benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Noeles.net - Informazion ladina: Friul

Chirí te chest tema:   
[ Endò a la pruma plata | Cernede n tema nuef ]

Friul: na sentenza ria da glotì
Friul

N tarlui a ciel saren: na sentenza dla Court Costituzionala

5 articui sun 6 dla lege regionala n. 29 dl 2007 declarés ilegitims - L recurs a la Court Costituzionala fova vegnù prejenté dal govern Prodi 

Image Hosting by PictureTrail.com La novela à dé ju sciche n tarlui a ciel saren tl Friul, dantaldut pro les organisazions culturales che se aodova n gran vare inant tla sconanza de lingaz y cultura furlana, brujan sun l nasce te n aiet dutes les speranzes de n miour cheder giuridich. Tres la sentenza n. 159/2009 él vegnù declaré 5 articui dla lege regionala n. 29 dl 2007 nia conforms a la legislazion nazionala y en particolar a la lege cheder sun les mendranzes 482/99. La sentenza é vegnuda deponuda ai 22 de mei 2009.


metù ite da noeles ai 25 May 2009 da les 22:21:02 (543 liet)
(liej inant... | 4302 letres | 2 comentars | ponc: )


La ultima stoleda de Prodi: la lege sun l furlan vegn empugneda
Friul

La ultima stoleda de Prodi

La lege regionala n. 29/2007 sun la promozion dl furlan é vegnuda empugneda dal Govern dant a la Court de Costituzion 

Image Hosting by PictureTrail.comL govern Prodi, redont dant la dé su, à ciamò abù la forza de empugné dant a la Court Costituzionala la lege dla region Friul-Venezia-Giulia n. 29/07 sun la sconanza, promozion y doura dl lingaz furlan. La dezijion é tomeda ai 14 de fauré tl Consei di Ministri sun proposta dla ministra ai afars regionai, la calabreisa Lidia Lanzillotta. Trei les motivazions a la basa dla empugnazion: la poscibelté de adoré la toponomastica demé per furlan, la chestion dl "dissens informé" tla introduzion dl ensegnament a scola (vuel dì chi che ne vuel nia tò pert al ensegnament facoltatif, mess s'en desdì) y la poscibelté de promueve l lingaz furlan ence fora di confins regionai (p.ej. tles comunités de furlans emigrés). Chesta azion dl govern Prodi à fat bendebot de splunder tl Friul che ova aprové la lege a maioranza. L president dla region Friul-Venezia-Giulia, Riccardo Illy, à bele dit che al é na desfronteda nia da creie envers les facoltés legilatives dla region y à ghiré che Prodi tire atira zeruch la empugnazion. Te vigni caje ne tirarà l consei regional nia zeruch la lege. A la lum de chesta azion dl govern Prodi deventa ence l memorandum che ti fova vegnù sourandé da la Generela y dai Amisc dla Ladinia nia auter che paroles al vent. Chest fat desmostra che ence da pert di politics de zenter-man ciancia ne él deguna sesibelté te chestions de mendranzes.

 


metù ite da noeles ai 18 February 2008 da les 21:11:28 (693 liet)
(liej inant... | 7077 letres | 1 comentars | ponc: )


La lege 482/99: les esperienzes tl Friul
Friul

Lege 482/99: ala deida, ma al é massa puech

A la lege cheder nazionala n. 482/99 fej ence referiment la Lia di comuns ladins per finanzié projec culturai-linguistics



La lege 482/99, a chela che ence la Lia di comuns ladins fej referiment per podei mete a jì projec soura les seides provinziales fora, vegn bele aplicheda dal 2001 tl Friul. Al é la pruma lege nazionala che reconesc espressamenter l lingaz furlan, ma ence chel ladin, almanco per cie che reverda l raion Beluneis. Ala à a poura nia porté pro a na majera visibelté dl lingaz furlan, p.ej. sun tofles, tles scoles y tles istituzions, ma al é dutaorela "visibeltés" pontuales, nia ponudes ite te n cheder general de promozion dl lingaz furlan. Valch podéssel se mudé en miec tres la lege regionala nueva sun l lingaz furlan deda pro ai 21 de november 2007 che preveid l prum iade l ensegnament dl furlan te scola per almanco una na ora a l'edema. A soglot va depierpul inant la doura dl lingaz furlan pro la RAI, tamben preveduda da la lege 482/99. Dal ann che vegn déssel finalmenter vegnì metù en ona les prumes trasmiscions curtes, ma te orars bendebot enchenc. La lege 482/99 patesc l fat che i projec é dagnora limités temporalmenter, ence les porteles linguistiches, cie che ne contribuesc nia a promueve la profescionalité y na projetualité a termen lonch. Sun chesta chestion n valgunes domandes a Carli Pup (foto) dl Comité furlan 482/99. Tofles de direzion bilinghes tla planura furlana


metù ite da noeles ai 03 December 2007 da les 18:56:22 (648 liet)
(liej inant... | 7986 letres | comentars? | ponc: )


