Dizionar dl SPELL sen ence on-line
Data: 13 November 2003 da les 17:07:38
Tema: Ladin Standard


 

Dizionar dl Ladin Standard sen ence on-line

Chisc dis él vegnù ciarié on-line l Dizionar dl Ladin Standard da consulté pian via da duc i idioms ladins, todesch y talian con les corespondenzes tl standard - Novité: i sinonims vegn tamben dés dant

Dant da puech él ju on-line ence l dizionar dl ladin standard a la miscion http://dls.smallcodes.org/ (enjontede chest liam a vosc "preferis"!). Con chest strument végnel fat n auter vare inant per slesiré la adoranza dl ladin standardisé. L dizionar pò vegnì consulté pian via da un di 5 idioms ladins (badiot-marou, gherdeina, fascian, fodom y ampezan), plu samben talian y todesch. Na sauridanza che an à demé con l sistem eletronich. Chest vuel dì che dan ite na parola per gherdeina végnel atira giaté la corespondenza "standardiseda". L coretour ortografich che an preveid de ruvé per la fin dl ann sarà l proscim vare.



L Dizionar dl Ladin standard atualmenter on-line corespon a chel dè fora dl 2002 de dezember con valgunes enjontes. Dlongia la parola prinzipala, na autra gran bela novité, végnel dé dant te n cheder de colour brum a mandreta ence duc i sinonims, vuel dì les paroles con significat valif o somiant.

Ejempl tout dal dizionar on-line, la parola "ciasa":

ciasa, -es sf. 

Haus • casa ◇  Fs, Fo cèsa  Gr cësa  Am ciasa  Bu ćiasa 

a ciasa heim, daheim • a casa ◇  Fs, Fo a cèsa  Gr a cësa  Am a ciasa  Bu a ćiasa 

ciasa da vacanzes Ferienhaus • casa per le vacanze ◇  Fo // cèsa per i frësć  Fs cèsa da vacanzes  Gr cësa de vacanzes ÷ cësa de feries  Am ciasa par ra vacanzes  Bu ćiasa por vacanzes 

ciasa de comun Gemeindehaus, Rathaus • municipio ◇  Gr cësa de chemun  Fs, Fo cèsa de comun  Am ciasa de comun  Bu ćiasa de comun 

ciasa de cura Heilanstalt, Pflegeanstalt • casa di cura ◇  Fs, Fo cèsa de cura  Gr cësa de cura  Am ciasa de cura  Bu ćiasa de cura 

ciasa de paussa Altersheim, Erholungsheim • casa di riposo ◇  Am // ospedal  Fs cèsa de paussa  Gr cësa de paussa  Bu ćiasa de palsa 

da ciasa häuslich • domestico ◇  Gr da cësa  Bu da ćiasa  Fs, Fo de cèsa  Am de ciasa 

ester a ciasa zu Hause sein, daheim sein • essere a casa ◇  Am èsse a ciasa  Fs esser a cèsa  Fo ester a cèsa  Bu ester a ćiasa  Gr vester a cësa 

ester da ciasa wohnen; beheimatet sein • abitare; essere di casa ◇  Fs // stèr de cèsa  Bu ester da ćiasa  Fo ester de cèsa ÷ sté de cèsa  Am stà de ciasa  Gr vester da cësa 

jì a ciasa nach Hause gehen • andare a casa ◇  Fo jì a cèsa  Gr jì a cësa  Bu jì a ćiasa  Fs jir a cèsa  Am śì a ciasa 

 

Dizionar dl LS on-line: http://dls.smallcodes.org/







L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=467