Assoziazion di alcolisç en tratament: problems dl alcolism
Data: 02 July 2004 da les 21:58:55
Tema: Desvalives


 

Curs de sensibilisazion ai problems dl alcol 

Les iscrizions vegn toutes su enfin ai 4 de setember 2004 - Vijitede ence l sit internet dl'APCAT metú ju per Ladin Standard!

L'assoziazion di clubs di alcolisç en tratament (APCAT) endrezeia via en colaborazion con l Zenter de Terapia Bad Bachgart, l Servisc dles Dependenzes dles Aziendes Sanitares, i Raions soziai dles Aziendes Sanitares, l Servisc per i grups de auto-aiut, l Consorz di Comuns, la assoziazion Taliana di Clubs di Alcolisc’ en tratament, Genova, APCAT Trentin y Zenter Studes, Trent en curs de sensibilisazion al aspet eco-sozial di problems liés al consum d'alcol (metoda Hudolin) a Weissenstein/Peralba, dai 27 de setember enfin ai 02 de otober 2004. Tla ciasa di pelegrins él la poscibelté de sté soura nuet. L curs é pensé per entourn 80 persones desche medesc, psicologs assistenc soziai, assistenc sanitars, infermiers, educadours, ensegnanc, prevesc y persones che fej pert di clubs di alcolisc’, y duc chi che à l’intenzion de fé zeche tl ciamp dl alcol. Per chest curs él vegnù damané ence l reconesciment desche ajornament E.C.M.  Da aconsié sie sit internet, metú ju per Ladin standard, con n grumon de informazions y quiz: sonsi n alcolist? Beive y furné? y e.i.



Les iscrizions:
Les domandes de iscrizion mess gnì dedes ju anter i 4 de setember 2004
Per informazions y iscrizions podeise ves mete en contat con l'APCAT
Picolin, 71 - 39030 S. Martin
Tel. 0474524518 - Fax 0474524518 - E-mail: alcohol@raiunsozial.org

Secreter dla organisazion:
Konrad Valentini, tel.0474524518; handy: 3497752629

Liam al sit internethttp://www.dipendenza.it







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=742