benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Noeles.net - Informazion ladina: Persones

Chirí te chest tema:   
[ Endò a la pruma plata | Cernede n tema nuef ]

La Gliejia á n Papa nuef: Joseph Ratzinger, Benedet XVI
Persones

"Habemus Papam": Papa nuef é Joseph Ratzinger

El sourantol l inom de Benedet XVI - L prum Papa todesch dal 1523 y l 265eisem Papa di 1,1 miliards de Catolics al mond

An fova perdret enjignés a d'aspeté plu die, ma encuei, diesc menuc dant les sies da seira, é la dezijion tomeda. Do l cuart scrutine á l ciamin dla Capela Sistina fumé a blanch. L conclave (saré "con clef") de cardinai da dut l mond á lité a maioranza da sie grem l cardinal todesch Joseph Ratzinger, 78 agn, che sourantol l inom de Benedet XVI. Entratant l pontificat de Woityla òvel abú soura l'enciaria de Prefet dla Congregazion per la dotrina dla fede y Ratzinger fova sie aconsiadour plu davejin. Sourantó l inom de Benedet empede Jan Paul III, vuel dí porté inant na certa lingia. Benedet XV fova Papa entratant la pruma Vera dl Mond. Tl grem dla Gliejia auda Joseph Ratzinger pro i "conservatifs", al vegn raté desche "vardian dl dogma", dla "dreta dotrina catolica".

metù ite da noeles ai 19 April 2005 da les 19:08:51 (1029 liet)
(liej inant... | 4499 letres | comentars? | ponc: )


En recordanza de Danilo del Garber
Persones

"Che Die te l pae dassen, cent e cent mile oute"

Caro Danilo,
tu es te n jit per to ultim viac, con duta tia jent apede, strenta dintorn te e tia familia te n ciaut braciacol, símbol de chela Comunanza che fosc n’outa é stat, e che per duta la vita tu as chierí e volù. E nos sion chiò, stremii e destrametui, desche l viandant che su la sera veit se destudar una dò l’autra dute le lum che ge segnaa l troi, e l se la enfenc a jir inant, soul, te la scurenta not.


metù ite da noeles ai 16 April 2005 da les 18:20:27 (1117 liet)
(liej inant... | 4199 letres | 1 comentars | ponc: )


Gran duel per la mort de Danilo Dezulian del Garber
Persones

 

La Ladinia perd n auter gran fí

El ova metú en pé dl 1973 l grup politich "LADINS" - Sepoltura en juebia, ai 14 de auril a Pera

La Ladinia y la Val de Fascia perd n auter gran fi de sia storia: Danilo Dezulian dal Garber. Do Guido Jori Rocia, do Ezio Anesi y l dr. Giacomo Jellici s’en é ju ence el, n dret combatent per l’unité di ladins y sia autonomia. Bele da d’isté 2004 encà savòvel d’avei n tumor y encuei entourn mesdí s'ál destudé via te sia ciasa a Pera a l'eté de 74 agn. N politich autonomist che cherdova dassen tl valour di Ladins. El volova na provinzia autonoma duta demé per i Ladins dles Dolomites. La sepoltura é a Pera en juebia, ai 14 de auril, da les trei domesdí.


metù ite da noeles ai 12 April 2005 da les 19:40:14 (939 liet)
(liej inant... | 4447 letres | comentars? | ponc: )


Operes d'ert de Morlang tl museum Ladin
Persones


Siour Angel Morlang ti á fat na donazion al museum

N valgunes operes dl Morlang pò sen vegnì amiredes tl Museum - Dl 1958 òvel metú su "Ert por i Ladins"

Grana é steda la comozion da pert dla jent tl moment de ti dé l ultim salut al curat, artist y leterat siour Angel Morlang che é vegnù cherdé te sie regn da Chel Bel Die. Truep ál fat te sia vita y truep él ence vegnù scrit, propi ajache al se à dé ju nia demé coche curat y preve dal 1943 inant, ma ence con la cultura.

metù ite da noeles ai 10 April 2005 da les 16:34:10 (879 liet)
(liej inant... | 3756 letres | comentars? | ponc: )


En recordanza al Papa Jan Paul II
Persones


N Papa che se interessova dles mendranzes 

L prum che à ence rejoné doi iadesc per ladin

Temp de plura: l Papa Jan Paul II nes à lascé. Al é vegnù clamé plu avisa l “curat dl mond”. Sia diozeja desche vescul fova l mond. An pò dì ch’al à rejoné con duc, che al à enconté feter duc. Al conesciova i lingac, ma souradut volòvel n dialogh nuef. Deguna categoria de persones é vegnuda scluta fora. N Papa artist, jobler, scritour y souradut n om de fede, lié a les tradizions, ai valours fondamentai dl cristianesim, ataché ai documenc dl Conzil Vatican II, ma empò davert per ti fé lerch a Gejù Crist tl mond: “Dauride zenza tema les portes a Gejù Crist”.
Papa Jan Paul II en gaujion de sia vijita a Peralba (Weissenstein) dl 1988, oláche al á rejoné per ladin, dijan dilan a Idie de chesta scinconda.

