benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Tres deplù particolars fej odei l scandal dla delibera
Ladin Standard

 

Bries y scioldi spidicés te vocabulars idiomatics empede tl standard - Duta la polemica y stritaria envieda via da la SVP de Gherdeina

La delibera de Mussner y l arat dl Istitut fej tres plu marevueia ence ai todesc tla provinzia. An vegn ence a conesce  deplú particolars che rejona contra la delibera y contra l'empostazion dl Consei dl Istitut. Per ejempl la Fondazion dla Cassa dl Sparagn che ti à dé milions al Istitut Micurà de Rü per dé fora i vocabulars idiomatics ladin Val Badia y Gherdeina, dessegur de utl y n gran laour. La Fundazion à endere racomané plu iadesc - ciamò tres sie vedl president Hans Rubner - de mete al prum post finalmenter l laour sun l standard ladin, sun "eine ladinische Schriftsprache/einheitliche Schriftsprache", "recordedeves chest dess ester l travert final" àl dit.  Chest àn podù audì dai medems interessés che à laoré pro l vocabular. Rubner à propi racomané de ne sciuré nia demez scioldi te publicazions che sarà tost sourapassedes n iade che al sarà dantman l lingaz standard y a chest déssen souradut pensé per ne fé nia laours dopli.  I todesc de Sudtirol che adora ence n standard scrit, l "Schriftdeutsch", conscidreia la soluzion dl standard sciche la cossa plu naturala al mond y a l'auteza di temps. La presidenta dl Consei Provinzial Alessandra Zendron se à damané l standard per la prejentazion dl Consei.


metù ite da noeles ai 08 February 2003 da les 21:39:22 (1252 liet)
(liej inant... | 2671 letres | 3 comentars | ponc: )


Les candidatures per les lites provinziales
Politica

 

Degun sostegn ofizial da la Val Badia per Mussner ciamò

Les lites provinziales ruva tres plu damprò. Pro i partis végnel bele da n pez pastelné pro les listes, samben ence pro la SVP ladina, tant deplù davia che ala pò demé mené te gara 1 n soul candidat. Enseira (07.02.2003) s'àl abiné a La Val l grup SVP dla Val Badia, presidenzié dal "obmann" Franz Complojer, enstes ombolt dl paisc y da Pepi Dejaco, ombolt da San Martin, "vize-ladin SVP", con ambizions de ji sun l parchet politich provinzial. Sun l orden dl di  la candidatura ladina per les lites provinziales de chest auton. Degun sostegn dampertfora  per Mussner l resultat dla seira. L grup recorda che aldò de na vedla regolamentazion interna messessa perdret n candidat dla Val Badia tré dant chest iade, do che 2 candidac gherdeines é tomés tres, Malsiner empruma y Stuflesser dedò. La SVP dla Val Badia se fej ert perel, a pruma odleda, da i dé endò la creta a n candidat gherdeina, ence sce l  candidat proponù da pert de Gherdeina é l assessour  en ciaria Florian Mussner cherdé da foradecà l'ultim ann. Iniò ne él scrit che la cherdeda vele automaticamenter sciche candidat.


metù ite da noeles ai 08 February 2003 da les 20:23:39 (799 liet)
(liej inant... | 3710 letres | 1 comentars | ponc: )


Consulta y Comunanza a Bulsan envieia
Cultura

 

Prejentazion de 2 libri - Cornisc musicala con "A per soredl"

La Consulta y la Comunanza Ladina a Bulsan organiseia en mertesc ai 18 de fauré da les 20.00 tl salf "Josef-saal" tla Ciasa Kolping tla streda Ospedel 3 la prejentazion de doi libri fata dai autours enstesc: 1. "Dolomites, pizes magiches" de Hans Pescoller y Alfred Erardi (scrit te 4 lingac), 2. la "Roda dl Temp", molins da paur dla val da Lungiarù (Val Badia) de Giovanni Mischì y Mario Clara (te 3 lingac). La manifestazion vegn encornijeda musicalmenter dal trio "A per sorëdl" dla Val Badia.


