Pizzinini a Mussner: "Manacia da dé ju tia enciaria"
Pro la comiscion di 12 degun ladin laite - L ultim fova sté l parlamentar fascian Bepe Detomas
Pro les lites vegn i ladins dagnora secodis con de beles paroles y empermetudes. Pernanche chestes é do l spinel, se féjen ert da i reconesce. Chest vel ence per la comiscion di 12 che é vegnuda metuda su chisc dis. Che degun ladin ne é pro la meisa di 12 esperc a livel regional che trata damprovia chestions de atuazion dla autonomia pro meisa con l govern zentral ne ti plej nience ai funzionars ladins dla Svp, che decianta zenza a cor les bontés dl'autonomia de Sudtirol. Sen una de sies reres critiches. Christoph Perathoner dl zircondar de Bulsan, la vize- ladina Paola Bioc Gasser y i doi funzionars de valeda Stefan Runggaldier (Gherdeina) y Klaus Winkler (Val Badia) à critiché che degun raprejentant ladin ne sie laite, tant deplù che i ladins é aladò dl statut de autonomia n grup reconesciù legalmenter. Ai vuel sen se la pluré ofizialmenter pro l obman dla Svp, Richard Theiner. Siegfried Brugger y Karl Zeller, parlamentars dla Svp tla Comiscion di 12.
Ladins Dolomites: mai ne saronse a una con n daz sun i joufs
Ladins Dolomites: n daz sun i joufs, MAI
Albert Pizzinini de Ladins Dolomites: "N daz sun i joufs? Ne fòssel nia denant da agaié les retribuzions de Luis Durnwalder che davagna deplù che Barack Obama, president di Stac Unis?"
La chestion dl daz sun i joufs se merita ciamò valch consciderazion plu sota. An mess conscidré che les stredes sun i joufs de Frera y Sela é stredes de coliament anter les valedes ladines y vegnì a vene l'idea che l daz, ence sce al ne uega nia per smendrì l trafich, side n strument per finanzié les infrastrutures che an adora é l colm. A la medema moda messéssen spo paié da se mueve sun vigni streda de Sudtirol. Ma per chest él pu les coutes sun l auto y sun l benzin, o ne ti basta chest nia a la provinzia?
Albert Pizzinini, president de Ladins Dolomites
metù ite da noeles ai 01 August 2009 da les 13:15:16 (1023 liet)
(liej inant... | 4455 letres | comentars? | ponc: )
Dolomites sot a sconanza UNESCO
Festa a Auronzo per les Dolomites UNESCO
I ostiers se aspeta n bel reclam - Propostes per la senta tles valedes ladines: Ciastel Colz, Corvara y Plan de Gralba - Cortina d'Ampez da pert beluneisa - Albert Pizzinini: la cultura y l lingaz ladin se merita n respet tamben gran
La candidatura garateda dles Dolomites desche arpejon naturala UNESCO vegnirà festejeda ai 25 de aost a Auronzo (BL) con a la pert l president dla republica taliana, Giorgio Napolitano. Chesta novela é vegnuda deda do na reunion, ai 28 de messel tl Messner Mountain Museum sun l Monte Rite tl Beluneis, de raprejentanc dles cinch provinzies tochedes: Belun, Bulsan, Trent, Pordenon y Udin, che à laoré con suzes pro l projet de candidatura. Reinhold Messner à proponù de fé dles Dolomites n raion de spiza per cie che reverda n turism monejel tres la sconanza dl laour da paur. Sia proposta é ence chela de scluje i joufs per n valgunes ores al dì, da les 10.00 a les 17.00. Sun l Monte Rite (a Cibiana / Ciadoura), senta de sie museum, vuelel endere che an ti feje su n emplant portamont per conduje su la jent. Anter l auter àn spo ence rejoné dla doura dla merscia Unesco y de sie logo per realisé n sit dediché ai bens naturalistics dles Dolomites y cie strumenc de reclam adoré. Nia de definitif ne él depierpul per cie che reverda la senta dla fondazion UNESCO. L film ofizial dles provinzies realisé per la candidatura dles Dolomites à arpejon naturala dla UNESCO.
