Viabelté: Streda dla Val Badia Data: 26 March 2004 da les 08:14:52 Tema: Desvalives
L pont de „Cor“ a Picolin gnirà fat nuef
En lunesc, ai 29 de merz, gniràl metù man i prums laours - Empruma deviazion provisoria - L plan veid dantfora ence does architedes dl bus
La deviazion provisoria a manciancia dl pont (desche an veid dal dessegn) é 80 metri longia y assegureia la viabelté te entramesdoes les direzions entratant i 140 dis de laour prevedus. L pont vedl fat su tl ann 1921 ne podova, te sies condizions, nia plu garantì la segureza al cogol de mesi motorisés che transieia lassoura, mesanamenter 5.000 al di. L pont atual é13 m lonch y 5,25 m lerch. Do la conclujion di laours saràl demé plu 10,5 m lonch con dlongia n marciapè de 1,5 m che conduj inant enfin a la ostaria “Posta” a Picolin. Foto: L plan dla deviazion provisoria.
La porteda consentida dal pont vedl tomova ite te na seconda categoria, l pont nuef gnirà classifiché de pruma categoria che corespon a na porteda de 60 toneledes. I cosć prevedus é de 374.400 Euro y i laours gnirà fac da la Dita de costruzion “Impianti Colfosco S.p.A.” sot al diretour di laours inj. Gustav Mischí da Lungiarü dl Ofize infrastrutures dla Provinzia de Bulsan. Prevedudes tl plan é ence does architedes dla coriera atira do l pont; una a manciancia y l’autra a mandreta per podei arjonje plu saurì la senta dl raion sanitar a Picolin.(fontana: osp, ls/if)
La deviazion provisoria a manciancia dl pont (desche an veid dal dessegn) é 80 metri longia y assegureia la viabelté te entramesdoes les direzions entratant i 140 dis de laour prevedus. L pont vedl fat su tl ann 1921 ne podova, te sies condizions, nia plu garantì la segureza al cogol de mesi motorisés che transieia lassoura, mesanamenter 5.000 al di. L pont atual é13 m lonch y 5,25 m lerch. Do la conclujion di laours saràl demé plu 10,5 m lonch con dlongia n marciapè de 1,5 m che conduj inant enfin a la ostaria “Posta” a Picolin. Foto: L plan dla deviazion provisoria.