benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Noeles.net - Informazion ladina: Storia

Chirí te chest tema:   
[ Endò a la pruma plata | Cernede n tema nuef ]

Na esperienza personala dla familia Moroder
Storia

 

"I colaboratours de Hitler te Gherdeina"

Revisionism storich te Gherdeina: l prof. Edgar Moroder de Urtijei prova de mete i 5 colaboratours gherdeines dl regim nazist de Hitler y copés do la vera dai partisans de Belun al medem livel de Josef Mayr Nusser che à dit nò al nazism y é gnú copé

I nes on fat bendebot marevueia a lieje chel articul de Edgar Moroder olà che el prova belau de mete sun l medem livel Josef Mayr Nusser y chi 5 de Gherdeina che é vegnus touc pera y mazés dai partisans dla Brigata "Valcordevole" do i 15 de mei dl 1945. Fé n tel confront é bendebot fora de luegia, stona damat y ne é dut entourn nia realistisch, ajache al ne à net nia da fé l’un con l’auter.
Josef Mayr Nusser fova n joen dret atif tla "Katholische Aktion" y tla "Kolpingsfamilie" tant che al fova dret benvolú dai joegn per sie ardiment y coraje de dí sia minonga devers l terz Reich che se desmostrova de ester for plu y plu n regim de estrema man dreta y contra la gliejia Catolica y Protestanta. Al à empaieda con sia vita.


 


metù ite da noeles ai 20 May 2006 da les 18:03:17 (1506 liet)
(liej inant... | 9383 letres | 2 comentars | ponc: )


Publicazion nueva sun la prozescion de Jevun
Storia

 

La prozescion de Jevun, les raijes se perd tl scur dla storia 

En chest vender, ai 5 de mei, gnirál prejenté l liber de dr. Lois Craffonara sun la prozescion de Jevun tl Ciastel de Tor a San Martin

Entourn mez jugn piaràl endò via la prozescion de Jevun (pronunzié Jeunn o Jeo tla Val Badia), n pelegrinaje de 3 dis, a chel che al tol pert prozescions de dutes les 12 cures dla Val Badia. Tó pert tòlel demé ei, joegn y mutons, les eles ne va nia empera, enceben che per n pez à ence eles podù tó pert. 
 
La claustra de Jevun soura la zité de Cluses. Sun les cleves a soredl végnel coltivé vineis.
 
 
 
 
 

metù ite da noeles ai 03 May 2006 da les 18:19:07 (1868 liet)
(liej inant... | 13026 letres | comentars? | ponc: )


Recordanzes a André Hofer
Storia

 

André Hofer, n combatent che volova tegnì dut a la vedla

André Hofer, aldidancuei superé? Al ova combatù contra reformes che ne fossa nia stedes mel

Vigni ann végnel recordé ai 20 de fauré n toch dla storia de Tirol che ti à fat onour a nosc antenac, davia che ai à prové da se paré contra l nemí che ova dl 1805 tout ite Tirol. Chet nemí fova l re de Bayern. Chest ova porté te Tirol n grum de reformes modernes tl ciamp dla scola, dla magistratura, la liberté de religion, la destouta di privilegs nobiliars. A la gliejia ti fòvel gnù tout feter dut: truepes festes de gliejia fova gnudes toutes ju, l jí con crousc y l soné al temp fova gnù proibì, les Madovines sburledes a da doman. A chesta fosa fova la gliejia, ma ence la popolazion contra l re de Bayern. La revolta dla jent de Tirol fova gnuda organiseda per percuré demez i saudés de Bayern. Chi de Napolion fova permó gnus adalerch can che chi de Bayern i ova cherdé en aiut contra Tirol.


metù ite da noeles ai 15 February 2006 da les 19:47:45 (1338 liet)
(liej inant... | 5551 letres | comentars? | ponc: )


100 agn Union Ladina: les raijes dla divijion ladina
Storia

 

La plaia dla divijion di ladins met man sot a l'Austria

Pro les cumpeides dla jent àla raté i ladins feter tres pro i talians

N valgugn toc dla verité vegnuda fora al Convegn de Dispruch ai 10 de november. L convegn à sclut ju les manifestazions per i 100 agn dla Union Ladina. Bonamenter àn aspeté aposta chest moment per ti dí a l'Austria sun l mus che la colpa prinzipala dla burta storia di ladins é propi sia. Ala conesciova i sentimenc de duc i ladins, de dutes les valedes y empò i àla conscidré talians. 
Tl meis de mei dl 1945 à partesans beluneisc straporté deplù gherdeines colaboratours di todesc, 5 de chisc é vegnus copés. Entourn l 80% di gherdeines ova enlaouta opté per l Reich. I "Dableiber", i optanc gherdeines per la Talia, vegniva tichinés tl temp de ocupazion todescia dal 1943 al 1945, n valgugn é enfinami vegnus straportés te ciamps de conzentrament todesc.

