Redazional
Data: 30 December 2002 da les 15:42:04
Tema: Desvalives


 

De gré ai colaboradours y Bon Ann - Da jené inant ence chat

L sit nuef Noeles.net complesc defata i 2 meisc de vita y an po tré n prum pice bilanz valutan l numer de vijites che l sit à abù enchina sen, en dut za. 4000 con na mesana de 70 vijitadours al dì. Scialdi gonot él vegnù anuzé l forum per ortié messajes. Dret animedes é - co podoven pa se aspeté autramenter - les discuscions entourn tematiches politiches.



La newsletter dl sit, che vegn meneda fora regolarmenter, é vegnuda aboneda da encer 80 letours. 25 vijitadours se á registré y tol pert ativamenter a la vita dl sit, scrian comentars ai articui publichés. Tl meis de jené vegnirál enjonté n'autra picera novité, n chat on-line, olache l'Union Scritours Ladins Agacins metará a jí discuscions sun tematiches atuales moderedes che vegnirà organisedes regolarmenter y anunziedes adretora. La redazion dl sit encorajeia i vijitadours da se registré, daviache la registrazion pieta n grum de poscibilités de interazion en plu, chest vel tamben per l forum. De gré ai colaboradours y Bon Ann. (i.i.)





L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=69