Al Plan de Mareo: Preselezion de MISS ITALIA
Data: 05 August 2003 da les 08:59:02
Tema: Manifestazions


 

Les plu beles eles sun plaza de gliejia

Na giuria con l ombolt de Mareo laprò à lité per  Elisa Martini, 23 agn de Thiene (VI) che é sen la nueva “Miss Cinema Trentin Südtirol”

(if) La finala dl concurs plu famous de beleza dla Talia é vegnù tegnì chest ann sun interessament dla Assoziazion Turistica alalergia sun plaza de gliejia a Al Plan. Al é sté n gran suzes de publich, plu de 3.000 persones se á abiné entourn paladina y à  amiré la desfileda dles 14 partezipantes dla preselezion per Miss Italia vegnudes da dut l Trivenet. Tla finala à Erica Panizzon abù la souraventa y ala se à davagné  l titul de “Miss Bellezza Rocchetta”. 
sun l retrat: Elisa Martini y Erica Panizzon

Les does concorentes à descedé la marevueia dla giuria con si movimenc fins y lesiers y  con sies cialadures afascinantes. La giuria fova metuda adum da personajes scialdi conescius: da la presidenta Valentina Cortese, na personalité dl teater y cinema talian y da si aconsiadours che fova Kristian Ghedina, "Mister Giusto",  alias Gerhard Kohlgruber, conesciù per sies aparizions dla televijion taliana. I autri giurés/esperc fova l ombolt de Mareo, Palfrader Albert y valgugn esponenc dl turism local.

Les does vencedoures à sen l dert de tó pert a la finala per l titul de "Miss Italia" a San Benedetto del Tronto d'auton.





L articul vegn da Noeles.net - Informazion ladina
http://www.noeles.net

L URL per chest articul é:
http://www.noeles.net/modules.php?name=News&file=article&sid=332