Assegnazion dles stieres tla scolina
Data: 30 July 2004 da les 13:55:15
Tema: Scola


 

32 stieres per maestres y assistentes dles scolines

En lunesc ai 2 de agost tla direzion “Ladinia“ dles scolines ladines, streda Sotria, a Urtijei

Les enciaries de laour tles scolines ladines che ne é nia bele vegnudes sourandedes tres n trasferiment, gnirà sourandedes en lunesc ai 2 de agost a les maestres y assistentes per l ann de scola 2004/05.
Mutans tla  scolina de S. Cristina/Gherdeina.


Da les 9 dantmesdì ti toca la cerna dles stieres a les maestres y dedò da les 10 dantmesdì inant a les assistentes. Chest é l prum iade che l’assegnazion di posc' dl personal dla scolina vegn fata tla direzion zenza messei jì a Bulsan. Adenjonta vegn la assegnazion ence fata tres n sistem de lita per l prum iade diretamenter tres computer. Endut gniràl sourandé 18 posc´ per maestres, 6 de chisc a mez temp y 14 per assistentes (7 a mez temp).

Les suplenzes plu curtes gnirà sourandedes plu tert, desche ence i posc' per les assistentes zenza titul de stude che ciala do ai mendri handicapés. (ops - ls-if)







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=786