benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

SVP ladina sciche l assessorat contra l ladin standard
Politica

 

Generazion nueva dla SVP ladina con Perathoner a cef: dantaldut TAITSCH  - Degun problem con la Kunstsprache "Schriftdeutsch"  - Dejaco zed a Mussner per la candidatura

Chilò l comunicat per todesch dé fora encuei dal grup:

"Neulich fand unter dem Motto "Gespräche über Ladinien" in San Linert/St.Leonhard (Abtei) ein Treffen von jungen politischen Vertretern beider ladinischer Täler mit dem Präsidenten des Regionalrates Dr. Franz Pahl statt. In einem ersten Teil ging es um grundlegende kulturpolitische Vorstellungen der ladinischen Volksgruppe im Bereich der Sprache, Toponomastik und des Schulwesens.

Sun la fotografia veiden ence l joblere Franz Pahl che en gaujion dla prejentazion dl statut de autonomia te ladin standard à laudé l'iniziativa dla lista LADINS che à volù la traduzion con l contribut dla Region, de chela che Pahl é president. Y sen él a una con la generazion nueva dla SVP che é contra l standard enchinamai ti ofizes.


metù ite da noeles ai 17 February 2003 da les 15:35:56 (1734 liet)
(liej inant... | 5593 letres | 3 comentars | ponc: )


Ladins da Souramont: i liams storics se fej avalei
Politica

 

Ampez, Col y Fodom se damana la separazion dai "neoladins" y vuel resté con la Generela - Ence La Rocia é a una

de Lorenzo Soratroi

L’ultima senteda dla Federazion di Ladins tla Region Venet s’à saré via con l’eneisema polemica soura la mudazion dl statut y en particolar sun la chestion dla spartizion di contribuc regionai y dl’adejion a la Federazion da pert dles nueves unions ladines nasciudes tla provinzia. Les posizions tl consei fova cleres: da na pert Fodom Col y Ampez, deberieda con Rocia, che damanova na divijion dla Federazion te doi grups, con plena autonomia de vignun dl vers de chel auter, ence de podei tò ite unions nueves. Da l'autra i raprejentanc dl Ciadoura y dl Comelich che essa volù empruma definì la spartizion di contribuc.


metù ite da noeles ai 17 February 2003 da les 14:48:07 (821 liet)
(liej inant... | 3470 letres | 1 comentars | ponc: )


Andreas Hofer, simbol dla vedla unité interladina
Politica

 

La politica y l'economia à desdrut vigni liam, sen réstel demé plu l slogan dla SVP de Gherdeina "Tiroler sind wir und Tiroler  wollen wir bleiben"

En juebia, ai 20 de fauré, végnel recordé la mort de Andreas Hofer. Aluesc vegniràl fat valch manifestazion per recordé l'aveniment, ma souradut do l burt film soura el, olache an ti met tla bocia esprescions da encuei y an l conscidreia modern ence te sia conzezion dla vita morala, ne nes dij sia figura feter plu nia. Sciode! Almanco per i ladins é Andreas Hofer tres resté n simbol de unité, davia che con el se á batù  ladins de dutes les cinch valedes. Mai tant co sen é i ladins da Souramont sciurés sun na pert y desmentiés. La vertola che chisc ladins s'á destaché da se enstesc y che la maioranza de ei ne vuel  nia plu vegnì con Bulsan ne giustificheia nia la puecia o deguna atenzion che Sudtirol á desmostré per ei da do la pruma gran vera encà. I gragn scraions "Tiroler sind wir  ....", dit pro vigni congres dla SVP a Maran, é sen i piec, ai va contra vigni ideal de unité ladina.


metù ite da noeles ai 15 February 2003 da les 19:24:20 (975 liet)
(liej inant... | 1719 letres | comentars? | ponc: )


Publicazion nueva de L.Craffonara
Cultura

 

Floures leterares dl Grijon y dl Friul sun 450 plates

"Flus leterares dl Grijun y dl Friul", poesies tla traduzion de Lois Craffonara, enscì se clama l liber nuef che sarà tost dantman. L volum contegn 117 poesies rumances (dal 1600 a aldidancuei) y 160 poesies furlanes (dal 1300 a aldidancuei) tl ladin dla Val Badia con comentar y n valgunes ilustrazions. L liber à ca. 450 plates y vegn dé fora dal Museum Ladin "Ciastel de Tor" te sie program de publicazions. L dot. Craffonara rejona fluentamenter furlan y rumanc vallader dl'Engiadina y é n gran espert y conescedour de chestes does comunités linguistiches emparentedes a nos. Al sarà perchel n gran plajei podei avei tles mans chesta publicazion nueva arichida con cotanc de detais storics.