Friul: lege sun l lingaz scialdi dobliousa
Friul

Lege sun l lingaz furlan: miec che l piec

L comité 482/99, promotour dla lege, dij che an se à arjumé via na ocajion storica, ma l piec à podù vegnì evité

Encuei à l Consei regional dl Friul-Venezia-Giulia dé pro la lege nueva sun l lingaz furlan. L comité furlan 482/99 (inom aladò dla lege cheder nazionala sun les mendranzes, n.d.r.) ti é sté do duc chisc meisc a la chestion con critiches y propostes ai politics. L grup fova ence prejent enier con n preside dant dal palaz dl Consei a Triest. Na gran mueia pro l comité 482 che la rata massa dobliousa. Al à declaré che la Region à arjumé via na ocajion storica per dé pro na lege inovativa al vare con i temps, ma che vedan tresfora tentatifs de mudé ju l test al arbas de sconanza, ésen empò stés bogn da evité l piec. Daite publiconse l test integral dla touta de posizion dl comité 482 y valch scliguc dla discuscion tl Consei Regional.


metù ite da noeles ai 23 November 2007 da les 20:16:23 (786 liet)
(liej inant... | 18257 letres | comentars? | ponc: )


Lege regionala sun la doura dl lingaz furlan
Friul


Apel dal Friul: daidedenes!
 
PER NA MAJERA LERCH DL FURLAN TLES SCOLES, TLES ISTITUZIONS Y TI MEDIA

Te chestes edemes végnel cialé tres tl Consei regional a Triest la lege regionala nueva sun la sconanza y la valorisazion dl lingaz furlan, dl sloven y dl todesch tl Friul. La proposta che la jonta sot al president Illy vuel endere bate tres vegn rateda cotant piec de chela bele en doura, la lege regionala 15/96. Dutes les assoziazions furlanes se mobiliteia chisc dis tres n apel a duc i politics de duc i partis per arjonje che al vegne fat mudazions, dantaldut per cie che reverda l ensegnament dl furlan te scola y sia doura istituzionaliseda ti media desche prevedù da la lege cheder nazionala sun les mendranzes n. 482/99. I ves prion de sotescrive l apel y de ti mané Vost sostegn tres na e-mail per ti sté permez ai furlans.

 L comité 482/99:  lege nueva cotant piec che chela da dant, ala é anti-costituzionala! 


metù ite da noeles ai 04 July 2007 da les 23:17:59 (783 liet)
(liej inant... | 9218 letres | comentars? | ponc: )


De gran varesc inant ti ultims temps: previjions dl temp per furlan
Friul


L ciel sun l Friul: sen ence per furlan  

DEFATA TRASMISCIONS FURLANES ENCE SUN RAI3 - ENSEGNAMENT DLA KOINÉ FURLANA TLES SCOLES

Depierpul che tla Ladinia dolomitana ésen do se spantié su te idioms, enfinamai i ofizialisan, olàche al ne va nia debujegn, féjen tl Friul ti ultims temps de gran varesc inant, ma tl sens de na tres majera unité y vedeibelté dl lingaz. Bele ti agn passés àn metù su con i finanziamenc dla lege 482/99 damprovia les tofles bilinghes sun les stredes, dant i paisc y tla toponomastica locala. L medem suzédel tles scoles olàche an ruvarà tost a n ensegnament tres plu regolarisé dl furlan, samben dla koiné furlana, l standard scrit. Ence pro la RAI se mùdel zeche, do agn de chiet. Defata jiràl en ona n prum notiziar sperimental furlan sun RAI3.  Al é cler che l ladin dolomitan à demé na poscibelté de vive inant, unian sies forzes y nia se folclorisan te idioms.
Toponomastica, defata trasmiscions sun RAI3.

metù ite da noeles ai 25 June 2007 da les 20:55:13 (802 liet)
(liej inant... | 3314 letres | comentars? | ponc: )


Friul: Onde Furlane da nuef te internet
Friul

 

I furlans varieia con i temps: sit nuef de Radio Onde Furlane

con noeles, rubriches, telejornal acustich on-line, forum y d'auter

En vueia de Nadel, desche scincunda nadalina, él ju en ona l sit nuef de Radio Onde Furlane con viesta grafica atualiseda y plajoula, telejornal da audí on-line y n grum de d'autres rubriches, al vare con i temps moderns.


metù ite da noeles ai 28 December 2005 da les 21:44:01 (1076 liet)
(liej inant... | 2957 letres | comentars? | ponc: )