metù ite da noeles ai 06 April 2005 da les 14:32:20 (827 liet)
(liej inant... | 1578 letres | comentars? | ponc: )


A recordanza de siour Angel Morlang
Persones

 

Siour Angel Morlang depenj sen tl Ciel

Caplan, curat, depenjadour, poet y scritour de romans y de teater, archiridour de corec y n ladin tiroleis. Chesta en curt la figura de siour Angel Morlang che à podù s'en morì en sabeda ai 12 de fauré, tla Ciasa de Paussa da San Martin de Tor. De otober éssel complì i 87 agn. Dassen lié a sia tera, a les tradizions, a la cultura y a la storia ladina. Fondadour dl EPL (Ert por i Ladins) y amich di artisc'.         Paroles de amoniment tres l cor a la fin dl liber "Fanes da Zacan":
"Ciarede, Ladins,
 de üsc bi paîsc!
 Tignide dalunc
 düc' canc i nemîsc!
Tignì bel adöm
 y nia strité,
cösc pò, Os Ladins,
 ciamó se salvé!"



metù ite da noeles ai 15 February 2005 da les 11:09:15 (1302 liet)
(liej inant... | 9217 letres | comentars? | ponc: )


Coròt pe leteradure ladine dal Friûl
Persones

 

Agnul di Spere poet e scritôr nus à lassâts

TRASA l’improvise nus à lassâts, martars 11 di zenâr stât, il poet e scritôr par furlan Agnul Micjêl Pitane, ch’al firmave lis sôs oparis cul pseudonim di Agnul di Spere. La sabide denant Agnul al jere stât alì de stamparie Zanetti a curâ la publicazion di “Gnovis Pagjinis Furlanis”, la riviste de l’Union dai Scritôrs Furlans che sicu dean al veve fondât tal 1982 adun cun R. Balzan e N. Rodâr.

Oraziun
 
No stè a me dè
Signur
na mort chimica da romuns fraidis,
no stè a me lascè tla nöt
bel su y sorënt
raité te n auto tres plü dassënn
zënza fin
por strades roduntafora zënza inoms
no löm no parores,
Canch'ara sarà l'ora
Signur
làsceme morì en riun
tratan ch'i sinti le batimënt de so cör,
trami Te cherdan
y te portan ciüfs!

Agnul di Spere (Agnul Pitane)

 
(Traduzion tal ladin de Val Badie di Lois Craffonara - tirade fûr da l'antologje "Flus")


metù ite da noeles ai 08 February 2005 da les 16:42:18 (936 liet)
(liej inant... | 5267 letres | comentars? | ponc: )


Persones: Sergio Masarei
Persones

 

La medaia de merit al maester Sergio Masarei

La comunité ladina ti é debit truep per sies bries a ben de lingaz y cultura ladina ta Fodom

Dal 1964 encà premieia Tirol persones che s’à fat merit per sia jent sun i ciamps plu desvalifs desche la scola, la cultura, l cianté, l soné, la pauraria, l artejanat, l turism, l trafich, i studafuesc, i handicapés, jent vedla y soula, la gliejia, l ambient, l alpinism, l’ert, la leteratura, la storia, les usanzes y tradizions, i scizeri, la formazion y istruzion di cherscius y e. i.. Vigni ann en Santa Maria dal Ciof ti sourandà Dispruch a cotant de persones de dut Tirol la medaia al merit y anter chestes él ence vigni ann valch ladin. En l ann passé à Dispruch per l prum iade premié n ladin fora dles seides da sen de Südtirol, l ex-ombolt de Fodom Bruno Trebo che à sies raijes a Al Plan tla familia de Trebo. Eniann i àla toché al maester Sergio Masarei da pié do la medaia y perchel volonse audì, cie che al à fat per la comunité de sia jent ladina.


metù ite da noeles ai 30 August 2004 da les 12:09:45 (1232 liet)
(liej inant... | 8372 letres | comentars? | ponc: )


Documentazion storica: Antone Pizzinini
Persones

 

Siour Antone Pizzinini

Dl 1833 ova Micurá de Rü metù adum na gramatica, dl 1870 ova l degan Janmatie Declara dè fora l "prum liber ladin"  te n temp che al ne fova deguna politica, ma truep idealism y entusiasm 

