Apel a les unions Ladines: tolede na posizion!
Data: 08 June 2004 da les 15:53:40
Tema: Politica


 

A cie moda scoutéles pa chietes dutes les unions?

Les lites: la vertola de ne volei nia se ficé ite tla politica é fauza, frut dla tema de perde valch contribut

Bonamenter él bele massa tert, ma empň volonse nes damané a cie moda che an ne aud deguna union ladina: culturala, sportiva, d'orela curta, de folclor, de meinacrep, degun cor y degun curat rejonan dles lites, dan n consei de orientament a la jent. Dutes les unions todesces fej propaganda per la Svp, per la "steila da mont". Pro les lites de comun á plu ombolc, portretés alangrana sun i jolantins, reconesciú che litan Svp él plu saurí giaté contribuc da la provinzia y perchel sbůrlei do, ence tres les ciastegnes dl assessour, che al vegne lité l partí de maioranza.



Ma te chest caje, pro les lites europeiches, ne podéssen nia fé na ezezion, nes sentí n bon iade ladins, nes recordé de nosta identité, pensé a duta la mendranza ladina, o nes temonse enfinamai che ala vegne ciastieda ence la mancianza de fedelté al cent per cent? Cie gran liberté de pensier! La vertola de ne volei nia se ficé ite tla politica é fauza, frut dla tema de ne ciafé nia i contribuc. A cie moda se ficia pa tant ite les unions todesces? Per i scioldi o per defene sia identité? N'á i ladins nia na identité? (jp)





L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=714