Fieste Ladina y IV Colloquium Retoromanistich: program
Friul

 

IV Colloquium Retoromanistich y Fieste Ladine a San Denêl tl Friul

Dai 26 ai 28 de aost: banc de informazion dl Istitut Ladin "Majon di Fascegn", dla Assoziazion Turistica de Gherdeina y dla Union Generela - Rumanc, ladins y furlans fej festa deberieda

L IV Colloquium Retoromanistich vegnirà metù a jì chest ann  tl cheder de 3 dis de festa dal inom "Fieste ladine" dai 26 ai 28 de aost 2005  a San Daniele/San Denêl tl Friul. Envié envieia la zité de San Denêl, la Societât Filologjiche Furlane y la université de Udin.

Sun plaza a San Denel/San Daniele da seira.

 

 

Letura aconsieda:
  Graziadio I. Ascoli: "130 agn Saggi Ladini"
  Dal latin al ladin: storia dla evoluzion dl lingaz ladin
 

metù ite da noeles ai 26 July 2005 da les 16:27:28 (2300 liet)
(liej inant... | 15720 letres | comentars? | ponc: )


La resposta dla Region
Friul


Statut: piec ne podòvela nia jí

La Region respon a les obiezions dl Comité 482/99

Piec ne podòvela nia jí con la rescritura dl statut de autonomia dla Region Friul-Venezia-Giulia. Les normes statutares per cie che reverda la promozion de lingaz y de cultura furlana, desche te na mendra mesura per chela slovena, se tegn dassen al general, al nia-oblient y ne scriv dant degun dovei o obietifs da arjonje, tant demanco veid l statut dantfora valga sort de parité de derc y na doura dl lingaz al medem livel. Ai 9 de merz ti á la Presidenza dla Region responú al comité 482/99 che ti ova trat dant a la Region de ester con sie sboz de statut enfinamai plu endò dla Costituzion Taliana y dla lege 482/99 sun les comunités de mendranza dl stat. Ma la chestion ne se ruva nia chilò. L statut é n sboz y nia deplú enfin a ciamò. Foto: Alessandro Tesini ti á responú al Comité 482/99.
 

metù ite da noeles ai 12 March 2005 da les 21:00:16 (1180 liet)
(liej inant... | 18269 letres | comentars? | ponc: )


Friul: truepa delujion per l sboz dl statut nuef
Friul


Furlans ence tl statut nuef tla mesa-ombria
 

L Comité 482/99 ti á ortié na letra de protesta a duc i conseiers regionai 

Tl Friul cuejel l senn y la delujion dles Unions unides tl Comité 482/99 do l'aproazion dl sboz dl statut nuef da pert dl Consei dla Region Friul-Venezia-Giulia en chest meis de fauré. A l'elaborazion dl statut ova les unions lié empruma truepes aodanzes y speranzes y ova fat n grum de propostes dantfora. Dut parova da se ouje al miour dl 2003, encandenò resta dantaldut i furlans inant tla mesa-ombria legala. Ma zeche se muevel empò per merit dla lege statala. 

metù ite da noeles ai 03 March 2005 da les 16:47:30 (976 liet)
(liej inant... | 11030 letres | comentars? | ponc: )


Dai Fats e de culture des tieris Ladins
Friul


Lois Craffonara tal ciastel de Ermis de Colorêt

Articul souranout dal mensil "Ladins dal Friûl"

Lois Craffonara in cunvigne tal cjscjel dal innomenât poet furlan Ermis di Colorêt. Chest al è sucedût ai 9 di utubar stât intant dal incuintri interladin che si è davuelt justeapont tal cjscjel di Colorêt di Montalban, vuê sede de Comunitât dai Cuei dal Friûl disore. Organizât par cure de Comunitât dai Cuei e dal Circul Culturâl Laurenzian di Buje, oltri che cul patrocini de Provincie e da l'Universitât di Udin, de Societât Filologjiche e da l'Union Scritôrs Furlans, l'incuintri ch'al veve par tem "La Culture Ladine", si è zovât come reladôrs di Renzo Balzan, scritôr e diretôr-redatôr dal sfuei "Ladins dal Friûl", dal dr. Zuan Frau da l'Universitât di Udin, e naturalmentri dal dr. Lois Craffonara, ch'al à vût cussì ancje l'ocasion di presentâ al numarôs e cualificât public la sô antologjìe interladine "Flus" (Flus Leterares dl Grijun y dl Friûl).


metù ite da noeles ai 10 November 2004 da les 19:30:11 (994 liet)
(liej inant... | 4920 letres | comentars? | ponc: )


Dizionar talian-furlan sen entier tla rei
Friul

 

