la Lia di Comuns Ladins desche organism de coordinament y de proposta per la tratazion de chestions y problematiches dles popolazions ladines che viv entourn al Sela. Chest reconesciment ruva te n contest y te n moment storich emportant per i ladins: n moment che porta segnai gaierc, souraldut da la provinzia autonoma de Trent y da sie president, a na moda che al ti vegne dé la dreta conscidrazion al popul ladin y a sies istanzes.

 


metù ite da noeles ai 06 December 2007 da les 19:43:27 (659 liet)
(liej inant... | 5876 letres | 1 comentars | ponc: )


La levina de Sas Becé dl 1937
Fascia

La levina de Sas Becé: na desgrazia che duel dutaorela

L artist Martino Lorenz à fat na statua de bron a recordanza dla desgrazia suzeduda dant da 70 agn

Free Image Hosting at www.picturetrail.comAbineda de gran emportanza per la comunanza de Cianacei y de Fascia chela de en vender, ai 14 de dezember, canche al vegnirà recordé i setanta agn da la gran levina de Sas Becé. Na desgrazia che valch vedli se recorda dret ben. Ai 13 de dezember 1937 àla gaujé mort y desperazion te Fascia y te dut l mond sportif y alpinistich dolomitan. A recordanza de chesta desgrazia endrezeia l Comun de Cianacei deberieda con la frazion n program che preveid per i 14 de dezember da les 17.00 na santa messa tla gliejia de San Florian y dedò da les 18.00 te sala de comun la recordanza ofiziala de chest aveniment aricioul con la prejentazion dl'opera de bron cherieda dal artist fascian Martino Lorenz. Sas Becé: clicheia sun la foto per daurì n format majer.


metù ite da noeles ai 04 December 2007 da les 22:41:11 (741 liet)
(liej inant... | 3680 letres | comentars? | ponc: )


Legn da Nadel da la Val Badia per l Papa
Val Badia

Sun plaza San Piere: legn da Nadel da la Val Badia

L trasport é bele pié via - l legn vegnirà enfornì su con decorazions fates da volontares dla Val Badia 

Enier da mesdì é l gran pec vegnù sié y ciarié sun n camion con ciar spezial. Travert: Papa, stat dl Vatican a Roma. L pec é vegnù taié ju tla Val dai Tamersc olàche les verdies forestales en à enrescì un con na odlina cis bela. En lunesc dantmesdì é l legn vegnù sié via en prejenza di organisadours y promotours dla azion, dantfora l ombolt Pepi Dejaco de San Martin de Tor y truepes persones vegnudes adalerch aposta. La idea é pieda via dant da 5 agn, canche l ombolt Dejaco à lascé scrive ite la Val Badia tl liber di raions che volessa ti fé na scinconda al Papa, arverjan sun la Plaza de San Piere a Roma l legn da Nadel. Chest ann é la Val Badia vegnuda pro.


metù ite da noeles ai 04 December 2007 da les 19:25:28 (734 liet)
(liej inant... | 3929 letres | comentars? | ponc: )


Enduneda generala dl istitut ladin Majon di Fascegn
Fascia

Majon di Fascegn: rencuré l passé y jì con i temps moderns

Cuer dla ativité dl istitut ti ultims agn é stés i projec entourn a la informatisazion de strumenc linguistics

Senteda anuala dl istitut cultural ladin "Majon di Fascegn" enier domenia tl museo Ladin de Fascia tla sala Heilmann. Na ocajion desche vigni ann preveduda dal statut per ti lascé alsavei a duta la jent l laour fat via per l ann y per ti fé conesce i maiours projec che an se tol dant. Sibe per l mudlon de jent ruvé adalerch che per les autorités ruvedes a la senteda pòn rejoné de na enconteda garateda che à confermé ciamò na outa tant strent che al é l liam anter l teritore, les istituzions y l istitut. Da chest pont de veduda pòn ben dí che truepa ega é regoruda sot i ponc y che l laour fat dal istitut cultural ladin deventa tres majer. Al é n laour che vegn aprijé da la comunanza y n laour che se confronteia con i temps moderns, con internet y con dutes les tecnologies nueves da garat.


metù ite da noeles ai 03 December 2007 da les 18:20:37 (756 liet)
(liej inant... | 5780 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.426 seconc