Friul: an chier do soluzions
Data: 25 January 2004 da les 09:39:21
Tema: Friul


 

Ladins dal Friul sen da giaté a la miscion nueva

L Friul é dessegur l raion ladin con les majeres poscibeltés y potenzialités - Les istituzions se tol plan plan soura la valorisazion dl lingaz - Catalunya é l ejempl 

L sit "Ladins dal Friul", manejé da la lia "CjargneCulture" é sen da giaté a na miscion nueva. Al se trata de n sfuei mensil che vegn ence mané fora en forma de papier y che reporta articui y novités, dantaldut dl Friul, ma ence les majeres da les Dolomites y dal Grijon. L Friul con si passa 700.000 furlanofons raprejenteia dessegur la soula entité ladina, bele demé per la cumpeida y la unité teritoriala regionala, che ŕ de gran poscibeltés de arjonje n bon status de sconanza y de promozion dl lingaz con prospetives de na ampla normalisazion, sce an perduj de ruvé do. Con la lege 482/99 ŕn fat varesc inant (scola y aministrazions publiches, defata dess tré do la RAI) y l interes pér atualmenter de ester aut y chel te dutes trei les provinzies: Udin, Gorizia y Pordenon. Demé sce la populazion sŕ da scrive y da lieje sie lingaz podarŕl vegně derzé fora valch al miour. I furlanofons detegn ciamň - aldň dles enrescides - la maioranza tla Region. An se tol la Catalunya desche ejempl. 



 

L sit www.ladinsdalfriul.org, con sies amples sotsezions saurides da navighé, sporj ence la poscibelté de emparé a conesce plu damprň leteratura y usanzes dl Friul y ŕ cotant de liams a d'autri sitesc furlans.

L raion con carateristiches de lingaz ladin fova n iade destenů deslanch l erch dles Alpes, da Triest al Jouf de Sant Gotert, denant che l venet/talian se sburlassa su per la val dl Plaf (Piave) devers la Ciadoura, l Cordoul y Egort y scarzassa endalauter l Friul dal raion dolomitich. L medem vel per la Val dl Adesc con l dialet trentin dal sud y dal nord i dialec baiuvars che ŕ despartě l raion dolomitich da chel rumanc dl Grijon. Zenter de raiazion linguistica fova bonamenter Acuileia tl Friul, vedla senta patriarcala, da chela che al depenova ence la senta vescovila de Jeun/Sabiona.  La rejoneda de n pice paisc tl Friul sun la mandreta dl Plaf, Nert dl Vajont, vegn dutaorela aratč plu damprň al ladin dolomitich. L ladin dles Dolomites ne é perchel daldut nia n raion linguisticamenter isolé, al contegn demé plu y plu carateristiches ladines (palatalisazion, plural sigmatich, combinazions -cl- -pl- y e.i.) desche l Friul y la Cergnia (Carnia - l raion da mont dl Friul a nord al confin con l'Austria) con si idioms ladins dassen particolars. 

 

Te internet él da giaté raies de sitesc furlans spontans, desche chel de: Fantats Furlans, Moviment di Zovins pal Friul - Fantats=Joegn http://spazioinwind.libero.it/faf/index.htm

 

 

D'autri sitesc, p.ej. l "Centri interdipartimentâl pe ricercje su la culture e la lenghe dal Friűl "Josef Marchet"

http://www.uniud.it/cirf/furlan/welcome.htm

N auter sit furlan é la Academia dal Friul con articui sun storia y lingaz http://www.geocities.com/collegePark/union/1702/studis.html

N sit con valgamia truepes informazions soura la Cergnia pňn giaté a la miscion, ence con cotanc de files *.mp3 che permet da audě l son dl lingaz tres poesies lietes dant dai respetifs autours:

http://www.cjargne.it/







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=561