metù ite da noeles ai 27 November 2005 da les 21:37:16 (976 liet)
(liej inant... | 8946 letres | 3 comentars | ponc: )


Relazion dl dr. Mischi Georg en ocajion di 100 Union Ladin
Storia

 

Die Ladiner: eine Geschichte der Spaltung

Referat tegnù dal dr. Georg Mischí de Selva en gaujion di 100 agn Union Ladina a Dispruch

Wenn man die Geschichte der DolomitenLadiner betrachtet, kommt man unweigerlich zu einer Frage und zu einer Feststellung: einmal zur Frage nach einer Nationalität der Ladiner bzw. zur Frage nach einem Unrechtsbewusstsein der Ladiner und zum zweiten zur Feststellung, dass die Geschichte der Ladiner eine Geschichte der Teilung und Spaltung ist.


metù ite da noeles ai 25 November 2005 da les 20:44:10 (4833 liet)
(liej inant... | 34113 letres | 1 comentars | ponc: )


II. Vera Mondiala - 60 agn da la liberazion
Storia

60 agn da la Seconda Vera Mondiala

60 agn da la liberazion - Ence les valedes ladines é vegnudes trates ite: empruma con les opzions, spo con cherdé ite saudés - I doi obietours ladins: Merch Dapunt sclopeté a Schlanders y Vijo Alfreider brujé vif a Buchenwald

L "Drittes Reich" Todesch sot a Hitler á scomencé de setember dl 1939 con les ermes y terour a trapone ti fac sies ambizions: ruvé a d'ester na potenza mondiala y venje permez "Lebensraum" tl Ost dl'Europa per la "raza" todescia. Te chest plan fòvel sclut ite la sterminazion y/o la sclavisazion de popui entiers, classifichés da la ideologia nazista desche "Untermenschen". "Endlösung" y "Endsieg" fova les paroles clef de na matité che ne reconesciova plu deguna regola umana y morala, jian rodunt devers l'autodesdruzion. La 2. Vera Mondiala á scomencé de setember dl 1939 con la baujia dl assaut a la Polonia y á duré enfin a mei dl 1945 con la capitulazion totala dla Germania. Ala ti á costé la vita a soura 55 milions de persones anter saudés y zivils. Ti ciamps de conzentrament todesc él vegnú copé sistematicamenter 6 milions de judiers, cenc de milesc perjoniers politics, zingaindri. Ence les valedes y la jent ladina é vegnus trac ite te chisc fac de vera, empruma con les opzions dl 1939 y dedò con la vera. Foto: l ciamp de conzentrament nazist a Bulsan, str. Resia, atira do la vera.


metù ite da noeles ai 25 April 2005 da les 10:29:01 (1666 liet)
(liej inant... | 12410 letres | 3 comentars | ponc: )


Ladinia brixino-tiroleisa: n valgugn sclarimenc
Storia


L ciuldí dla definizion "Ladinia brixino-tiroleisa"

Hans Goebl y Paul Videsott: La denominazion é nasciuda ti agn '90 per gauja dl debujegn tres plu gran de tegní endalauter la Ladinia dl Sela da autri raions che á metú man de se clamé ence "ladins" 

Con chest articul volessa i sotescric respone a n valgunes interpretazions faledes che an à podù lieje ultimamenter sun la "Plata Ladina" y sun "Noeles.net" y che reverda la denominazion scientifica "Ladinia brixino-tiroleisa" (che é ence l titul dla cherta geografica publicheda tla ultima "Ladinia"):


metù ite da noeles ai 22 February 2005 da les 14:51:25 (1564 liet)
(liej inant... | 6596 letres | 8 comentars | ponc: )


Ladins dles Dolomites o Ladins de Persenon/Tirol
Storia


Ladins dles Dolomites o Ladins de Persenon-Tirol

Onse pa debujegn de na eticheta nueva? - La revista "LADINIA" dl Istitut Ladin rejona sen te n iade de na "Ladinia brixino-tiroleisa"

