benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

N coretour ortografich a la leta de chi che scrivarà fascian
Cultura

 

Plu saurì scrive per ladin

 

de Nadia Chiocchetti 

 

L nuef strument de laour é l frut de na colaborazion anter l Istitut Cultural Ladin de San Jan y l IRST de Trent scomenceda dant da cater agn tl cheder dl projet de modernisazion dl ladin envié via sibe a livel local te Fascia che souralocal tl SPELL y sostegnù ence dai Comuns dla val tres l C11, da la Region Trentin-Sudtirol y da la Comunité Europeica.


metù ite da noeles ai 17 March 2003 da les 12:32:22 (882 liet)
(liej inant... | 2984 letres | 2 comentars | ponc: )


La lege sun l'urbanistica, la valutazion de Willeit
Desvalives

 

Sce l ombolt ne respon nia anter 60 dis, vel la domanda da frabiché automaticamenter

Enier à l Consei provinzial aproé la lege nueva sun l'urbanistica. Cosses positives y cosses negatives sciche l raprejentant ladin Carlo Willeit la valuteia: "Valch desposizions positives, valch manco bones: la lege urbanistica nueva po vegnì sostegnida adameses". L’articul dla lege che preveid la compra de raion artejanal tres la man publica, da mete spo a desposizion dles impreises, é n rampin che permet de daidé de gran firmes che manacia da jì a la nia. (raion industrial de Bulsan). Sparagné végnel con la cubatura, dandaldut comerziala, tl vert agricul. La proposta dai LADINS, da prevedei la poscibelté da fé de pices ativités comerziales tl vert, te posć importanc per l turism y l temp lede, é vegnuda refodeda. Nience la proposta de trasformé la cubatura de frabicac da paur plu dalonc de 300 m dal zenter frabiché y plu dagiut bele en pert trasformés, n’é nia vegnuda azeteda. Ingiusta é per i LADINS tamben la norma che stabilesc la convenzion de 20 agn, zenza desferenzié sce l patron à giaté n contribut o manco per l cuartier.


metù ite da noeles ai 15 March 2003 da les 23:06:55 (722 liet)
(liej inant... | 2296 letres | comentars? | ponc: )


Intervista a Mateo Taibon, cef-redadour de
Cultura

 

"Per i ladins é dut demassa, les contradizions colossales"

Chisc dis él vegnù fora l numer nuef dla revista "Pogrom". I tolon chesta ocajion per rejoné con l cef-redadour Mateo Taibon, dl conzet y dles idees de chesta revista y sun la chestion dl jornalism y dles mendranzes.

Noeles.net: Vos seis redadour chef dla revista "Bedrohte Völker - Pogrom" dla Gesellschaft für bedrohte Völker (lia per i popui manacés) a Göttingen, tla Germania. De cie trata pa chesta revista plu avisa y ciugn é pa si fins?

Mateo Taibon: Al é na revista che se dà ju con les mendranzes, con les rejons dles mendranzes etniches, linguistiches, religiouses de dut l mond. Nosta lia se dà ju con i derc umans, y chisc derc é ence l tema zentral dla revista, na revista che à perchel n ciamp tematich dret ampl che toca duc i continenc y praticamenter duc i stac dl monn, da l’Australia con i aborigines passan ai indians dl’America o i popui dl’Asia a les mendranzes dl’Europa. L fin dla revista é chel da mete dant les chestions che reverda les mendranzes, y de les mete dant te n’otica da mendranza. La maioura pert él les maioranzes che scriv dles mendranzes, te n’otica aldò, y ales met fora la situazion sciche "dut bon, dut a post; nos on fat tant truep per la mendranza". Ma sc’an damana les mendranzes enstesses, sc’an analiseia i fac, sona dut autramenter. L’intenzion dla revista é propi chela da ti dé ousc a les mendranzes y a sies rejons: lascé audì les oujes de esponenc dles mendranzes empede di esponenc dles maioranzes, sciche la gran pert di media fej - maioranzes che ne ti consent la maioura pert a les mendranzes nia sies rejons. Y analisé la situazion dles mendranzes y sies rejons empede demé sourantó declarazions dla politica. I l’á ence scrit te n articul: "Wenn man nur den Dieb fragt": trueps damana demé les maioranzes co che la mendranza se sta. N ejempl é steda la lege litala te Südtirol, oláche i media todesc y talians á meisc alalongia damané la maioranza y ciamò n iade la maioranza che volova ti fé n tort a la mendranza, ma dret dinrer n iade la mendranza enstessa, vuel dì l raprejentant ladin Carlo Willeit.