Touta de posizion dl president de Ladins Dolomites en cont dla proposta de autodeterminazion porteda dant da Martin Graf
La proposta fata en chisc dis da Martin Graf (FPÖ), terz president dl consei nazional dl'Austria, de n referendum per l’autodeterminazion te Sudtirol, vuel dì la anescion a l'Austria, à scassé sotissoura la politica te Sudtirol. Al en é de chi che ti ciala a la proposta con gran simpatia, sciche la "Union " o i "Freiheitlichen", chi che mess se tegnì dancialà per rejons politiches y de chi che ala ne ti desplej nia, p.ej. a la SVP. La proposta de Graf ti dà samben flé nuef ai partis todesc che scombat da tres per l'autodeterminazion, Schuetzen scluc ite. A man ciancia Martin Graf (FPÖ), a man dreta Albert Pizzinini, president de Ladins Dolomites
N tunel sot Frera: n projet daldut realistich, sce an vuel
N tunel sot Frera fossa apresciapuech 5 km lonch y costassa 70 milions de euro, nia na soma fora de mesura
Co che al é oramai da ca. 35 / 40 agn, é i comuns de Gherdeina for ciamò te na comunité o comprensore de val coche an vuel dì, olà che ai ne auda perdret nia. Cie à pa da en fé Gherdeina con Sarnthein, Mölten ,Jenesien, Tiersc o Karneid, Deutschnofen o Fié?
Ti agn 1965/70 él vegnù metù su les „Talgemeinschaften“ (comprensores de valeda) te Südtirol. Do mia minonga fòssel sté plu che logich da mete adum Gherdeina y Badia (sciche Fascia con Moena), ma chest ne à la politica dla SVP a Bulsan y te Gherdeina, nia volù.
Samben che deberieda fòsseles stedes chestes does valedes economicamenter y politicamenter true massa stersces, perchel ne à la SVP a Bulsan nience tout en consciderazion chest.
Georg Moroder, conseier de comun a Urtijei. Da l'autra pert: entratant i laours pro i tuniei tla Val Badia, endut 3,5 km lonc.
Joufs dolomitans a paiament: LADINS DOLOMITES dij nò
Joufs dolomitans a paiament: ram de rejia
Florian Mussner à dé dant na data: la sajon da d'isté 2010 - Pizzinini: la provinzia dess realisé n tunel anter Gherdeina y Val Badia
I joufs dolomitans a paiament deventa ram de rejia. I operadours turistics sun i joufs se pararà con piesc y con mans decontra, ence legalmenter. Florian Mussner à bele dé dant na data per i joufs de Frera y dl Sela, a meteman con la sajon da d'isté 2010. Particolars ne conéscen nia ciamò avisa, ma la transiadura podessa ester ciaradousa, enfin a 13 euro. Tla chestion se à entratant fat audì Reinhold Messner che se dij a una con na scluta di joufs al trafich di auti, ma da l'autra pert se à belavisa el desmostré dassen ribicious che l comun de Bulsan vuel desmendrì les plazes da parché dlongia sie museum a Sigmundskron. Ilò dess la jent inant ruvé permez saurì con l auto. Tla chestion tol ence endò posizion LADINS DOLOMITES che se dij dassen contrar a na scluta. Albert Pizzinini propon de fé finalmenter l tunel, na proposta vedla desche l cuch, bele Hugo Valentin l ova prononù, ma dutaorela atuala aladò de Pizzinini.
N tunel sot a jouf de Frera anter Gherdeina y Val Badia per sconé i joufs? Avis ai letours: i articui amarscés con l logo de Youtube contegn filmac.
