benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Noeles.net - Informazion ladina: Scola

Chirí te chest tema:   
[ Endò a la pruma plata | Cernede n tema nuef ]

La Generela tol posizion sun les esternazions de Konrad Piazza
Scola

Les paroles de Konrad Piazza: fauzes y tendenziouses

Per Piazza fova les unions di ladins "demé n fatour de desturb"pro les tratatives sun la scola a la fin di agn '40 - Touta de posizion dla Generela tres sie vize, Marco Pizzinini

Ai 23 de messel él vegnù fora sun la "Tageszeitung", foliet dal dì todesch te Sudtirol, n articul te chel che l vedl ombolt de Urtijei, Konrad Piazza, se tol a dì publicamenter che entratant les discuscions sun cie model de scola introduje tles valedes ladines ti agn do la vera fova les unions di ladins "demé n fatour de desturb". Sun chesta esternazion tol sen ofizialmenter posizion Marco Pizzinini te sia enciaria da vize-president dla Union Generela. Al definesc les paroles de Piazza  fauzes y tendenziouses. Sun l svilup dla scola ladina à l Ofize scola y cultura ladina dla provinzia de Bulsan dé fora n liber "Aspec storics dla scola ladina te Sudtirol". La fontana plu reguda é endere zenzauter l liber "Ein Leben und eine Schule/Una vita, una scuola" dl vedl intendent Franz Vittur che à vivù tres de persona dutes les entravegnudes entourn a la scola ladina. Marco Pizzinini, vize-president dla Generela.


metù ite da noeles ai 27 July 2009 da les 15:44:00 (686 liet)
(liej inant... | 4614 letres | comentars? | ponc: )


Consei de comun de Urtijei: no a la mozion sun la doura dl lingaz ladin
Scola

Les comunicazions de scola: a Urtijei se féjen ert da reconesce l ladin

La direzion didatica de Urtijei ne se tegn nia al trilinguism, ma met dantaldut l todesch dantcà - Mozion di Ladins te consei

Denant che pié via a scola à la direzion scolastica de Urtijei mané fora deplù comunicazions, ma dagnora demé bilinghes, per todesch y talian, condut che al se trata de na scola "dles valedes ladines" che é perauter - sciche istituzion publica - ence tegnuda al trilinguism desche vedù dantfora da la lege n. 574/88, art. 32 y dal statut de autonomia che à istituì la "scola di luesc ladins". A Urtijei ne él nia la pruma outa che chest suzed. I conseiers dla lista Ladins te comun à perchel porté ite te consei na mozion per spenje ofizialmenter la direzion didatica da adoré y respeté dlongia l todesch y l talian ence l ladin. La mozion é vegnuda trateda te consei de comun ai 24 de setember. Ma ciala medré: la maioranza dl consei se à destanzié da la mozion, ence l diretour dl Istitut ladin Micurà de Ru y assessour comunal Leander Moroder con de vigni sort de vertoles. L consei de comun y la Intendenza ladina se lava les mans.

 


metù ite da noeles ai 08 October 2008 da les 17:27:47 (657 liet)
(liej inant... | 8471 letres | comentars? | ponc: )


RAI Ladina - trasmiscion sun la scola
Scola

 

Scola daverta: raport genitours y scola

Ai 12 de auril 2007 da les 20,30 a la TV-ladina - Trasmiscion metuda adum da Monica Deiaco-Graefe 

La Rai Ladina lascia vedei en juebia, ai 12 d’auril, da les 20:30, la trasmiscion “Di de scola” dedicheda al raport anter genitours y scola y a la scolina de San Ciascian, olache maestres y mutons laora da agn bele aladò dl ensegnament davert, anter l’auter ence con material “Montessori”.


metù ite da noeles ai 05 April 2007 da les 20:08:22 (945 liet)
(liej inant... | 2605 letres | comentars? | ponc: )


Viade ti Grijons
Scola

 

Viade ti Grijons per conesce les istituzions rumances

Al à tout pert les studentes dla facolté de scienzes dla educazion da Persenon

La senta dla facolté universitara per les scienzes dla educazion de Persenon à endrezé via l'edema passeda n viade ti Grijons. 19 mutans che studieia a Persenon é vegnudes acompagnedes dal dr Theodor Rifesser, member dl Consei dla Université de Bulsan, deberieda con l professour de chesta facolté, Paul Videsott. L viade é vedù dantfora vigni 4 agn, à dit Rifesser, per conesce les desvalives istituzions y organisazions rumances y avei spo na idea dl lingaz rumanc. L viade à condut enfin a Mustér tla Surselva con sia gran claustra beneditina.


metù ite da noeles ai 02 November 2006 da les 18:31:26 (922 liet)
(liej inant... | 3252 letres | comentars? | ponc: )


L senn dla SVP al ladin te scola dal 1945 a encuei
Scola

 

Empede encorajé na "scola ladina" à la SVP tresfora laoré decontra

La proposta de ombolc y di plovans dl 1945 a Picolin, na scola paritetica ladina-taliana-todescia - La SVP volova sciuré fora deplen l ladin da la scola