Sun l cuertl daite dl ultim numer de Ladinia XXVIII, Sfuei Cultural dl Istitut Ladin Micurà de Rü,  pòn sen vedei, y bonamenter ence tl davegnì, na cherta intitoleda "Ladinia brixino-tiroleisa" y chel sun les prumes plates tant che desche "cherta da vijita". Cie che l comité scientifich dla revista y l Consei dl Istitut vuel dí é cler: dé da entene che l vescovat de Persenon y la contea de Tirol sie zaco stés dezijifs per l nasce dla etnia ladina y sie mantegniment, trames ipoteses che ne pò nia vegní confermedes con n "scì" net y cler. La sensazion é chela che la cherta é gnuda depenta pian via da posizions ideologiches y che an vuel ti dé "n mantel scientifich" a les posizions politiches di todesc. Rie da se imaginé che l redadour dla Ladinia da denant essa lascé ite na tel cherta tla Ladinia, nia per ultim davia che la situazion di confins é scialdi plu complicheda de chela che vegn depenta. 


metù ite da noeles ai 25 January 2005 da les 20:41:49 (1450 liet)
(liej inant... | 12184 letres | 3 comentars | ponc: )


Documentazion storica: l Ciastel Colz a La Ila
Storia

 

La vita ai temps di ciastiei 

I Colz ti ova n senn a mort al Gran Bracun y ai l á copé a Punt da Bos sun Col Maladet dl 1582

Tla vejinanza de Marin a La Ila dàl atira al uedl dl viandant che passa dlongiavia - sun l troi vedl che menova zacan devers Col Maladet - na gran costruzion. Al é l Ciastel Colz, nominé da la jent dl paisc ence Gran Ciasa. Chest colòs gran y pesoch a forma de scatola chedra con murs de ceindla y does tores sta senté sun n laston amesa la bela campagna de Col Pinei.  L Ciastel encuei: elegant desche zacan, n hotel y restorant esclusif.


metù ite da noeles ai 26 July 2004 da les 21:56:44 (1916 liet)
(liej inant... | 7069 letres | comentars? | ponc: )


N pice cheder storich sun i avenimenc a Spinges
Storia

 

N di d'aisciuda, ai 2 d'auril dl 1797

L "Tiroler Landsturm"  vuel ataché i franzeisc aclapés entourn Aicha y Mühlbach - La bataia cioda de jí fora mel, ma al ruva a la jonta Catarina Lanz che deida outé l destin

La revoluzion franzeisa dl 1789 y sies idees revoluzionares ti ova dé na scasseda a duta l'Europa. Dl 1796 ova Napolion Bonaparte, nominé general con apeina 26 agn, sourantout les brenes dl'armeda franzeisa tla Italia y sies trupes avanzeia devers les Alpes. Dlonch s'á l Tiroler "Landsturm" aclapé per paré demez i invasours franzeisc, enscí ence tl raion da Persenon y tl'Auta Val d'Isarch. Ai 2 d'auril dl 1797 á scomencé la ofensiva di 3000 oms dl "Tiroler Landsturm" dal jouf de Vals ju, comanés dal avocat Philipp Wörndle, contra i ocupadours che ova si aciampamenc militars a Aicha y a Mühlbach. Ma i tiroleisc fova vegnus embanis.

metù ite da noeles ai 12 July 2004 da les 22:54:08 (2039 liet)
(liej inant... | 4065 letres | comentars? | ponc: )


Di dl'Unité Ladina, 18 de messel 2004: l Ciastel d'Andrac
Storia

 

L Ciastel d'Andrac, stories che se mesceida a la liejenda

En domenia, ai 18 de messel, Dí dla Unité Ladina a Andrac ta Fodom - Ciastel d'Andrac: Nicolò Cusanus y l Gran Bracun á abité laite

L Ciastel d’Andrac é dessegur un di documenc plu carateristics dla storia dles vals ladines. Chela costruzion che se erj desche na rama encalmeda soura chel sas, fosc vegnù ju dal Sas de Stria dant milenés, fej se astalé la jent che passa su per l jouf de Fauzares. Daite da chi sasc, che n iade ova ence n tet lassoura, degeoul de n tel inom, se ál consumé ti secui stories che se mesceida datrai con la liejenda.

Nicolò Cusanus, l gran filosof dla gliejia, á vivú tl Ciastel d'Andrac dal 1454 al 1460.


metù ite da noeles ai 10 July 2004 da les 19:21:37 (1891 liet)
(liej inant... | 7203 letres | comentars? | ponc: )


Trent: esposizion dai 18 de jugn ai 7 de november '04
Storia

 

"Veriers, prinzesc y eroes" 

Na esposizion che conta la storia de nosc raions da les prumes fusties ai temps dles invajions barbariches