Zuan Nazzi à sclut ju n laour epocal

Sen vuelel ester na adoranza viva tla vita da vigni dì, dantfora ti mass-media

L dizionar nuef talian/furlan - furlan/talian de Zuan Nazzi Matalon, dé fora da la Clape Cultural Aquilee y stampé da la Designgraf dl 2003, é da en valgunes edemes tla rei con azes lede a duc. L dizionar, che an pò zenzauter definì n laour epocal, contegn passa 57 mile vocabui con laprò na ampla fraseologia. Al ne contegn nia demé l vocabular tradizional, ma al é atualisé per i temps d'aldidancuei, sclujan ite ence termins aministratifs y scientifics.  Al é l majer dizionar talian/furlan y enzescul realisé enfin a sen y chel da blot persones privates, zenza n aiut da les istituzions. L internet arjonj de gre en gre n majer rai de comunicazion y l avei da garat ence massaries linguistiches on-line é na ghiranza di temps.

Zuan Nazzi Matalon, autour dl dizionar Nuef. La Clape Cultural Aquilee à dé fora ti ultims agn centenes de publicazions y à dassen critiché les istanzes ofiziales che fova do sia minonga massa peigres desche l "Osservatori de lenghe furlane" (OLF) che dova dé fora  n dizionar bilingh talian-furlan che ne é endere mai ruvé a termen.


metù ite da noeles ai 22 August 2004 da les 09:31:46 (1534 liet)
(liej inant... | 9398 letres | comentars? | ponc: )


Sun la striara dla lege 482/99
Friul

 

Na agenzia aposta sourantol la politica linguistica

La Agjenzie regjonal pe lenghe furlane (ARLeF) tegnuda a batum enier a Triest - Ala á la funzion de promueve l furlan y de garantí sia unité soura dut l teritore dla Region

La Jonta Regionala dl Friul-Venezia-Giulia à aproé enier a Triest sun proposta dl assessour a la cultura y a les identités linguistiches Roberto Antonaz l statut dla ARLeF, la Agjenzie regjional pe lenghe furlane (Agenzia regionale per la lingua friulana) che arà sia senta a Udin. Sie fin primar é chel de porté inant azions de politica linguistica unitares te duta la region, garantian na unité dla comunité furlana. Chesta arjonta nueva di furlans se enchedra tla striara de revendicazions do la lege regionala dl 1996 y dantaldut la lege nazionala 482/99. Ala ne messessa nience plu doré die che la RAI taliana mete man con trasmiscions tla televijion y tl radio. Chesta Agenzia fova una dles ghiranzes dl Comité furlan 482/99.

metù ite da noeles ai 06 August 2004 da les 18:50:25 (1252 liet)
(liej inant... | 5927 letres | comentars? | ponc: )


Le Friul y la lege 482/99: ala deida finanzié desvalifs projec
Friul

 

"Miedis in prume linie ... pal furlan" 

La lege 482/99 met man a brancé - I prums dinés met man da regore te desvalifs projec - articul sourantout da www.lenghe.net

Pai infermîrs forescj savê fevelâ un pôc di furlan al vûl dî jentrâ miôr tal ambient di lavôr e concuistâ la fiducie dai malâts, pai miedis al vûl dî metisi plui in contat cui pazients, insumis scurtâ lis distancis. Chestis lis mutivazions plui fuartis par sburtâ un progjet par inserî la lenghe furlane intai ospedâi e intai ambulatoris regjonâi. Un contribût di 208.550 euros su la fonde de legjislazion pe tutele des lenghis minoritariis al coventarà ae Ass dal Friûl di Mieç par realizâ une gnove cartelonistiche, cors di formazions par miedis e logopediscj, une cunvigne, guidis pai servizis a pro de salût mentâl e pe sigurece sul lavôr e altri ancjemò.


metù ite da noeles ai 12 May 2004 da les 22:17:22 (959 liet)
(liej inant... | 1999 letres | comentars? | ponc: )


Il Fogolâr Furlan di Bolzan al vul meti adun un librut
Friul

 

Il glemuç de nestre vite  

La presince furlane in province di Bolzan: racuei i ricuarts e lis testemoneancis

La mostre "Culturali" inmaneade anpassât alì dal Centri Trevi e à sburtât il president dal Fogolâr, Lirussi, e i membris dal Diret|îf a proponi a duç i furlans residents in provincie, socis o mancul dal Fogolâr, di ripensâ e racuei la lôr "piçule storie", i ricuarts, lis testemoneancis, lis fotografìis plui significativis che a puedin interessâ la presince furlane in provincie di Bolzan.


metù ite da noeles ai 07 May 2004 da les 20:21:05 (1082 liet)
(liej inant... | 2061 letres | comentars? | ponc: )


27 articui (2 plates, 15 sun vigni plata)
[ 1 | 2 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.436 seconc