Formazion profescionala
Data: 26 August 2004 da les 10:24:18
Tema: Economia


 

Da l'eletronica al setour sozial

L codejel nuef sun les ativités de formazion profescionala 2004/2005

Doi iadesc al ann végnel dé fora n codejel di cursc de formazion profescionala. Te chest végnel prejenté duc i cursc de formazion dles scoles profescionales che tol ite ence projec finanziés dal fond sozial dl’Union Europeica. I setours zentrai dl codejel é l’eletronica, la informatica, l ingleis, la segureza sun l post de laour desche ence la gastronomia, l comerz, l management, l artejanat, la industria y l fabriché, la cura dl corp y l setour sozial.



Da dé fora chesta publicazion s'á cruzié l zenter de coordinazion per la formazion profescionala ESF/EU deberieda con n grup de laour per la formazion profescionala. L grup de laour é metù adum dai colaboradours partizion provinziala y dai ensegnanc dles scoles profescionales.  L codejel é da abiné te dutes les scoles profescionales dla provinzia y tla majera pert dles istituzions publiches. I interessés pò ence l retré tla partizion provinziala per la formazion profescionala per l lingaz ladin y todesch, streda Dante 3 a Bulsan. Chi che ne abiteia nia a Bulsan  pò se lascé mané l codejel debant per posta; an pò aposté tres internet sot a www.provinz.bz.it/berufsbildung. (osp/ls-if)







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=804