Comentar Data: 10 February 2004 da les 08:39:16 Tema: Cultura
L «Fi» bluder anter i bludri
Deguna revanche, ma n puech de respet
de Berto Videsott
La statua dl “Fi perdù” dl artist Lois Anvidalfarei é ruveda a Bologna, n bon iade te sie dret post. Ajache te de plu foliec él gnù rejoné de “revanche”, volessa la redazion mete laprò sie pensier, do che ala s’à batù per chel che la statua vegnissa touta demez dal ourt publich, olà che ala fova vegnuda metuda sun consei de Karl Spitaler.
La statua é sen metuda fora te na mostra organiseda da Peter Waiermaier dal titul: “Il nudo: tra ideale e realtà”. L bluder anter bludri, l post giust, y sce l artist á dè pro che sia statua ruvassa te chesta mostra, spo vuelel dì che al ti plej l bluder, ence sce an pò pensé che tl caje dl “Fi perdù” l artist volessa significhé tres l bluder che l puere Fi ne n’à plu nia. Minonga da respeté, ma an dess ence denant chirì fora sie dret post. N graton da fen ne làscen nia amesa na plaza, olà che al passa cotant de jent souradut con pici mutons, ma al auda te majon, o soura o sot pont de majon ite. Enfin a ciamò ne n’él nia vegnù lascé pro de mostré films porno sun plaza. Perchel deguna revanche, n puech de respet.
La statua dl “Fi perdù” dl artist Lois Anvidalfarei é ruveda a Bologna, n bon iade te sie dret post. Ajache te de plu foliec él gnù rejoné de “revanche”, volessa la redazion mete laprò sie pensier, do che ala s’à batù per chel che la statua vegnissa touta demez dal ourt publich, olà che ala fova vegnuda metuda sun consei de Karl Spitaler.