metù ite da noeles ai 14 March 2003 da les 19:05:23 (2599 liet)
(liej inant... | 9267 letres | 2 comentars | ponc: )


Eurac: convenzion internazionala per i Carpatesc
Desvalives

 

En l'edema che vegn sotescrizion a Bulsan dla convenzion per  l svilup ti Carpatesc

Les Montes Carpates é una dles majeres resserves naturales dl'Europa. Ales tol ite na souraspersa de 200.000 km² y se desten a mez-certl sun 7 paisc dl'Europa Zentrala da la Polonia a la Romania. Al se trata, a desvalivanza de valch pertes dles Alpes, per la maioura pert de luesc dutaorela puech destrabonis, en pert salvars. Les montes ne é nia autes y curides da de gran boscaies. Per sconé chest ecosistem da prescions da foradecà se à valgugn paisc di Carpatesc sclut adum con l sostegn dla UNEP (United Nations Environmental Programme) con l fin de studié programs de svilup economich adatés per la region. La Convenzion dles Alpes (www.convenzionedellealpi.org), n acord internazional unich de chest jender che promuev la sconanza di raions da mont de confin é sté n pont de referiment important. Aldò de chesta convenzion àn ence cialé de elaboré na Convenzion per i Carpatesc. Sostegn a l'iniziativa ti vegn deda da pert dl'Italia y ai 20 y 21 de merz se encontarà a Bulsan, tla senta dla EURAC (da november 2002 senta operativa y secretariat permanent dla Convenzion dles Alpes) la 5eisema enconteda negoziala sun i Carpatesc. Sun l retrat: ti Carpatesc vível ciamò truepes sortes de tiers che é tles Alpes vegnudes desmandredes o reres desche l louf, la lors foscia y l giat salvar.


metù ite da noeles ai 13 March 2003 da les 21:12:29 (757 liet)
(liej inant... | 2230 letres | comentars? | ponc: )


Servisc dles biblioteches Val Badia
Cultura

 

Willeit damana deplù personal per l servisc bibliotecar tla Val Badia

 

 

Pian via dal gran debujegn de personal, che fova vegnù constaté tles biblioteches dla Val Badia, con ben 12 paisc, ova l conseier ladin Carlo Willeit prejenté na mozion te consei provinzial, fajan la proposta che la jonta provinziala s’impegneie de tó su n terz colaboradour per les biblioteches dla Val Badia. Entratant les sentedes de chisc dis de merz, à l consei provinzial refusé la proposta de Willeit, sourantolan la argomentazion dl assessour Hosp, che dijova che ala ne va nia de ti conzede n tratament particolar ai ladins y che pro les biblioteches dla Val Badia laorel bele 3 persones.


metù ite da noeles ai 13 March 2003 da les 15:45:27 (836 liet)
(liej inant... | 1993 letres | 1 comentars | ponc: )


Lites provinziales 2003 - Lista LADINS
Politica

 

Carlo Willeit y Giovanni Mischì dantfora sun lista

Te na intervista encuei (13.03.2003) al foliet dal dì "Die Tageszeitung" à l president dla LL, Giovanni Mischì, confermé che Carlo Willeit, da does legislatures raprejentant per i Ladins tl consei, jirà endò sun lista, tamben el enstes. Enscì àl dementì vigni speculazion che Carlo Willeit s'un desdijessa chest iade.  Confermé à Mischì ence che la LL candidarà autonomamenter zenza coliament con n'autra lista. Dl 1998 ova la LL messù se lié a la DPS per despassé l lim lital, metù dant da la lege litala.


metù ite da noeles ai 13 March 2003 da les 15:21:00 (751 liet)
(liej inant... | 2393 letres | 1 comentars | ponc: )


La legia litala: do les lites dl 2003 vuelen bele endò proé
Politica

 

La situazion politica dret melsegura di Ladins - Cie che i autri scriv, n articul tout da la revista "Pogrom"

