benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Noeles.net - Informazion ladina: Manifestazions

Chirí te chest tema:   
[ Endò a la pruma plata | Cernede n tema nuef ]

Inaugurazion dl „Troi dla Pesc“.
Manifestazions

 

Daurida dla ferata „Troi dla Pesc“ ai 14 de setember

Ala conduj fora per la cresta anter i comuns de Mareo y Ampez  

Chesta semena vegnirà daurida ofizialmenter en domenia, ai 14 de setember 2003 tl cheder de na picia festa pro la utia Gran Fanes. Duc i interessés arà en domenia l’ocajion de fé la via ferata acompagnés da n meinacrep. Per chesta ocajion vàl debujegn de se lascé noté su enfin en vender, ai 12 de setember. Dles vies sun les crestes dles montes che é vegnudes fates entant la pruma gran vera é l Troi dla Pesc una dles plu beles. Dant 90 agn fòvela vegnuda enjigneda da les trupes dl'Austria per ti ruvé plu permez a la linia dla front da l'autra pert dles Tofanes, soura la Val de Travenanzes.


metù ite da noeles ai 12 September 2003 da les 12:31:37 (892 liet)
(liej inant... | 2136 letres | comentars? | ponc: )


Festa da d'isté a Cianacei
Manifestazions

 

"I colours dl isté che é tl florí"

Mujighes da dutes les vals ladines y ceifs tipics per la ocajion

Gran "Festa da d'isté" chest fin de edema a Cianacei, a scomencé da la juebia ai 28 de aost da les 7 da seira. Al se trata dla 24eisema edizion, na ocajion tradizionala de legreza, de mujiga, de guant da zacan, de colours per saludé l'isté che é do a florí y a ti fé plaza a la sajon plu chieta dl auton. Al se trata de endut 4 dis de conzerc con grups de mujiga de nonze y de mujighes y ceifs tipics. L moment plu aut dla manifestazion sará en domenia, ai 31 de aost, con la gran defileda che piará via da les 3 domesdí a chela che al tolará pert grups de folclor y mujighes de dutes les vals ladines entourn l Sela.


metù ite da noeles ai 25 August 2003 da les 07:55:53 (712 liet)
(liej inant... | 1022 letres | comentars? | ponc: )


Santa Maria Maiou ta Fodom
Manifestazions

 


Mujiga y speisa ladina


Dai 14 enchin ai 17 de aost orghegn a mantesc, tircles, balotes y crafons


de Lorenzo Soratroi

An scomenciarà bele en la veia, can che i Studafuesc da Fodom daurirà l tendon sun plaza de Reba che jirà inant per cater dis. Ai catordesc da seira da les 21 tl Salf di Congresc metarà  a jì l Cor Fodom l tradizional conzert, chest ann adum al Cor S. Romedio Anaunia, de Romeno, n Val de Non. L pont culminant dla festa sarà en vender ai chindesc de aost. A la Pli se abinaràl endò adum les eles con l guant da fodoma y ales portarà te gliejia i mac de ciofs da benedì. L’Union di Ladins da Fodom che met a jì la manifestazion envieia dutes les eles a se vestì l guant da festa da zacan. Sciche vigni ann végnel dé fora l pest “Santa Maria Maiou” a chi che s’à dé da fé per tegnì su la cultura ladina de Fodom. Entournvia vegniràl enjigné ca speisa fodoma, con tircles (toutres), balotes y crafons, l dut vegnirà acompagné dal son dl orghen da mantesc. A Reba depierpul vegniràl porté la Madona dai mutons (tousc) de Reces. En domenia, ai 17.08.2003, ti tocaràl al Grup de Bal da Fodom de mete a jì l’enconteda di grups da bal dl Agordin.


metù ite da noeles ai 11 August 2003 da les 12:25:38 (976 liet)
(liej inant... | 1939 letres | comentars? | ponc: )


Al Plan de Mareo: Preselezion de MISS ITALIA
Manifestazions

 

Les plu beles eles sun plaza de gliejia

Na giuria con l ombolt de Mareo laprò à lité per  Elisa Martini, 23 agn de Thiene (VI) che é sen la nueva “Miss Cinema Trentin Südtirol”

