benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Noeles.net - Informazion ladina: Fascia

Chirí te chest tema:   
[ Endò a la pruma plata | Cernede n tema nuef ]

Projet Sottsass - restaur dla ciasa de comun d eCianacei
Fascia

Splendour nuef a la ciasa de comun de Cianacei

Trueps laours é vegnus fac dai studenc dla scola d'ert de Poza sot a la souraverda de si professours y de tecnics

Abineda de gran enteres chela de enseira (12 de dezember) a Cianacei tla sala dles adunanzes de comun. L'ocajion fova la prejentazion dl liber dal titul "Progetto Sottsass" che porta dant les esperienzes de restaur dles tafladures y dl mobiliar de legn tla ciasa de comun de Cianacei. Desche trueps sà, à la ciasa comunala na storia longia y cis che ala é vegnuda dessegneda dal famous architet y designer Ettore Sottass, descendent da la Val Badia, nasciù dl 1892 y mort a Torin dl 1953. Na figura dutaorela bendebot emportanta tl mond dla architetura taliana da do la pruma vera. Ettore Sottsass senior à dessegné sibe la ciasa che l mobiliar, lascian n rich antare che é vegnù derturé de gre en gre ti agn passés canche an à metù man da laoré pro l projet nuef dla ciasa de comun de Cianacei.


metù ite da noeles ai 13 December 2007 da les 20:02:44 (742 liet)
(liej inant... | 3180 letres | comentars? | ponc: )


Conzert a recordanza di 100 agn de Luigi Canori
Fascia

"Cianties de devozion" a recordanza de Luigi Canori

Prejentazion dl ciantorin CD-DVD di 100 agn da la nasciuda dl componist moenat 1907-2007

Free Image Hosting at www.picturetrail.comN ciantorin CD-DVD y n conzert per zelebré y valorisé la gran arpejon musicala y culturala dl componist da Moena a 100 agn da sia nasciuda. L Istitut Cultural Ladin, en colaborazion con l Comun de Moena y con l sostegn dla region autonoma Trentin-Sudtirol, endrezeia na lingia de scomenciadives per zelebré i 100 agn da canche al é nasciù Ermanno Zanoner, plu conesciù desche Luigi Canori, componist y autour ladin de nonze, y per valorisé l’arpejon culturala y musicala che al ti à lascé a duta la comunanza ladina. Foto: cuertl dl cd-dvd (clicheia lassoura per engrandì la foto).

 

 


metù ite da noeles ai 12 December 2007 da les 12:38:19 (618 liet)
(liej inant... | 2941 letres | comentars? | ponc: )


La consulta nueva per les families
Fascia

La consulta per les families se dà n statut

Al vegn tresfora rejoné de economia y de turism, ma ence les families con fions enconta tres plu problems - Familia Card

Free Image Hosting at www.picturetrail.comDo na fasa longia de preparatifs y de abinedes él vegnù prejenté i dis passés a Poza de Fascia la consulta nueva dles families. Te chesta ocajion àn tamben tegnù la pruma senteda publica tla gran sala dl comun. Al fova na enconteda dassen emportanta a chela che al à tout pert truepes autorités y responsabli dla vita dl'aministrazion de Fascia y dla provinzia de Trent: anter chisc l'assessoura provinziala Marta Dalmaso, Luciano Malfer dirigent provinzial dles politiches soziales, Lucia Claus y Alessandra Viola dla portela Familia de Trent, l president del comprensore C 11 Leonardo Bernard, l'assessoura comprensoriala a les politiches soziales Alessandra Cloch, dlongia ai raprejentanc di comuns y dla lia " Famiglia Insieme" y "Movimento per la vita" y en plu l'assoziazion "Flem y Fascia adum". Familia fasciana (cliché sun la foto per la engrandì).


metù ite da noeles ai 11 December 2007 da les 21:45:02 (1035 liet)
(liej inant... | 3842 letres | comentars? | ponc: )


La levina de Sas Becé dl 1937
Fascia

La levina de Sas Becé: na desgrazia che duel dutaorela

L artist Martino Lorenz à fat na statua de bron a recordanza dla desgrazia suzeduda dant da 70 agn

