benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

FUEV: organisazion per mendranzes logheneia i ladins
Politica

La FUEV logheneia l'esistenza di ladins

Pro les mendranzes enviedes al turnoi de juech al palé ti Grijons figureiel endere na "mendranza sudtiroleisa" che ne esisteia nience  

La Lia per popui manacés tol su con marevueia che la organisazion de mendranzes FUEV (Federazion mendranzes europeanes) ignoreia y logheneia la esistenza di ladins. Tres chest desmòstrela de se comporté te na mainiera da se daudé per na organisazion che se tol dant de raprejenté enteresc de mendranzes. La FUEV endrezeia via - tres l aiut dla Lia Rumancia - n tournoi de juech al palon "Europeada" (www.europeada2008.net). Chest é bon y dret, ajache i stac nazionai y sies formazions sportives ignoreia de regola la varieté culturala. Ma sun chest troi varieia ence la FUEV. Pro les mendranzes enviedes al tournoi y sun la cherta figureielel na "mendranza sudtiroleisa".

 


metù ite da noeles ai 25 February 2008 da les 21:51:31 (838 liet)
(liej inant... | 2965 letres | 5 comentars | ponc: )


La lege sun les mendranzes nueva tl Trentin
Politica

La lege nueva sun les mendranzes tl Trentin

La relazion dl conseier a les mendranzes dr. Luigi Chiocchetti en cont dles desposizions nueves 

Image Hosting by PictureTrail.comEn vender, ai 8 de fauré à la Jonta provinziala aprové n dessegn de lege su les mendranzes linguistiches dl Trentin; na proposta de lege che vegnirà metuda tla programazion di laours dl Consei provinzial de chisc ultims meisc de legislatura. Al se trata de n dessegn de lege frut de n grup de laour metù su aldò, componù da raprejentanc dles trei mendranzes linguistiches che viv sun l teritore dla Provinzia Autonoma de Trent extra che dal sotescrit y da funzionars dl servisc per les mendranzes linguistiches dla provinzia daidés a livel tecnich da esperc.

 


metù ite da noeles ai 22 February 2008 da les 18:59:00 (640 liet)
(liej inant... | 18727 letres | comentars? | ponc: )


La ultima stoleda de Prodi: la lege sun l furlan vegn empugneda
Friul

La ultima stoleda de Prodi

La lege regionala n. 29/2007 sun la promozion dl furlan é vegnuda empugneda dal Govern dant a la Court de Costituzion 

Image Hosting by PictureTrail.comL govern Prodi, redont dant la dé su, à ciamò abù la forza de empugné dant a la Court Costituzionala la lege dla region Friul-Venezia-Giulia n. 29/07 sun la sconanza, promozion y doura dl lingaz furlan. La dezijion é tomeda ai 14 de fauré tl Consei di Ministri sun proposta dla ministra ai afars regionai, la calabreisa Lidia Lanzillotta. Trei les motivazions a la basa dla empugnazion: la poscibelté de adoré la toponomastica demé per furlan, la chestion dl "dissens informé" tla introduzion dl ensegnament a scola (vuel dì chi che ne vuel nia tò pert al ensegnament facoltatif, mess s'en desdì) y la poscibelté de promueve l lingaz furlan ence fora di confins regionai (p.ej. tles comunités de furlans emigrés). Chesta azion dl govern Prodi à fat bendebot de splunder tl Friul che ova aprové la lege a maioranza. L president dla region Friul-Venezia-Giulia, Riccardo Illy, à bele dit che al é na desfronteda nia da creie envers les facoltés legilatives dla region y à ghiré che Prodi tire atira zeruch la empugnazion. Te vigni caje ne tirarà l consei regional nia zeruch la lege. A la lum de chesta azion dl govern Prodi deventa ence l memorandum che ti fova vegnù sourandé da la Generela y dai Amisc dla Ladinia nia auter che paroles al vent. Chest fat desmostra che ence da pert di politics de zenter-man ciancia ne él deguna sesibelté te chestions de mendranzes.