Degugn ne à valch da rebate che per l mantegniment de sia cultura y per se svilupé inant adora les mendranzes linguistiches n sie sistem scolasich. La storia dl sistem scolastich dla mendra mendranza tla provinzia de Bulsan, chela ladina, vegn descrita  sen te na publicazion nueva. L liber dè fora dal ofize per la cultura y scola Ladina gnirà prejenté en venders, 29. de setember 2006, a La Pli de Mareo.
Atira do l fascism él gnù prové ciamò n iade de assimilé la mendranza ladina tres na scola te n lingaz forest. An à prové a ries de introduje tles valedes ladines de Sudtirol na scola todescia y enfin a encuei él dutaorela valch tentatifs. Do l temp fascist, dl 1945, vedòven finalmenter na bona poscibelté de mete man da nuef ence per cie che reverda la scola. Ai 23 de agost dl 1945 se àl abiné a Picolin i ombolc y i plovans de duta la valeda per rejoné dla scola da mete a jì da d'auton dl medem ann. 


metù ite da noeles ai 22 September 2006 da les 19:26:00 (910 liet)
(liej inant... | 10538 letres | comentars? | ponc: )


L term scola ladina prova da ascone via l tentatif de assimilisazion
Scola

 

La "scola ladina" ne esisteia nia

y ala ne é nience n ejempl o n model - La propaganda falsificheia ence fac fosch sun blanch

"La scola ladina" àn endò podù audì te chisc dis. La scola ladina dess ester n model.  Che al é n model, vedù che l lingaz dla oma n'é tant che nia prejent, é la pruma baujia. Fossa la SVP contenta con una o does ores de todesch te scola? Mai. I talians? Mai. Dutes les mendranzes dl mond, dutes les comunités de lingaz se damana la rejon de n ensegnament adegué dl lingaz dla oma. Y una o does ores a l'edema n'é nia adegué. Chel mostra ence l fat che l ladin vegn rejoné (y scrit) dret mel da dret trueps.  Al é n fat documenté che la SVP vuel abelì. "Wegreden", díjen per todesch. Ma i fac resta, fosch sun blanch, o ence acusticamenter.

Sie inom dret inom é "scuola delle località ladine/Schule der ladinischen Ortschaften/scola dles localités ladines" o "scola paritetica taliana-todescia".


metù ite da noeles ai 15 September 2006 da les 07:02:23 (1024 liet)
(liej inant... | 5725 letres | 2 comentars | ponc: )


L Di dla scola ladina a scomencé l ann
Scola

 

Endò n auter ann de scola, fosc con n pue de trica

"Co se sté saurí te scola" fova l tema

En sabeda, ai 8 de setember, él gnú tegnú via a Selva l tradizional “Dí dla scola ladina”. Ti ultims agn fova l’interes plulere sposté sun i lingac y sun la interdisciplinarité. Tl ann de scola 2006/07 ti végnel dediché la majera atenzion al se stè saurì te scola; n sté saurì che dess revardé duc chi che auda te chest mond, ma souradut samben i scolés.


metù ite da noeles ai 14 September 2006 da les 23:48:30 (863 liet)
(liej inant... | 3547 letres | comentars? | ponc: )


L ensegnament dl ladin te scola
Scola

 

Canche la assimilisazion y l razism dà dant la direzion

Valorisazion de n lingaz de mendranza: l ejempl di Cree tl Quebéc/Canada

de Mateo Taibon
 
Degun lingaz de chest mond ne ciafia da souravive zenza n ensegnament adegué tles scoles. Y ensegnament adegué vuel dessegur dì plu de una o does ores a l'edema. Dant da 100 agn bastòvel per la souravivenza dl lingaz - poester - che l lingaz gnissa rejoné tla vita da vigni di. Basté per l souravive, ma nia per l'adoranza tl'aministrazion, nia per na doura leterara, nia per n prestige giust ence dl lingaz.
Na scolera tla scola de Chisasibi, paisc di indians Cree.

 

 


metù ite da noeles ai 26 February 2006 da les 18:28:00 (1224 liet)
(liej inant... | 7206 letres | comentars? | ponc: )


Stieres ledies tl ann de scola 2005/2006
Scola

 

Al vegn partí su les stieres ledies da ensegné

Ai 11 de agost 2005 da les 9.00 inant végneles assegnedes tla Intendenza ladina 

L’Intendenza ladina lascia al savei che l termin per scluje ju i contrac de laour nia a termen (rode) y per l’assegnazion di posć ledesc sun la basa di concursc y dla graduatoria permanenta toma ai 11 de aost 2005 da les 9.00 inant tla Intendenza Ladina, Bindergasse 29, a Bulsan.


metù ite da noeles ai 28 July 2005 da les 08:22:33 (1071 liet)
(liej inant... | 2136 letres | comentars? | ponc: )


Seires de informazion per genitours sun la reforma dla scola
Scola


La scola ladina y la reforma scolastica

Les novités plu emportantes: les materies opzionales, l ingleis tla cuarta y cuinta elementara