 


metù ite da noeles ai 15 February 2003 da les 19:04:26 (816 liet)
(liej inant... | 1815 letres | 1 comentars | ponc: )


La crisa tl Golf Persich
Politica

 

L raport di ispetours engrandesc l fossel tl Consei de Segurté

 

L second raport prejenté enier (14.02.2003) dai mascims responsabli dles ispezions tl Irak, che é truep plu moderé y manco tl detai che l prum, à reafermé les desferenzies tl Consei de Segurté anter les pertes per y les pertes contra l'adoré la forza contra Bagdad. L cef di ispetours dl'ONU, Hans Blix, à afermé che fin a sen ne àn nia podù desmostré che l govern iraken despone d'ermes de desdruzion massiva. Al à amonì che te vigni caje pòn arjonje l dejarmament dl Irak te na maniera plu aslune, miour marcé y en pesc sce al é na cooperazion incondizioneda da pert dl rejim iraken. L responsabel svedeis à mesuré dassen sies paroles, cialan d'evité che al someie che al dae n vantaje a una dles does perts dla comunité internazionala despartida per chesta crisa.


metù ite da noeles ai 15 February 2003 da les 09:02:17 (830 liet)
(liej inant... | 2023 letres | comentars? | ponc: )


Grijons: problems finanziars pro La Quotidiana
Grijon

 

La Agentura da Novitads Rumantscha vuel salvé "La Quotidiana" - La man publica dess daidé deplù

Les relazions danter i ladins dles Dolomites y i ladins ti Grijons é deventedes ti ultims agn y diejens majeres y importantes, dantaldut per la Ladinia olache i Grijons vel sciche n ejempl. I impulsc vegnus dai Grijons é cotanc: i programs basa per elaboré dizionars ti Istituc y l plu eminent, l pere dl RG é ence l pere dl Ladin standard, l dr. Heinrich Schmid y e.i.Trueps ti ciala a les trasmiscions rumances tla televijion y valch un ascouta su ence l radio. Y sce ceze ne funzioneia nia ti Grijons se stan ence ert tla Ladinia. Enscì à sprigolé la noela che la Quotidiana, l foliet dl dì ti Grijons, é ruvé te dificoltés. Trei redadours é vegnus relascés dal servisc pro la Quotidiana per gauja de problems finanziars y per mancianza de abonés assé tles regions dl Surmeir y dla Engiadina. La "Agentura da Novitads Rumantscha" (ANR) dess vegnì amplieda y restrutureda.


metù ite da noeles ai 14 February 2003 da les 21:15:17 (766 liet)
(liej inant... | 2374 letres | 1 comentars | ponc: )


Paroles cleres da la Generala y dal IL de Fascia
Ladin Standard

 

Hilda Pizzinini: "Al me desplej l dì, ma chi che é contra l ladin standard, é contra l ladin"

 

Ensnuet (14.02.2003) él ju en ona te TRAIL/Rai ladina n auter servisc televisif sun la dezijion touta dal Consei d'Istitut y dal assessorat ladin de scluje fora l standard ladin da la aplicazion sciche lingaz ofizial. Hilda Pizzinini, presidenta dla Union Generala di Ladins dles Dolomites, union coportadoura dl projet SPELL, à abù paroles cleres: "la dezijion de scluje fora l ladin standard ne é nia vegnuda touta da esperc de linguistica, ma é vegnuda touta da la politica. Al me desplej l dì, ma chi che é contra l ladin standard é contra l ladin". L diretour dl Istitut Ladin de Fascia y l auter intervisté, Fabio Chiocchetti, à recordé che l ladin standard é plenamenter operatif: "al à na strutura, al à n vocabular de basa, al à sies regoles de sintassa, cie che al mancia é propi l'adoranza, l corpus." L'adoranza ofiziala fova preveduda sciche proscim vare, chel plu important do l'elaborazion de gramatica y dizionar. N coretour automatich per MS-Word dova alesiré y deslarié l'aplicazion.


metù ite da noeles ai 14 February 2003 da les 20:56:54 (1150 liet)
(liej inant... | 2847 letres | 1 comentars | ponc: )


Archirida dl creibes - projet nuef dla EURAC
Desvalives

 