Free Image Hosting at www.picturetrail.comAbineda de gran emportanza per la comunanza de Cianacei y de Fascia chela de en vender, ai 14 de dezember, canche al vegnirà recordé i setanta agn da la gran levina de Sas Becé. Na desgrazia che valch vedli se recorda dret ben. Ai 13 de dezember 1937 àla gaujé mort y desperazion te Fascia y te dut l mond sportif y alpinistich dolomitan. A recordanza de chesta desgrazia endrezeia l Comun de Cianacei deberieda con la frazion n program che preveid per i 14 de dezember da les 17.00 na santa messa tla gliejia de San Florian y dedò da les 18.00 te sala de comun la recordanza ofiziala de chest aveniment aricioul con la prejentazion dl'opera de bron cherieda dal artist fascian Martino Lorenz. Sas Becé: clicheia sun la foto per daurì n format majer.


metù ite da noeles ai 04 December 2007 da les 22:41:11 (731 liet)
(liej inant... | 3680 letres | comentars? | ponc: )


Enduneda generala dl istitut ladin Majon di Fascegn
Fascia

Majon di Fascegn: rencuré l passé y jì con i temps moderns

Cuer dla ativité dl istitut ti ultims agn é stés i projec entourn a la informatisazion de strumenc linguistics

Senteda anuala dl istitut cultural ladin "Majon di Fascegn" enier domenia tl museo Ladin de Fascia tla sala Heilmann. Na ocajion desche vigni ann preveduda dal statut per ti lascé alsavei a duta la jent l laour fat via per l ann y per ti fé conesce i maiours projec che an se tol dant. Sibe per l mudlon de jent ruvé adalerch che per les autorités ruvedes a la senteda pòn rejoné de na enconteda garateda che à confermé ciamò na outa tant strent che al é l liam anter l teritore, les istituzions y l istitut. Da chest pont de veduda pòn ben dí che truepa ega é regoruda sot i ponc y che l laour fat dal istitut cultural ladin deventa tres majer. Al é n laour che vegn aprijé da la comunanza y n laour che se confronteia con i temps moderns, con internet y con dutes les tecnologies nueves da garat.


metù ite da noeles ai 03 December 2007 da les 18:20:37 (748 liet)
(liej inant... | 5780 letres | comentars? | ponc: )


Istitut Ladin
Fascia

Majon di Fascegn: duta la jent é envieda

A la reunion generala en domenia, ai 2 de dezember, da les 15.00 inant - Al vegnirà prejenté n valgugn strumenc informatics, l Calender Ladin 2008 y les ultimes publicazions dl istitut

Desche vigni ann végnel ence  chesta outa endrezé via aldò dl articul 10 dl statut dl istitut cultural ladin “majon di fascegn” la radunanza generala che sarà en domenia, ai 2 de dezember da les  5.00 domesdì tla sala multimediala “L. Heilmann” dl museo ladin de Fascia a Sen Jan. Al vegnirà prejenté les ativités desfiledes, i resultac arjonc y i projec vedus dantfora. Te chesta ocajion vegniràl ence trat n bilanz dl ann de laour. L Istitut se à dé ju con empegn tl realisazion de produc inovatifs sibe tla leteratura che tl ciamp dl lingaz.

 


metù ite da noeles ai 27 November 2007 da les 18:30:08 (527 liet)
(liej inant... | 4524 letres | comentars? | ponc: )


Dal Pordoi a Katzenau: recordanzes de Maria Piaz
Fascia

"Dal Pordoi a Katzenau", recordanzes

de Maria Pavarin che conta n trat de storia dl Nuefcent te na publicazion nueva dl Istitut Cultural Ladin "Majon di Fascegn"

En juebia, ai 25 de otober, tl Palaz Trentini a Trent, con a la pert la vizepresidenta dla Jonta provinziala y assessoura a la cultura dla Provinzia Autonoma de Trent Margherita Cogo, y en vender, ai 26  tl Museo Ladin de Fascia a Sen Jan vegniràl prejenté la publicazion nueva dl Istitut Cultural Ladin “majon di fascegn” dal titul “Dal Pordoi a Katzenau. Una vita in Val di Fassa nel primo Novecento”. Al se trata dl’edizion, sun papier y sun CD audio, de n document de bendebot de enteres per la conescenza dla storia del Nuefcent dla comunité fasciana.

Maria Piaz de Pavarin.

