10 agn de SPELL vegn prejentés a Bulsan
Data: 14 November 2003 da les 15:15:04
Tema: Ladin Standard


 

SPELL, resultac y prospetives do 10 agn

Ai 1 de dezember 2003 da les 20.00 tl Josefsaal dla Ciasa Kolping con prejentazion de "Letres te n fol" de Rut Bernardi

(if) La Comunanza Ladina envieia decuermenter a la prejentazion dl Dizionar dl Ladin Standard y de d'autri laours dl grup de laour SPELL. Te chesta ocajion prejentarà l'autoura Rut Bernardi ence sie liber nuef "Letres te n fol", metù ju per LS. La seira dedicheda al SPELL veid dantfora chisc temesc: 10 agn de SPELL, resultac y prospetives da pert dl dot. Erwin Valentini, dedò vegniràl prejenté l Dizionar dl Ladin Standard (DLS): indesc IT-LS y DE-LS da pert dl dot. Vittorio dell'Aquila. Te n "intermezzo leterar" prejentarà Rut Bernardi sie liber "Letres te n fol". Ala jirà inant con la prejentazion dl prototip de coretour ortografich SPELLchecker da pert de Sabrina Rasom y Claudio Giuliani y enultima vegniràl fat na desmostrazion dl ambient lessicografich per l ladin standard da pert de Claudio Giuliani.



Program:

  • Diesc agn de SPELL: resultac y prospetives - Erwin Valentin
  • Dizionar dl Ladin Standard (DLS): Indesc IT-LS y DE-LS - Vittorio dell'Aquila
  • Prejentazion de »Letres te n fol" da pert de Rut Bernardi
  • Prototip de coretour ortografich SPELLchecker - Sabrina Rasom & Claudio Giuliani
  • Desmostrazion dl ambient lessicografich per l ladin standard - Claudio Giuliani






L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=469