benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Noeles.net - Informazion ladina: Fascia

Chirí te chest tema:   
[ Endò a la pruma plata | Cernede n tema nuef ]

Chertes militares conta la storia dla pruma vera
Fascia

Cartolines militares: n spiedl da enlaouta

L comun de Ciampedel mostra la pruma vera dl mond tres chertes militares da enlaouta

Image Hosting by PictureTrail.comL Comun de Ciampedel, assessorat a la cultura y a la istruzion, l Istitut Cultural y l Museo Ladin de Fascia, adum al Museo dla Scola alpina dla Verdia de Finanza de Pardac, met a jì via per l meis de aost na mostra de chertes militares dal titul “Cartolines militares ilustredes y en franchija dla Gran Vera 1914 -1918”.La pruma vera dl mond à derené dassen ence les valedes ladines.


metù ite da noeles ai 03 August 2009 da les 16:14:12 (576 liet)
(liej inant... | 3110 letres | comentars? | ponc: )


Festa ta Mont a Poza con lijendes y recordanzes
Fascia

Lijendes de Fanes a la "Festa ta Mont"

En sabeda y domenia, 1 y 2 de aost tla Val Sen Nicolò a Poza

Tl cheder dla “Festa ta Mont” che an festejeia tla Val de Sen Nicolò (Poza) en sabeda al 1 y domenia ai 2 de aost, troa na lerch speziala ence l spetacul de teater y mujiga “Stories de Fanes” endrezé dalIstitut Cultural Ladin “majon di fascegn” deberieda con l Ensemble “La Zag” y con la partezipazion de Noemi Iori desche solista y de Giacomo Anderle desche contastories. La scomenciadiva se tol dant de viventé endò, tres na recostruzion da la saour medievala, la vedla tradizion ladina di contastories che, aldò de cheles pueces recordanzes che ne é nia judes destrabonides tla tradizion, raidova da n paisc al auter, da na ciasa a l'autra, per conté, acompagnés da mujiga, de vedles lijendes y contejes epiches dles Dolomites.Cliché sun l morch per ruvé sun la plata internet che contegn l program avisa.
 


metù ite da noeles ai 27 July 2009 da les 18:26:27 (988 liet)
(liej inant... | 5840 letres | comentars? | ponc: )


Musical: l socret dl lech dl ergabuan
Fascia

L socret dl lech dl ergabuan

N teater musical con conties y cianties ladines ta Gardecia/Fascia ai 30 de messel y ai 20 de aost

Tl cheder dles manifestazions metudes a jì dal Istitut Cultural Ladin "Majon di Fascegn" y dal museo ladin de Fascia sot al titul "Isté 2009" él da mete a cuer l spetacul dal titul "L socret dl lech dl ergabuan", metù adum en colaborazion con l'assoziazion turistica de Fascia y programé per sies prumes does prejentazions i dis 30 de messel y 20 de aost 2009, da les 14.00, tla fopa enciantoula de Gardecia, damprò da la utia y con entournvia les pizes enciournentes dl Ciadenac.La vivana dl lech de Ergabuan. A man dreta: Fabio Chiocchetti, autour dles cianties.
 


metù ite da noeles ai 27 July 2009 da les 17:08:15 (685 liet)
(liej inant... | 3833 letres | comentars? | ponc: )


Edema dla Cultura 2009
Fascia

Edema dla Cultura 2009: La cultura é de duc

.... Tol pert ence Tu - Edema metuda a jì dal museo ladin de Fascia - Mostra sun la jent atempeda  

Image Hosting by PictureTrail.com Ence l Museo Ladin de Fascia tol pert a la XI Edema Nazionala dla Cultura metuda a jì dal Minister per i Bens y les Ativités Culturales dai 20 ai 25 de auril 2009. L slogan de chest ann “La cultura é de duc: tol pert ence tu!” vuel sotrissé la volonté de tò ite a na vida ativa i sentadins y les istituzions locales tles ativités dl Museo.


