benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Prejentazion de does publicazions nueves
Cultura

 

"Breve storia della lingua e della letteratura ladina"  de W. Belardi y "Plurilinguismo e Scuola Ladina" de R. Verra

En mercui, ai 2 de auril, da les 17.00 végnel metù a jì a Persenon tla Faculté de Scienzes dla Formazion (str. Dante 4) la manifestazion "Lingua e società nell’area ladina", olache al vegnirà prejenté les does publicazions "Breve storia della lingua e della letteratura ladina" de Walter Belardi, 2a edizion, y "Plurilinguismo e Scuola Ladina" de Roland Verra. Belardi se à dai agn 50 dl secul passé interessé de chestions che reverda l lingaz y la cultura dla popolazion ladina entourn l Sela y à ence tout posizion sun l ladin standard ultimamenter.


metù ite da feir ai 31 March 2003 da les 13:59:29 (906 liet)
(liej inant... | 4090 letres | 5 comentars | ponc: )


Plan nuef d'azion dla Comiscion europea per i lingac
Cultura

 

Plu rie da giaté scioldi da Bruxelles per i lingac de mendranza

La Comiscion europea, Direzion Generala Educazion & Cultura (DG E&C), é tl laoré fora n Plan de azion che dess abiné adum te n medem program does ativités che fina sen vegniva tratedes te doi programs desvalifs :


metù ite da feir ai 31 March 2003 da les 11:48:28 (864 liet)
(liej inant... | 2846 letres | comentars? | ponc: )


Rumantsch Grischun sen ence tles scoles dla Val Müstair
Grijon

 

"Valgugn mess fé l prum vare", l standard Rumantsch vegn ensegné d'engré via tles scoles

Do l distret scolastich dla Sutselva a Andeer, à sen ence la direzion dles scoles dla Val Müstair, la valeda rumancia outa devers la Val Venuest (Südtirol) tout la dezijion de introduje l Rumantsch Grischun (RG), confrontabel con l ladin standard (LS), sciche materia de ensegnament tles scoles. Mario Gross, l president dla CRVM (Corporazion  Regionala Val Müstair): "Duc i maestri y i capicomuns fova dla minonga che sce nos volon mantegní l rumanc, spo vala demé con l RG, aja che demé con n lingaz scrit unitar pòn comuniché saurí da la Val Müstair enfin tla Surselva; 5 idioms scric endeblesc a la fin duc".


metù ite da noeles ai 30 March 2003 da les 15:38:42 (904 liet)
(liej inant... | 1264 letres | 3 comentars | ponc: )


La nomina ofiziala
Politica

 

Florian Mussner sciche candidat sun la lista Svp, ma deguna creta incondizioneda

Dantenier vender (28.03) él vegnù tout la dezijion ofiziala: Florian Mussner, atual assessour, sarà l candidat ladin sun la lista dla Svp. Enscí l'à encundé l vize-obmann Svp Pepi Dejaco en gaujion dla enduneda dl partí a Picolin. Scí a Florian Mussner con does declarazions limitatives enjontedes: sostegn a Mussner, ma chest dess valei demé 4 agn enfin a les lites dl 2008 olache al dess endò tré dant n candidat dla Val Badia y con la limitazion che n eventual assessour cherdé da foradecà do les lites da eniann dess ester un dla Svp dla Val Badia. Mussner enstes à dit a la televijion ladina de ester content dl sostegn y che al crei de avei fat n bon laour te chisc ultims 15 meisc da assessour.


metù ite da noeles ai 30 March 2003 da les 09:45:20 (823 liet)
(liej inant... | 1463 letres | 3 comentars | ponc: )


La comiscion à dé pro l regolament nuef dl Consei Provinzial
Politica

 

Raprejentant ladin ence tles comiscions legislatives - Maioranza contra na majera prejenza dl ladin a livel provinzial

Enier (28.03.03) se à abiné na comiscion aposta per porté ite na lingia de mudazions al  regolament intern dl Consei Provinzial. Nia laprò ne fova la cherdeda di assessours da defora, ajache la materia mess vegnì regoleda con lege. En cont dla composizion dles comiscions legislatives dl Consei provinzial àn finalmenter prevedù la poscibelté de lascé permez n raprejentant ladin. Degunes oredles davertes per d'autres ghiranzes depierpul.


metù ite da noeles ai 29 March 2003 da les 08:51:24 (732 liet)
(liej inant... | 977 letres | 1 comentars | ponc: )


I studenc enconta l “pere” dla medejina genetica
Scienzes

 

“Medejina genetica - vijion y prospetiva”