A conservé y coltivé cultura y lingaz ladin tles Dolomites á porté pro truepes personalités che auda de vegnì recordedes con reconescenza y desche ejempli ence tl davegnì, anter chestes siour Antone Pizzinini che á metú adum un di prums vocabulars dl ladin dla Val Badia.  Al se enchedra tla tradizion de na schira de prevesc dant da el:  dl 1833, gran sensazion, proa Micurà de Rü de enjigné n lingaz scrit unifiché per duc i Ladins dles Dolomites.  Dl 1864 scriv Josef Anton Vian, plovan a Urtijei, nasciù te Fascia na gramatica dl ladin de Gherdeina. Dl 1870 dà fora l degan Janmatie Declara l "prum liber ladin". Con Angelo Trebo (1862-1888) fej la leteratura ladina l vare tla poesìa lirica. L poet, storich y filologh Tita Alton (1845-1900) à coiù adum liejendes y tradizions. Hugo de Rossi (1875-1940) à scrit n vocabolar fascian.  Vignun à giaté na sburla y é jus inant con cie che al fova vegnù conservé y coltivé da les persones dant da ei, desche Arcangiul Lardschneider de Ciampac che à dè fora n vocabular dl ladin de Gherdeina dl 1933, Salvester Erlacher che à publiché dl 1949 l foliet "Nos Ladins"  y d'autri.


metù ite da noeles ai 07 August 2004 da les 23:28:09 (1046 liet)
(liej inant... | 9216 letres | comentars? | ponc: )


Museum Ladin Ciastel de Tor: lerch dedicheda a la eroina ladina
Persones

 

Catarina Lanz á sen n post d'onour ence tl museum 

Enaudazion con l President dla Jonta Durnwalder y autorités en domenia, ai 11 de messel - L storich Craffonara á referí de trueps detais nuefs

Con la prejenza dl President dla Jonta Provinziala Luis Durnwalder, dl President dla Corporaziun di Museums de Südtirol Bruno Hosp, de sie vize Heinrich Huber, dl assessour Florian Mussner, de autorités locales, dla mujiga "Catarina Lanz" d’Al Plan y dla bandiera di Scizeri de Mareo él vegnù daurì dantenier, domenia 11 de messel, la sezion nueva dl Museum Ladin Ciastel de Tor, dedicheda a Catarina Lanz, l’eroina de Spinges. L storich, prof. Lois Craffonara, à conté su n valgugn aspec fora dla vita dla joena marora che á vivú al temp dla ocupaziun franzeisa de Tirol. Al á conté su episodes bele conesciudes, ma laprò à Craffonara ence abú da ti pité al gran publich valch element che ben puec conesciova denant, nience la jent d’Al Plan. Foto: i scizeri da La Pli de Mareo á fat da cornisc a la daurida y la mujiga "Catarina Lanz" d'Al Plan de Mareo á sport permez sons da festa.


metù ite da noeles ai 13 July 2004 da les 21:07:12 (1444 liet)
(liej inant... | 3656 letres | comentars? | ponc: )


La Muta da Spinges: 150 agn da sia mort, fac die asconus via
Persones

 

Catarina Lanz, la eroina con la fourcia

Fòvela traumatiseda do la bataia per avei copé saudés franzeisc?  Dedò ne àla nia rejoné sovenz o gen de chisc fac - Empermò te si ultims agn àla dé inant sia testemonianza, contan de ester propi ela la "muta da Spinges" - Al vegn a lum ence na fauza Katharina Lanz

Dassen interessant y informatif l referat de Lois Craffonara tegnú ai 8 de messel 2004 da seira tl Museum Ladin Ciastel de Tor soura Catarina Lanz, la muta da Spinges (* 20.09.1771 a Col sot Ciasé/Al Plan de Mareo † 08.07.1854 a Andrac/Fodom) en gaujion di 150 agn da sia mort. Al remona su con certes ipoteses y interpretazions faledes de documenc che roda dutaorela y met en valgugn fac sun meisa y en cler. Una na cossa ti dova da pensé a Craffonara, la frasa che Ludwig Steub, l storich y etnologh da Minca, á scrit te sie liber "Drei Sommer in Tirol": "Die Wissenden wollen eigentlich von dieser Heldin Nichts wissen ...." (Chi che savova ne volova nia nen savei de chesta eroina) che Steub ova audì da n cert Schuler. A cie moda ne volovei pa nia nen savei? Se daudova na pert che Catarina fova na ela combatenta o ti fòvela massa scleta, davia che al fova na "Krautwalsche"?

Na rafigurazion de Catarina Lanz. Te na picia tor dl Ciastel dl museum Ladin a San Martin végnel sen conté de Catarina Lanz.


metù ite da noeles ai 12 July 2004 da les 00:29:04 (1884 liet)
(liej inant... | 14314 letres | comentars? | ponc: )


Intervista al President dla Generela Nani Pellegrini
Persones

 

Unis per l reconesciment dla Generela  

En domenia, ai 18 de messel, Di dla Unité Ladina a Andrac ta Fodom - Nani Pellegrini: sce Trent y Belun reconesc la Generela, cie fajarà pa Bulsan?