Ai 4 d’auril 2005 él vegnù metù a jì dal comité provinzial ladin di genitours a Urtijei tla Aula Magna dla Scola Elementara y ai 5 d'auril 2005 tl gran salf dla Scola Mesana a La Ila seires de informazion sun la reforma dla scola per genitours.

metù ite da noeles ai 09 April 2005 da les 10:35:51 (946 liet)
(liej inant... | 3237 letres | comentars? | ponc: )


Scola y didatica
Scola


La confrontazion linguistica pò ester na massaria d'utl

I prums resultac de na gramatica contrastiva é sun meisa - Autours i professours dr. Heidi Siller Runggaldier, dr. Horst Sitta y dr. Peter Gallmann

de dr. Giovanni Mischí

Olache scolés y studenc vegn tla realté da vigni dì confrontés con deplù lingac, él da osservé ch'ai é dassen tentés da emparé l lingaz forest (chilò da nos dantaldut l todesch y l talian) sun la basa dles regoles dl lingaz dla oma, dl ladin. Te chest prozes végnel per gauja de desvalivanzes struturales sovenz a se crié interferenzes, da cheles ch'al resulteia spo les tipologies de fai plu desvalives.

I trei autours dla gramatica contrastiva, prof. Heidi Siller-Runggaldier (Université da Dispruch), prof. Horst Sitta (Université de Turic/Zurich) y prof. Peter Gallmann (Université de Jena) en ocajion dla prejentazion di prums elaborac.


metù ite da noeles ai 16 March 2005 da les 13:00:15 (1101 liet)
(liej inant... | 4325 letres | 1 comentars | ponc: )


Reforma dla scola: an peia via tl ann de scola 2005/2006
Scola


L ingleis ruva tles elementares

Les ores de ensegnament vegn partides ite te materies basiches, materies opzionales oblientes y materies opzionales

 La "scola ladina" se deura con l ann de scola 2005/2006 a la reforma scolastica. Ai 7 de merz 2005 à la Jonta provinziala deliberé desche la reforma dla scola dess vegní concretiseda. Ence tles scoles ladines vegnirál sperimenté l ensegnament individualisé con materies basiches, materies opzionales oblientes y materies opzionales, l sostegn individualisé tl emparé tres n tutour y ence l portfolio desche strument de valutazion.
 

metù ite da noeles ai 08 March 2005 da les 09:13:12 (932 liet)
(liej inant... | 2931 letres | 3 comentars | ponc: )


Da l’Intendenza Ladina: calender di ejams
Scola


L calender provisore per i ejams é sen dant man
 

I prums ejams bele ai 22 y 23 de fauré

Tl’Intendenza ladina él sen dant man l calender provisore per i ejams de concurs dles ensegnantes y di ensegnanc dles scoles ladines. “La maioura pert di ejams scric sarà ti dis entourn les festes da Pasca” à dit l ispetour dla scola ladina Lois Ellecosta. Doi ejams vegnirà bele tegnus a la fin de fauré, y plu avisa “Fotografia y grafica publizitara” y “Pitura”.


metù ite da noeles ai 10 February 2005 da les 18:11:58 (829 liet)
(liej inant... | 1510 letres | comentars? | ponc: )


Da l’Intendenza ladina
Scola


Concurs per ensegnantes y ensegnanc dles scoles ladines met man de merz 2005

Per plu de 100 ensegnanc dles scoles ladines se tràtela segn d'emparé per i ejams. De merz 2005 metarà man i prums ejams scric dl concurs ordinar per ensegnanc dles scoles elementares, mesanes y autes.

Lois EllecostaA la fin de merz 2005 scomenciaràl i ejams scric per i ensegnanc che tol pert al concurs per la scola elementara ladina. Endut tolaràl pert ai ejams 65 ensegnanc, de chisc 40 dla Val Badia y 25 de Gherdeina. "I ejams vegnirà tegnus per vigni classa de concurs y chest vuel samben dì bendebot de sforz per l'Intendenza. Per nostes comiscions d'ejam messonse cherdé ite comembri dles comiscions d'ejam de concurs todesces. Per chesta rejon él i ejams per les scoles ladines ence n pu plu tert respet a chi dles scoles todesces," à splighé l Ispetour Ellecosta Lois. 


metù ite da noeles ai 28 November 2004 da les 10:32:09 (1169 liet)
(liej inant... | 2281 letres | comentars? | ponc: )


Daurida dla mostra “Ciala…na storia”
Scola


L projet “Ciala…na storia” ence ta Fodom

Projet interladin per fé conesce les lijendes ladines ai mutons

Ciala na storia ta FodomAla é ruveda ence ta Fodom la mostra di laours di tosac de scola che à tout pert al projet “Ciala…na storia”, envieda via da l’Intendenza per la scola ladina dla Provinzia de Bulsan. Al se trata de n tentatif de arvejiné i tosac a conesce les liejendes ladines, y tl medem temp de stimolé la creativité y la capazité de les reelaboré ence te na forma grafica.


metù ite da noeles ai 07 October 2004 da les 08:15:08 (1203 liet)
(liej inant... | 2016 letres | comentars? | ponc: )


32 articui (3 plates, 15 sun vigni plata)
[ 1 | 2 | 3 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.285 seconc