L’archirida genetica tol ite na posizion fodamentala tla assistenza sanitara y tla prevezion de truepes malaties. Ala é ence n investiment per l davegnì de dutes les scienzes che é te n raport tres plu strent con la medejina genetica.  Chest sarà l tema dla enconteda organiseda da l’Academia europeica de Bulsan (EURAC) per i studenc dles scoles autes de Bulsan dal titul: "Medejina genetica - vijion y prospetiva”. L convegn  vegnirà metù a jì ai 2 de auril tl auditorium dl lizeo “Salesians- Rainerum” con reladours renomés tl ciamp dl’archirida genetica internazionala sciche: Victor McKusick, professour de medejina genetica al "John Hopkins Hospital" de Baltimore, conscidré l “pere” dla medejina genetica moderna, Giovanni Romeo, dozent a la université de Bologna y Peter Pramstaller, neurologh y responsabel dl projet GenNova metù man dl 2002 pro l’EURAC.


metù ite da noeles ai 28 March 2003 da les 17:01:47 (970 liet)
(liej inant... | 1640 letres | comentars? | ponc: )


Vijita al vescul da pert dl Vizepresident dl Consei provinzial
Desvalives

 

Al zenter l event de gliejia prinzipal: la santificazion de Ojöp Freinademetz

Enier juebia, ai 27-3-2003, á l Vizepresident Carlo Willeit fat na vijita istituzionala al Vescul Wilhelm Egger. Te chesta enconteda ofiziala él vegnù rejoné sibe de argomenc de gliejia che de chestions che reverda la mendranza ladina. Per cie che reverda la realté ladina, se à l vescul demostré dret informé, al à tout ite na posizion scialdi daverta en confront di argomenc portés dant. Enscì al reconesciù l’importanza dl’adoranza dl lingaz dla oma tla liturgia y al à encorajé de elaboré i mesi nezesciars per la liturgia y l’ensegnament dla religion. L Vescul à sotlinié la nezescité de adoré ence l todesch y l talian tla liturgia y tl ensegnament. Al é ence vegnù rejoné soura l numer tres mender de prevesc. Les conseguenzes sarà da sentì tost tamben te Gherdeina che tla Val Badia. Ma al zenter dla enconteda él sté l event prinzipal de gliejia de chest ann: la santificazion dl miscionar Ojöp Freinademetz de Badia ai 5 de otober a Roma.


metù ite da noeles ai 28 March 2003 da les 14:05:25 (835 liet)
(liej inant... | 1695 letres | 2 comentars | ponc: )


Vijita ofiziala tl Bayern
Desvalives

 

L vizepresident Carlo Willeit à vijité con l Presidium dl Consei provinzial de Bulsan l Parlament y la Université dl Bayern

 

Ai 20 y 21 de merz passés à la presidenza dl Consei provinzial de Bulsan fat n viade de rapresentanza y de conescenza a Minca. La pruma destinazion dl presidium tl Bayern é steda na vijita a la université Ludwig-Maximilians, na strutura importanta, con dimenscions nia da paridlé con chela da Bulsan. L’université, fondeda dal 1472 a Ingolstadt y spo plu tert conduta a Minca, à aldidancuei plu che 40.000 studenc y é una dles maioures universités todesces.
Ala à contac con deplù universités talianes, anter l’auter con chela de Trent.
Gen toléssela su raporc ence a la université da Bulsan, conscidran l gran numer de studenc sudtiroleisc che studia lafora.


metù ite da noeles ai 27 March 2003 da les 06:35:50 (711 liet)
(liej inant... | 2263 letres | comentars? | ponc: )


Gherlandes de sunëc - Sonettenkränze
Cultura

 

La cësa editëura Studienverlag - Skarabäus nviëia ala prejentazion dl liber de poejies de Rut Bernardi

Poejies per i uedli y per la urëdles: cun si gherlandes de sunëc fej Rut Bernardi inò rundenì l sonn sterch y sot dl ladin. Sun la CD-audio, cun i sunëc liec dal'autora nstëssa, possen scuté su la bela meludia dla rujeneda ladina y nce cumpusizions urigineles de Eduard Demetz. De duc i sunëc iel unì fat na traduzion dl cuntenut tla  rujeneda tudëscia.