L president dla Generela, Nani Pellegrini, é l veir "deus ex machina" dl "Di dla Unité Ladina", che vegnirà zelebré en domenia che vegn, ai 18 de messel, entourn al ciastel d’Andrac. Deberieda con el á laoré n comité de organisazion che s’à abiné y é sauté lonc y lerch a na moda che dut sie enjigné ca endertura. La manifestazion se vestirà de trueps aspec simbolics, dantfora chel dla particolarité di Ladins dl Sela y dl debujegn de unité. Sun chisc temesc ti onse fat en valgunes domandes a Nani Pellegrini, President dla Generela.

Doi mutons fodoms ciutia fora dal Ciastel d'Andrac.


metù ite da noeles ai 10 July 2004 da les 17:19:06 (1408 liet)
(liej inant... | 6142 letres | comentars? | ponc: )


Laudatio per dr. Paul Videsott
Persones

 

La "Venia legendi" a Paul Videsott

L joen romanist ladin se á fat ultimamenter n inom con sies archirides de filologia "Padania scriptologica" - laudatio dl em. prof.univ. Dr. G.A. Plangg 

Tl cheder de na picera festa, con amisc y familiars, ti él vegnú sourandé ai 9 de mei 2004 tl'Université de Dispruch a dr. Paul Videsott la "venia legendi" de filologia romanza. La laudatio (da podei lieje daite) é vegnuda tegnuda dal prof. Guntram Plangg che á recordé les etapes plu emportantes dl neo-professour con chel che al á enstes fat cotant de laours de tueda empera. Con chest travert fej dr. Paul Videsott n auter vare inant. La abilitazion a professour universitar de filologia romanza sporj poscibeltés plu amples de archirida, la facolté de tegní seminars y prelezions, l dert de ejaminé pro ejams de diplom, dert de dé via y ti sté do a laours de diplom, de mioures poscibeltés per candidé do na "catedra" ordinara y e.i. Atualmenter ensegna Paul Videsott a l'université da Dispruch, tegn lezions a l'université de Bulsan a Persenon y en plu colaórel con la facolté de romanistica de Salzburg che fej les enrescides per l'ALD (Atlant Linguistich Dolomites).
 

metù ite da noeles ai 19 May 2004 da les 21:35:08 (2397 liet)
(liej inant... | 7755 letres | 1 comentars | ponc: )


SVP - Ladina
Persones

 

Christoph Perathoner seit gestern Bozner SVP-Bezirksobmann von Stadt und Land

Er ist Rechstanwalt und arbeitet in der Kanzlei von ex-SVP-Obmann Siegfried Brugger - Svp Ladina jubelt

Mit großer Stimmenmehrheit (95,66%) wurde gestern, Freitag, Rechtsanwalt DDr. Christoph Perathoner zum SVP-Bezirksobmann von Bozen Stadt und Land gewählt. Perathoner stammt aus Wolkenstein. Bei der gestrigen Wahl erhielt er im Bezirksauschuss 323 Stimmen. Für die SVP-Ladina ist es ein parteipolitisch historischer Tag. Noch nie seit 1945 war ein Ladiner zum Bezirksobmann der Südtiroler Volkspartei gewählt worden. Perathoner gilt als politisches Nachwuchstalent der Ladiner. Seit mehreren Jahren ist er Bezirksobmannstellvertreter von Bozen Stadt und Land und bekleidet die Ämter des Gebietsobmannes von Gröden und des ladinischen Landesjugendreferent-Stellvertreters der Jungen Generation der SVP. Perathoner ist in der Rechtsanwaltskanzlei von SVP-Obmann Dr. Siegfried Brugger tätig.


metù ite da noeles ai 06 March 2004 da les 10:04:14 (1480 liet)
(liej inant... | 2441 letres | 3 comentars | ponc: )


Ordinazion de siour Italo
Persones

 

Aodanzes a siour Italo, ordiné dìacon

"Con gran plajei onse tout su la noela dla ordinazion a Dìacon de siour Italo Boschetti, conesciù dret ben anter i Ladins a Bulsan y ence foradecà. Per sia festa che sarà ai 13 de merz tla gliejia de Don Bosco a Bulsan y per sie servisc dedò te sia comunité ti sporjonse con simpatia nostes mioures aodanzes y ti asseguron nosta orazion", chest scriv la presidenta dla Consulta Dolores Dariz.


metù ite da noeles ai 04 March 2004 da les 18:24:43 (1155 liet)
(liej inant... | 1002 letres | comentars? | ponc: )


52 articui (4 plates, 15 sun vigni plata)
[ 1 | 2 | 3 | 4 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.345 seconc