benvegnus Noeles.net - Informazion ladina
Noeles.net
    Vos ne seis nia loghé ite.   [ Loghé ite ]    

Noeles.net - Informazion ladina: Politica

Chirí te chest tema:   
[ Endò a la pruma plata | Cernede n tema nuef ]

Union Generela di Ladins dles Dolomites
Politica

La Generela se dá n statut nuef  

Ai 12 de fauré Assemblea Generala dla Generela a Urtijei con prejentazion y aprovazion dl Statut Nuef - Istitut Ladin y Istitut Pedagogich con n raprejentant? -  La Generela podessa se slarié per tó ite la Union di ladins de La Rocia tl Beluneis

L Consei dla Generala à tegnì en sabeda a Reba na senteda per enjigné ca l’adunanza generala che gnirà tegnuda ai 12 de fauré a Urtijei. Doi é stés i argomenc de majera discuscion: la mudazion dl statut dla Generala tl vers de lascé pro d'autri sozes y, secont, i candidac potenziai a l'enciaria da president dla Generela. Per cie che reverda la daurida dl Statut nuef dla Generala ence a d’autres unions y a enc publics, sce ai damana de vegní touc su, ésen stés a una de lascé vegnì pro la Comunanza Ladina de Bulsan, i Ladins Dlafora y d'autres unions.  Da manciancia: l president Nani Pellegrini, Fabio Chiocchetti y Egon Vinatzer.


metù ite da noeles ai 01 February 2005 da les 18:39:22 (914 liet)
(liej inant... | 3570 letres | comentars? | ponc: )


Diozeja de Bulsan-Persenon: degun interes per tegní unis i Ladins
Politica

 

Dl 1964 á la diozeja da Persenon daidé despartí i ladins 

De otober dl 2004 él vegnú festejé i 40 agn dla diozeja nueva de Persenon-Bulsan, degun reladour n'á toché la plaia de despartizion che chesta á gaujé per i Ladins - L soul interes dles autorités de gliejia enlaouta: abiné i todesc te una na diozeja - Tl Friul se astila les autorités de Gliejia autramenter

Valch Gliejia tol posizion ence sun la metuda adum de n statut regional. Al é l cajo de chela furlana de Udin che dij la sia sun l sboz dl statut regional nuef. Na minonga clera dita fora dal vicar general Giulio Gherbezza entratant na manifestazion contra l statut nuef. Chilò da nos él gnù recordé i 40 agn dla diozeja Persenon-Bulsan zenza podei audì na parola sun la ferida fata a la mendranza ladina dles Dolomites l ann 1964. Enlaouta fova ciamò Ampez y Fodom pro la diozeja da Persenon, n gran aiut per l'unité.

L vedl vescul dla diozeja de Persenon-Bulsan, Josef Gargitter. Per uní i todesc tla medema diozeja de Bulsan-Persenon - bona pert audiva pro la diozeja de Trent desche ence Gherdeina y Fascia - án anter l auter dé su les plovanies de Ampez y de Fodom metudes permez a la diozeja de Belun, contra sia volenté. Liams secolars tl ciamp dla gliejia y di prevesc anter Val Badia, Fodom y Ampez é enscí jus a fin. 


metù ite da noeles ai 29 January 2005 da les 22:47:03 (957 liet)
(liej inant... | 5339 letres | 3 comentars | ponc: )


LADINS: an se enjigna a les lites de comun 2005
Politica

 

Al é l moment de tegní adum ....