 


metù ite da noeles ai 22 October 2007 da les 18:46:46 (815 liet)
(liej inant... | 3380 letres | comentars? | ponc: )


UAL: lignola de encontedes de informazion
Fascia

L zitadin y les istituzions: se entene miec 

LIGNOLA DE ENCONTEDES DE INFORMAZION METUDA A JÍ DA LA UNION AUTONOMISTA LADINA TI PROSCIMS MEISC TE FASCIA

L raport con la aministrazion publica é gonot caraterisé da la puecia conescenza dles istituzions da pert di zitadins. Chestes loces de informazion vegnudes fora ence da la enrescida sun l Comun General de Fascia fata da puech anter la popolazion di comuns ladins tla provinzia de Trent, é bendebot de empediment nia demé per n dialogh frutoul y che dae sodesfazion anter zitadin y ofizes publics, ma ence per na partezipazion d'utl y enredenta da pert dla comunanza a la vita soziala y aministrativa.

 


metù ite da noeles ai 14 September 2007 da les 21:23:36 (706 liet)
(liej inant... | 5449 letres | comentars? | ponc: )


Museum ladin de Fascia: program da d'isté 2007
Fascia

Novité 2007:  raida ta Gardecia a conesce l re Laurin 

PROGRAM DA D'ISTÉ DL MUSEUM LADIN DE FASCIA: ENTRATEGNIMENT PER MENDRI Y GRAGN

L museum ladin de Fascia dl Istitut Ladin MdF met ence en chesta outa endò a jì na lignola de de beles manifestazions per i sciors che ruva tla valeda, ma ence chi dl post pò a poura nia se fé permez. La novité dl 2007 é la raida culturala "Sun l troi dles conties" tres la val de Gardecia che peia via a pé dles pizes dl Ciadenac, olàche la contia popolara aciaseia l re Laurin. 


metù ite da noeles ai 11 July 2007 da les 19:16:58 (631 liet)
(liej inant... | 4030 letres | comentars? | ponc: )


Union Autonomista Ladina chier sie troi
Fascia


UAL: valorisé miec la autonomia locala  

LA UAL RATA SCLUTA JU UNA NA FASA DE COLABORAZION CON LA MARGHERITA DE TRENT CHE SE LIARÀ ITE AL "PARTITO DEMOCRATICO" A LIVEL NAZIONAL

Encuei se à abiné la Union Autonomista Ladina (UAL) per ejaminé deberieda i ultims svilups politics y per definì deberieda sun ciun troi varié inant. Da la descuscion él sauté fora clermenter che al va debujegn de valorisé tl davegnì ciamò miec les mersces distintives y particolares dl moviment ladin, vuel dì che al se trata de n moviment politich trasversal, etnich y teritorial, aldefora de vigni dialetica ideologica.


metù ite da noeles ai 19 June 2007 da les 21:57:01 (749 liet)
(liej inant... | 6015 letres | comentars? | ponc: )


Cianacei: festa dla arpejon da mont
Fascia


Cianacei: sies dis de orela curta 

DAI 20 DE MESSEL AI 26 DE MESSEL: LA ARPEJON DA MONT CON N GRUM DE SPORTES - ENCONTEDA CON I SPORTIFS FASCIANS

L comité dles manifestazions de Cianacei con a cef dr. Silvano Parmesani se enjigna ca con na busia tres majera a la sajon da d'isté 2007. Al é n grum de laours y de scufs da fé via a na moda che dut garete. Dlongia les mudazions al program general dles scomenciadives végnel mané inant tl detai i preparatifs per na festa ladina nueva, na festa che vegnirà entegreda tla festa "Te Anter i Tobie'" y la "Gran Festa da d'Isté": na edema entiera dedicheda a la cultura da mont. De cie se tràtel pa plu avisa? Al é na festa per i sciors che vuel conesce plu avisa les raijes de nosta cultura, les raijes de nost lingaz, la motivazion de nost ester ladins: na cultura secolara de vita sa mont te anter i creps sclauris.


metù ite da noeles ai 11 June 2007 da les 22:32:03 (743 liet)
(liej inant... | 4388 letres | 1 comentars | ponc: )


PUP: la UAL à fat sies osservazions
Fascia


Plan urbanistich provinzial la UAL à dit la sia 

VIVENTÉ L LAOUR DA PAUR - RAION DL CIADENAC SOT A SCONANZA - L COMUN GENERAL DE FASCIA SOURANTOL RESPONSABELTÉS

Pro la enconteda anter l president dla jonta de Trent Lorenzo Dellai y la Union Autonomista Ladina (UAL) tegnuda ai 22 de mei a Poza él vegnù metù sun meisa dutes les consciderazions di esponenc ladins a revert l Plan Urbanistich Provinzial (PUP) che dess vegnì metù ju te na lege provinziala. L president Dellai à apriejé les toutes de posizion dla UAL. Al se à tamben aodé che an troe na bona colaborazion anter i ombolc ladins, unis sen tla Lia di Comuns Ladins.