Les malaties dl creibes pòn gonot afustié bele ti gens

L’Assistenza Tumors de Sudtirol vuel sostegnì n projet nuef de archridida che se tol dant de reconesce adretora l risch de svilup de valgunes sorts de tumors plu deslariedes. Les origines de chestes malaties tumorales pòn gonot afustié bele ti gens. Per studié plu davejin chestes malaties él nasciù n projet de archirida arvenù dal dot. Florian Vogl y condut inant tl program de archirida locala "GenNova", coordiné dal neurologh sudtiroleis Peter Pramstaller pro l'Academia Europea a Bulsan.


metù ite da noeles ai 14 February 2003 da les 18:51:16 (831 liet)
(liej inant... | 1788 letres | 1 comentars | ponc: )


L proiet SPELL dassen laudé a livel europeich
Ladin Standard

 

.... mo net nia a livel local, nience tles istituzions de dovei

 

Da n colaboradour dl'Université Wasa  tla Finlandia nes él ruvé adalerch n comunicat olache al vegn dit tant aprijé che al é gnù l projet dl Spell da l'Europa. L Parlament Europeich à dé fora de messel 2002 na publicazion con l titul "The European Union and Lesser-Used Languages" sot la direzion de linguisc' conescius tl mond academich (anter i autri Lainio, Leprêtre, Nelde, O Riagáin, Strubell, Weber, Williams): l test rejona dla situazion dles mendranzes tla Union y di projec sovenzionés da la Comiscion ti agn dal 1995 al 2000. Anter i 780 projec sovenzionés à i autours cernù fora 15 "cases studies" (studes caje) desche de bogn ejempli de doura dles finanzes publiches ai fins dl svilup y dl aiut ai lingac de mendranza. Anter chisc 15 valutés danter i miours projec él ence l SPELL. L'archirida linguistica europeica aprijeia l standard ladin.


metù ite da noeles ai 12 February 2003 da les 19:06:28 (3494 liet)
(liej inant... | 8089 letres | 7 comentars | ponc: )


Consulta Ladina a Bulsan: auter no a la delibera Istitut/Mussner
Ladin Standard
 
Scì al standard, ence pro l'ejam de trilinguism
 
Les ones fates levé su da la esclujion dl standard con delibera dl assessorat ladin ne se apajeia nia plu via. Protestes da dutes les pertes: da l'Union Generela, da la Usc, da la Lista Ladins, da persones privates, da esperc de linguistica; n segn che al se trata de na chestion che an ne vuel nia glotì sciche inevitabla, davia che ala comporta ence na impostazion culturala de prinzip dles istituzions ladines che fossa perdret cherdedes a dezijions importantes. 
 

metù ite da noeles ai 12 February 2003 da les 11:33:06 (1228 liet)
(liej inant... | 2450 letres | 2 comentars | ponc: )


Ladin Standard: II. pert - Porta sareda per l ladin standard?
Ladin Standard

 

I badioc capesc miec LS che gherdeina

de Lois Trebo

Sun l lingaz ladin standard él vegnù scrit truep y chi che à volù, à podù se informé a fonz. Nia a duc ne i pléjel, davia che ai ne veid nia ite sia funzion o an ne vuel nia la capì y emplù ne se dài nia ju empera. Na pert vuel nes batolé dant che l LS dess ester de dann ai idioms de valeda, ma chestes é ciacoles zenza fonz. Degugn ne fossa per l LS, sce al fossa contra i idioms locai, degun studié ne rejona de chest, no les 4 istituzions che l porta. Chi che é contra l LS ne adora nience sie idiom local, é n gran pert persones che ne rejona nience ladin te familia, ma l à da temp taché sun na brocia y perchel é sies critiches zenza fondamenta. Rodunt con l LS giatarà i idioms plu forza, ai vegnirà arichis de paroles nueves y se sviluparà inant per na maioura adoranza scrita locala.