L president dla Lista LADINS, Adi Demetz: "La situazion ne é pa nia tant dramatica coche ala pér"

Na senteda chieta, ma dassen interessanta chela tegnuda da la Lista Ladins en sabeda passeda a Bulsan per rejoné dla situazion di ladins dla provinzia de Bulsan, dl partí nuef nasciù dal moviment dla Lista ladins, da sia organisazion, da sie program y da sie sostegn finanziar. Jent ne fòvel nia truepa ence demé bele per l gran freit, ma dutes persones enjignedes a dé na man, a laoré danuef y a chirì soluzions nueves. Persones cualifichedes à dit la sia con spirit de unité y zenza dé ju persoura i autri. An é piés via da n ejam dla situazion di ladins che viv tl comun da Bulsan y chilò à fat l president dla Consulta per i problems di Ladins a Bulsan, Dariz Dolores, sia relazion mostran su les zifres che reverda la prejenza di ladins tl comun. Ala à samben ence recordé l "status" atual dl andament dla ciasa-alberch che dess ester enjigneda per l 2006.


metù ite da noeles ai 29 January 2005 da les 22:26:41 (729 liet)
(liej inant... | 2323 letres | comentars? | ponc: )


Enconteda con les autorités provinziales de Belun
Politica


La Generela se muev a livel politich

Ala se damana che les autorités plu autes dles trei provinzies definesce finalmenter programs y provedimenc aldò dla lege 482/99 

En lunesc dl'edema passeda, ai 24 de jené '05, s'á na delegazion dla Union Generela di Ladins dles Dolomites urté con l president dla Jonta dla provinzia de Belun, Sergio Reolon y con l'assessoura a les mendranzes tla provinzia, Daniele Larese Filon. Chesta urteda é la terza che la Union á abú con les autorités plu autes dles trei provinzies, do Trent y Bulsan. Argoment prinzipal dla enconteda fova l'aplicazion dla lege cheder nazionala, la nr. 482/99 sun la sconanza dles mendranzes y les poscibeltés che ala veid dantfora, canche chestes é spidicedes sun deplú provinzies y regions desche al é le caje pro i Ladins dles Dolomites.

La delegazion dla Generela da manciancia deberieda con les autorités provinziales beluneises.


metù ite da noeles ai 27 January 2005 da les 21:27:57 (948 liet)
(liej inant... | 2022 letres | comentars? | ponc: )


La lege 482: an s'entardiveia
Politica


Lege 482/99: Bulsan se lascia dassen dlaorela

Adum a la Svp ladina aspétela plu gen che la coscienza ladina muere plan, plan

I meton man l ann nuef cialan samben n puech dantfora ai avenimenc che pò interessé nia demé i ladins de Bulsan, ma ence chi de Trent y de Belun. I ladins de Bulsan y Trent à sia sconanza, taiés fora da la fortuna é chi de Belun. Ma da 5 agn encà él na lege de stat, la 482/’99, na sort de norma de atuazion dl art. 6 dla Costituzion taliana sun la sconanza dles mendranzes linguistiches tla Talia. Al vegn prevedù derc fondamentai: chel de podei adoré l lingaz dla oma ti raporc con l’aministrazion publica, l dert che al vegne ensegné te scola l lingaz dla mendranza con laprò la cultura dla mendranza, l dert a n organ de stampa y a trasmiscions al radio y a la televijion. Valgunes mendranzes tla Talia à bele chestes poscibeltés, ma les autres nia.


metù ite da noeles ai 11 January 2005 da les 13:38:08 (1059 liet)
(liej inant... | 3135 letres | 1 comentars | ponc: )


Al bastassa puech per se entene miec: rejoné deplù deberieda
Politica


Strameses de peton anter les vals ladines

La despartizion fascista à trat souces dret sotes anter i ladins: la politica dla Svp ladina fej desche an messessa se paré contra i ladins da souramont

Dutalann végnel baudié che i ladins é sun l ciamp politich truep massa puech atifs, cis can che ala se trata da defene sie grup etnich. Al é ben veir, vigni valeda ciala demé a sia meisa amez stua y ne s'anadà nia che al mancia tla medema stua les autres meises, vigni valeda ciala demé a sie taier. An ascouta su plu gen l gran vejin empede sie pice vejin, davia che chel  empermet da vegní plu pascius. La desfidenza defront al auter é grana, é segn de egoism y de puecia creta tla bona volonté dal vejin ladin. An fej desche an messessa se paré contra i autri ladins deplú che contra i gran vejins che manacia da for la sostanza, la identité ladina, l souravive dla comunité ladina. Ence lies culturales mostra massa puecia vueia da laoré adum, da jì per les medemes semenes y da passé via l piagn enfin tla autra val. Al é ben empaca veir: la despartida fascista à trat na gran souc anter les vals ladines y i ladins scouta chiec; nosta jent azeta chest amez sie os dal spinel fora, ala se desmostra desche na stramesa de peton.