(if) La finala dl concurs plu famous de beleza dla Talia é vegnù tegnì chest ann sun interessament dla Assoziazion Turistica alalergia sun plaza de gliejia a Al Plan. Al é sté n gran suzes de publich, plu de 3.000 persones se á abiné entourn paladina y à  amiré la desfileda dles 14 partezipantes dla preselezion per Miss Italia vegnudes da dut l Trivenet. Tla finala à Erica Panizzon abù la souraventa y ala se à davagné  l titul de “Miss Bellezza Rocchetta”. 
sun l retrat: Elisa Martini y Erica Panizzon

metù ite da noeles ai 05 August 2003 da les 08:59:02 (1403 liet)
(liej inant... | 1794 letres | 2 comentars | ponc: )


Alpins de Fodom sun Col de Lana
Manifestazions

 

Alpins y scizeri ladins a recordé i tomés te vera

L Col de Lana, n luech olà che duc pò se enconté, obietif soul: la pesc, ma al ne é nia tant saurì

de Lorenzo Soratroi

 (if) La bela giorneda da soredl che à caraterisé la pruma domenia de aost à dessegur envueié truepa jent a se abiné sun Col de Lana, per la comemorazion oramai tradizionala di saudés tomés te vera. La zerimonia metuda a jì da n grup de alpins da Fodom é scomenceda da les 11 con la Messa lieta dal capitan don Gianpaolo Mementi, capelan militar a Bulsan. Adum al ombolt Ugo Ruaz y al president dla sezion di alpins de Belun, Arrigo Cadore. Sun Col de Lana fòvel ence na raprejentanza dl 24' Hochgebirgsbatallion de Lienz vestis con la mondura ofiziala dl eserzit austriach. I militars à volù ester colassù, ajache i alpins fodoms fova jus d’aisciuda a la comemorazion dla mina dl Col de Lana, che vegn tegnuda vigni ann ai 17 de auril a Lienz.


metù ite da noeles ai 04 August 2003 da les 08:01:47 (917 liet)
(liej inant... | 2307 letres | comentars? | ponc: )


I juesc sun Fodara Vedla
Manifestazions

 

La scuadra marora ti l’á sticheda al ultim moment

Desche pest n pedron dolomitich zinzolé de cristai - L pest vegnirá jié fora en auter ann endò

Pro i juesc metus a jì en domenia, ai 20 de messel, sun l ciampei de Fodara Vedla é les ampezanes stedes les mioures tournadoures dla pegna, depierpul che i ei ampezans é stés i plu gaierc a taié n clapon/mocul de legn y chel sibe con l sigon a man che con l manarin. La scuadra marora à messù se regucé ite les manies perdementer per ti sté do y cialé de refé. Ai ti l’à sticheda a tré n mocul/na taia, a ciarié ite n lenzuel de fen y a clipé les vaces, ma Ampez fova empò ciamò dant per 5 a 3. Fova pa i ampezans endò daidés adascousc dal "malan" desche la liejenda conta?  Enultima á l tré a la corda messù dezide ciuna scuadra che se davagna l pest di Juesc de Fodara Vedla.


metù ite da noeles ai 23 July 2003 da les 11:39:16 (1253 liet)
(liej inant... | 2333 letres | comentars? | ponc: )


Chi da Lungiarü met endò a jí la Festa di Molins
Manifestazions

 

I ciafons vegn dauris y les rodes se muev

En domenia ai 3 de aost vegniràl endò organisé la Festa di Molins a Lungiarü. An podarà vijité i molins restruturés olá che al vegn majené siala y forment  y desclofé orde


L'Union di Studafuech da Lungiarü organiseia ence chest ann la "Festa di Molins" tla bela y enciantoula Val di Molins dlongia la vila da Seres itensom Lungiarü. La manifestazion scomencia da les 10.00 dantmesdì con na  S. Messa zelebreda alalergia y acompagneda da la Mujiga da San Martin de Tor.
Do messa podaràn vijité i molins restruturés dant valgugn agn. L'ega frescia dl ruf de Seres vegnirà outa tles roies y les gran rodes da cops metarà endò man da se mueve per mené i enjigns dl moliné te ciasota. La Mujiga da San Martin de Tor tegnirà depierpul n pice conzert per i vijitadours y da seira via podaràn ciamò ascuté su  mujiga da entrategniment  y passé enscì n bel di d'isté.