Tl Ciastel dl Buonconsiglio a Trent él gnú daurí dantenier la esposizion "Veriers, prinzesc y eroes" che interesseia dessegur ence i Ladins ajache ala conta la storia de nosc raions da vedlamenter encá: da les prumes fusties dla persona dant da 30.000 mile agn enfin a les invajions barbariches. I esponac respiedla l’esibizion dla forza, dl domine y dl luxus de na elite che comanova enlaouta. I esponac archeologics vegn dal ampl raion che se desten anter les gran planures assoulcedes a sud dal flum Po y a nord dal Danube con anterite les Alpes desche liam natural anter l mond europeich dl nord y chel mediteran. I esponac é vegnus coius adum da de plu museums y colezions y  vegn prejentés per l prum iade deberieda alistés a na moda che ai fej revive la storia. Al é da vedei na ampla cerna de ermes rafinedes, de belijies costoules, de oles y de d'autri simbui particolars dla aristocrazia de chi temps. I ne podon nia nes desmentié che gran pert di raions sun la manciancia dl flum Isarch (Lijon - Eores - Funes - Cudon - Ciastel - Souc - Fié - Tiers - Neva Ladina) fova ladins enfin al 13-15eisem secul y aluesc plu die, l Venuost enfin al 18eisem secul.

Raprejentazion de n verier (retich?).


metù ite da noeles ai 20 June 2004 da les 18:55:37 (1485 liet)
(liej inant... | 2668 letres | 1 comentars | ponc: )


Dai Retics ai Ladins
Storia

 

Les raijes retiches di Ladins

Con gran mueia di archeologs ne ésen nia datant de dezifré les iscrizions retiches che podessa porté n pue de lum  

Chi fova pa i Rec che an rata desche i avons di ladins y che vivova tles Alpes Zentrales, do l mote sie decá che delá dla morona prinzipala dles Alpes, ma con conzentrazion particolara tla region Trentin-Adesc Aut-Tirol-Grijon. Fòvel na unité o demé na denominazion coletiva che i Romans ti à dé? Fòvei veramenter emparentés con i Etruscs dla Toscana desche n valgunes fusties linguistiches podessa nes fé raté y istoriografs romans da enlaouta scriv? N grum de domandes, n cogol de ipoteses, ma pueces brances concretes enfin aldidancuei. La reziologia, nasciuda dant da 150 agn per ti jí do a chest mister, se fej ciamò plu ert che l'etruscologia a d'avei na vijion ence demé tourbla dla sozieté, dla cultura y dl lingaz retich tles Alpes te chi temps tant desman. Na scritura retica dal Renon.  An po la lieje clermenter da manciancia a mandreta!:  "laseke / maze'e", baudi ne sán nia cie che al vuel dí.


metù ite da noeles ai 06 June 2004 da les 20:34:58 (2136 liet)
(liej inant... | 11824 letres | comentars? | ponc: )


La Val Venuost y sia arpejon ladina/retoromana
Storia

 

"L rondení  de temps passés"

Tla Val Venuost rejónen aldidancuei todesch, ma dlonch úrten l passé ladin/retoroman,  i toponims rejona dutaorela chest lingaz

"Quadres, Maletes, Astrals, Plavina, Cristanes, Plangrand, Plandalais, Fasses, Plambel, Pra Lombart, Planatsch, Sponda, Planvert, Valdapetsch, Foppa, Ganal, Sesvenna, Spinei". Lascian rondení dantfora l son de en valgugn toponims venostans de clera derivazion ladina-romana, che nes sona ence a nos dret familiars, él ai 14 de mei vegnú metú en ona sun l Sender Bozen n program dret interessant con trueps detais storics dal titul "Auf den Spuren des Rätoromanischen im Vinschgau" (Les fusties retoromanes tl Venuost) dl storich y fotograf Sebastian Marseiler.  L film é vegnú fat sun enciaria dl museum Venostan y dla RAI todescia. Desche al é saurí da vedei da la toponomastica s'á l lingaz retoroman o ladin mantegní enfin al 18-19eisem secul te chesta valeda che se desten da Maran enfin al pas dal Raisc, conesciuda aldidancuei per sies gran desteises de pomés. Sce an la tol avisa, ne é l ladin enfin aldidancuei nia svaní daldut. Tla Val Müstair, na val laterala dl Venuost che peia via da Gluorn/Glurns, végnel dutaorela rejoné ladin-retoroman che corespon dessegur plu o manco a chel che an rejonova zacan te dut l raion venostan, ne él pu degun confin geografich danterite. N cheder de Gluorn/Glurns.


metù ite da noeles ai 15 May 2004 da les 07:48:24 (1636 liet)
(liej inant... | 5736 letres | comentars? | ponc: )


29 articui (2 plates, 15 sun vigni plata)
[ 1 | 2 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.358 seconc