metù ite da noeles ai 08 January 2005 da les 10:17:08 (974 liet)
(liej inant... | 3396 letres | 1 comentars | ponc: )


Lista LADINS: La Consulta Ladina promuev clientelism
Politica


La Consulta Ladina: demanco a les unions y deplú al clientelism

Provinzia y assessorat vuel sourantó ativités dles Unions y avisé la cultura dal aut - Les unions vegn "gleichgeschaltet"

La gran richeza culturala dla provinzia é la gran cumpeida, la varieté y cualité dles unions culturales, végnel dagnora dit con bona rejon. Ma sce chestes lies metessa man da soné demé plu sun tact, aldò di contribuc y dles direzions y dles valutazions che la politica ti dá, ti jissa la richeza ben tost a fin. Les unions culturales ladines à abú la gran fortuna da avei n pue plu de autonomia propi con i contribuc publics che ales à giaté. Sen auden rejonan de tó ju i „contribuc a sprinza" y da lascé tó pert la consulta, chel vuel dí la provinzia a l'ativité dles unions.


metù ite da noeles ai 05 January 2005 da les 17:41:43 (796 liet)
(liej inant... | 2212 letres | comentars? | ponc: )


Reunion generala dla Generela
Politica


Les ciampanes sona endò

La Generela ará tost la posizion de n Secreter General - Nani Pellegrini podessa lascé defata l'enciaria da president, valch "steila nueva" se fej inant

La Generala á tegnì i dis passés a Urtijei sia assemblea generala per traté dantaldut l bilanz dl ann de transizion dal setember 2003 a chel dl 2004. Na senteda per audì dai responsabli cie che al é vegnù fat en concret, ma ence per dé na ocajion de discuscion daverta. En valgunes persones che fej pert dl staff diretif, s’ova desmostré melcontentes y volova n sclariment tres na discuscion publica. Da manciancia: Egon Vinatzer (ULG), Nani Pellegrini (president) y Fabio Chiocchetti.


metù ite da noeles ai 28 December 2004 da les 19:52:13 (883 liet)
(liej inant... | 4114 letres | 2 comentars | ponc: )


L davegnì dla Ladinia
Politica


Abinedes da piz a cianton

Chieta la storia dla consulta di ombolc

Quo Vadis LadiniaN moment atif, de gran endunedes y de reflescions, da piz a cianton: la reunion generala de Lista Ladins a Colfosch, l’abineda dla “Conferenza delle Minoranze” a Vich de Fascia, l’adunanza dla Comunanza ladina a Bulsan, l’abineda a Trent de en valgunes Unions culturales deberieda con i diretours di istituc culturai: chel di Mocheni y Zimbri y la Majon di Fascegn per damané ofizialmenter “la diffusione sull’intero territorio provinciale dei programmi radiofonici e televisivi in lingua tedesca e ladina della sede RAI di Bolzano”. Dutaorala chieta la storia entourn la Consulta di ombolc dles valedes ladines, encundeda da Durnwalder bele per la fin de november. Ai 14 de dezember vegniràl cherdé ite dal assessour Florian Mussner i ombolc de Gherdeina y dla Val Badia, bonamenter per s’acordé sun la linia da tegnì con i ombolc dles autres valedes.


metù ite da noeles ai 07 December 2004 da les 14:21:11 (1039 liet)
(liej inant... | 1466 letres | 1 comentars | ponc: )


Reunion generala di LADINS a Colfosch
Politica


Adi Demetz é l president nuef di LADINS

Reorganisazion dl partí con n diretif nuef che se abinará tost per tó su les ativités politiches

