Les trei engianedes Data: 17 May 2004 da les 20:30:38 Tema: Politica
Mussner vuel demé informazion folcloristica
Sce an ne á nia n cert colour politich tla provinzia de Bulsan ne végnel dé degun contribut
Dessot végnel dit che tl Trentin-Südtirol ne pò unions reconesciudes nia pié do i contribuc prevedus da la lege statala 482/99 per edizions, organs de stampa, radio y televijion a livel privat, davia che an messessa naouta crié na norma de atuazion ai statuc de autonomia. Enscí ésen dant da na engianeda dopla: valch lia che laora dassen y che s'enfida da clamé les cosses con sie dret inom vegn scluta fora dai contribuc provinziai, davia che ala ne ti fej nia propaganda al assessour a la cultura.
Y ala ne pò nia giaté contribuc dal stat che fossa a una de finanzié per na pert i media che defen na comunité de mendranza reconesciuda dal stat desche chela di ladins dles Dolomites. Ala se trata enfinamai de na terza engianeda: ence sce Balsan y Trent podessa a valgamoda giaté i contribuc dl stat, spo messessa la provinzia fé domanda y chesta samben azetassa demé projec manés ite da les lies de n cert colour. N projet de na agentura de informazion ne vegnissa dessegur nia aprové, davia che al fossa massa informazion: nia demé plu folcloristica, ma ence chela reala. (j.p.)
Dessot végnel dit che tl Trentin-Südtirol ne pò unions reconesciudes nia pié do i contribuc prevedus da la lege statala 482/99 per edizions, organs de stampa, radio y televijion a livel privat, davia che an messessa naouta crié na norma de atuazion ai statuc de autonomia. Enscí ésen dant da na engianeda dopla: valch lia che laora dassen y che s'enfida da clamé les cosses con sie dret inom vegn scluta fora dai contribuc provinziai, davia che ala ne ti fej nia propaganda al assessour a la cultura.