Pizzinini: "Tles valedes ladines végnel mout deplù coutes de chel che ruva endour tles casses comunales"
"Aladò dles coutes paiedes ite él oramai da trueps agn che les valedes ladines ciafa endour demé na picera pert de cie che vegn paié ite. La domanda da nes fé é: él la Ladinia che à debujegn de Bulsan o él Bulsan che à debujegn dla Ladinia?", dij Albert Pizzinini, president de LADINS DOLOMITES, jian inant dijan che "l sforz fat da la SVP per agabé da les ultimes lites provinziales oujes tles valedes ladines confermeia plenamenter chest. Da pert dl raprejentant ladin a Bulsan végnel fat na politica dl juech dopl. De beles paroles tla Ladinia y de gran empermetudes, ma fac degugn. Tla enconteda con l minister Maroni ne à Florian Mussner nience abù una na parola per i ladins, ence sce al fossa sté la dreta ocajion. Degun sostegn nience per cie che reverda la senta dla fondazion Unesco tla Ladinia, per Mussner vàla ben, sce ala vegn metuda su a Bulsan, sciche ala ti jiva ence ben che l inom Dolomites vegnissa venù tla Cina."
Klaus Winkler, sourastant nuef dla Svp dla Val Badia
Vijo Pupp, Landeshauptmann dal 1956 al 1960 é sie ejempl politich - Winkler: "I tiron tla medema soia dla Svp de Gherdeina"
Klaus Winkler, 41 agn, conesciù sciche Klaus dl Ostier de Antermeia, é l souranstant nuef dla Svp dla Val Badia. Chest é l resultat dles lites de en chest mertesc passé. Al sourantol chesta enciaria da Christian Agreiter che ne se à nia plu metù a desposizion do avei corì trei agn alalongia chesta funzion politica.
Klaus Winkler (dl Ostier), sourastant nuef dla Svp dla Val Badia.
Daniela Templari, assessoura a la cultura, mendranzes y oportunités valives
La constelazion politica nueva a Belun con la Lega Nord a cef ti dà na sburla sterscia ence a la mendranza ladina
Daniela Templari, la neoassessoura a la cultura, mendranzes y oportunités valives dla provinzia de Belun à tout pert la pruma senteda dl consei provinzial con l guant da zacan ladin da Fodom. Ai jornalisc' che ti à fat valch domandes do la senteda ti àla dit che ela volova y volarà desmostré te sie laour politich che ela raprejenteia la mendranza ladina che per duc chis agn é vegnuda tralasceda dai politics beluneisc.
Daniela Templari, dant al consei provinzial a Belun amesa l president nuef Gianpaolo Bottacin (Lega Nord), Siro Bigontina (comité referendarde Cortina d'Ampez) y Paola Agostini (Col Santa Lùzia).
Albert Pizzinini à rejoné pro la meisa torona, cherdeda ite dal minister ai Interns Roberto Maroni, de chestions ladines
Anter i enviés a la meisa torona per la convivenza te Sudtirol cherdeda ite dal minister ai Interns Roberto Maroni, ai 30 de jugn a Bulsan, fòvel ence n raprejentant de Ladins Dolomites tla persona de sie president, Albert Pizzinini. Ladins Dolomites vuel mescedé empera y ne ti lascé nia dut a la Svp che veid ti ladins na componenta da tralascé, sciche al é vegnù desmostré entratant l'enconteda. Maroni ova fat la proposta de na meisa torona do les tenjions etniches te Sudtirol en chesta aisciuda per gauja dl monument ai alpins a Bornech.
L assessour Florian Mussner fova pro la "meisa torona", ma sun i ladins ne àl abù nia de particolar da mete dant.
