Seminar da Pasca dla FUEV/sezion YEN
Data: 19 March 2005 da les 12:59:29
Tema: Desvalives



Ester alapert y nia al our

Endoman domenia, ai 20 de merz, végnel daurí la Enconteda da Pasca di joegn tla FUEN tla Ciasa Lichtenstern sun l Renon - Discuscion al podium da seira anter l auter con Mateo Taibon

Encuei sabeda rúvel adalerch tla Ciasa Lichtenstern sun l Renon joegn y joenes de 27 organisazions de comunités de mendranza dl'Europa a la "Enconteda da Pasca" dla FUEN (Union federala dles nazionalités de mendranza dl'Europa), sezion joegn organisedes tla YEN (Youth of European nationalities). L tema dla enconteda de eniann é l aspet dla "partezipazion/dl ester alapert" dles mendranzes. Endoman, domenia, vegn l'enconteda enaudeda ofizialmenter en prejenza de deplů autorités politiches, anter chestes l president dla provinzia Luis Durnwalder, Romedi Arquint (president  dla FUEN y deputé rumanc tl Cianton Grijon), Martha Stocker (vizepresidenta dla FUEN) y dl assessour ladin Florian Mussner. Raprejentanta di ladins tla Yen é Anita Huber dla Val Badia. En doman da seira, da les 20.00, végnel metú a jí na discuscion al podium daverta a duc con alapert desvalifs esponenc de mendranzes, anter chisc Mateo Taibon, cef-redadour dla revista "Pogrom" dla Lia per i popui manacés.



Entratant l'edema végnel metú a jí desvalifs seminars sun co che les mendranzes pň tó pert a la vita publica y a la democrazia y porté pro al mantegniment dles comunités de lingaz y de cultura tl'Europa. L program tl detai pňn vedei al sit www.easterseminar.org o www.yeni.org.

Liams d'interes:
 
 






L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=970