metù ite da noeles ai 12 July 2003 da les 17:25:23 (864 liet)
(liej inant... | 2732 letres | comentars? | ponc: )


11eisema enconteda dles lies da Mont ladines
Manifestazions

 

En domenia ai 29 de jugn, dut enjigné su dal bivach Bontadini

de Lorenzo Soratroi

Al ti tocarà a Fodom ospité en domenia ai 29 de jugn  la 11eisema  enconteda dles lies ladines da Mont, manifestazion che vegn tegnuda a roda da una dles valedes dl Sela. Al é bele da valgugn meisc che Gilberto Salvatore, president dla Lia y si colaboradours laora per mete a jì chesta enconteda che abina adum tres n grumon de jent.  Dant da cater agn  é la manifestazion vegnuda tegnuda  sun Plan Boè. Chest iade à l'organisazion  pensé de se porté da l'autra pert dla val, su per les crepes dla Meisola al “bivach Bontadini” sun l retrat.


metù ite da noeles ai 23 June 2003 da les 11:42:33 (899 liet)
(liej inant... | 2586 letres | comentars? | ponc: )


FSE - fonds sozial europeich
Manifestazions

 

Curs per les eles che vuel jì zeruch tl mond dl laour

Ence per i agn 2003/2004 met l ofize de coordinazion dla formazion tl laour ESF/EU a jì, sciche bele da 5 agn encà, n projet per les eles. L fin de chest projet é chel ti de dé la poscibelté a les eles che vuel jì zeruch tl mond dl laour, de fé n curs de ajornament.



Al é pensé per cheles che à conescenzes tl ciamp dl comerz y che per gaujes familiares o per d'autres rejons à lascé sia stiera per deplù agn y che volessa sen endò scomencé a laoré.


metù ite da noeles ai 11 June 2003 da les 11:47:50 (754 liet)
(liej inant... | 1341 letres | comentars? | ponc: )


Per scomenciadiva dla Consulta a Bulsan
Manifestazions

 

L vescul prejentarà l beat Freinademetz tres sies letres

La Consulta per i problems di Ladins da Bulsan envieia duc canc a vegní a scuté pro l referat che l vescul Wilhelm Egger tegnirà en mercui, ai 28.5, da les 18.00, tl zenter pastoral dla diozeja tla plaza dl Dom 1 a Bulsan, persoura l beat Ujöp Freinademetz, plu avisa fajaràl vedei ite „L cheder dla Ladinia tles letres che l beat ti à scrit a chi da ciasa". Dessegur na bona ocajion per duc canc a conesce tres miec nost beat, tost sant. La reflescion che l vescul fajarà sarà dessegur interessanta y merita de vegní audida. Al é la poscibelté de parché tla plaza dla Curia. La presidenta dla Consulta, Dolores Dariz.


metù ite da noeles ai 23 May 2003 da les 18:28:21 (717 liet)
(liej inant... | 1074 letres | comentars? | ponc: )


Messa ladina a Persenon
Manifestazions

 

Messa ladina tla gliejia de Freinademez a Miland

de Ivan Lezuo, l president

Sciche vigni ann ves envieia la Comunanza ladina de Bulsan a tò pert a la Santa Messa ladina. Davia che chest ann é l ann dla santificazion dl Beat Ujöp Freinademez, él na bela ocajion da jì a Miland olache la gliejia é propi dedicheda a el. Emplù él dailò sciche preve siour Vijo Pitscheider, n ladin, che é sté atira a una con la proposta de tegnì la Messa a Miland y al se à metù a desposizion a nes lieje la Santa Messa: en sabeda, ai 10 de mei, da les 16.00 tla gliejia de Miland.


metù ite da noeles ai 29 April 2003 da les 12:17:02 (777 liet)
(liej inant... | 1364 letres | comentars? | ponc: )


Di dla cultura ladina ai 11 de auril a Bulsan tl Hotel Laurin
Manifestazions

 

"Di dla cultura ladina: Cultura, natura y turism" a Bulsan metú a jí dal ofize scola y cultura dl assessorat

