174 milions de computers é vegnus venus chesta outa

L rode de afars aumenteia - Vita mesana de n computer: 4 agn

(if) Soura dut l mond él vegnù venù chesta outa 147 milons de computers aldò dles enrescides di archiridours de marcé de "iSuppli". Chest rapejenteia n aument dl 11.4%. Per cie che reverda l volum d'afars, che an pò sciazé entourn 109 miliards de dolars, podaràn enscì registré n aument dl 12,1%. La perzentuala de chersciuda anuala per la perioda 2003 enfin al 2007 dess ester dl 11,9% per l volum d'afars y dl 12,7% per unités venudes. A paredl: tla perioda 1998 enfin al 2002 é ju l rode d'afars endò dl 3,5% y l numer dles unités venudes é ju su dl 8,6%.

L marcé di computers (pc) se à remetù ence dilan a na domanda tres majera da pert di consumadours y a les investizions dles impreises, dij Joe D'Elia dl iSuppli. Les venudes a clienc privac se la roda sun l 30% dl marcé di computers. Al é perchel plu important che les impreises mete man de mudé fora si computers che de mesaria é bele cater agn veresc, ajache al é ence manco ciaradous che mantegnì inant sistems vedli.

Per cie che reverda l marcé di chips preveid iSuppli per l 2003 n rode d'afars de 178,4 miliards de dolars, chest fossa n aument dl 14% paridlé con l 2002.  Per n'autra outa pòn se aspeté ciamò n aument dl 17% a 208,8 miliards de dolars.