La chestion dla legia litala tla provinzia da Bulsan é vegnuda debatuda en l ann passé da d'auton edemes alalongia, ma enultima àn empò messù romagne pro la vedla. I termins tomova. La Svp essa gen volù fissé tla lege litala nueva l "Ladinerpassus" che essa prevedù per i ladins n sistem lital desferent dal rest dla popolazion dla provinzia, n sistem maioritar empede proporzional. Les oujes de preferenza essa messù tré dant sun cheles de lista. Desche an sa adora l candidat ladin sun la lista dla Svp con l sistem lital atualmenter valoul entourn 9.000 oujes de preferenza, dret ries da arjonje per n candidat ladin sciche an à fat does outes l'esperienza, depierpul che a la lista LADINS, sciche lista autonoma, ti bàstel entourn 5.500 oujes de lista per n mandat. Na regola a utl  dla Svp donca, sce ala fossa juda tres. Ma l recurs a la Court Costituzionala fova enjigné. Con la lege litala dl 1998 òven bele proé de saré fora de pici partis con n scialier lital de 2,9%, ma ala é vegnuda declareda incostituzionala, ajache ala essa prevedù n scialier massa aut per i Ladins. Ortié ite l recurs a la Court Costituzionala ova enlaouta l raprejentant di LADINS Willeit, che à aldò dl statut de autonomia , sciche raprejentant dl grup etnich ladin, l dert de fé avalei chesta rejon anter n cert termen. L problem per i ladins resta inant atual: an rejona bele de reformé la legia litala do les lites de chesta outa  y bonamenter con la speranza che la Lista LADINS ne sie nia plu de impediment. Eniann lìten do l sistem vedl, ma tant giut pa ciamò? I reporton chilò daite n articul critich scrit per todesch y comparù tla revista "Pogrom" de Mateo Taibon che trata chesta tematica.


metù ite da noeles ai 12 March 2003 da les 21:08:37 (1000 liet)
(liej inant... | 5766 letres | 2 comentars | ponc: )


Enconteda LL - Svp - demé cosses generales
Politica

 


I envic é vegnus "desmentiés" y sen é les lites dant porta


Enier, lunesc 10.03.03, é ruveda adum da les 14.00 a Bulsan na delegazion dla Lista LADINS, Giovanni Mischì, president dla LL y Carlo Willeit, vizepresident dl Consei provinzial, con i esponenc dla Svp Ladina Pepi Dejaco, vizesourastant dla Svp y Florian Mussner, assessour ladin. Te chesta ocajion él vegnù portè a discuscion deplù argomenc d’interès dl grup ladin. Fora dles conscidrazions y valutazions plu generales, àn empò ence volù ejaminé plu a fonz valch chestion singolara sciche: indenité de trilinguism, p.ej. per l personal ladin dles Unités Sanitares, Cesa di Ladins, proporz fora dles valedes, université. Sun valch pont él da osservè n avijinament dles idees y dles posizions. Ma concretamenter dij Mussner che al mess empermò valuté les cosses plu sot con sie partì y i assessours interessés. Per jì inant con encontedes plu regolares y per traté tematiches plu complesses y de na majera porteda él vegnù dit che i temps é, a oramai 7 meisc dant les lites, massa curc.


metù ite da noeles ai 11 March 2003 da les 16:31:44 (780 liet)
(liej inant... | 4972 letres | 1 comentars | ponc: )


Enseira tl Salf Pastoral sun envit dla Consulta
Politica

 

Willeit: "La proporzionala, na gran segurté per i Ladins - Deplù do l bujegn"