 


metù ite da noeles ai 18 February 2008 da les 21:11:28 (694 liet)
(liej inant... | 7077 letres | 1 comentars | ponc: )


Union di Ladins de Gherdeina: plan 2008
Gherdeina

2008: endò n ann plen de ativités

N rich program de manifestazions y de publicazions per l 2008 - Da d'auton vela dl consei nuef 

L consei de aministrazion dla Union di Ladins de Gherdeina à tles prumes edemes dl ann 2008 tegnù deplù sentedes. La motivazion dles truepes encontedes é l gran laour da mete ju apontin l program de ativité per dut l ann, ma dantaldut ence per les chestions de gestion dla cesa enstessa. Al é vegnù scomencé l ann con de gran energies y truepes de bones idees. Samben él ence vegnù rejoné dl referendum di vejins ladins fodoms y ampezans. An cialarà  a dutes les manieres de sostegnì y renforzé  la reunificazion di ladins dles cinch valedes.

L president en ciaria, Egon Vinatzer.


metù ite da noeles ai 15 February 2008 da les 21:51:03 (725 liet)
(liej inant... | 6068 letres | comentars? | ponc: )


L film sun André Hofer, sen tla tv-ladina
Politica

André Hofer, la liberté dl variuel

Doplaje tl lingaz ladin dla fiction todescia "Andreas Hofer - die Freiheit des Adlers" 

Image Hosting by PictureTrail.comEn juebia ai 14 de fauré y en juebia ai 21 de fauré mostrarà la RAI TV Ladina, tla trasmiscion da les 20.30 l film "André Hofer - la liberté dl variuel". Enscì se clama la verjion ladina dl film "Andreas Hofer - die Freiheit des Adlers", film nasciù sot a la regia de Xaver Schwarzenberger, con Tobias Moretti desche atour prinzipal, jobelné aladò dl test de Felix Mitterer.

 


metù ite da noeles ai 08 February 2008 da les 21:36:35 (833 liet)
(liej inant... | 2630 letres | 1 comentars | ponc: )


Jolantin te 10.000 copies per splighé l referendum
Politica

10.000 jolantins per splighé les rejons dl referendum

Chisc dis végnel partì fora te dutes les assoziazions turistiches y dai ostiers dla Ladinia n jolantin firmé dai doi comités promotours

Per sensibilisé l'opinion publica  taliana, che conesc dret puech la chestion ladina, peia via chisc dis na ofensiva de informazionn con n jolantin che ti spliga en curt y en cler ai sciors talians les motivazions dl referendum ladin di 28-29 de otober che fova sté coroné da n suzes de entourn al 80% per l passaje di trei comuns da souramont a la region Trentin-Sudtirol.  L jolantin é firmé da Marco Pizzinini (Amisc dla Ladinia Unida)  y da Siro Bigontina (comité per la reunificazion dla Ladinia da souramont).

 


metù ite da noeles ai 05 February 2008 da les 21:06:35 (700 liet)
(liej inant... | 2784 letres | comentars? | ponc: )


Cursc universitars, daverc a duc i interessés
Cultura

Marketing cultural y lingaz de mendranza

Cursc a la université, sezion ladina a Persenon: lingaz y marcé, lijendes ladines anter tradizion y reelaborazions

Ence tl semester da d’isté 2008 pieta la Repartizion Ladina dla Facolté de Scienzes dla Formazion dla Université Ledia da Bulsan cursc opzionai, che pò vegnì frecuentés da interessés desche “student ghest”. Ai ensegnanc ladins  pò i cursc ti vegnì reconescius desche ativité de formazion.

