La "Lista Urtijei" se met a la lita
Enier ála prejenté sie program - Respet dles regoles democratiches y dl zitadin
Enier s'á prejenté publicamenter na nueva lista zivica che candidará pro les veles comunales a Urtijei de chest ann da d'aisciuda. Si colours é l ghel y l brum dl blason de comun con n ciavalier stilisé dl patron de Urtijei, San Durich, con souravia la scrita a grassin "Lista Urtijei" y sotvia per talian y todesch "Bürgerliste - Lista Civica", a desmostrazion de dester daverta a duc i grups linguistics. L'iniziativa é pieda via da Tobias Delago, Martina Goller, Monika Kelder, Leo Moroder, Dieter Demetz y Alessandro Andriolo y d'autri nen ruvarál laprò sun lista, en gran pert persones joenes a sia pruma esperienza litala, ma con vueia de porté ite y inant sies idees te comun.
L respet dles regoles democratiches y l respet dl zitadin dess ester a la basa de dutes les ativités comunales y tl raport anter zitadins y la jonta de comun, dij i inizianc. Vigni zitadin dess ruvé pro si derc. Te chestions che reverda plu davejin duta la jent dl comun, dess i zitadins podei dí la sia tres n referendum. Chest dantaldut per cie che reverda la Ronc-Arena y d'autri projec.
