|
|  |
|
Fodom: i abitanc de Vijinè de Là i è restei sarei
|
|
Dé na mán a chësta ala popolazion che passarà n invièrn coscita difizile - La Union di Ladins abina adum scioldi per daidè
de Lorenzo Soratroi
L’Union dei Ladins da Fodom l’à pensé de mëte a ji na scomenciadiva de solidarieté per chi del Vijiné de Là che i é restèi sarèi, davòche le ultime ploie de novembre, le i à porté via la strada.
Se trata de na sotscrizion per trè su n aiut a chële diesc persone che sto invièrn i avarà problems e speise mplù a tignì i colegamenc col rest de la val. Coche duc recordarà, puoch soura Molinat de Retic, n tòch de strada l é sboé jù e defàt i colegamenc col Vijiné de Là i s’à saré per i meśi a motor.
|
|
Noeles.net: lumes y ombries
|
|
E. Valentini scriv "... ma l sit à ence valch ombria
de Erwin Valentini
La redazion de noeles.net à trat n prum bilanz dla vijitazion dl sit y an pò lieje anter les righes che ala é dret contenta con l resultat arjont. Ie ne sè nia sce 4000 vijites te 2 meisc é truep o puech ma la creazion dl sit noeles.net è dessegur n event emportant ajache al é na forma originala de dè y giaté informazions visavis di canai tradizionai, stampa y radio y televijion. N saut cuantitatif y cualitatif, donca, tl mond dl'informazion ladin. "
|
|
De gré ai colaboradours y Bon Ann - Da jené inant ence chat
 L sit nuef Noeles.net complesc defata i 2 meisc de vita y an po tré n prum pice bilanz valutan l numer de vijites che l sit à abù enchina sen, en dut za. 4000 con na mesana de 70 vijitadours al dì. Scialdi gonot él vegnù anuzé l forum per ortié messajes. Dret animedes é - co podoven pa se aspeté autramenter - les discuscions entourn tematiches politiches.
|
|
Na atraziun nöia sön Börz/Antermëia
|
|
Maria Canins plena de laut per pista y scenar
 A Antermëia, picera fraziun dl comun da San Martin, cun za. 300 abitanc y deplü strotöres turistiches, fôl bele da en pez che ara jô jöpert cun le turism da d'invern. I agn d'or dl '70 y '80 ê ma plü na bela recordanza inchersciora. A ponsé che le pröm implant va zoruch ai agn '60, cinamai dan Al Plan de Mareo. La gauja é stada la gran mancianza de nëi ala fin di agn '80 y problems cun i 3 implanc portamunt che condüj dal zënter dl paîsc sön Chi Jus/Munt da Tunzené. An n'â nia le möt da fà nëi. Fora dla meseria nàscel nia dainré indere ince scomenciadies nöies. Ti ultims agn àn plü y plü descurì le raiun dl ju de Börz, dötaurela nia dezipé da implanc portamunt, lascè dî sön na pert d'invern. Söl retrat: Pütia odüda da Börz. La loipa fej sü cërtli ti pres planis dessot (Sepütia).
Nota:
|
|
Provinzia da Balsan y Ampëz
|
|
Ampëz se aoda na colauraziun cun la Provinzia da Balsan y inzescü
 Na colauraziun por ti dè na soluziun ai problems che reverda trames les provinzies, la cultura y i ladins ampezans: chisc é stês i tems metüs sön mësa intratan l´incuntada tignida inier (04.12.2002) inanter le presidënt dla Junta provinziala de Balsan Luis Durnwalder y l'ombolt nü de Cortina d´Ampëz, lité chëst ann, Giacomo Giacobbi.
|
|
Comunanza a Bulsan: Scomenciadia
|
|
I ponjins, genitours ladins vuel fé matié si mutons
La iniziativa é pieda via da la Comunanza ladina: mutons ladins jia deberieda
 Na iniziativa aprijoula peia via chisc dis a Bulsan per interessament dla Comunanza Ladina clameda "I Punjins". Genitours ladins che vuel se encunté cun d'autri y che si mutons ae ence la poscibilté de rajoné ladin se anconta per l prum iade en sabeda, ai 7 de dezember, da les 10.00 a les 12.00 tl Elki Eltern-Kind-Zentrum tla streda Rauschertorgasse, 10 tl zenter a Bulsan. Al vegn lascé jughé i mutons deberieda. I gragn po ciacolé, beive cafè o te y datrai vegniràl cianté duc deberieda, genitours, mutons y tosates. La seconda encunteda é oduda dantfora ai 21 de dezember y spo regolarmenter da jené inant. I enteressés dessa tò su contat pro Mathias Stuflesser 0471 971005 o pro la Comunanza 0471 286103.
