Zifres de Nadel: milions de sms
Data: 26 December 2003 da les 21:38:34
Tema: Desvalives


 

Passa 600 milions de sms per aodé n Bon Nadel tla Talia

I medias moderns ti la stica a les formes tradizionales de fé aodanzes

Dal 20 al 26 de dezember él vegnù scrit "N Bon Nadel" dai talians tres sms (sistem de messaje scempl) per ben 600 milions de iadesc. D'autri 20 milions de aodanzes é vegnus manés tres mms (multi-media-system) y 300 milions tres email. Y laprò, 200 milions de telefonedes da telefonins y 150 milions da n telefon de rei fissa. Per l terz iade endolauter à les aodanzes telefoniches y eletroniches superé amplamenter les classiches chertes postales, sciazedes a 70 milions.



Chest é l bilanz vegnù fat dal osservadour dl consum "Telefono blu". L'assoziazion di consumenc segnaleia desche l boom di sms sie dantaldut  lié  a les promozions dles compagnies telefoniches. L numer di mms é enchinamai cadruplé a paredl con l ann passé. Les imajes digitales ortiedes tres email é radopledes. "Telefono Blu" á ence enrescì cie sort de aodanzes che i talians se fej: passa l 50% enjonta dlongia a n "Bon Nadel" ence les aodanzes de n "Bon Ann Nuef"  y l 35% mana n salude personalisé.





L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=525