LADINS DOLOMITES: la Svp ladina ne à deguna lingia politica
Albert Pizzinini é sodesfat che l Tribunal Aministratif à refudé l recurs dla Bioc Bau per i laours de restruturament dla Ciasa de Paussa a San Martin
"La SVP cuei adum a livel provinzial da les 120.000 a les 140.000 oujes che raprejenteia za. l 33% de chi che à l dert da lité, ma ales cleca per mantegnì l podei. Chest numer vegnirà endere tres mender per gauja dles melsegurtés y dla confujion de idees al intern dl partì. Les declarazions nueves dl president dl consei provinzial Dieter Steger sun la daurida al PDL (Polo delle libertà) o les posizions al intern dl partì sun la scola plurilinguistica–paritetica lascia vedei clermenter les despartizions al intern dl partì. L senatour Peterlini à avertì plu iadesc dl pericul dl spidiciament dl partì." Con chestes constatazions se damana Albert Pizzinini cie posizionament che la politica tol ite y ciun che sarà l davegnì. Pizzinini: la Svp ladina ne fej deguna politica, ma và demé do.
Dl 2010 vuelen mete man con Frera y Sela, l daz podessa ruvé a 13 euro - Degugn ne rejona che i joufs lieia ence la jent ladina
Dal isté 2010 inant déssel, aladò dl plan dl assessour Florian Mussner, definitivamenter vegnì metù su les stanges sun i joufs de Frera y dl Sela. Demé chi che paia n daz podarà passé. Al vegn rejoné de enfin a 13 euro sciche sun la streda dl "Timmelsjoch", scodus sun la pert austriaca, ma na pert regor spo inant tles casses dla provinzia de Bulsan. Nia cler ne él ciamò sce al vegn fat na ezezion per la jent dl post y coche chesta ciala fora. I pendolars messessa te vigni caje podei passé debant. Contra chest "plan Mussner" se para dassen bele da n valgugn agn l comité per l stravardament di joufs dolomitics con a cef Osvaldo Finazzer, ostier sun l jouf Pordoi, ma ence da pert dla politica de Belun y de Trent végnel segnai de contraposizion contra chesta mesura unilaterala da pert dla provinzia de Bulsan, enceben che la situazion podessa se ouje snel, sce al vegn arjont valch acordanza sun co se partì les entredes. Osvaldo Finazzer, ostier sun Pordoi, a cef dl comité contra la scluta a daz di joufs dolomitics.
Albert Pizzinini: Mussner confermeia, vigni dezijion vegn touta a Bulsan
La SVP ladina ne à net nia da dì - I conc tles valedes ladines ne stimenia nia -
Chesta é na letra de resposta dl president de LADINS DOLOMITES, Albert Pizzinini, a la letra dl assessour Florina Mussner tres chela che al ova tout posizion sun l comunicat stampa de Ladins Dolomites publiché sun la Usc di 6 de jugn y ence sun noeles.net. Pizzinini dijova che la Svp ne raprejenteia nia endertura i ladins, ajache l raprejentant ladin Svp mess se tegnì a la maioranza, chela todescia, pro vigni sia dezijion. Florian Mussner ne é nia ju ite tl particolar te sia resposta, ma aladò de Pizzinini é sia resposta empò clera: "la SVP é aladò de Mussner la ousc dla popolazion de Sudtirol y enscì scòel emplizitamenter demez la SVP Ladina, ajache la posizion dl partì pò demé ester una soula, chela dla maioranza al intern dl partì enstes. La maioranza é chela todescia". Pizzinini: "Chest vuel dì che i ladins perdarà dagnora, sciche al vegn desmostré da trueps ejempli." Dl auter vers fej capì l assessour che canche al vegn fora conflic de enteresc anter todesc y ladins sostegniràl dagnora la posizion dl partì, ence a dann dla mendranza ladina.
Les valedes ladines é na fontana de coutes bendebot enredoula. Pizzinini: an paia ite entourn al 20%, ma demé n 4% ruva endò zeruch.