Reunion generala dla lista LADINS a Colfosch enier, sabeda, ai 27 de november 2004: na bela sala de jent, con truepes eles y trueps joegn anterite, à dé na resposta clera al utl y al debujegn dl moviment LADINS tl interes de duta la popolazion y laprò renforzé la convinzion, che al é datant da jì inant ence zenza la reprejentanza tl Consei Provinzial i proscims cater agn. La reorganisazion dl moviment, la lita, duc a una, dl president nuef, Adi Demetz, scultour-impresar a Urtijei, la lita dl comité diretif nuef con Bertuolo Claudia, Lori Mussner, Stuffer Matilde de Gherdeina y Thaler Roland, Costamoling Willy, Trebo Hans dla Val Badia y Dariz Dolores da Bulsan, la bona cumpeida de iscrizions nueves, la segurté che l vedl president Giovanni Mischi, l ex aconsiadour y vizepresident dal Consei Provinzial Carlo Willeit, l secreter y coordinadour Castlunger Lois y trueps d´autri daidarà inant, empermet al moviment de pié via con sie program, dantaldut de se enjigné ca per les lites de comun, con na maioura creta te sies poscibeltés.


metù ite da noeles ai 28 November 2004 da les 17:24:07 (1234 liet)
(liej inant... | 3169 letres | comentars? | ponc: )


Quo vadis Ladinia
Politica


Consulta interladina

N viade tres les minonghes di ombolc - Dessegur Durnwalder plu ladin che la SVP de Gherdeina

Quo Vadis LadiniaAltamo sàn sen, do l’intervista a Durnwalder, che la cherdeda ite di ombolc dla Ladinia gnirà tost fata. Chesta redazion à prové de se fé n’idea sun les minonghes che roda anter i ombolc che gnirà cherdés a mete adum la Consulta interladina. Val Badia, Fascia, Col y Ampez é daverc a l’unificazion y ai se aoda chesta Consulta, n puech anti-todesch Fodom, contra l’unificazion Gherdeina: Demetz: "i ne volon nia perde nosc vantajes"; Piazza: "Vignun reste te sie cianton"; Bruno Senoner se damana na outa sce ala va debujegn chesta Consulta. Prudent se desmostra Durnwalder tla intervista, ence sce el crei tla valuta dla Consulta. El é dla minonga che na mioura colaborazion anter les provinzies vae tres ben per cie che reverda l trasport, la propaganda turistica, les stredes per les rodes, les manifestazions sportives, l’adoranza de valch gran zenter y e.i..


metù ite da noeles ai 24 November 2004 da les 15:14:10 (1069 liet)
(liej inant... | 2449 letres | comentars? | ponc: )


La reunion generala dla Lista Ladins
Politica


N moviment autonom interladin

Reunion dl Moviment LADINS, en sabeda ai 27 de november, a Colfosch tl salf dla scola elementara

L chiet à duré giut, plu de n ann. La sperduda y la delujion é stedes massa granes, massa pesoces per n moviment empé da puec agn, ma che à sluminé dassen fajan soné les cordes dl sentiment ladin. Mai degugn n’ova denant toché tant dassen la coscienza di ladins, la coscienza de volei ester se enstesc. An aspetova ert che valch se armuevessa, n segn de vita che gareta: la reunion generala. En sabeda, ai 27 de november, gnirà tegnida a Calfosch, tla Scola elementara, da les 15.30, la Reunion Generala dl moviment “Ladins”. Al gnirà lité n president nuef y na jonta nueva.


metù ite da noeles ai 24 November 2004 da les 14:19:31 (1110 liet)
(liej inant... | 3817 letres | comentars? | ponc: )


L apel dl ombolt de Col Santa Lizia
Politica


Sen onse la poscibelté de ti dé n cheder istituzional a la Ladinia!