Enseira (10.03.2003) él vegnù adum sun envit dla Consulta Ladina dl Comun da Bulsan n pice clap de persones tl salf Pastoral a Bulsan per tò pert a la seira de informazion soura "l cuartier, i posc’ de laour, la formazion y la comunité ladina fora dles valedes". Dantfora les spligazions de Ludwig Kastlunger, colaboradour dl ufize Astat, soura l svilup demografich di ladins tla provinzia de Bulsan. Con la cumpeida dl 2001 l prum pice spavent, feter dlonch é i ladins jus zeruch, sie ti comuns ladins che ence foradecà, ence sce demé de puech, ma empò él n trend che an veid con n cert festide. A chesta tematica s'à atira dedò lié ite l vize-president dl Consei Regional y Provinzial Carlo Willeit y raprejentant ladin che à sotlinié l'importanza dla proporzionala per i ladins, ma proporzionala ne vuel nia dì che i ladins con si  za. 4,3 % ae ence demé debujegn de chest, p.ej. che al baste 4 menuc de televijion, o de "una na balota, depierpul che i talians y i todesc nen mangia 4". L statut de autonomia preveid tamben l criter dl debujegn, n criter che vegn endere apliché ingert da la maioranza. La materia dla proporzionala é deventeda oramai tant ampla che al é rie da ti sté do dlonch y da souravidlé che ala vegne ence dlonch aplicheda endretura. Per ejempl à la Lista LADINS cumpedé do che i ladins à dutaorela n credit pro l frabiché alesiré de 30 miliards dal 1972 al 1984. Chisc dess sen vegnì retus ai ladins con fic. Al vuel ester zachei che feje n control. Ence te Sudtirol nia dut or cie che lumina. Curta polemica a la fin.


metù ite da noeles ai 11 March 2003 da les 07:48:39 (934 liet)
(liej inant... | 5400 letres | 4 comentars | ponc: )


Problems de interpretazion dla lege cheder
Politica

 

La Generela y i ladins da souramont - Al vegn damané sclarimenc a Roma

de Lorenzo Soratroi

L reconesciment dl’Union Generela desche organism de coordinament, damané a la provinzia de Belun dai trei comuns ladins storics, desche prevedù dal articul 3 dla lege cheder nazionala sun les mendranzes 482/99, se porta do na chestion de interpretazion dla medema lege. Per dì miec, al é vegnù fora na sort de "vuet" tla lege, nia prevedù fosc dal legislatour nience canche al é vegnù mené fòra l decret atuatif. Al se n’à entenù Nani Pellegrini, president dl’Union di Ladins da Fodom, che ti à scrit al minister La Loggia, per avei sclarimenc.


metù ite da noeles ai 10 March 2003 da les 15:24:20 (749 liet)
(liej inant... | 2474 letres | comentars? | ponc: )


L pest Lichtensteinpreis
Persones

 

La Retoromania todeschiseda y les pedies tla toponomastica

Paul Videsott, romanist y assistent a l'Université de Desproch, à podù pié do en juebia passeda (06.03.2003) l terz gran reconesciment per si studes tl ciamp dl'archirida scientifica, l "Liechtenstein-Preis", metù a disposizion a l'Université da Desproch dal prinzipat omonim. Les publicazions scientifiches tl ciamp dla romanistica contegn oramai na raia de articui fora de sia pena, da recordé dantfora les does publicazions importantes: l vocabular dl "ladin marou-todesch" (1998) y l liber "I cognoms ladins" (2000), plu inant adum con la dozenta Heidi Siller Runggaldier la "Bibliografia retoromana". Paul Videsott fova ence n anteriour colaboradour dl projet Spell y al à fat la tesa de laurea sun l tema  "Wortbildung im Ladin Dolomitan". Sia pascion: chela de iluminé ciantons dutaorela scurs dl nasce dl lingaz y dl'etnia retoromana-ladina. Te chest contest pòn tamben encadré chesta ultima archirida per chela che al é vegnù onoré con l "Liechtenstein-Preis". Argoment dl stude scientifich: classificazion dla toponomastica romana-latina dal Montafon/Vorarlberg (A), soura la Svizra (Trun/Surselva) a les Dolomites y sourafora enchina tla val de Kals tl Tirol dl Ost, na isola latina/ladina enfin al 16eisem secul y valutazion dl gré de emparentazion con metodes scientifiches. Sun l retrat: Paul Videsott tol adencontra l pest dal raprejentant dl Prinzipat dl Liechtenstein.


metù ite da noeles ai 09 March 2003 da les 14:12:21 (1138 liet)
(liej inant... | 5103 letres | 1 comentars | ponc: )


Passaje de comuns da na region a l'autra
Politica

 

Na lege nueva slesiriarà l passaje da na region a l'autra, al basta la volenté dla jent dl comun - La Ciamena à dit scì, sen pàssela al Senat