|
|
Complimenc ala redazion de www.noeles.net
|
|
indere scriv "Les persones che à davert le site www.noeles.net ne à nia ma slargé fora l'oferta de informaziuns mo ales ti à ince pité ala jënt ladina y nia ladina na plataforma de discusciun lëdia olàche vignun pò dì la süa zënza pora de gnì zensuré. Propi por chësta rajun me tëmi che le hacker che à proé de destaché la spina ne sides nia en te' mat che se devertësc a ti fà despet al prüm che al incunta tl cyber space ladin o a mostré sües capazités tecniches; iö crëie che ia de do él na oronté de mëte a scuté na usc critica y autonoma tla discusciun politica te nostes valades. Y ajache l'autonomia de pensier y de parora é la cossa che ti é plö zbidra ai raprejentanc de nostes provinzies autonomes ne me fajessi nia demorvöia sce val' hacker porvess indò de nes fà tignì la müsa. Le.web master merita nösc complimënc por ester sté bun de daurì atira le sit, y paziënza sce an à pordü en valgünes informaziuns. La resposta da pert di anuzadours dl sit pò ma ester üna: nes lasciun nia tò la parora. "
|
|
TV Ladina - La Convenziun nöia RAI-Stat
|
|
I politics: dal 2003 inant 10 menuc de telejornal
Chest trafònel da les tratatives anter Provinzia y la RAI a revert la convenzion nueva
 c.p. - Por Nadè dl proscim ann podess l'informaziun ladina ciafè na bela scincunda dala politica nazionala y provinziala sot le lëgn. Ala fin dl 2002 gnarál firmé a Roma la Convenziun nöia inanter Stat talian y aziënda RAI. Odü danfora él ince val' novité por ci che reverda la redaziun ladina dla RAI da Balsan, novitês che jarà spo en funziun por la fin dl 2003.
|
|
Articui - Manifestaziuns - Forum
|
|
Forum, scrive articui y comentars
I prums dis de proa de Noeles.net fej vedei tres plu poscibeltés
 Te chisc pröms dis de proa dl sit Noeles.net àn podü testè fora les potenzialitês de interaziuns dl sit y an mëss dì che ares é bindebò amples. Da sëgn inant po vigni anuzadù registré dè ite articui clican sön "Ortia en articul" y dè ite diretamënter en test o le copié ite a na moda che al röia, do avëi passè le control dl aministradù che ti dà le "odü" - sön la plata on-line al pröm post, deperpo che i ultims röia plan plan tl archif.
|
|
Aiut Alpin Dolomites - Zenter operatif nü
|
|
Al podarà ence vegní fat entervenc de nuet
L zenter operatif nuef vegnirà enaudé chesta aisciuda a Pontives
de Mateo Taibon
 L’Aiut Alpin Dolomites fajarà defata en gran vare y che müdarà tröp so laûr: Al gnarà inaudé da d’aisciöda le zenter opertif nü a Pontives. Atualmënter à l’elisocurs ladin süa sënta operativa sön Munt de Suc, a zirca 2000 metri. I vantaji de chësta posiziun, a pert la belëza dl paisaje che an à lassö y che dëida fà passé i tëmps d’aspeta, é che le joler é te püc minüc sön le post – parëis, pizes o ince pistes dai schi -, aladô che l’aiüt röia der debota sön le post.
Nota: articul te ladin standard
|
|
Numer nuef de ''Eres-Frauen-Donne''
|
|
200 eles sforzedes a la prostituzion sun les stredes
Al vegn chirí trois per desgatié chestes eles dal certl dla trica, tema y violenza
Te nosta provinzia iel ntëur 200 mutans y ëiles che vën dala Nigeria y dai paejes dl Ost,che ie n gran pert sfurzedes ala prostituzion. Trica, tëma y viulënza de Erica Senoner La cumiscion provinziela per la valivanza dla rejons dà ora cater iedesc al ann la zaita "Eres", ulache l vën tratei argumënc deferënc sun l'ëila.
|
|
La ''Quotidiana'' à complì i 5 agn
|
|
Ala va tres damiec do n troi lonch y sfadious
La Quotidiana, l foliet da vignidì di Ladins dla Svizra, à complì chisc dis i 5 agn. Al é vegnù metù en pé dl 1997 y l troi enfin al 2002 é sté scialdi lonch y sfadious, ma al à paié la mueia . La Quotidiana à devent les prumes dificoltés Bele ti agn 80' sentìven tl Grijon l debujegn de avei n foliet da vigni di tl lingaz rumanc, ma al á volù ester agn y discuscions longes enfin che l projet é madurì tl concret.
|
|
Tresfora on-line - Noeles ladines te internet
|
|
ghest scriv "Sen sonse da giaté ence sun internet
L'Union di Scritours Ladins Agacins che se festidieia dla redazion dla Plata Ladina sun l foliet Alto Adige, se prejenteia sen con chestes plates a si letours ence sun internet. Te chest sit saràl da giatè i articui plu emportanc y chisc vegnirà d'engré via archiviés a na moda che ai sie a desposizion tl temp sciche documentazion a n certl plu ampl. L sit giatarà na viesta nueva, pernanche i nes aron laoré ite tl ciamp dl web-design, che i aron deslié i problems tecnics y aldò dles poscibeltés che i encontaron. Zacotanc de liams n'é nia ciamò atifs. Clican sun les saites a la fin dl preambul podeise lieje les verjions completes. "
|
103 articui (7 plates, 15 sun vigni plata)
 [ 1 | 2 | 3 | 4 | 5 | 6 | 7 ] |
|
| |
|
)
)
)
)
)
)
)
)