Paolo Frena: Ai colegs entourn l Sela damani desponibelté y colaborazion per formalisé te curt temp n organism souraprovinzial y -regional

La data dla convocazion di dejedot ombolc dla Ladinia storica vegn tres plu dlongia y da Souramont mana Paolo Frena, ombolt de Col, ciamò n iade n apel al assessour Mussner y a duc i colegs de creie dassen te chesta oportunité deda da la lege 482/99. Con la speranza che la politica ne ae nia la souraventa. "La convinzion che al toche prové de jì per chesta streda" dij Frena, "vegn dal fat che per massa trueps agn ne á chestes comunités nia abù la poscibelté de se confronté sun chestions de emportanza de nosta storia, cultura y economia. Do la despartizion teritoriala te trei provinzies, él vegnù mancia cheles relazions istituzionales fondamentales per la souravivenza dla cultura ladina.


metù ite da noeles ai 16 November 2004 da les 08:25:34 (1305 liet)
(liej inant... | 3169 letres | comentars? | ponc: )


La posizion de Bepe Detomas sun la lege 482/99
Politica

 

L articul 3 fotografeia la situazion di Ladins y pieta soluzions

"Sce na comunité de mendranza viv despartida soura deplú provinzies o regions, pòl vegní istituí organisms de coordinament y de proposta ... " - La Region Trentino-Südtirol essa bele dadie podú fé deplú - Sen él la lege 482/99 che sburla 

La lege statala n. 482 dl 1999 sun la sconanza dles mendranzes linguistiches é steda, do da 50 agn, na pruma atuazion dl art. 6 dla Costituzion taliana. Ala se trata de na lege dadie speteda tl ordinament statal do che al fova vegnú fat n grum de propostes. Ala preveid mesures fondamentales desche: l dert de adoranza dl lingaz tles relazions con la aministrazion publica, l ensegnament dl lingaz y dla cultura tles scoles, sostegns finanziars per l'editoria y la difujion de programs che adora n lingaz de mendranza. La lege é vegnuda penseda y calibreda per mendranzes che ne á mai giaudú de n sistem de sconanza, ma chest ne ti tol nia meric a la lege che veid dantfora en valgugn ponc inovatifs y plu avanzés de chi prevedus enfin a sen ence per mendranzes bele sconedes da statuc provinziai y regionai te en valgunes regions a d'autonomia speziala.

L parlamentar fascian Bepe Detomas.


metù ite da noeles ai 14 November 2004 da les 08:49:06 (1243 liet)
(liej inant... | 7364 letres | comentars? | ponc: )


Enduneda di ombolc - Intervista a Luis Durnwalder
Politica


Te trei edemes la Enduneda di ombolc

Intervista al President dla Jonta Luis Durnwalder: "I drec raprejentanc di Ladins é do mia minonga i ombolc"

de Mateo Taibon

La convocazion dla Enduneda di ombolc dla Ladinia fova vegnuda encundeda per otober. Can vegnirála pa a se l dé?
Luis  Durnwalder: Ala vegnirá tegnuda devers la fin de november-scomenciament de dezember. La data avisa mess ciamò vegní fisseda, ma dessegur anter les proscimes trei edemes.
 
Ciunes sará pa les tematiches che la Enduneda tratará?
I volessan rejoné di problems generai che reverda i Ladins, dantaldut ti setours dla cultura, dla economia y dl sozial. I volessan ejaminé cie mesures che é poscibles per mioré la sconanza. Pro l Preside dl Consei di Ministri esisteiel n ofize che se dá ju con les mendranzes linguistiches y eventualmenter végnel ence conzedù sostegns finanziars. Sen messonse naouta definí chi che raprejenteia ofizialmenter la mendranza ladina, do mia veduda i ombolc.


 


metù ite da noeles ai 12 November 2004 da les 12:57:06 (819 liet)
(liej inant... | 3096 letres | 1 comentars | ponc: )


634 articui (43 plates, 15 sun vigni plata)
[ 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 ]
News ©
 
  www.noeles.net



Impressum: Plata on-line publicheda da l'Union Scritours Ladins Agacins - Redazion: Bulsan noeles.info@gmail.com


Implatazion: 0.341 seconc