Na gherlanda de sunëc ie na lingia de 15 sunëc, ulache dal 2. al 14ejim sunët vën for sciche prim fersl dl sunët tëut l ultim fersl dl sunët che ti va danora. L 1. fersl dl 1. sunët ie nscila nce l ultim fersl dl 14ejim sunët. L 15ejim sunët ie l "sunët moster" (Meistersonett) che ie metù adum da duc i 1. fersli di 14 sunëc dla gherlanda, un ndo l auter.


metù ite da noeles ai 26 March 2003 da les 15:18:35 (765 liet)
(liej inant... | 4114 letres | 1 comentars | ponc: )


Ladin Dolomitan: la relazion de E.Dellago da enseira
Ladin Standard

 

"Mi ntenzion ncuei ne sarà nia chela de desbuté vel rujeneda nueva ma unicamenter chela de mustré sù i fac"

Edmund Dellago, l "espert" cherdé enseira (25.03.) da la GJ de Gherdeina per rejoné sun l ladin standard/dolomitan nes à fat avei sia relazion, olache al mancia valgunes toutes de posizion danterite, ma la gran pert é dantman. 

"Can che l jeunn obmann dla SVP de Urtijei Simon Moroder me ova prià de tenì n curt referat sul LD - LS me ovi nia aspità de giapé tan na gran lingia de comentaresc dauleimel tl Internet y tal zaita. Sce permeteis, ve ulessi ve liejer dant valguni........(ciala articul denant) Ora de doi scric metui ite da zachei de Gherdeina ven duc dala Val Badia y duc l’a groviamenter contro me. L semea che avei ideies che corespuend nia a chel che valguni pensa ie bel picià mortel. Ie ratessi mo for che s’la rujné òra fossa mo for miec che dejbuté la jent. Ne crei pona nianca che duc chei che scrij nscila se ebe mei dat ju cul LS. Ulessi nia ji ite a chel che me ven trat dant, mé tant che mi educazion adum cun mi esperienza linguistica pudessa vester ala pari de duc chei che leura per l SPELL, cun l’ecezion de professeures universiteresc, samben.


metù ite da noeles ai 26 March 2003 da les 11:23:41 (1938 liet)
(liej inant... | 10525 letres | 13 comentars | ponc: )


La fam y curiosité di joegn gherdeines
Ladin Standard

 

"La fam de informazion y dantaldut la curiosité scientifica di joegn gherdeines mess ester fora de mesura grana sce ai se tol la bria de envié  n «spezialist» dl ladin standard desche Edmund Dellago"

N comentar de Erwin Valentini

Les lites provinziales d’auton é tres plu damprò y i partic aguza les ermes. Una dles tematiches nueves de chesta proa litala é l ladin standard che tol oramai ite na posizion zentrala tla discuscion politica-culturala tla Ladina. Tles ultimes lites fova chest tema vegnù schivé dai partic «ladins» per ne slargé nia l fossel ideologich y politich tla sozieté; chesta outa ne pò plu degugn sburlé sun na pert la chestion dl ladin standard. I media, no demé chi ladins, ti fej da cassa de ressonanza y en pert atiza ence les polemiches. Dut chest fossa normal y dret positif sce la discuscion daidassa fé capì de cie che al se trata, ma l plu gonot végnel demé mené vera da posizions ideologiches stares y prefabrichedes; vera de religion, « Grabenkämpfe ».

 


metù ite da noeles ai 24 March 2003 da les 13:34:58 (1224 liet)
(liej inant... | 6148 letres | 4 comentars | ponc: )


Ladin Dolomitan / Standard
Ladin Standard

 

Tragicomedia ladina en cinch ac: "Black out" tl L Istitut Ladin Micurà de Rü y tl IPL

de Erwin Valentini

Does risses de spligazion: Chest articul fova vegnù scrit y publiché sun La USC tl 1992. Ajache la situazion da encuei someia bele avisa chela dl 1992/93 éi pensé de l republiché per fé vedei che al é tres i medems che blocheia l'adoranza dl LS. Al é gnù dit y scrit da truepes pertes che la SVP dla Val Badia ne fova y ne é nia contra l LS ma enultima él chi superladins dla Regula che fej valei y ti scriv dant sia politica antiladina a la SVP, al istitut Micurà de Rü, a la provinzia de BZ, ai Ladins.

Preambul

Tla senteda tegnuda deberieda ai 23 de setember 1988 ti ova i doi istituc ladins "Micurà de Rü" y "Majon di Fascegn" sourandé al professour Heinrich Schmid l'enciaria de laoré fora regoles per n lingaz scrit unitar sun la basa di idioms de dutes les valedes ladines. Chest projet à spo giaté l inom Ladin Dolomitan (LD), en analogia con l Rumantsch Grischun, che é ence gnù metù al mond dal prof. Schmid. L'idea de enjigné ca na koinè da gnì adoreda tles scritures publiches y ofiziales fova atira gnuda touta su con ligreza da chi che se cruzia de varentè nost lingaz y plu en general l'identité culturala dla Ladinia. Ma ajache chest ideal ne ti scusa nia a duc fòvel tost levè su oujes y critiches dantaldut te Gherdeina. Les critiches se fova defata depò tramudedes te polemiches y les polemiches te na vera contra l LD. Chesta vera é gnuda meneda con rejons o plu avisa con vertoles linguistiches-culturales (varentè l lingaz dla oma) ma é gnuda combatuda, en realté, con ermes politiches de gran caliber.