metù ite da noeles ai 13 April 2009 da les 10:21:28 (812 liet)
(liej inant... | 5300 letres | comentars? | ponc: )


Moena: Prejentazion dl CD-DVD
Fascia

Cianties ladines: anter tradizion, inovazion y contaminazion

Prejentazion dl cd-dvd "CJANTÂ VILOTIS CON ANTONELLA RUGGIERO" en vender, ai 27 de merz, da les 6 da seira tl salf dla scola a Moena  

Image Hosting by PictureTrail.com Do l gran event musical che à sclut ju la publicazion te trei volums entitoleda "Il canto popolare ladino nell’inchiesta “Das Volkslied in Österreich” (1904-1915), corpus monumental de cianties popolares dles valedes Ladines, dl’auta Val de Non y dl Friul oriental, prejenteia sen l Istitut Cultural Ladin l CD y DVD dl conzert dal vif che an à tegnù a Trent via per l setember dl ann passé.


metù ite da noeles ai 24 March 2009 da les 20:36:15 (497 liet)
(liej inant... | 2429 letres | comentars? | ponc: )


Ensnuet a Cianacei / Fascia
Fascia

ENCRESCIADUM: n some y na lijenda

Prejentazion ensnuet da les 21.00 tl Teater Marmoleda a Cianacei - Fascia 

Image Hosting by PictureTrail.comL re “Laurin” dla Enrosadira, depent con na esprescion de ria vueia sun l cuertl dl cd, é un di personajes de “Encresciadum”, la produzion musicala nueva per ladin te chela che al vegn revijité con l uedl de nosc temps les lijendes dles Dolomites che veid i mic che se desfej y l'enrosadira che se sclauresc.
An podessa traduje "enchersciadum" con “nostalgia”, ma l term ne ti corespon nia deplen: encresciadum é plu n “dejider de arciaseda”, a ciasa o a temps passés, “encresciadum” vuel plutost dì valch che an se dejidreia y che an à mancia. Chesta nia-tria esistenziala dla persona ciafa na sia esprescion perfeta tl jazz, te n lingaz musical che à sies raijes tl blues, tles cianties di sclafs, che esprimeia l medem sentiment, sciche la “saudade” oben “l’encresciadum”. N lingaz che à dagnora sapù assimilé y se fé assimilé da les tradizions musicales olàche al é ruvé, che se mesceida empera, ma zenza se confone.


metù ite da noeles ai 21 March 2009 da les 09:44:51 (507 liet)
(liej inant... | 3665 letres | comentars? | ponc: )


I set comuns dla val de Fascia y si toponims
Fascia

Na val, sie lingaz y si toponims

Prejentazion dl X volum dl Dizionar toponomastich trentin en vender ai 30 de jené tl museo ladin de Fascia

Image Hosting by PictureTrail.comAl é vegnù fora l X volum dl "Dizionario toponomastico trentino: I nomi locali della Val di Fassa", componù da trei libri, olàche al é abiné passa 8.000 inoms de luech di set comuns dla val: vol. I Moena y Soraga, vol. II Vich y Poza, vol. III Mazin, Ciampedel y Cianacei. L volum é vegnù metù adum do n laour lonch de enrescida, porté dant dal Istitut Cultural Ladin y da si colaboradours locai per cont dla Provinzia Autonoma de Trent, con l obietif de registré i toponims ladins y de stabilì sia grafìa ofiziala: nia demé i inoms di paisc y i macrotoponims, ma ence i microtoponims che se referesc a prés, ciamps, bosc, rufs, stredes y trois de bosch y e.i. .


metù ite da noeles ai 23 January 2009 da les 21:33:47 (596 liet)
(liej inant... | 3404 letres | comentars? | ponc: )


13 de dezember: reunion generala dl Istitut Ladin
Fascia

Reunion Generala dl Istitut Ladin Majon di Fascegn

En sabeda, ai 13 de dezember, da les 17.00 tla senta dl Istitut con a la pert ence l president dla provinzia de Trent Lorenzo Dellai - CALENDER LADIN 2009