Lites provinziales a Belun: Daniela Templari ti la fej
Daniela Templari ruva te consei tla provinzia de Belun
Ala portarà inant la chestion dl referendum - Chesta domenia, 21 de jugn, balotaje per la presidenza anter Sergio Reolon (PD) y Gianpaolo Bottacin (Lega Nord)
Daniela Templari, candidata sun la lista zivica LDP (Lista Locale Ldp Bottacin Federalismo Dolomiti che à abiné adum 5.672 oujes, 624 o l 16,99% de chestes tl coleje lital de Ampez-Fodom y Col), lieda a la Lega Nord pro les lites provinziales di 6-7 de jugn a Belun, jirà te consei y raprejentarà dantaldut i ladins di trei comuns da souramont y sia gauja referendara. Chesta domenia, 21 de jugn, végnel lité a Belun na seconda outa l president, do che pro la pruma roda ne ova degun candidat arjont la maioranza assoluta. Al balotaje é ruvés l president en ciaria, Sergio Reolon dla lianza de manciancia, con l 41,2% dles oujes y Gianpaolo Bottacin (Lega Nord), candidat dla lianza de mandreta con l 47,1%. L zenter-dreta davagna autafora a Ampez-Fodom-Col con l 69% dles oujes.
Daniela Templari, da Fodom, fova ativista en pruma lingia pro l referendum dl 2007
La Svp ne dess nia avei n monopol de raprejentanza di ladins
N raprejentant de LADINS DOLOMITES tolarà pert a la meisa torona per Sudtirol dl minister Roberto Maroni
Ladins Dolomites, tres sie president nuef, Albert Pizzinini, contesteia che la Svp ae la funzion de raprejenté da soula o ae raprejenté politicamenter i enteresc di ladins te na mesura valiva ai todesc. Pizzinini: "Ti ultims temps ti ésen ence jus permez a la chestion dla funzion dla Svp sciche partì de abineda dles mendranzes todesces y ladines. La Svp se prejenteia gen dagnora desche partì etnich davert a does mendranzes, chela todescia y chela ladina, lascian fora i talians. Tl contest politich provinzial él autri partis todesc che se afermeia tres deplù sciche ence l moviment de recoiuda di ladins Ladins Dolomites che à desche fin chel dla sconanza y dla afermazion di derc di ladins a vigni livel." Y chest te na mesura plu ampla che chela voluda da la Svp.
Albert Pizzinini, president de LADINS DOLOMITES
Pro les lites vegn i ladins dagnora secodis con de beles paroles y empermetudes. Pernanche chestes é do l spinel, se féjen ert da i reconesce. Chest vel ence per la comiscion di 12 che é vegnuda metuda su chisc dis. Che degun ladin ne é pro la meisa di 12 esperc a livel regional che trata damprovia chestions de atuazion dla autonomia pro meisa con l govern zentral ne ti plej nience ai funzionars ladins dla Svp, che decianta zenza a cor les bontés dl'autonomia de Sudtirol. Sen una de sies reres critiches. Christoph Perathoner dl zircondar de Bulsan, la vize- ladina Paola Bioc Gasser y i doi funzionars de valeda Stefan Runggaldier (Gherdeina) y Klaus Winkler (Val Badia) à critiché che degun raprejentant ladin ne sie laite, tant deplù che i ladins é aladò dl statut de autonomia n grup reconesciù legalmenter. Ai vuel sen se la pluré ofizialmenter pro l obman dla Svp, Richard Theiner. Siegfried Brugger y Karl Zeller, parlamentars dla Svp tla Comiscion di 12.
)
La chestion dl daz sun i joufs se merita ciamò valch consciderazion plu sota. An mess conscidré che les stredes sun i joufs de Frera y Sela é stredes de coliament anter les valedes ladines y vegnì a vene l'idea che l daz, ence sce al ne uega nia per smendrì l trafich, side n strument per finanzié les infrastrutures che an adora é l colm. A la medema moda messéssen spo paié da se mueve sun vigni streda de Sudtirol. Ma per chest él pu les coutes sun l auto y sun l benzin, o ne ti basta chest nia a la provinzia?