I esponenc dla UAL pro meisa con l president dla jonta de Trent, Lorenzo Dellai.


metù ite da noeles ai 30 May 2007 da les 20:14:53 (797 liet)
(liej inant... | 10111 letres | comentars? | ponc: )


Fascia: sistem bibliotecar
Fascia

 

L liber, dutaorela na fontana dret d'utl

Te Fascia él trei biblioteches y na biblioteca spezialiseda sun temesc ladins

Tl ampl panorama de propostes culturales y de scomenciadives che se desleria ence te Fascia tol ite les biblioteches na luegia bendebot emportanta. Al é n pont de referiment per paré la seit do savei y conescenzes per na comunité che veid tl liber n strument dutaorela dassen aiutoul y fondamental enceben che les teconologies nueves se fej tres plu lerch.

Les biblioteches tl Trentin: 3 milions de titui arconcés via con catalogh eletronich.

 

Tema Fascia sun Noeles.net:
sun noeles.net él sen 50 articui sun la Val de Fascia da podei cialé do.
Les biblioteches de Fascia
L liber dal titul "Ascoltando il silenzio / Scutan l chiet" rejona di capitiei, dles ancones y di segns religiousc


metù ite da noeles ai 18 May 2007 da les 18:16:52 (670 liet)
(liej inant... | 5198 letres | comentars? | ponc: )


Di dla porta daverta tl museum ladin de Fascia
Fascia

 

Turism, enscì la veidi ie

Edema nazionala dla cultura 15-19 de mei: esposizion de grafics y depenc con meisa torona: "Turism, enscì l veidi ie: rejonon de chest!"

En gaujion dla "Edema nazionala dla Cultura" (15-19 de mei 2007) met dant l istitut Cultural Ladin de Fascia pro la senta dl museum ladin na mostra dret particolara: na esposizion grafich-pitorica "Turism: enscì l veidi ie" ("Turismo, un'idea mia" per talian), laours grafics y pitorics dl concurs omonim scrit fora da la ASAT (assoziazion turistica de Trent) y resservé ai scolés trentins, bele prejenteda de merz tl Ciastel dl "Buonconsiglio" a Trent.  An à raté dret de fé conesce y apriejé chisc laours manés ite dai scolés de Fascia, ben 53, ence da la jent dla valeda. Tl medem temp vuelen tamben sporje na ocajion per se fé pensiers sun l davegnì dl turism.

La Veisc conta: con chest laour à i scolés dles classes III A y B de Moena venciù l pest nazional dl'ANCI.


metù ite da noeles ai 14 May 2007 da les 20:05:43 (802 liet)
(liej inant... | 7148 letres | comentars? | ponc: )


Fascia: zirconvalazions di paisc
Fascia

 

Zirconvalazions: Moena dl 2009, a Ciampedel y Cianacei empermò en projet

I doi comuns dl'auta val de Fascia se é vegnus de fé passé l sviament sun la mandreta tres na galaria

La chestion dles stredes nueves per tó demez l trafich dai zentres di paisc é un di ponc plu debatus sibe tles aministrazions comunales che ence anter la jent. Da agn él te Fascia atif l projet Transdolomites che é a l'archirida dles mioures soluzions a chisc problems. L majer projet te Fascia é encuei chel dla zirconvalazion de Moena che vegnirà ruvé te valch ann, avisa ne sàn nia, ma al vegn rejoné dl 2009.

Moena.

 


metù ite da noeles ai 19 April 2007 da les 18:04:16 (760 liet)
(liej inant... | 2994 letres | comentars? | ponc: )


77 articui (6 plates, 15 sun vigni plata)
[ 1 | 2 | 3 | 4 | 5 | 6 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.373 seconc