Sun l retrat: L Consei provinzial da Bulsan y sies ativités presentés ai ladins te ladin standard



metù ite da feir ai 11 February 2003 da les 10:34:45 (1131 liet)
(liej inant... | 6386 letres | comentars? | ponc: )


Ticket: ciuldì pàien pa les coutes?
Desvalives

 

L’introduzion dl Ticket ne deida nia smendrì les speises - protesta dla lista LADINS

Bele canche l ticket è vegnù metù su dant zirca mez ann ova la Lista LADINS protesté y osservè che chesta mesura è sozialmenter ingiusta y che sies entredes è per l bilanz provinzial sciche na gota sun na pera ciauda. Sun n bilanz de 4,5 miliards de Euro desmostra sen i conc dles Aziendes Sanitares che les entredes dl ticket fej fora puech y nia, ma per la jent tocheda éles empò bendebot de grovaria.


metù ite da noeles ai 10 February 2003 da les 18:50:26 (783 liet)
(liej inant... | 1634 letres | comentars? | ponc: )


Inier sön la pista Do Juvel a Lungiarü
Sport

 

87 concorënc s'à mosoré söla pista naturala - In chësta sabeda, 15 de forà "Ladinia Cup" de nöt sön pista iluminada

de Mario Clara

Inier, domënia ai 9 de forá, él sté a Lungiarü sön la pista nöia "Dô Juvel" la pröma gara dles liöses por mituns cina a 14 agn a livel regional. La gara valô ince sciöche finala dl campionat liöses por mituns sön pista naturala che se disputâ danter trëi gares: SV Jaufental, SV Mölten y US Lungiarü. 87 concorënc se á presenté a chësc apuntamënt y ince in chësc iade á dit la süa la scuadra dles liöses dla Uniun dl Sport da Lungiarü söles nëis de ciasa.

 


metù ite da noeles ai 10 February 2003 da les 16:18:44 (1428 liet)
(liej inant... | 2165 letres | 2 comentars | ponc: )


Ladins da souramont ortia na letra a Belun
Politica

 

I ladins da souramont damana la provinzia de Belun de reconesce la Generela sciche organism de coordinament - L medem s'aspéten da la provinzia da Bulsan

de Lorenzo Soratroi

Les Unions di trei comuns ladins tla provinzia de Belun vuel resté liedes dassen a la Generela, sceben che decà dai joufs vuel trueps les despartì da cheles comunités dl Sela a cheles che ales é liedes per cultura y tradizions da vedlamenter. Per se seguré n iade deplù chest liam à Nani Pellegrini, President dl'Union di Ladins da Fodom, mené na letra a la Provinzia de Belun per mans dl President dl Consei Provinzial, Daniela Larese Filon,  solezitan l ent de Palazzo Piloni a tò atira dezijions de chest vers. La "Lege Cheder" 482/99  al articul 3 coma 3, sotrisseia Pellegrini, dij che les Provinzies pò reconesce i organisms de coordinament y de proposta per les mendranzes despartides fora sun teritores provinziai y regionai desvalifs. Sun l retrat: la presidenta dl'Union Generala di Ladins dles Dolomites, Hilda Pizzinini.

 


metù ite da noeles ai 10 February 2003 da les 16:11:38 (798 liet)
(liej inant... | 3128 letres | comentars? | ponc: )


Truep ladin-rumanc pro i Campionac Mondiai a San Murezzan
Sport

 

Rumanc ai CM 2003 a San Murezzan - Al é ence vegnù partì fora n pice vocabular ai jornalisc' - Gran lerch al lingaz rumanc entratant la daurida dla manifestazion

 

L'Engiadina Auta (Engiadin'Ota sciche ei dij) é n raion rumanc/ladin, ma l lingaz vegn demé plu rejoné da na picera mendranza, dantaldut a San Murezzan/St. Moritz. Empò ti àn dé na gran importanza entratant la manifestazion de daurida y an à ence dé fora na picera publicazion per informé i partezipanc de sia arpejon culturala. I rumanc dl'Engiadina clama "ladin" sie idiom. Chest l'articul tout da la Posta Ladina dl'Engiadina soura l'azion per promueve l rumanc ai CM 2003. "Mincha (=vigni) schurnalist ho pudieu piglier incunter a San Murezzan üna buscha plaina d’infurmaziuns. Traunter oter d’eira lo eir üna broschüra d’infurmaziun edida da la Lia rumauntscha. La broschüra numneda nu preschainta però be (=demé) la lingua e la cultura rumauntscha, dimpersè cumpiglia eir (=ence) ün vocabulari. Uschè haun ils schurnalists güsta eir la pussibilted d’imprender ün pêr pleds (=paroles) rumauntschs".  Sun l retrat, sunsom: San Murezzan con l lech omonim glacé pro y dlongia: "Chalandamarz", na tradizion tipica dl'Engiadina, i mutons con tlonches che roda entourn per l paisc, presenteda ai CM.


metù ite da noeles ai 09 February 2003 da les 18:43:19 (1028 liet)
(liej inant... | 2912 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.393 seconc