metù ite da noeles ai 07 February 2003 da les 19:32:37 (801 liet)
(liej inant... | 1552 letres | comentars? | ponc: )


Comentar a les intervistes de Leander Moroder y Flori Mussner
Ladin Standard

 

Les intervistes da enier tla televijion y da encuei tl radio: da nia y scures, no da blava, no da polenta

Comentar de Umbert Cians

I responsabli prinzipai dla delibera che ti à sclut la porta al ladin  standard, l assessour Mussner y l Istitut Ladin à tout posizion tla televijion enier y encuei domesdì tl radio (06.02.2003) defenan sia dezijion, chela de sburlé sun na pert l ladin standard. Mussner dij che valch messòvel vegnì fat, che al volova ester na norma, ma l ladin standard ne é do sia minonga nia madur dant a la jent, "nia ciamò l dret moment". Per el resta chesta na soluzion definitiva, davia che al ne se damana nia cie che al sozed tl davegnì. N segn de pragmatism  politich autentich. Y perchel ne pòl se mudé nia. La politica va do sie troi y ne ciala nia ai vantajes dla cultura o manco. Chi che vuel scraié scraie, ma la cossa resta enscì. Desche assessour provinzial ne pòl nia cialé soura i confins dla provinzia fora y perchel ne esisteiel per el nience i ladins da souramont. L diretour dl Istitut depierpul veid l'oportunité de avei l Spell tles mans dl Istitut.


metù ite da noeles ai 06 February 2003 da les 19:43:24 (1159 liet)
(liej inant... | 2566 letres | 2 comentars | ponc: )


Ejam de bi- y trilinguism
Politica

 

La lista LADINS damanda che la marches venie retudes

Da permò à zaites scialdi lietes scrit che pra la dumandes de amiscion al ejam de bi- y trilinguism ne n’iel nia plu debujën de mëter marches da bol y, puech do, che chësc vel nce per i atestac. Nia na parola sun coche chësta esenzion ie unida a se l dé, nia na parola sun chi che la à damandeda y nia na parola sun i paiamënc eventualmënter da reter.


metù ite da noeles ai 06 February 2003 da les 14:57:02 (804 liet)
(liej inant... | 949 letres | comentars? | ponc: )


Ladin, lingaz da refodam
Politica

 

Todesch dlunch, ladin feter inió y l'assessur  ladin a öna!

Comentar de Dolasila

Cun capazité àn presenté le sit internet nü. www.berufsschule.it - les scores profescionales todësces y ladines se presentëia te n sit. An dij ince - döt capazi - che al é da mëisc che al vëgn arjigné ca chësc sit. Mo te chisc mëisc ne i él tomé ite a degügn che n sit internet dles scores profescionales todësces y ladines podess avëi ince söa pert ladina. Ince le rest dles plates internet dla provinzia n'ô avëi oramai degüna lerch por le ladin. Y le rest tan manco - documënc, atestac, comunicaziuns, tofles fora por les strades y la natöra - le ladin é da ciafé dainré n iade. Le ladin vëgn stlüt fora, emarginé, traté sciöche al foss n lingaz da refodam.


metù ite da noeles ai 05 February 2003 da les 18:13:16 (1170 liet)
(liej inant... | 2358 letres | comentars? | ponc: )


Ciacia a San Martin de Tor: Protesta di iagri
Desvalives

 

La provinzia à lascè stlopeté vaces da cerf y vidì - Iagri da San Martin dër dessená 

Inće sce i iagri protestâ dassënn, á la provinzia lascé stlopeté bëgn 17 vaces da cerf  cun sü vidì tl revier de San Martin de Tor. L’intervënt è gnü fat de nöt, cun löms, fora dal tëmp de ćiacia y desco iustificaziun él gnü dit che le revier n’â nia albü ademplì (aladô dla provinzia) le plann d’abatimënt.