Image Hosting by PictureTrail.comEn sabeda, da les 17.00 domesdì, vegniràl tegnù tl salf dl Istitut Ladin MdF a Vich de Fascia la radunanza generala clameda ite dal consei de aministrazion y da la comiscion culturala. Al é per l istitut l majer moment entratant l ann. Sclujan ju l ann 2008, vàl defat, adum con la legislatura politica ence a piz l mandat dl consei y perchel se tràtel de na ocajion de tré nia demé n bilanz dl ann, ma de duc i 5 agn de ativité y de laours portés inant per l davegnì. Al sarà n moment de verifica, de confront y de programazion, davert a dutes les oujes y a dutes les minonghes. Al se tratarà de envié via na fasa nueva de laour, en colaborazion con la provinzia autonoma de Trent, la scola, i comuns y les autres istituzions locales. Te chesta ocajion végnel ence adalerch l president dla provinzia autonoma de Trent, Lorenzo Dellai, con chel che al gnirà partì deberieda reflescions, idees y propostes.


metù ite da noeles ai 10 December 2008 da les 18:08:48 (698 liet)
(liej inant... | 2639 letres | comentars? | ponc: )


Fascia: does listes ladines en concorenza
Fascia

La UAL sun www.movimentual.it

Chest iade mess la UAL se mesuré te Fascia con na lista ladina concorenta "Lista Fassa"

Ence te Fascia végnel metù a jì chisc dis n grum de manifestazions politiches sibe da pert dla UAL (Union Autonomista Ladina) lieda al zenter-ciancia con Lorenzo Dellai che da pert dla lista "Fassa" (con Gino Fontana a cef) lieda al zenter mandreta de Sergio Divina. Sen à la UAL ence sia prejenza te internet a la miscion www.movimentual.it olàche al vegn splighé tl detai program y prejenté duc i candidac.

 


metù ite da noeles ai 14 October 2008 da les 18:37:14 (641 liet)
(liej inant... | 1958 letres | comentars? | ponc: )


Publicazions nueves: Gente di Val di Fassa
Fascia

"Gente di Val di Fassa": na valeda, sia storia, sies usanzes

Prejentazion ai 18 de aost, da les 17.30 con a la pert l'autoura enstessa, Donatella Bindi Mondaini

"Gente di Val di Fassa" é l cuart titul de Donatella Bindi Mondaini sun i ladins dles valedes dolomitiches, do "Gente di Val Badia", "Gente di Val Gardena" y "I costumi della Val Gardena". Tres chesta publicazion sporj l'autoura, osservadoura ascorta dles popolazions ladines, na panoramica sun la storia, la vita, les usanzes y la cultura dla Val de Fascia.


metù ite da noeles ai 11 August 2008 da les 19:01:34 (624 liet)
(liej inant... | 5266 letres | comentars? | ponc: )


Revive les lijendes: publicazion nueva dl istitut ladin fascian
Fascia

Do l troi dles conties

Na publicazion nueva talian-ladina dl istitut cultural ladin de Fascia penseda per i mutons

Image Hosting by PictureTrail.comL'idea de regueie te n liber doestrei anter les plu beles lijendes loghedes tl Ciadenac vegn cà da la fascinazion che les conties à sun gragn y bec, ma ence dal fat de savei che chestes resta sovenz “sospenudes” te sia dimenjion de flaba, destachedes da la realté y dal teritore che les à cheriedes y olache ales pertegn.