 


metù ite da noeles ai 24 March 2003 da les 13:26:31 (2991 liet)
(liej inant... | 8863 letres | 1 comentars | ponc: )


Na manifestazion dla GJ-Gherdeina
Manifestazions

 

I jeuni chier cunsei pra Edmund Dellago sun l ladin dolomitan

A la redazion ti él ruvé chest comunicat dla GJ de Gherdeina, sotescrit da Simon Moroder che reporton per entier: "La Generazion Jeuna envieia duc i jeuni de Gherdeina a na seira de nfurmazion y discuscion sun l Ladin Dolomitan. Do avei audí vel nfurmazions da pert de n espert, Edmund Dellago, uniral rujná y damandá la minonga di jeuni, cialan sce i miena chesta nueva rujneda ie de utl o no, sce i jeuni la uel, sce l fossa da pert di jeuni l nteres de la mparé o manco. Duc i jeuni ie nviei a uní a dí si minonga n merdi, 25 de merz, da mesa la nuef da seira tla Bar dl Hotel Genziana a Urtijei. La Generazion Jeuna se ncunforta de ve pudei saludé."


metù ite da noeles ai 21 March 2003 da les 14:32:02 (1171 liet)
(liej inant... | 1897 letres | 9 comentars | ponc: )


L dilema dla Svp Ladina, les lites dl 1993 y dl 1998
Politica

 

Les oujes di ladins a la Svp é judes a ben de n todesch, l candidat ladin é ju fora a vuet

La campagna litala à metù man y anter la jent él tres deplù curiosité de savei ence coche al funzioneia l sistem lital te Sudtirol, ciuldí che l candidat ladin dla Svp é tomé tres, depierpul che la lista LADINS ti l'à fata. L nasce dla Lista Ladins à sciuré la Svp ladina te na crisa, doi iadesc é sie candidat ju fora a vuet, condut che al essa giaté la maioranza dles oujes ti comuns ladins dla provinzia da Bulsan. La reazion é atira steda chela de ti dé "na colpa" a la Lista Ladins, ti tolan legitimazion empede chirì l problem tla Svp enstessa, ajache ilò stal, sce an ti ciala plu damprò a les zifres. Sun la lista Svp va tradizionalmenter 1 n candidat ladin che vegn prelité anter i grups Svp dles valedes da pert di scric ite al partì, dret na picera mendranza di litadours ladins. Chest candidat ti vegn metù dant a la jent che l dessessa spo lité. Doi candidac ne fossel nia poscibel, davia che ai se tolessa un con l auter les oujes de preferenza, passa 9000 nen val debujegn per l ultim post. Ma chi se à pa tout les oujes di ladins dedes a la Svp? Valgunes zifres. Sun la foto: l ultim candidat dla Svp tomé tres, Werner Stuflesser. Degun candidat todesch ne à renunzié per el.


metù ite da noeles ai 18 March 2003 da les 20:58:48 (804 liet)
(liej inant... | 5756 letres | 1 comentars | ponc: )


Concurs dl comun da Ciampedel
Cultura

 

"Les mondures y l guant da zacan dla jent ladina" - pesc’ per 2.200 euros

Chest é l inom dl concurs a pesc’ de pitura y dessegn scrit fora dal Comun de Ciampedel che vuel promueve, tres les tecniches desvalives la conescenza y la enrescida dles desferentes mondures tradizionales en doura pro i abitanc dles valedes ladines. Chest concurs, resservé a les scoles y ai zitadins dles valedes de Fascia, Gherdeina, Badia, Fodom y Ampez, volessa abiné adum na racoiuda de operes interessantes da mete fora te na mostra permanenta, ti locai dla Ciasa de Comun de Ciampedel. Dut chest al fin de porté pro al arichiment dla produzion artistica ispireda a referimenc storics-culturai significatifs dla popolazion ladina. Al pò tò pert al concurs i scolés dles scoles elementares, mesanes, autes, di istituc o dles scoles d’ert y duc i zitadins dles cinch vals ladines che à complì 18 agn.


metù ite da noeles ai 17 March 2003 da les 18:56:13 (739 liet)
(liej inant... | 2019 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.375 seconc