Fin de chesta manifestazion, enscí i organisadours, é chel de ouje l’atenzion sun temesc de interes particolar per la mendranza ladina y ence foradecá per i autri grups linguistics. L argoment de chest ann é: "Cultura - Natura - Turism: n pont anter tradizion y davegnì". L raion dles Dolomites raprejenteia per la popolazion ladina na entreda economica emportanta sciche "fontana naturala". Chesta fontana mess endere vegnì  valuteda y mantegnida sciche al auda, tamben la particolarité linguistica y culturala dla popolazion ladina dess vegní sotrisseda, enscì i organisadours. Prumes critiches a la manifestazion, l vize-president dl Consei, dot. Carlo Willeit, ne é nia da giaté anter i enviés y reladours. La LL la valuteia na manifestazion de propaganda litala.


metù ite da noeles ai 01 April 2003 da les 20:01:14 (989 liet)
(liej inant... | 2394 letres | 6 comentars | ponc: )


La Consulta ladina dl Comun de Bulsan y La Comunanza Ladina envieia
Manifestazions

 

Conzert sacral tla gliejia dla ploania de Gries ai 11-04-2003 con l'ensemble Palladium y Sabina Willeit

Tl 2002 met su Fabrizio Zanella y Davide Amodio, violinisc’ pascionés de mujiga antica con agn de esperienza fata ti miours grups de mujiga strumentala sot la guida de maestri de nonze (Cristophe Coin, Jordi Savall, William Christie, Philippe Herreweghe y autri) n cuartet de vidoles con strumenc originai dediché al stude y a la esecuzion dl repertore classich. Al é ensci che al nasc Quartetto Palladium, che à scomencé con n bon suzes sia ativité apontin a Bulsan y a Unejia con mujighes de F. J. Haydn.


metù ite da feir ai 01 April 2003 da les 14:54:44 (944 liet)
(liej inant... | 2356 letres | 1 comentars | ponc: )


Na manifestazion dla GJ-Gherdeina
Manifestazions

 

I jeuni chier cunsei pra Edmund Dellago sun l ladin dolomitan

A la redazion ti él ruvé chest comunicat dla GJ de Gherdeina, sotescrit da Simon Moroder che reporton per entier: "La Generazion Jeuna envieia duc i jeuni de Gherdeina a na seira de nfurmazion y discuscion sun l Ladin Dolomitan. Do avei audí vel nfurmazions da pert de n espert, Edmund Dellago, uniral rujná y damandá la minonga di jeuni, cialan sce i miena chesta nueva rujneda ie de utl o no, sce i jeuni la uel, sce l fossa da pert di jeuni l nteres de la mparé o manco. Duc i jeuni ie nviei a uní a dí si minonga n merdi, 25 de merz, da mesa la nuef da seira tla Bar dl Hotel Genziana a Urtijei. La Generazion Jeuna se ncunforta de ve pudei saludé."


metù ite da noeles ai 21 March 2003 da les 14:32:02 (1185 liet)
(liej inant... | 1897 letres | 9 comentars | ponc: )


I clubs di alcolisc' in tratamënt inviëia a süa reuniun
Manifestazions
La plaia dl acohol y les terapies 

de Castlunger Lois

In domënia, ai 26. de jenà, gnaràl tignì tla Ciasa Runcher a Badia dales 15.00 ales 18.00 la reuniun generala dl’APCAT (l'Associaziun Provinziala di Clubs di Alcolisc' in tratamënt). La colauraziun danter istituziuns publiches sciöche le sorvisc por les dependënzes, le zënter de Alcologia a Bad Bachgart, scoles, doturs de basa, spitol y d'atri y nosta assoziaziun di alcolisc' sarà le tema prinzipal. Chësc ne n’ô nia dì che al ne sides nia sté fina sëgn colauraziun. Ara se trata plülere de ciafè formes nöies, concretes y continuatives de colauraziun.


metù ite da feir ai 22 January 2003 da les 15:23:06 (804 liet)
(liej inant... | 1982 letres | comentars? | ponc: )


48 articui (4 plates, 15 sun vigni plata)
[ 1 | 2 | 3 | 4 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.352 seconc