Albert Pizzinini, president de Ladins Dolomites
)
Co che al é oramai da ca. 35 / 40 agn, é i comuns de Gherdeina for ciamò te na comunité o comprensore de val coche an vuel dì, olà che ai ne auda perdret nia. Cie à pa da en fé Gherdeina con Sarnthein, Mölten ,Jenesien, Tiersc o Karneid, Deutschnofen o Fié?
)
"Aladò dles coutes paiedes ite él oramai da trueps agn che les valedes ladines ciafa endour demé na picera pert de cie che vegn paié ite. La domanda da nes fé é: él la Ladinia che à debujegn de Bulsan o él Bulsan che à debujegn dla Ladinia?", dij Albert Pizzinini, president de LADINS DOLOMITES, jian inant dijan che "l sforz fat da la SVP per agabé da les ultimes lites provinziales oujes tles valedes ladines confermeia plenamenter chest. Da pert dl raprejentant ladin a Bulsan végnel fat na politica dl juech dopl. De beles paroles tla Ladinia y de gran empermetudes, ma fac degugn. Tla enconteda con l minister Maroni ne à Florian Mussner nience abù una na parola per i ladins, ence sce al fossa sté la dreta ocajion. Degun sostegn nience per cie che reverda la senta dla fondazion Unesco tla Ladinia, per Mussner vàla ben, sce ala vegn metuda su a Bulsan, sciche ala ti jiva ence ben che l inom Dolomites vegnissa venù tla Cina."
)
Klaus Winkler, 41 agn, conesciù sciche Klaus dl Ostier de Antermeia, é l souranstant nuef dla Svp dla Val Badia. Chest é l resultat dles lites de en chest mertesc passé. Al sourantol chesta enciaria da Christian Agreiter che ne se à nia plu metù a desposizion do avei corì trei agn alalongia chesta funzion politica.
)
Daniela Templari, la neoassessoura a la cultura, mendranzes y oportunités valives dla provinzia de Belun à tout pert la pruma senteda dl consei provinzial con l guant da zacan ladin da Fodom. Ai jornalisc' che ti à fat valch domandes do la senteda ti àla dit che ela volova y volarà desmostré te sie laour politich che ela raprejenteia la mendranza ladina che per duc chis agn é vegnuda tralasceda dai politics beluneisc. 
Anter i enviés a la meisa torona per la convivenza te Sudtirol cherdeda ite dal minister ai Interns Roberto Maroni, ai 30 de jugn a Bulsan, fòvel ence n raprejentant de Ladins Dolomites tla persona de sie president, Albert Pizzinini. Ladins Dolomites vuel mescedé empera y ne ti lascé nia dut a la Svp che veid ti ladins na componenta da tralascé, sciche al é vegnù desmostré entratant l'enconteda. Maroni ova fat la proposta de na meisa torona do les tenjions etniches te Sudtirol en chesta aisciuda per gauja dl monument ai alpins a Bornech.
"La SVP cuei adum a livel provinzial da les 120.000 a les 140.000 oujes che raprejenteia za. l 33% de chi che à l dert da lité, ma ales cleca per mantegnì l podei. Chest numer vegnirà endere tres mender per gauja dles melsegurtés y dla confujion de idees al intern dl partì. Les declarazions nueves dl president dl consei provinzial Dieter Steger sun la daurida al PDL (Polo delle libertà) o les posizions al intern dl partì sun la scola plurilinguistica–paritetica lascia vedei clermenter les despartizions al intern dl partì. L senatour Peterlini à avertì plu iadesc dl pericul dl spidiciament dl partì." Con chestes constatazions se damana Albert Pizzinini cie posizionament che la politica tol ite y ciun che sarà l davegnì. 