 


metù ite da noeles ai 15 July 2008 da les 19:45:26 (617 liet)
(liej inant... | 4039 letres | comentars? | ponc: )


Edema dla cultura: museo davert n'edema alalongia debant
Fascia

Edema dla cultura: na festa per duc

Dai 25 ai 31 de merz 2008 - Entreda debant tl museo ladin de Fascia y 20% de arbas sun dutes les publicazions dl Istitut Cultural

L Museo Ladin de Fascia tol tamben pert a la diejema Edema Nazionala dla Cultura metuda a jì dal Ministere per i Bens y les Ativités Culturales dai 25 ai 31 de merz 2008. L slogan de chest ann "L'Edema dla Cultura: na festa per duc"  vuel sotrissé la volonté de ti fé conesce a la jent a na maniera plu fona y  tamben na maiour  conescenza di bens culturai che é entourn nos via y che ai  raprejenteia, anter l auter, n fatour de competitivité y de svilup nazional y  local.


metù ite da noeles ai 12 March 2008 da les 20:46:41 (846 liet)
(liej inant... | 2387 letres | 1 comentars | ponc: )


Di dles portes davertes tl museo ladin de Fascia
Fascia

L museo ladin deura les portes

Tl cheder dla manifestazion nazionala metuda aldò dla convenzion dla UNESCO

En domenia, ai 20 de jené, tol pert l museum ladin de Fascia a la manifestazion nazionala "Portes davertes a les tradizions talianes" tres na daurida straordinara di salfs espositifs da les 15.00 a les 19.00. La iniziativa é vegnuda envieda via dal Minister ai Bens y a les Ativités culturales per valorisé la conescenza dles truepes tradizions aldò dla convenzion dla UNESCO per la sconanza dl patrimone cultural nia-material.


metù ite da noeles ai 17 January 2008 da les 18:06:24 (660 liet)
(liej inant... | 1935 letres | comentars? | ponc: )


Cianacei: enaudazion dla ciasa dla cultura
Fascia

Na ciasa de viere olàche i creps se spiedla

Cianacei à sen na ciasa dla cultura con ben 4 salfs per teater, chino, mujiga y encontedes

Te Fascia y dantaldut tl'auta Fascia a Cianacei y Ciampedel él sté n meis de dezember rich de abinedes, de manifestazions, de prejentazions de libri y auter che ti à dé na merscia a la vita soziala y culturala. Do la bela prejentazion di libri a Ciampedel tl cheder di 50 agn de recostituzion dl Comun y do la recordanza di 70 agn da la gran levina del Sas Becé a Cianacei en vender domesdì gran enaudazion dl nuef Kino Marmoleda.


metù ite da noeles ai 24 December 2007 da les 18:35:53 (817 liet)
(liej inant... | 2904 letres | comentars? | ponc: )


Ciampedel: 50 agn da la recostituzion a comun
Fascia

Ciampedel à festejé i 50 agn de recostituzion dl comun

En juebia seira él vegnù prejenté 2 libri scric da Rasom Sabrina, un sun l paisc da Ciampedel y l auter sun i studafuech, entrami ti vegnirà partis fora a dutes les families

Al é vegnù tegnù en juebia, ai 13 de dezember 2007, a Ciampedel l'ultima sereda de na programazion longia de abinedes piedes via tl 2006 y sclutes ju ai 13 de dezember y che à abù desche motivazion i festejamenc per i 50 agn da canche Ciampedel à remetù su sie Comun autonom da Cianacei. Defat do l'enstaurazion dl rejim fascist de Benito Mussolini vegniva Ciampedel desche Comun lié permez a Cianacei y perdova sia ciasa de Comun y sie consei. Na situazion juda inant per passa 50 agn enfin a canche dl 1957 Ciampedel à endò podù avei sie Comun y Consei de Comun, despartis da Cianacei. L'aministrazion comunala videda dal capocomun Leonardo Bernard à  dezidù per chest de porté dant n rich program de manifestazions che à duré doi agn y che se à sclut ju l'autra seira con n rich program tla sala dles adunanzes de Comun.


metù ite da noeles ai 16 December 2007 da les 22:04:06 (741 liet)
(liej inant... | 3169 letres | comentars? | ponc: )


77 articui (6 plates, 15 sun vigni plata)
[ 1 | 2 | 3 | 4 | 5 | 6 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.320 seconc