metù ite da noeles ai 05 February 2003 da les 13:49:48 (901 liet)
(liej inant... | 957 letres | 5 comentars | ponc: )


Uniun dl Sport Lungiarü
Sport

 

Marisa Clara campionëssa taliana - Gara in domënia sön la pista  "Dô Juvel" a Lungiarü

 

Chësc ultim fin dl'edema él sté a Saint- Oyen tla Val D´Aosta i campionac talians de liösa sön pista naturala. I atlec dl Uniun dla Sport da Lungiarü se á arjigné bun a chësc apuntamënt  important . Ai se á prejenté cun na scuadra che á bele ti agn passá desmostré de ester a n bun livel y de avëi les poscibilitês de arjunje le podest.


metù ite da noeles ai 05 February 2003 da les 12:18:37 (1323 liet)
(liej inant... | 2515 letres | 4 comentars | ponc: )


N aconsiadour dl Istitut tol posizion
Ladin Standard

 

Les cosses é jüdes adascusc -La rajun de partì  à trat dant ince pro i rapresentanc dles uniuns culturales 

de Lois Trebo

Al é gnü scrit che la provinzia â damané l' Istitut Ladin do so arat sön la chestiun dla adoranza dal lingaz ladin y che le consei dal Istitut dess avei fat la proposta sorantuta dala provinzia. Cösc é bën vëi y cösc fat à endespré na sort de ospà ados al Istitut. Na pert à scrit che le consei dess se dodé, che al dess dé les demisciuns desche al foss spo val' de fat. Co ésera pa stada da chë sontada dal consëi ai 17 de setember tla sonta dal Istitut a Selva ? Iu enstes n' ea nia a che sontada. Lois Trebo, rapresentant dles uniuns culturales dla Val Badia.


metù ite da noeles ai 01 February 2003 da les 18:16:32 (1139 liet)
(liej inant... | 6779 letres | 5 comentars | ponc: )


Enrescida sun la delibera dla provinzia
Cultura

 

Dede ju vosta ousc!

La delibera dla provinzia sun l'adoranza dl lingaz ofizial, sostegnuda con n bonarat dal Istitut, ne ti à plajù a trueps nia (ciala ence articui dessot). Ence te internet végnel debatù da edemes sun chest tema y nia demé sun chest sit, ma ence tl forum sun www.stol.it. Na picera curiosité, la delibera é demé vegnuda ortieda fora per todesch y talian con letra d'acompagnament per ladin olache les istituzions vegn cherdedes a souravidlé y a se tegnì a chestes desposizions. 

Sul retrat: una dles truepes publicazions dedes fora sun la tematica. Chesta é dla Union Maestri Ladins dl 1993. L argoment ne à nia plu bria de vegnì aprofondì "scientificamenter". Al é straconesciù.


metù ite da noeles ai 01 February 2003 da les 07:08:32 (792 liet)
(liej inant... | 2813 letres | 3 comentars | ponc: )


Prof. univ.Walter Belardi: Comentar a la dezijion de Istitut y provinzia de sclu
Ladin Standard

 

In provincia di Bolzano: usare il ladin standard diventa reato. Roba da Medioevo

dl prof.univ. Walter Belardi

Fortunatamente, in questi ultimi due anni il comune impegno economico europeo dell'Europa unita è venuto incontro al progetto per un ladino unitario con alcune consistenti sovvenzioni.
Tuttavia, ancora all'inizio del 2003, la maggioranza politica della Provincia di Bolzano, pur non pronunciandosi in modo esplicito contro il ladino standard unificato, implicitamente e in pratica non ne accetta l'impiego al livello amministrativo ufficiale.