)
Dal isté 2010 inant déssel, aladò dl plan dl assessour Florian Mussner, definitivamenter vegnì metù su les stanges sun i joufs de Frera y dl Sela. Demé chi che paia n daz podarà passé. Al vegn rejoné de enfin a 13 euro sciche sun la streda dl "Timmelsjoch", scodus sun la pert austriaca, ma na pert regor spo inant tles casses dla provinzia de Bulsan. Nia cler ne él ciamò sce al vegn fat na ezezion per la jent dl post y coche chesta ciala fora. I pendolars messessa te vigni caje podei passé debant. Contra chest "plan Mussner" se para dassen bele da n valgugn agn l comité per l stravardament di joufs dolomitics con a cef Osvaldo Finazzer, ostier sun l jouf Pordoi, ma ence da pert dla politica de Belun y de Trent végnel segnai de contraposizion contra chesta mesura unilaterala da pert dla provinzia de Bulsan, enceben che la situazion podessa se ouje snel, sce al vegn arjont valch acordanza sun co se partì les entredes.
)
Chesta é na letra de resposta dl president de LADINS DOLOMITES, Albert Pizzinini, a la letra dl assessour Florina Mussner tres chela che al ova tout posizion sun l comunicat stampa de Ladins Dolomites publiché sun la Usc di 6 de jugn y ence sun noeles.net. Pizzinini dijova che la Svp ne raprejenteia nia endertura i ladins, ajache l raprejentant ladin Svp mess se tegnì a la maioranza, chela todescia, pro vigni sia dezijion. Florian Mussner ne é nia ju ite tl particolar te sia resposta, ma aladò de Pizzinini é sia resposta empò clera: "la SVP é aladò de Mussner la ousc dla popolazion de Sudtirol y enscì scòel emplizitamenter demez la SVP Ladina, ajache la posizion dl partì pò demé ester una soula, chela dla maioranza al intern dl partì enstes. La maioranza é chela todescia". Pizzinini: "Chest vuel dì che i ladins perdarà dagnora, sciche al vegn desmostré da trueps ejempli." Dl auter vers fej capì l assessour che canche al vegn fora conflic de enteresc anter todesc y ladins sostegniràl dagnora la posizion dl partì, ence a dann dla mendranza ladina.
Daniela Templari, candidata sun la lista zivica LDP (Lista Locale Ldp Bottacin Federalismo Dolomiti che à abiné adum 5.672 oujes, 624 o l 16,99% de chestes tl coleje lital de Ampez-Fodom y Col), lieda a la Lega Nord pro les lites provinziales di 6-7 de jugn a Belun, jirà te consei y raprejentarà dantaldut i ladins di trei comuns da souramont y sia gauja referendara. Chesta domenia, 21 de jugn, végnel lité a Belun na seconda outa l president, do che pro la pruma roda ne ova degun candidat arjont la maioranza assoluta. Al balotaje é ruvés l president en ciaria, Sergio Reolon dla lianza de manciancia, con l 41,2% dles oujes y Gianpaolo Bottacin (Lega Nord), candidat dla lianza de mandreta con l 47,1%. L zenter-dreta davagna autafora a Ampez-Fodom-Col con l 69% dles oujes.
Ladins Dolomites, tres sie president nuef, Albert Pizzinini, contesteia che la Svp ae la funzion de raprejenté da soula o ae raprejenté politicamenter i enteresc di ladins te na mesura valiva ai todesc. Pizzinini: "Ti ultims temps ti ésen ence jus permez a la chestion dla funzion dla Svp sciche partì de abineda dles mendranzes todesces y ladines. La Svp se prejenteia gen dagnora desche partì etnich davert a does mendranzes, chela todescia y chela ladina, lascian fora i talians. Tl contest politich provinzial él autri partis todesc che se afermeia tres deplù sciche ence l moviment de recoiuda di ladins Ladins Dolomites che à desche fin chel dla sconanza y dla afermazion di derc di ladins a vigni livel." Y chest te na mesura plu ampla che chela voluda da la Svp.
Albert Pizzinini, president de LADINS DOLOMITES
)