 


metù ite da noeles ai 05 February 2008 da les 19:25:37 (679 liet)
(liej inant... | 7743 letres | comentars? | ponc: )


MP Ladins: devers les lites 2008
Politica

Les proscimes edemes sarà dezijives

Al vegn chirì i candidac da jì sun lista - Chesta ocajion, enscì MP Ladins ne pòn nia se arjumé via

Ai 30 de jené se à abiné a San Martin de Tor na bela cumpeida de persones, na sort de consei deslarié dl Moviment Politich LADINS, per ejaminé la prejentazion de na lista pro les lites provinziales 2008. La situazion ne é nia saurida, ajache da 4 agn ne à l MP Ladins nia plu n raprejentant tl consei provinzial de Bulsan per ti dé al moviment la visibelté che jissa de uega te chest temp zite per mete en pe na lista con de bogn candidac.


metù ite da noeles ai 04 February 2008 da les 20:39:51 (580 liet)
(liej inant... | 1843 letres | comentars? | ponc: )


Envit a reunion dla Lista Ladins
Politica ghest scriv "Encontedes  Encontedes
Data dla manifestazion: , 30. Jené 2008  Scomenciament: 20:00h
Data finala: , 30. Jené 2008  Fin: 22:00h

Envit a la reunion dla Lista Ladins, en mercui ai 30 de jené, da les 20,00, a S. Martin tl local dla Cassa Raiffeisen 1) Salut 2) Dr. Carlo Willeit: La politica autonoma dla Lista Ladins y la volenté de se prejenté con de bones prospetives a les lites provinziales 2008 3) Propostes y idees per les lites provinziales 2008 4) Desvalives I seis duc/dutes dret bel enviés/edes de tò pert a chesta senteda emportanta, per chirì deberieda idees, propostes, candidac, colaboratours/res che deida s’ enjigné ca ben les lites provinziales 2008."

metù ite da noeles ai 28 January 2008 da les 21:17:53 (647 liet)
(comentars? | ponc: )


Lia per i popui manacés: lege litala, deguna valivanza
Politica

Na lege litala messessa garantì les rejons dles mendranzes

Ofizial, fosch sun blanch: can ch'ala va dles rejons dla mendranza ladina, ne vuel l partí de maioranza respeté nience les rejons scrites dant da la costituzion

L govern de Romano Prodi é tomé - per l desplajei de trueps che se ova aodé per la Talia n govern dla toleranza zivila. Les previjions va dl vers de lites temporives. Tla discuscion sun la situazion politica atuala, ma ence bele tles discuscions denant á la SVP tres endò dit che la lege litala ne pò nia avei n lim lital per les mendranzes. N lim lital, enscì la SVP, ti fajessa tort a les mendranzes, davia che les mendranzes ne podessa te chest caje nia ruvé tl parlament con partis autonoms.


metù ite da noeles ai 28 January 2008 da les 17:51:28 (742 liet)
(liej inant... | 5897 letres | comentars? | ponc: )


N valgunes reflescions sun la situazion ladina encuei
Politica

Ester ladins encuei, resté ladins doman

L Comité per l referendum y i Amisc dla Ladinia unida à dé n ejempl de dut cie che se lascia dut fé sce an à la bona volonté

de Erwin Valentini

Chisc pensiers é nascius ti scutan pro a n grup de joegn che se la ciacolova via do na meisa te ostaria: "Chi sonse pa, cie sonse pa, cie sentonse pa, cie volonse, co vivonse pa nost ester ladins?" Chisc fova i temes dla ciacoleda, chestions nia nueves ma fondamentales che reverda duc i ladins, tamben sciche persona che sciche comunité. La resposta ne é nia scempla, ma duc, y dantaldut la politica, é enviés a pensé soura, fé propostes y chirì soluzions. Chestes righes (y les reflescions contegnudes te n articul dal medem titul scrit dant da plu de vint agn) vuel ester n envit y na a sburla a se mueve; i speron che d’autri lasce audì sia minonga per mete enscì a jì na discuscion plu ampla sun la ”raison d’être” de nos ladins.