 


metù ite da noeles ai 31 January 2003 da les 07:51:20 (1801 liet)
(liej inant... | 4389 letres | 8 comentars | ponc: )


Televijiun y radio ladin
Cultura

 

Sce la provinzia paia Südtirol Heute, déssera ince paié por la TV-ladina

L’aconsiadù ladin Carlo Willeit à bele deplü iadi menè do pro la Provinzia y pro l’Autorité competënta dl Stat por arjunje n ampliamënt dles trasmisciuns tl radio y televijiun. Scebëgn che le Consëi provinzial à l’ann 2001 aprovè na süa moziun, n’él cina incö sozedü nia gran tröp. Willeit recorda che la Provinzia da Balsan finanziëia incö söla basa de normes legislatives sües deplü emitënzes locales privates sciöche ince trasmisciuns locales de lingaz todësch dl ORF (Südtirol heute).



Nota: articul te ladin standard

metù ite da noeles ai 30 January 2003 da les 18:21:55 (1293 liet)
(liej inant... | 2893 letres | 4 comentars | ponc: )


La Consulta da Balsan
Cultura

 

La Consulta Ladina a Balsan y les manifestaziuns 2003

Ince en chësc ann á le Comun da Balsan metü 24.100.- euro a desposiziun por la Consulta ladina y por so program d’ativitês. Le contribut è tomé fora 2.200 euro plü alt co l’ann passé. Tla ultima  sentada dl Consëi dla Consulta él gnü deliberé al’unanimité le program por l’ann 2003.



Nota: articul te ladin standard

metù ite da noeles ai 29 January 2003 da les 19:12:24 (945 liet)
(liej inant... | 1601 letres | 4 comentars | ponc: )


L protocol dla senteda dl Istitut Ladin
Cultura

 

Da lieje do tl protocol .....

Per completeza sciche al é vegnù a se l dé la dezijion dl Consei dl Istitut M.R. en cont dl'adoranza dl ladin sciche lingaz ofizial tla provinzia da Bulsan onse sen ence dantman l protocol de chela senteda, tignuda ai 17 de setember 2002, tla senta de Selva. L protocol al pont 6 dij: davegnì dl projet Spell: "A la fin dla discuscion fej l president does domandes:

1. Seise a una de jì  inant con l proiet per n lingaz unifiché y con l Spell?

2. Seise a una de sourantò la proposta de adoré entant alternativamenter l gherdeina y l badiot per cie che reverda les traduzions aministratives a livel provinzial?"


metù ite da noeles ai 29 January 2003 da les 18:40:04 (856 liet)
(liej inant... | 1748 letres | 5 comentars | ponc: )


Ladin standard metù te 'ciazuela'
Ladin Standard

 

La dezijion de scluje fora l standard é perdret bele tomeda de setember dl 2002 tl Consei d'Istitut con a cef Hugo Valentin

La delibera dla jonta provinziala de Bulsan en cont dl'adoranza dl ladin ne fej nia marevueia, sce an conesc la situazion politica, ma marevueia fej l'impostazion dl Consei dl Istitut Ladin. L president dl proiet Spell Valentini Erwin: "Al é veira che i ne son nia vegnù informé de dezijions toutes tla senteda ai 17 de setember y de sies conseguenzes per l LS. De de tel dezijions, che ie ne conesce nia, n'él vegnù rejoné no al Colloquium Retoromanistich a la fin de setember a San Martin, no al Covegn Soziolinguistich de dezember a Urtijei, no te d'autres discuscions anter i enc responsabli de SPELL. Ma sen capesci miec les ghiranzes dl Istitut per cie che reverda l davegnì de SPELL". Per capì miec cie che al é sozedù reportonse ciamò n iade l protocol dla enconteda danter les majeres istituzions ladines y i politics ai 20 de messel 2002 a Urtijei.


metù ite da noeles ai 29 January 2003 da les 08:12:37 (3011 liet)
(liej inant... | 10971 letres | 6 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.412 seconc