Sce n comun vuel passé da na provinzia o region a l'autra bàstel n referendum te comun, se basan sun na scempla delibera comunala. Les regions y les provinzies tochedes ne pò fé net nia decontra che lascé jì o tò su i comuns che à chesta intenzion. Dant puec dis à la Ciamena di deputac a Roma dit de scì a chesta lege che slesiriarà, an podessa dì a na maniera revoluzionara, l passaje de n comun o de na provinzia da na region a l'autra. La lege é passeda con n referiment particolar a Sudtirol, olache al va debujegn ence de n bensté dl'Austria, sciche Karl Zeller dla Svp, deputat a Roma, à dit. La lege passa sen al Senat. Con chesta se deurel ence scenars nuefs per i comuns ladins da Souramont, Ampez y Fodom dantfora, che à bele da n pez segnalé chesta volenté. Sun l retrat: i comuns ladins tripartis (BZ-TN-BL).


metù ite da noeles ai 08 March 2003 da les 18:41:20 (800 liet)
(liej inant... | 2048 letres | comentars? | ponc: )


L LS, na bona soluzion
Ladin Standard

 

"Emparon a scrive deberieda ladin standard!"

L ladin standard ne é nia n lingaz nuef, al ne é nia artifizial, al é saurí y obietivamenter na bona soluzion per scrive vigni idiom ladin te na forma unitara. Sen che i on metù man da l scrive nes onse entenù che al é plutost n adatament tla maniera de scrive y te valgunes formes, pian via dal idiom de valeda. N valgunes regoles basilares y al deventa enchinamai la maniera plu saurida per mete ju per scrit l ladin, con truep demanco azenc y segns particolars. Y an pò empò lieje sciche an é usés. Al é tamben n  arichiment, ajache i confins anter i idioms toma. An empara paroles nueves y an pò tò ite tl scrit chela o chel'autra parola dal idiom vejin te na maniera daldut naturala. Assolutamenter degun aplatiment di idioms donca. Ti proscims meisc pieta noeles.net na poscibelté en plu "Emparon deberieda a scrive ladin standard!" con n sistem on-line. I interessés pò bele sen se anunzié dantfora a la miscion e-mail: redazion@noeles.net enchina ai 15 de auril y ai giatarà na password per jì sun l sit http://www.noeles.net/e-learn. Ciutiede ite!


metù ite da noeles ai 08 March 2003 da les 08:16:28 (1138 liet)
(liej inant... | 2329 letres | 2 comentars | ponc: )


Ujöp Freinademetz - sant
Persones

 

Ujöp Freinademetz sant, ence l assessour Mussner lascia audì sia contenteza

Sciche fi de sia tera ladina y patria tiroleisa, à Ujöp Freinademetz lascé sia tera y sie paisc nadel per ne vegnì mai plu zeruch. Al ti é ju do a sia cherdeda, à encundè la bona noela y à giatè na seconda patria tla Cina. Al n’à mai volù i jì permez a la jent sciche un ch’é miour che i autri, ma l’à fat con gran respet dla cultura y dla jent dl post. Al à emparè l lingaz cineis y n’à nia volù ti sforzé su la cultura europeica a n popul asiatich, al s’à sforzè da capì i cineisc, tant da se dejidré de "ester n cineis sun paravisc". Ujöp Freinademetz vegnirà declaré sant ai 5 de otober 2003 a Roma.

 


metù ite da noeles ai 07 March 2003 da les 19:17:05 (851 liet)
(liej inant... | 2125 letres | 1 comentars | ponc: )


Endoman
Cultura

 

"Di dl’ela", paroles dla raprejentanta Dolores Dariz

En ocajion dl “Di internazional dl’ela” recorda les eles de dut l mond i trueps sforc che ales à messù fé per ruvé pro si derc tla vita privata, soziala, politica y economica. La parité de chances y la valivanza de derc anter el y ela ne é enfin encuei (2003) te trueps setours dla vita soziala nia ciamò arjonta. Les eles adora perchel inant l “Di dl’ela“. Al dess ester n segnal per l impegn per eliminé les formes desvalives de descriminazion y de sotmiscion che se manifesteia tres endò.


metù ite da noeles ai 07 March 2003 da les 17:57:53 (768 liet)
(liej inant... | 1720 letres | 1 comentars | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.389 seconc