metù ite da noeles ai 20 January 2008 da les 18:30:15 (935 liet)
(liej inant... | 19567 letres | 2 comentars | ponc: )


Les paroeles y parolates dl ann 2007
Desvalives

Les paroles dl ann: unité ladina, Mandatsbeschraenkung, Casa Clima

Les parolates depierpul: ledeza de beive, Dolomites cineises, Vertragsurbanistik

Al é l terz iade, che al é vegnù lité la parola y la parolata dl ann te Südtirol ti trei lingac todesch, talian y ladin. La partezipazion di todesc é steda, sciche vigni ann, dret grana, ma chest ann él ence vegnù mané ite cotant de paroles y parolates ladines. Demé per l talian é la partezipazion ence chest iade steda scialdi megra.


metù ite da noeles ai 18 January 2008 da les 19:03:57 (751 liet)
(liej inant... | 4095 letres | comentars? | ponc: )


Di dles portes davertes tl museo ladin de Fascia
Fascia

L museo ladin deura les portes

Tl cheder dla manifestazion nazionala metuda aldò dla convenzion dla UNESCO

En domenia, ai 20 de jené, tol pert l museum ladin de Fascia a la manifestazion nazionala "Portes davertes a les tradizions talianes" tres na daurida straordinara di salfs espositifs da les 15.00 a les 19.00. La iniziativa é vegnuda envieda via dal Minister ai Bens y a les Ativités culturales per valorisé la conescenza dles truepes tradizions aldò dla convenzion dla UNESCO per la sconanza dl patrimone cultural nia-material.


metù ite da noeles ai 17 January 2008 da les 18:06:24 (662 liet)
(liej inant... | 1935 letres | comentars? | ponc: )


Les ghiranzes sourandedes a Prodi
Politica

L document sourandé a Prodi

I ladins da souramont podarà vegnì salvés, sce an i tira fora dal palù dl Venet - L document original che ti é vegnù sourandé dai Amisc dla Ladinia a Prodi

Illustrissimo Presidente Romano Prodi, nella speranza di trovare in Lei un convinto fautore dei diritti delle minoranze storiche e soprattutto delle legittime richieste dei tre comuni ladini storici di Col/Colle S. Lucia, Anpezo/Cortina d’Ampezzo e Fodom/Livinallongo, poniamo alla Sua attenzione gli obiettivi che ci siamo preposti di realizzare per garantire una salda tutela della minoranza ladina. Dopo che tali richieste furono disattese per un lungo periodo di 90 anni, i tre comuni in data 28-29 ottobre 2007 hanno espresso con voto plebiscitario la propria volontà di staccarsi dalla regione Veneto per ricongiungersi ai ladini della Regione Trentino-Alto Adige/Südtirol, alla quale si sentono appartenenti per sentimento e identità storico-culturale.

metù ite da noeles ai 05 January 2008 da les 21:51:46 (1086 liet)
(liej inant... | 7006 letres | 6 comentars | ponc: )


Cianacei: enaudazion dla ciasa dla cultura
Fascia

Na ciasa de viere olàche i creps se spiedla

Cianacei à sen na ciasa dla cultura con ben 4 salfs per teater, chino, mujiga y encontedes

Te Fascia y dantaldut tl'auta Fascia a Cianacei y Ciampedel él sté n meis de dezember rich de abinedes, de manifestazions, de prejentazions de libri y auter che ti à dé na merscia a la vita soziala y culturala. Do la bela prejentazion di libri a Ciampedel tl cheder di 50 agn de recostituzion dl Comun y do la recordanza di 70 agn da la gran levina del Sas Becé a Cianacei en vender domesdì gran enaudazion dl nuef Kino Marmoleda.


metù ite da noeles ai 24 December 2007 da les 18:35:53 (818 liet)
(liej inant... | 2904 letres | comentars? | ponc: )


1679 articui (112 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.402 seconc